Samuɛlə dɔlɔɔ 19:5 - Yálá laawoo hɛɓɛ (dc)

⁵ Davidə ə gili kulɔ nwɔ yɛnɛ̨ɛ̨ hu, yɛ Filisti hulɔnui paa, ɛlɛɛ, Yai-Laa ə kɔ́ kɛnɛ̨ nɛɛ Israɛlə nuą kəlee ɓa, ə́ naa kaa, ə́ kwəi ə nɛ̨ɛ̨ ɉu. Ə́ kaa pai nɛ̨ŋɛ̨n ɉəɠəi, yɛ́ kwəi kwələ mun ɲąmą pu, yɛ́ Davidə paa kpɛli-kpɛli, lə mɛ̨nį ɓa?»

Yálá laawoo hɛɓɛ

⁵ Davidə ə gili kulɔ nwɔ yɛnɛ̨ɛ̨ hu, yɛ Filisti hulɔnui paa, ɛlɛɛ, Yai-Laa ə kɔ́ kɛnɛ̨ nɛɛ Israɛlə nuą kəlee ɓa, ə́ naa kaa, ə́ kwəi ə nɛ̨ɛ̨ ɉu. Ə́ kaa pai nɛ̨ŋɛ̨n ɉəɠəi, yɛ́ kwəi kwələ mun ɲąmą pu, yɛ́ Davidə paa kpɛli-kpɛli, lə mɛ̨nį ɓa?»

Bible

⁵ È máŋ ǹɛ̂wo sèe a sɛ́ɣɛ Felesia naloŋ Golaya paa mɛnii su. Yâwɛɛ è kpɔŋ Eezuɛ ma é gɔ́ kɛ́tɛi tí yée mɛi ɣále a maa foloi tí. Yá kpîŋ í ǹaa kàa í koi-nɛ̃ɛ kúla kpɔ́ a zu-kɛ́tɛ.”

Samuɛlə dɔlɔɔ 19:5 ပူးပေါင်းရင်းမြစ်များ

Samia Veerɛi 23:10

Kɛlaa, yaa tii ɓə tɔɔ Filisti nuą la, ə lɛɛ di paai, ə lɛɛ ɉu ɲee hu ə haa, ɲee ə kanąn nwɔ kɔ́ kɔ́ ɓɔwai nwun ma. Yai-Laa ə gɔ nɛ̨ɛ̨ Israɛlə ɓa mąą yələ kpɔ kɛnɛ̨. Israɛlə nuą di pənə di pa, di hvilɛn bulu lɔ gɔ́ honŋaa həɠə mɛ̨nį lɔ ɓa.

Kɔlɔnikɔ Maa-ŋuŋ 11:14

Eleazarə da nwɔ nuąi di di loo ɲɛɛ hamąi, di kulɔ, di Filisti nuą paa kpɔ kpąąn, gɔ ə nɛ̨ɛ̨ laa Yai-Laa ɓa kpɔ kɛnɛ̨.

Kɔlɔnikɔ Maa-ŋuŋ 11:18

Gɔkuláá haaɓai tii nɛɛ mą, di pili Filisti nuą di wɔ kɔ́ ɓuwui la, də li, ɲálɔwai ŋɛ̨i kɛ Bɛtleɛmə daa kpala, di da haɠa di paa la Davidə pɔ. Kɛlaa, hvo gɛ hvo da kpələ, ə bu nɔi ɓa, ə gulɔ Yai-Laa ɓa a haláá.

Mąątɛ̨nɛ̨ 109:5

Daa mɛ̨inɛ̨ɛ̨ pɔɔ kulɔ mą́ą́ a mɛ̨nį ɲɔ̨nwɔ̨ɔ̨, diɛ ɓɛlan naa pɔɔ kulɔ a yowolaa.

Mąątɛ̨nɛ̨ 119:109

Bələ nwun na pili mɛ̨nį hɛlɛnŋąąi kɛ nwún mɛ̨i, Kɛlaa, vá lɛ̨ą ə́ wɔ tɔn nwooi ɓa.

