Samuɛlə dɔlɔɔ 18:12 - Yálá laawoo hɛɓɛ (dc)

¹² Saulə ə ɲɔw Davidə ɓa. Mąąhɔlɔɓo, Yai-Laa ə kɛ bɔ; ə lɛɛ Yai-Laa aa kɛ kulɔ Saulə pulu.

Yálá laawoo hɛɓɛ

¹² Saulə ə ɲɔw Davidə ɓa. Mąąhɔlɔɓo, Yai-Laa ə kɛ bɔ; ə lɛɛ Yai-Laa aa kɛ kulɔ Saulə pulu.

Bible

¹² Sɔ̂ɔ è nâa kɛ̀ yaôi Deeƃé ma, kpɛ́ni fêi, Yâwɛɛ è kɛ̀ kpɔnîi Deeƃé ma, vé kɛ́ ní n kpɔnîi ǹyaa Sɔ̂ɔ ma.

Samuɛlə dɔlɔɔ 18:12 ပူးပေါင်းရင်းမြစ်များ

Samia Veerɛi 5:10

Davidə hvaŋą ta lɔ ɓə kɛi pɛlɛ mą, Yai-Laa Mɛ̨nį Kəlee ŋą Hééɓomun Yálá yɛ ɓo bɔ.

Kɔlɔnikɔ Veerɛi 17:3

Yai-Laa ə kɛ Ɉosafatə pɔ, gbala ə tɔɔ, ə hvilɛn galá Davidə kpaalə mɛ̨i; hvo kɛ hvilɛn ni li Baalə haliɠaa pulu.

Mąątɛ̨nɛ̨ 51:11

'Ə́ ɲɛ̨́i həɠə nwɔ́ nɛ̨ŋɛ̨nŋąąi diɛ, 'nwɔ́ nɛ̨ŋɛ̨nŋąąi kəlee waa.

Mąątɛ̨nɛ̨ 53:5

Mɛ̨nį ɲɔ̨n gɛ nuąi tii, gbaɠala hvo mɔ̨ɔ̨ diɛ, a diɛi kɛi nwɔ́ nu kanŋaai mįi, a di kɔ̨nɔ̨n di kɛi gulɔ di yəi, ɛlɛɛ, di hva kpɛli Yálá hvɛli!

Osia 9:12

Di mąn lɛapɛlɛɛ kulɔ ɉu, ŋą́ di hvɛɠɛ nɛapɛlɛɛi tii hu, di nu kɛɛ tɔwɔ. A tɛ̨ą, ŋą́ pa həɠəi di pɔ, di kaa pai mɔ̨nɔ̨ mįi.

Maafîu 25:41

«Yili pulu, tɔɔmun a mo gɔɓɛyee hu nuą diɛ yɛ diɛ: ‹Ka ka mąąkwɛa mą́ą́, kaa yiɠaai ka nɛ̨ŋɛ̨n naa Yálá yəi, ka li nwɔ̨n yii luwun və mą ɉu. Yii bɛliɛ kɛ nąnį da nwɔ ɲį́nɛ̨nŋąai diɛ.

Markə 6:20

Herodə ə kɛi ɲɔ̨w Ɉaan ɓa. Mąąhɔlɔɓo, ə kɛ gɔlɔn yɛ Ɉaan kaa a nu mąąhəɠɛɛ, əlɛɛ, dəlimo. Herodə ə kɛi Ɉaan mɛ̨i kaa. Herodə aa kɛi kɛ Ɉaan woo mɛ̨n, gwəi ə kɛi pili mą. Kɛlaa, ə mą kɛ tii, nwoo mɛ̨n nwɛli ə kɛ lɔ mą.

Lukə 8:37

Nąąlɔwai, Ɉeraseni lɔi hu nuą kəlee di mo Jesus ɓa, diɛ mą: «Həɠə ɓɛ kuɔ lɔi hu.» Mąąhɔlɔɓo, nuą tii di ɲɔw kpɔ kɛnɛ̨. Jesus ə pənə ə tɛ gələn ɉu, yɛ li.

Gɛlaɠaa 24:25

Kɛlaa, yii kɛa nono woo ə hvilɛn, tələnmo yíí ɓa, da nu kpɔwɔ huhon mɛ̨nį, ɛlɛɛ, gitii gaa nuą tɔwɔ; Felisə ə ɲɔw, yɛ mą: «'Li kɛa, gáá pai ə́ təlii a yələ takpɛli.»

Gɛlaɠaa 7:9

«Gu kalaɓɔlɔni ti gu di kɔ́lɔn a nɛlɛɛ, di tolo hee di ləɠə Ɉosɛfə ɓa, di nɔwɔtɔɔ, nui Ɉosɛfə ya, ə ɉəɠə ə li la Eziptə lɔi hu yɛ ɓo laa di yəi luwɔlaa laa hu. Kɛlaa, Yálá ə kɛ bɔ.

