Samuɛlə dɔlɔɔ 2:28 - Yálá laawoo hɛɓɛ (dc)

²⁸ ŋą́ ə́ nąn ɉəɠə Israɛlə nu huwuɠaa kəlee lɔwai, gɛ́ gɛ a nwɔ́ haláá laa həli mun, yɛ tɔɔ nwɔ́ haláá kulɔi kɛɛnąąi ɓa, yɛ lansan kələn, yɛ ɉaláá kulɔ həɠə too ɲɛ̨i ɓa, hɛn lɔpee Israɛlə lonnii di kɛi gɔ́ la, ŋą́ kɛi gəlee tɛɛ ə́ nąn nwɔ pɛlɛ́i pɔ.

Yálá laawoo hɛɓɛ

²⁸ ŋą́ ə́ nąn ɉəɠə Israɛlə nu huwuɠaa kəlee lɔwai, gɛ́ gɛ a nwɔ́ haláá laa həli mun, yɛ tɔɔ nwɔ́ haláá kulɔi kɛɛnąąi ɓa, yɛ lansan kələn, yɛ ɉaláá kulɔ həɠə too ɲɛ̨i ɓa, hɛn lɔpee Israɛlə lonnii di kɛi gɔ́ la, ŋą́ kɛi gəlee tɛɛ ə́ nąn nwɔ pɛlɛ́i pɔ.

Bible

²⁸ Maa tãi tí, ŋá Eelɔŋ da ŋɔsuui sìɣe zu Eezuɛ sii-ŋai kélee sáma ŋá díkɛ a ŋásâla láa soŋ-ƃela díkɛ sâla kùla ŋáteƃelei ma, díkɛ kéreŋ-sãa kúŋ nɛ̃ɛ kèreŋ naa, díkɛ zâla-laa soŋ-nuui kula seɣe-ŋai tòo dîa. Ŋá ŋɔŋ sâla sãai kélee da tɛ́ɛ dípɔ Eezuɛ.

Samuɛlə dɔlɔɔ 2:28 ပူးပေါင်းရင်းမြစ်များ

Samia Veerɛi 12:7

Nąąlɔwai, Natan yɛ Davidə ɓa: «Maa hulɔnui tii ɓaa yɛ́. Mɛ̨nįi Yai-Laa, Israɛlə nwɔ Yálá kaa moi, ya ka; yɛ diɛ: ‹Ɲą́ą́ ɓə ə́ mąątí a dɔɔ wulɔ, ŋą́ ə́ kɛ a tɔɔmun Israɛlə nuą mɛ̨i, ŋą́ ə́ kulɔ Saulə yəi,

Samia Veerɛi 6:14

Davidə ə kɛi mąną yɛ kɔ̨nwɔ̨ kpɔ a neelee Yai-Laa lííla. Kilɛn ɉəɠə lɔ ɓə kɛ gwąną, gbulɔn ŋąą ləŋəi.

Lɛɛ gbɔwɔ ɓa 28:1

«Ə́ liɛ Aarɔn lɛɠɛ yɛ́, da nonnii, Israɛlə lonnii lɔwai di kɛ a nwɔ́ haláá laa həli nuą, diɛ ɓaa: Aarɔn, Nadavə da Avihu, Eleazarə, da Itamarə.

Lɛɛ gbɔwɔ ɓa 28:4

Ɉəɠəɠaai mąąnɛ̨ɛ̨ di ɉɔlɔɔn, gɛ pələ ka: Gəŋə mɛ̨i həɠə, kilɛn ɉəɠə, həɠə kwɛaa da mɛ̨i həɠə mąą puɔ gɔwɔ la, nwuɔ̨ ɓɔlɔ, da ɉąą yili həɠəɓɛla. Di haláá kulɔ həɠəɠaa pɛli ti ə́ liɛ Aarɔn da nonnii diɛ, diɛ haláá kulɔ la mą́ą́.

