Samuɛlə dɔlɔɔ 17:36 - Yálá laawoo hɛɓɛ (dc)

³⁶ Ə́ wɔ luwɔi aa yala paa ə mą kɛ kwɛli. Filisti kɛ́nɛ̨ kpolɔwai ŋɛ̨i ɓaa lə! Gaa kpɔlɔ yɛ ɉuwoɠaai tii ta. Mąąhɔlɔɓo, aa Yálá hvulú kwɛlin baa pɔlɔn dɔɔ.

Yálá laawoo hɛɓɛ

³⁶ Ə́ wɔ luwɔi aa yala paa ə mą kɛ kwɛli. Filisti kɛ́nɛ̨ kpolɔwai ŋɛ̨i ɓaa lə! Gaa kpɔlɔ yɛ ɉuwoɠaai tii ta. Mąąhɔlɔɓo, aa Yálá hvulú kwɛlin baa pɔlɔn dɔɔ.

Bible

³⁶ Galôŋ, ŋa yala-sulu da dítala támaa páa a bere sîi ŋí. Ǹyaŋ ŋa pɔri Felesia naloŋ kpɛ́ni-kpɛnii ŋí vé kpɛtɛ níi paâi a bere sîi tɔnɔi ŋí, nyíi a gɛ-ɣele ma Ɣalai ŋɔkɔ́ kɔ́-ƃela maa fôoi!

Samuɛlə dɔlɔɔ 17:36 ပူးပေါင်းရင်းမြစ်များ

Kɔlɔnikɔ Veerɛi 32:17

Yili pulu, Senakeribə ə hɛɓɛ́ɠaa pɛ̨ɛ̨, yɛ naa pu Israɛlə nwɔ Yálá Yai-Laa hu, yɛ bilinmo, yɛ kɛ mą: «Bələi lɔ yɛnɛ̨ɛ̨ lɔiɠaa di wɔɔ haliɠaai di hvo pɛli di wɔɔ nuąi kulɔi la ɲə́ə́ ŋą, bələ lɔ ɓə Ezekiasə nwɔ Yálá hvo pai pɛlii nwɔɔ nuąi kulɔi la ɲə́ə́ ŋą.»

Azaya 10:15

Akɛtii, yowa a mɔ̨ɔ̨ nwun dɛ, nui kóló kɛi la mɛ̨i? Gbɛa a mɔ̨ɔ̨ nwun dɛ nui kóló kɛi la mɛ̨i? Awala kɛtii, gbɔn a mɔ̨ɔ̨ pɛli nui gaa ɲee ŋą, ə dənən dɔɔi? Tunwɔ̨n a mɔ̨ɔ̨ pɛli dumo dɔɔi, nąmu tɛɠii?

Azaya 36:15

Ka hvo Ezekiasə lɛɛ laa hvo kɛ kaa; Ka ka kilitɔɔ Yai-Laa ɓa, hvo gaai, gaa kɛi kaa: Yai-Laa kaa pai gu kulɔi mɛ̨nįi, yili hva ɉəɠə mą. Daai ɲɛ̨́i hvo pai tooi Asiri tɔɔmun ɲee ɲą.

Azaya 36:18

Ka hvo Ezekiasə lɛɛ laa hvo ka ɓowo, yɛ kɛ kaa; Yai-Laa kaa pai ka kulɔi mɛ̨nįi, a kɛ tii, nɔi takpɛliɠaai tii di wɔ yáláɠaai di pɛli mɔ̨ɔ̨ di wɔ taaɠaai kulɔi Asiri tɔɔmun ɲəi?

Izikiɛ 28:10

Ə́ kaa pai haai yɛ bələi kɛ́nɛ̨ kpolɔwa a haa la, nwɛ̨ąą yee ɲa, ɲą́ą́ ɓə mo. Mɛ̨nį kəlee ŋą Hééɓomun Yálá woo li.»

Izikiɛ 32:19

Ə́ lɛlɛ ɓə mɔ̨ɔ̨ nu takpɛliɠaa diɛ? 'Yɛɛ gáma hu ka kɛ̨nɛ kpolɔwaɠaa.

