Samuɛlə dɔlɔɔ 18:30 - Yálá laawoo hɛɓɛ (dc)

³⁰ Filisti kɔ́ nwun nąmįną di kɔ́ muhəɠə, kɛlaa, gɔ́ muhəɠə pələ tɛitɛi di yəi, gɔ́ ə kɛi nɛɛ Davidə ɓa, yɛ tɛɛ Saulə yee pɔ nuą kəlee diɛ. Davidə laa ə tɛ kpɔ kɛnɛ̨.

Yálá laawoo hɛɓɛ

³⁰ Filisti kɔ́ nwun nąmįną di kɔ́ muhəɠə, kɛlaa, gɔ́ muhəɠə pələ tɛitɛi di yəi, gɔ́ ə kɛi nɛɛ Davidə ɓa, yɛ tɛɛ Saulə yee pɔ nuą kəlee diɛ. Davidə laa ə tɛ kpɔ kɛnɛ̨.

Bible

³⁰ Felesia-ŋai láa túɛ-ƃelai díkɛ̀ kpɔ́ nɔ́ pâi díkɛ kɔ́ pɛ̀lɛ Eezuɛ-ŋai dîa a ɣele kélee. Kɛ́lɛ Deeƃé a kâa kɔ̀ la dípɔ a díyee mɛi ɣàle. Dí nâa gɔ̀lɔŋ kpɔ́ a ǹɛ́lɛɛ, kpɛ́ni fêi, dí kɔ́ támaa kɔ̀ da Felesia-ŋai é díyee mɛi ɣále é tɛ́ɛ Sɔ̂ɔ ŋɔtíi kɛ́-ƃelai kélee dîa.

Samuɛlə dɔlɔɔ 18:30 ပူးပေါင်းရင်းမြစ်များ

Samia Veerɛi 11:1

Gwɛlan gɔwɔ tɔɔi lɔwai, ɓɛlɔwai tɔɔɓɛlaa di kɛi li la kɔ́ ɓa, Davidə ə Ɉoabə tɔɔ, da ɲee pɔ nuą kəlee, ə mą kɛ Israɛlə kɔ́kuláá kəlee. Di Amɔn lonnii tamąą paa, yili pulu di kɔlaɠa pɛlɛ Raba taa kwɛlɛ. Davidə nwɛi, hvo li, ə lɛɛ Ɉerusalɛmə daai.

Samia Veerɛi 7:9

Ŋą́ kɛ a ə́ tɔɔ bulu, ɓɛi lɔpee ə́ kɛi li laa, ŋą́ ə́ yowoɠaa kəlee hutaɠa ə́ ɲɛ̨i tɔwɔ, gáá pai ə́ laa kɛnɛ̨ yɛ yɛnɛ̨ɛ̨ nu kpɛa-kpɛaa di wɛi.

Tɔɔɓɛlaa veelɛ 1:13

Tɔɔmun ə pənə nwɔ̨nɔ̨ ə kɔlaɠa nwun nąmu tɔ̨nɔ̨ tɔɔ a ɉaaɓa nąą, da kɔ́kuláá pow lɔɔli. Gɔ́laɠa nwun nąmu tii, ə tɛ ɲee nwuɔ̨, ə pu gbəlin na Eli lííla, ə nɛ̨ɛ̨mąą hvə mą, yɛ mą: «Yálá kwəi mɛ̨nį hukulɔ mun! Gɛ́ ə́ ɲɛ̨́i mąąwɛli kaa, kwa bɔ́ nuą, ə́ ku lɛɛ yɛnɛ̨ɛ̨!

Mąątɛ̨nɛ̨ 116:15

Yai-Laa nwɔ nuą haa mɛ̨nį, a nwąną mą kpɔ kɛnɛ̨.

Mąątɛ̨nɛ̨ 119:99

Gílí ɲąą kulaai dɛɛ gálámɔ̨ɔ̨ kəlee ɓa, mąąhɔlɔɓo, ŋą́ ə́ wɔ tɔnŋaai hu kpɛ.

Hanwon 12:8

Da nu mąątɛ̨nɛ̨ gɛ koló ɓa. Kɛlaa, nui gili ɲɔ̨nwɔ̨ɔ̨ gwəi, wɛlikpɛɛmąąlaa lɔ ɓə da dɔɔ mą.

