Samuɛlə dɔlɔɔ 18:1 - Yálá laawoo hɛɓɛ (dc)

¹ Ɓɛlɔwai Davidə ə kpɛɛ la a nwoo hukulaa Saulə ɓa, Davidə nwɔ wɛlikɛmąą ə lɔ Ɉonatan lii mu, ə nwɛli la kɛ yɛ gbinį.

Yálá laawoo hɛɓɛ

¹ Ɓɛlɔwai Davidə ə kpɛɛ la a nwoo hukulaa Saulə ɓa, Davidə nwɔ wɛlikɛmąą ə lɔ Ɉonatan lii mu, ə nwɛli la kɛ yɛ gbinį.

Bible

¹ Sɔ̂ɔ da Deeƃé dí kpɛ̀ɛ lônoi, Deeƃé da Zonetaŋ dí ŋɔ́nɔ dílawoi-laa pù gîei. Zonetaŋ a kâa Deeƃé kàa nɔ́ yɛ̂ɛ berei a kâa gbîŋ kàa lai.

Samuɛlə dɔlɔɔ 18:1 ပူးပေါင်းရင်းမြစ်များ

Zɛnɛse 44:30

«Yii hu kɛa ŋɛ̨i, ną́n, nwɔ́ mɛ̨nį nąmu, ŋą pɛli búlu pənəi ləi, gɛ́ li ną́n bɔ, akɛ, nokoloi ŋɛ̨i a wala lɛɛ ku pɔ kwa diɛni ku hvə li? Ną́n ɲii hvóló kəlee laai lɔ nokoloi ŋɛ̨i mɛ̨i.

Samia Veerɛi 1:26

Ee kə! Níikələnŋąąi gwə́i ə́ mąą mɛ̨nį hu Ɉonatan, ną́n non, ə́ wɛli aa lɛɛ mą́ą́ kpɔ kɛnɛ̨! Ə́ wɔɔ nɛ̨ɛ̨laa ə kɛ mą́ą́ a mɛ̨nį ŋąą nɛɛ. Ŋaa nɛɛi kɛ mą́ą́ ə tɛɛ nɛ̨ɛ̨nu nwɔ wɛlikɛ maa ɓa.

Kɔlɔnikɔ Maa-ŋuŋ 12:17

Bɛnɉamɛn da Ɉuda lonnii taɠaa, di pa Davidə pɔ, ɓɛi ə kɛ laa now pələi.

Mąątɛ̨nɛ̨ 86:11

Yai-Laa, ə́ wɔ pələi lɛ mą́ą́, akɛtii ŋą pɛli hiɛi yɛ bələi ə́ wɔ tɛ̨ąi kaa la. Gíliŋąhiɛ pələ kɛ lɔ tanɔ̨n, əgɛ, gɛ́ pɛli ɲɔwii ə́ laa ɓa.

Hanwon 18:24

Nu mɛlaa da tamą, ɲowo a kɛ ɉu. Ɓɛlan gbəli kaa laa, ə kanąn nu ɓa, ə tɛɛ nee lon ma.

Dutɛrɔnome 13:6

Nui tii gbɔwɔ kɛ a Yálá kwəi mɛ̨nį hukulɔ mun, nwɛi, a wala kɛ tii, ɉį́i kaamun tii, mąąnɛ̨ɛ̨ ka di paa. Mąąhɔlɔɓo, aa nuą ɲąątɔɔ a di lənə mɛ̨nį Yai-Laa ka wɔ Yálái ɓa, yaa tii ka kulɔ Eziptə lɔi hu, yɛ ka kulɔ luwɔ pɛlɛ́ mu. Bələi ŋɛ̨i Yai-Laa ka wɔ Yálá ə ka hvilɛn mɛ̨i, nui tii ə kɛ bɔ, ə ka həɠə mɛ̨i. Mąąnɛ̨ɛ̨ ka mɛ̨nį ɲɔ̨n gɛmun gulɔ ka lɔwai.

Kolosə 2:2

Gáá gɛi ti, əgɛ, di lii ə kpələ, di kanąn di kee ɓa wɛlikɛmąąlaa hu. Kilitɔɔmąą leeleei mɛ̨nį kɔ́lɔn ŋąą a dɛɛ nu pɔ, di gɔlɔn, əlɛɛ, di Kristə kɔ́lɔn yai a Yálá ŋą loo mɛ̨nį.