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Zakari 12:3

A tɛ̨ą, mąą yələ, ŋą́ Ɉerusalɛmə tɔɔ lɔi kəlee lííla, yɛ kwɛni kpuwulu, di hva pɛli muhəɠəi. Nui lɔpee pai kɛi bɔ ə mukpəŋə a ɲee kɔ́lɔɓo. Yili mąą mɛ̨nį ɓa, yɛnɛ̨ɛ̨ lɔiɠaa kəlee kaa pai kɔ́ pɛlɛi mą.

Zakari 2:8

Ə mo malakai tii ɓa, yɛ mą: «'Li a gilɛ, yɛ́ ɉulɔnon tii lii mą: ‹Ɉerusalɛmə mąąnɛ̨ɛ̨ ə lɛɛ a taa yii hįį hva tɔɔ mą, nu kpulu da daatɛlɛɛɠaai tii pai kɛi laa, di mąą mɛ̨nį ɓa.

Samuɛlə dɔlɔɔ 14:6

Ɉonatan yɛ nwɔ ɓíitiɛ̨ ɓa: «Pa gu həli gɛ́nɛ kpolɔwaɠaa tii diɛ, gbəli hu Yai-Laa kaa pai kpɔnmąą tɛɛi gu pɔ, hvo gaai, nu ə tamą, a wala kɛ tii, di hvo tamą, hɛn da hva pɛli tɔɔi Yai-Laa tɔwɔ kɔ́ nɛ̨ɛ̨ mɛ̨nį ɓa nu ɓa.»

Samuɛlə dɔlɔɔ 17:10

Filisti mun tii ə mo, yɛ diɛ: «Gáá Israɛlə kɔ́kulááɠaa paa pɔlɔn dɔɔi háákələi, gɛ́ di nu ta tɛɛ bɔ́, kwa yaa ku kɔ́.»

Samuɛlə dɔlɔɔ 17:26

Nuąi ŋɛ̨i kɛ Davidə kwɛlɛ, ə mo diɛ yɛ diɛ: «Nui a Filisti mun ŋɛ̨i paa, ə nwumɛ̨ həɠə Israɛlə ɲɛ̨i, lə ɓə da gɛ mąą nu ɓa? Lə kpɔɔ ɓaa Filisti kɛ́nɛ̨ kpolɔwai ŋɛ̨i, yai a Yálá hvulú nwɔ nuą paa pɔlɔn dɔɔ?»

Samuɛlə dɔlɔɔ 17:35

ŋą́ hvilɛn bulu, ŋą́ ɉon, ŋą́ gɛlɛ, ŋą́ gulɔ na. Akɛ yɛ gaa tinɛ̨n ɉii ə wolo mą́ą́, ŋą́ ɉon a nəɠa, ŋą́ gɛlɛ, ŋą́ baa.

Samuɛlə dɔlɔɔ 17:37

Yai-Laa, yai ə gulɔ yala da kwɛli di yee ɲąnin nɔwai, ya ɓə pai gulɔi Filisti kpolowai ŋɛ̨i yəi.» Saulə yɛ Davidə ɓa: «'Li! Yai-Laa ə lɛɛ ə́ pɔ.»

Samuɛlə dɔlɔɔ 18:17

Saulə yɛ Davidə ɓa: «Nón nɛ̨ɛ̨nu nu pɔlɔ laa mun ga a Meravə ya ɓə gáá pai dɛɛi ə́ pɔ a ə́ nɛ̨ą. Kɛlaa, tɔɔ a ə́ nwąnąąi nwɔ kólói ɓa; Yai-Laa nwɔ kɔ́ɠaai kɔ́.» Saulə ə kɛi mo gwəi pələ yɛ kɛ diɛ: «Hɛn vəli, və́ baa ɲą́ą́ gbinįi, gaa yili lɛɛi Filisti nuą yee kɔ́nma.»

Samuɛlə dɔlɔɔ 31:4

Ya ɓə, Saulə a kɛ nwɔ ɓíítiɛ̨i ɓa: «'Ə́ wɔɔ ɓɔwai kulɔ daai, ə́ gbə́li paa, əgɛ, gɛ́nɛ̨ kpolɔwaɠaa ŋɛ̨i di hvo pa di nɔ̨nwɔ̨ lɔ mą́ą́.» Kɛlaa, nwɔ ɓíítiɛ̨i hvo gɛ, mąąhɔlɔɓo ə kɛi ɲɔw. Saulə yaa kpįnįi, ə mowa kwɛa həɠə ə lɔ ɲą.