Danîa 1:20

Yii kpɔ hvilɛn na kili mɛ̨nį, da nwun gɛ ɉu mɛ̨nį ɓa, tɔɔmun ə nwɔ tɔlikpɛ nuąi kpɔ di kaa laa, da nuąi da kɛ kwɛli hvilɛn ɉi pɛmɛ̨nɛ̨n gɔwɠaa diɛ, ə gəlee mąąnin gɛ, kɛlaa, ə Daniɛlə da mɛlaa di wɔ woo ŋąąpənə kaa, viɛlaɓoɔ gee mɛ̨i pow, ə tɛɛ nuąi tii kəlee diɛ.

Lukə 21:15

Mąąhɔlɔɓo, ɲą́ą́ gbinįi ŋą kilimąą wooɠaa tɛ ka la, kaa mo. Yii ka yowo ta lɔpee hva pɛli bulu həɠəi.

Ifisiɛŋ 5:15

'Ká ká yíi pələ mąą kpɛɛ a nɛlɛɛ, 'ká hvo túwɔ́ yɛ kilikpɛɛɲəi-nuą, kɛlaa yɛ kilimąą nuą;

Piɛrə dɔlɔɔ 2:4

'Ká ká mąąlɛɠɛ mą, yai a gwɛnį hvulúmąą, ya ɓə nu kanŋaa di bili, kɛlaa, ya ɓə Yálá ə ɉəɠə ɉu, ɛlɛɛ, mąą mɛ̨nį nwąnąą ɲɛ̨i ɓa.

Piɛrə dɔlɔɔ 2:7

Káái ɓaa laa na nuą, ɓɛlɛlaa li káá, kɛlaa, kili walawala nuą di wɛi, gwɛnii bɛlɛ́ tɔɔ nuą di lənə ma, aa kɛ a bɛlɛ́ kɔ́wɔ hvilɛn gwɛni leelee,

Samuɛlə dɔlɔɔ 18:29

Ɲɔwii Saulə ə kɛi mo Davidə ɓa, da ə pɛlɛ nwɔ̨nɔ̨ mą. Saulə ə gɛ kpɔ kɛa a yowolaa kpɔ kpɔɔ.

Samuɛlə dɔlɔɔ 18:5

Ɓɛi lɔpee Saulə ə kɛi Davidə tɔɔ laa kɔ́ mɛ̨i, gɔ́ ə kɛi lɔ nɛɛ Davidə ɓa. Yili ɓə gɛ, Saulə ə Davidə hee gɔ́ kɔ́ nuą nwun na. Davidə wɛli ə kɛ nɔi nuą kəlee diɛ; Ə mą kɛ Saulə yee pɔ nuą kpɛa-kpɛaa kəlee.

Samuɛlə dɔlɔɔ 19:8

Gɔ ə pənə ə muhəɠə. Davidə ə li ə kɔ́ pɛlɛ Filisti nuą diɛ, ə hee kpɔ di hu a nwalawalaa di pu dɔwɔ.

Samuɛlə dɔlɔɔ 2:30

Yili mąą mɛ̨nį ɓa, Yai-Laa Israɛlə nwɔ Yálá woo ka: Ŋą́ ta mo tii, gɛ́ kɛ diɛ, ə́ wɔ pɛlɛ́i da ə́ nąn nwɔ pɛlɛ́i di kaa pai hiɛi ɲɛ̨i ɓa a yələ kəlee, kɛlaa, yiihu, Yai-Laa woo yili aa həɠə mą. Mąąhɔlɔɓo, nuąi da mą́ą́wiɛ, ŋą́ di mąąwiɛ, nuąi da tɛɠɛɓo ɉú, di ɓɛlɛ aa kpɛɛ diɛ.

Samuɛlə dɔlɔɔ 26:21

Saulə yɛ mą: «Ŋą́ą́ nɛ̨ŋɛ̨n ɉəɠə, pənə ə pa nón Davidə. Vá kɛa mɛ̨nį ɲɔ̨n gɛ a yɛ́. Mąąhɔlɔɓo, yáá nwɔ́ yɛnɛ̨ɛ̨ kaa a hɛn mąąwiaa háákələi. A tɛ̨ą, ŋą́ą́ túwɔ́ yɛ ɓowo mun, ŋą́ą́ lan gbɔ kɛnɛ̨.»

Samuɛlə dɔlɔɔ 26:24

Bələi lɔi tii ŋą́ ə́ wɔ yɛnɛ̨ɛ̨ kaa la a hɛn mąą mɛ̨nį nwąnąą, nwei kaa lɔ tii a hɛn mąą mɛ̨nį nwąnąą Yai-Laa ɲɛ̨i ɓa. Ə lɛɛ, ə gúlɔ nwún napili mɛ̨nįɠaa kəlee hu.»