Nwun mąąɓo 1:19

Yai-Laa ə kɛ Ɉuda pɔ, Ɉuda ə ɲee ɓa lɔi hon, kɛlaa, di hvo pɛli nɛ̨ŋɛ̨ lɔi hu nuą kpɛi, mąąhɔlɔɓo, kwɛli wotoloɠaa di kɛ yiliɠaai yəi.

Nwun mąąɓo 16:20

Yili pulu, yɛ Samsɔn ɓa: «Samsɔn, Filisti nuą kaa pai.» Samsɔn ə ɲįnąąɓo, yɛ kɛ nwɔ kwəi pələ: «Gáá pai kulɔi ɉu, yɛ bələi hiɛ ŋą́ kɛ kulɔi la ɉu.» Kɛlaa, hvo kɛ gɔlɔn yɛ kɛ Yai-Laa aa mąą kwɛa mą.

Samuɛlə dɔlɔɔ 16:18

Bɔ nuąi tii dɔ̨nɔ̨ yɛ mą: «Ɉɛse ŋɛ̨i a Bɛtleɛmə daai mun, ŋą́ non ɉulɔnu tɔ̨nɔ̨ kaa, nwɛlɛɛ hvɛli kɛ, ɉuwalawalaa, gaa a kɔ́ kɔ́ mun nɛlɛɛ, yɛ pə́lə́ ɓo a kili, gaa a laŋąlon nɛlɛɛ, ɛlɛɛ, Yai-Laa kaa bɔ.»

Samuɛlə dɔlɔɔ 16:4

Pələi Yai-Laa ə mo la, Samuɛlə ə gɛ tii. Həlii ə mo Bɛtleɛmə, daa kalanɉonŋaa di gaa, di həɠə diɛ li naakwiɛn ɉii, di mąą yɛ kpɛlin, di mąąnin gɛ, diɛ mą: «Mɛ̨nį lɛlɛɛ ɓə ə́ kaa pai la?»

Samuɛlə dɔlɔɔ 18:15

Gɔ kpɛa-kpɛaa nɛ̨ɛ̨ pələi tii Davidə ɓa, Saulə ə ɲɔw mą.

Samuɛlə dɔlɔɔ 18:20

Kɛlaa, ə mą kɛ tii, Davidə wɛli hvo too Saulə lon nɛ̨ɛ̨nu Mikalə ɓa. Di ɉukulɔ Saulə ɓa, Saulə ə gaa yɛ mɛ̨nį lɛlɛɛ li.

Samuɛlə dɔlɔɔ 18:29

Ɲɔwii Saulə ə kɛi mo Davidə ɓa, da ə pɛlɛ nwɔ̨nɔ̨ mą. Saulə ə gɛ kpɔ kɛa a yowolaa kpɔ kpɔɔ.

Samuɛlə dɔlɔɔ 20:13

Kɛlaa, akɛ kiliŋąhiɛ ɲɔ̨nwɔ̨ɔ̨ a kɛ ną́n ma, yɛ kɛ ə mɛ̨nį ɲąąnwąnąą laa Davidə ɓa; ŋą́ wala gílaa pɔ̨nɔ̨, Yai-Laa ə mɛ̨nį ɲąą nwąnąą laa Ɉonatan ɓa; ŋą́ ə́ kilaa pɔ̨nɔ̨, nąąlɔwai ə́ li liilaa hu. Gɛ́ Yai-Laa ə kɛ ə́ pɔ yɛ pələi ə kɛ la ną́n bɔ.

Samuɛlə dɔlɔɔ 22:13

Saulə yɛ mą: lə mɛ̨nį ɓa yai ka lɔ gílii, yɛ́ ka Ɉɛse lon, yɛ́ lɛɠɛ tɛɛ bɔ, da kɔ́ kɔ́ ɓɔwa; yɛ́ Yai-Laa mąąnin gɛ mąą mɛ̨nį hu, yɛ pɛli tɔɔi ná? Yɛ́ ɓaalə tɛ dɔwɔ yɛ bələi gaa gɛi la háákələi.

Samuɛlə dɔlɔɔ 28:15

Samuɛlə yɛ Saulə ɓa: «Ə́ kaa vįikpɛɛi, yɛ́ dəli lə mɛ̨nį ɓa?» Saulə yɛ mą: «Gwə́i aa pili maa kɛnɛ̨, Filisti nuą daa kɔ́ pɛlɛ mą́ą́, ɛlɛɛ, Yai-Laa aa kulɔ búlu kpɔ a neelee. Hvo kɛa nwoo pulu pənəi a gwəi mɛ̨nį hukulɔ nuą laaləi a wala kɛ tii a hįi woo. Yili ɓə gɛ gɛ́ ə́ təli, mɛ̨nįi mąąnɛ̨ɛ̨ ŋą́ gɛ, nɛ mą́ą́.»

Samuɛlə dɔlɔɔ 3:19

Samuɛlə ə kɛi kɛnɛ̨, Yai-Laa ə kɛ bɔ, wooi kpɔ ə kɛi ɉəɠə Yálá la yɛ mo, gəlee laa ə kɛi hon.