Lɛɛ gbɔwɔ ɓa 30:7

Nąą ɓə Aarɔn kaa pai kɛi lansanŋaa kələn ɉii laa yələ wala pɔ tɛitɛi kəlee, ɓɛlɔwai a kɛ nwulɔ nwɔ̨nŋąą təŋą yalii la, nąąlɔwai ɓə a lansan kələn na.

Lɛɛ gbɔwɔ ɓa 30:8

Aarɔn a pa nwulɔ nwɔ̨nŋąą təŋa yalii, yələwulii pɔ, a lansan kələn; gaa pai kɛi a hɛn gun nɛ̨ɛ̨ yii a kɛ a yələ kəlee mɛ̨nį Yai-Laa lííla.

Levetekɔ 2:10

Ɉaláá hɛn gbəli a kɛ a Aarɔn da nonnii di wɔɔ. Kɔ̨nɔ̨n mąąhəɠɛɛ ka tii, mąąhɔlɔɓo, Yai-Laa nwɔ haláá hɛn di gələn da li.

Levetekɔ 2:3

Ɉaláá hɛn gbəlii a lɛɛ, gaa a Aarɔn da nonnii di wɔɔ, gaa a kɔ̨nɔ̨n mąąhəɠɛɛ, mąąhɔlɔɓo, Yai-Laa nwɔ haláá hɛn di gələn, da ka tii.

Levetekɔ 6:16

Hihɛn lɔpee haláá laa həli mun a Yálá kɔ́ la, mąąnɛ̨ɛ̨ di gələn gbɔ tɛ̨ɛ̨tɛ̨ɛ̨, di hva da mį́i.»

Levetekɔ 7:32

Ɛlɛɛ, mamįiyee wəla ə tɛɛ ɉaláá laa həli mun bɔ, yii ka ɉəɠə liilaa Haláá hu a Yai-Laa nwɛi, yaa ka tii.

Levetekɔ 7:36

Yili ɓə Yai-Laa ə naa Israɛlə lonnii nwuɔ̨, yɛ kɛ di dɛɛ Aarɔn da nonnii di pɔ, ə həɠə kpɔ di hee hvoló ɓa a nwulɔ mąąhəɠɛɛ, di wɔ mąątii li a kwɛlan gəlee da nwɔɔ, mąą hva hvalin.»

Lonon mo 16:5

Yili pulu, yɛ Kore da bulu nuą kəlee diɛ: «Tínąą yələ wala pɔ, nui gaa a Yai-Laa nwɔ nu, yai mąąhəɠɛɛ yɛ pɛli lɛɠɛi mą, Yai-Laa a tinąą nɛ. Nui a nɛɛ laa yɛ lɛɠɛ mą, mąą nu ɓə a niiɓamun.

Lonon mo 18:19

«Ka yíi pələ li, hva ɉəɠə mą, yɛ́ ə́ lon ɉinąą da ə́ nonnii nɛ̨ąą. Hɛn lɔpee Israɛlə lonnii da gulɔ haláá hɛn ɉu a Yai-Laa nwɔɔ, gáá di tɛɛi ka pɔ. Mįnɛ̨ ka tii ɲilɛɛ a kpolo a yələ kəlee mɛ̨nį, Yai-Laa ɲɛ̨i ɓa, yɛ́ ka ə́ huwu ka mąą mɛ̨nį ɓa.»

Samuɛlə dɔlɔɔ 14:3

Ahituvə lon Ahiya, yai kɛ a Ikavɔdə mąnįn, Ikavɔdə ə kɛ a Yai-Laa nwɔ haláá laa həli mun Eli ŋɛ̨i kɛ Silo, non ɉulɔnu Pinasə nwɔ lon. Ahiya tii ɓə ɉaláá kulɔ hɛnŋaa di kɛ ɲəi. Nuą kili hvo kɛ ɉu, diɛ kɛ Ɉonatan aa li laa.

Samuɛlə dɔlɔɔ 2:18

Samuɛlə nwɛi, ə kɛi nwɔ kólói kɛ Yai-Laa lííla, ə kɛ kɛa a hulɔnon, kilɛn ɉəɠə kwɛlɛɛ ə ɓo mą.