Mąątɛ̨nɛ̨ 25:3

Nui a gilitɔɔ yɛ́, nwumɛ̨ hva tɛ la, nu ɓowo nuą, yəi aa kpɛɛ, daa nwumɛ̨ kpɔ kɔlɔ-kɔlɔ.

Mąątɛ̨nɛ̨ 69:4

Ŋą́ą́ tomą vį́i aa kpɛɛ, gwą́ną́ ɲąą aa nwąną. Ɲɛ̨́ilon ɉu aa haa, a lamui ŋą́ą́ mo nwɔ́ Yálá mąąkpɔn ɉii.

Mąątɛ̨nɛ̨ 94:21

Daa yili tələnmomun nwɔ yɛnɛ̨ɛ̨ ɓa, diɛ kiti kala kwəi kwələmun ma.

Lɛɛ gbɔwɔ ɓa 14:13

Moisə yɛ diɛ: «'Ka hvo ɲɔw! Ka hee tin ka ka ɲɛ̨i hee! Yai-Laa, kaa háákələi pai ka nwun mąąɓoi. Mąąhɔlɔɓo, Eziptə nuąi ŋɛ̨i kələi ka káá di kaai, ka hvo kɛa pai di kaai tɔ̨nɔ̨ kpɛli.

Ɉeremi 26:15

Kɛlaa, ka gɔlɔn kaa diɛ ka báá, akɛtii, kaa mąn, daai ŋɛ̨i da ɉu nuą kəlee, kwəi kwələ mun baa wulu a lɛɛ ka nwuɔ̨. Mąąhɔlɔɓo, Yai-Laa kpɔ ɓə dɔ́ɔ́ nwooɠaai tii kəlee ɓo mɛ̨nį ɓa, ə́ too ka wəlii.»

Maafîu 27:24

Yii kɛa Pilatə ə gaa yɛ diɛ, mɛ̨nįi gaa moi, di hvo nwoo hon ɉi, kɛlaa yaamun, nuą huluun nwoo lɔ ɓə ɉu ə kɛi kɛnɛ̨; ə ya həɠə, ə ɲəi waa nu kəlee ɲɛ̨i ɓa, yɛ diɛ: «Nui ŋɛ̨i hɔn və mą, ɲə́ə́ hvo baa mɛ̨nį hu gɔ́wɔ́ hvo ɉu; ka nwuɔ̨ tiɛ̨ li.»

Maafîu 27:4

«Ŋą́ą́ nɛ̨ŋɛ̨n ɉəɠə mun, mąąhɔlɔɓo, nui hɔn və mą ŋą́ą́ dɛɛ diɛ li baai.» Kɛlaa, yiliɠaai di mo mą diɛ mą: «Ku mąą kpaan və ɉu! Ə́ kpɔɔ mɛ̨nį li.»

Ɉaan 15:25

Kɛlaa, yili ə kɛ tii, ə gɛ, mɛ̨nįi bɛ̨ɛ̨ di wɔ tɔ́n ɉɛɓɛ́i hu naa ə hon, yaai da kɛ mą: ‹Daa nwɛ́li kpɛɛ diɛ, nwun və mą.›

Gɛlaɠaa 20:24

Nwɔ́ kɛ yɛnɛ̨ɛ̨ hvəə gánąnŋąą mą kpɛli tíikpə, yiimun gánąnŋąą mą, ya ɓaa: gólói gu Ną́mu Jesus ə dɔ́ɔ́ mą, ŋį́ gɛ, ŋį́ naakulɔ. Góloi ti ɓaa: Ŋą́ Yálá nwɔ mɛ̨inɛ̨ɛ̨ mąą wəlɛɛ lɛlɛɛ mąą kɛlahvaaɓo.