Nwun mąąɓo 20:11

Israɛlə lonnii kəlee di woo tɔɔi ə kɛ tanɔ̨n, ə gɛ, də li di kɔ́ pɛlɛ Givea taa ɓa.

Samuɛlə dɔlɔɔ 14:45

Kɛlaa, nuą kəlee diɛ Saulə ɓa: «Ɉonatan a pɛli mɔ̨ɔ̨ haai, Yaai gɛ gɔ́ kɛnɛ̨i ŋɛ̨i yɛ nɛɛ guɔ? Yili hvo pɛli li ɉu. Yai-Laa kaa a vulú, akɛ yili a kɛ tii, kɛɛ kala mɛ̨nį kɛnɛ̨ kpɔ-kpɔɔ li. Ɉonatan nwun nəɠa tɔ̨nɔ̨ kpɛli hva kulɔ nwuɔ̨. Mąąhɔlɔɓo, Yálá ɓə kpɔnmąą tɛɛ bɔ, yɛ mɛ̨nįi ŋɛ̨i kɛ háákələi.» Bələ ɓə nuą di Ɉonatan nwun mąąɓo la diɛ gulɔ haa hu.

Samuɛlə dɔlɔɔ 18:3

Ɉonatan da Davidə di mįnɛ̨ həɠə, mąąhɔlɔɓo, ə kɛi Davidə wɛli la kɛ yɛ gbinį.

Samuɛlə dɔlɔɔ 19:1

Davidə paa mɛ̨nį kili teei Saulə ə dee gwəi, ə ɉu kulɔ non Ɉonatan ɓa, da yee tii nuą kəlee. Ɛlɛɛ yaan, Davidə wɛli ə kɛ Saulə lon Ɉonatan ɓa kpɔ kɛnɛ̨.

Samuɛlə dɔlɔɔ 19:2

Ɉonatan ə Davidə gilaa pɔ̨nɔ̨, yɛ kɛ mą: «Nán Saulə kaa ə́ paa pələ kwɛlii, ə́ kpɔɔ mąąkpɛ a nɛlɛɛ. Tínąą yələwala pɔ, hee kpɔ kpɛ, ə́ ə́ loo.

Samuɛlə dɔlɔɔ 20:17

Ɉonatan ə gwɛla nwɔ̨nɔ̨ Davidə ɓa mąąhɔlɔɓo, nwɛli ə kɛ mą gwəi tɔ̨nɔ̨ mɛ̨i.

Samuɛlə dɔlɔɔ 20:8

Gɛ tii a wɛlikɛmąąlaa ə́ wɔ tí mun ma. Mąąhɔlɔɓo, ə́ mo ka yaa ka mįnɛ̨ həɠə Yai-Laa laa hu. Ɛlɛɛ hɔlɔɔ, akɛ ŋą́ ɉɔ́n gɛ a pələi lɔpee, yɛ́ kpįnįi báá; hvo kɛ li da li a ɲą́ą́ ə́ nąn nííla lə mɛ̨nį ɓa?»

Samuɛlə dɔlɔɔ 22:8

Lə ɓə kani kɛ, yaai ka kəlee ka lɔ gílii? Nu ta hva gílaa pɔ̨nɔ̨, hvo kɛ mą́ą́: ‹Ə́ lon da Ɉɛse lon di kaa nɛ̨ɛ̨laa ɓa!› Mą́ą́ liihɛlɛn və ka ta ɓa! Nón aa kɛi bɔ mun ɉaɠa yɛ dɔɔ ná, yɛ hɛlɛn dɛ dɔ́wɔ́, yɛ bələi gaa gɛi la háákələi, ɛlɛɛ, nu ta hva gílaa pɔ̨nɔ̨ ɉu!»

Samuɛlə dɔlɔɔ 23:18

Di nu hveelɛ di mįnɛ̨ həɠə Yai-Laa ɲɛ̨i ɓa. Davidə ə lɛɛ Horesa, Ɉonatan ə pənə ə li bɔɔli.