Filipə 2:30

Mąąhɔlɔɓo, ɉaai ə lɛɛ tiikpə Kristə nwɔ kólói mąą mɛ̨nį ə gbɔwɔ kulɔ a haláá, ə gɛ, ɉɛn kɛ ka hva pɛli ɉəɠəi ka hvo paa la bɔ́, ə paa la.

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Nwun mąąɓo 12:3

Yii kɛa ŋą́ gaa, gɛ́ kɛ diɛ nu ta hvo pai hvo kpɔnmą́ą́, ŋą́ nį́i kpələ, ŋą́ lɔ Amɔn nuą di wɔ lɔi hu, Yai-Laa ə gɔ́ nɛ̨ɛ̨ mą́ą́. Lə mɛ̨nį ɓa ka pa háákələi kɔ́ pɛlɛi mą́ą́?»

Nwun mąąɓo 9:17

Ɓɛlɔwai ną́n ə kɛi ka mąą kɔ̨nwɔ̨ la, ə gbɔwɔ kwɛlɛ ka mąą mɛ̨nį ɓa, ə ka nwun mąąɓo, ə ka kulɔ Madian nuą yee mu,

Samuɛlə dɔlɔɔ 11:13

Saulə yɛ diɛ: «Mąą hvo nɛ̨ɛ̨li di hvo nu ta paa háákələi, mąąhɔlɔɓo, kɔ́ a háákələi nɛɛ Yai-Laa ɓa Israɛlə lɔi hu.»

Samuɛlə dɔlɔɔ 14:45

Kɛlaa, nuą kəlee diɛ Saulə ɓa: «Ɉonatan a pɛli mɔ̨ɔ̨ haai, Yaai gɛ gɔ́ kɛnɛ̨i ŋɛ̨i yɛ nɛɛ guɔ? Yili hvo pɛli li ɉu. Yai-Laa kaa a vulú, akɛ yili a kɛ tii, kɛɛ kala mɛ̨nį kɛnɛ̨ kpɔ-kpɔɔ li. Ɉonatan nwun nəɠa tɔ̨nɔ̨ kpɛli hva kulɔ nwuɔ̨. Mąąhɔlɔɓo, Yálá ɓə kpɔnmąą tɛɛ bɔ, yɛ mɛ̨nįi ŋɛ̨i kɛ háákələi.» Bələ ɓə nuą di Ɉonatan nwun mąąɓo la diɛ gulɔ haa hu.

Samuɛlə dɔlɔɔ 19:6

Saulə ə nwəli tɔɔ Ɉonatan woo ɓa, Saulə ə nwoo kwɛlɛ, yɛ mą: «Akɛ kpɔ Yai-Laa kaa laa, di hvo pai baai.»

Samuɛlə dɔlɔɔ 20:32

Ɉonatan ə nąn Saulə woo pulu pənə, yɛ mą: «Da baa lə mɛ̨nį ɓa? Lə ɓə ə gɛ?»

Samuɛlə dɔlɔɔ 22:14

Ahimelɛkə ə tɔɔmun nwoo pulu pənə yɛ mą: «Ə́ wɔ tínuą lɔwai, nu ta kaa laa yii ya pɛli ə́ kilitɔɔi mą, yɛ həli Davidə pɔ? Davidə kaa a tɔɔmun mɔlɔ, ya ɓə a ə́ kpįnį mąą kpɛ, diɛ mąąwiɛ ə́ yəi bɛlɛ́n.

Samuɛlə dɔlɔɔ 28:21

Nɛ̨ɛ̨nui tii ə pənə ə pa, ə Saulə kaa ɲɛ̨ilai mąąhvalin ŋąą; nɛ̨ɛ̨nui tii yɛ mą: «Ə́ kaa gaai, ə́ wɔ luwɔnɛ̨ąi aa wəli tɔɔ ə́ woo ɓa. Gbɔ́wɔ́ nwun na pili mɛ̨nį ka tii ŋą́ tɔɔ dɔwɔ, kɛlaa, ə mą kɛ tii, mɛ̨nį ə́ mo mą́ą́, ŋą́ gəlee kɛ.