Samuɛlə dɔlɔɔ 17:34 - Yálá laawoo hɛɓɛ (dc)

³⁴ Davidə yɛ Saulə ɓa: «Ə́ wɔ luwɔi ə kɛi nąn nwɔ ɓɛlaaɠaai mɛ̨i kaa. Akɛ yala ta, ə mą kpɛli kɛ kwɛli, a pa a mɛlaa ta hon,

Yálá laawoo hɛɓɛ

³⁴ Davidə yɛ Saulə ɓa: «Ə́ wɔ luwɔi ə kɛi nąn nwɔ ɓɛlaaɠaai mɛ̨i kaa. Akɛ yala ta, ə mą kpɛli kɛ kwɛli, a pa a mɛlaa ta hon,

Bible

³⁴ Kɛ́lɛ Deeƃé è ŋ̀óo su tòo ǹyɛɛ m̀ai, “Gâloŋ, ńyãa ƃa ńâŋ ŋɔƃála-ŋai mɛi kàa. Yala-sulu da kpaa máŋ dítala à pà a gɛ́ɛ é da soŋ,

Samuɛlə dɔlɔɔ 17:34 ပူးပေါင်းရင်းမြစ်များ

Zɛnɛse 31:39

Lɔwɔ huwɔ a da hon, və́ ta pa li a bowa və́ nɛ yɛ́. Ɲą́ą́ lɔ ɓə ɲéé ə kɛi lɛɛ ɉu. Da ə́ wɔ taatɛlɛɛi ta nwuɔ̨ kɛ, ə kɛ a kpinį, ə kɛ a hvóló, ɲą́ą́ lɔ ɓə yá kɛ mą́ą́ bɔɔ kulɔ ɉu.

Samia Veerɛi 17:8

Absalɔn, yɛ kpįnįi ə́ ə́ nąn gɔlɔn da nwɔ nuąi di kaa a kulaaɠaa, ə lɛɛ, niikpələi gaa di hu, gaa yɛ kwɛli lon a pili ɲəi yɛ gwɛli. Ə́ nąn gaa a kɔ́kuláá, da nuąi tii di hvo pai yii kɛɛnąą tɔ̨nɔ̨.

Samia Veerɛi 23:20

Kulaa ta ə kɛ laa, diɛ kɛ non naa ɓa a: Yehoyada, yili nwɔ lon ma kɛ a Benayahu. Gɛ mɛ̨nį tamąąi kɛ, ə kɛ a Kavseɛlə mun. Yaa tii ɓə Moabə nuą hveelɛ paa, diɛ di laa ɓa a Ariɛlə. Yaa tii ɓə nwɔ̨nɔ̨, yələ ta, a kwɛlɛ pai lɔwai, ə yɛɛ lɔwa ta hu ə yala paa laa.

Kɔlɔnikɔ Maa-ŋuŋ 11:22

Kulaa ta ə kɛ laa, diɛ kɛ non naa ɓa a: Yehoyada, yili nwɔ lon ma kɛ a Benaya. Gɛ mɛ̨nį tamąąi kɛ, ə kɛ a Kavseɛlə mun. Yaa tii ɓə Moabə hulɔnu Ariɛlə lon ɉinąą hveelɛ paa. Yaa tii ɓə nwɔ̨nɔ̨, yələ ta, a kwɛlɛ pai lɔwai, ə yɛɛ lɔwa ta hu ə yala paa laa.

Mąątɛ̨nɛ̨ 143:5

Gáá gíliɲąhiɛi gɛ́ vilɛn tɔwɔ tɔwɔ yələɠaa diɛ, gɛ́ pənə gɛ́ ə́ kɛ mɛ̨nįɠaa hu kulɔ gbɔ́wɔ ɓa, gɛ́ ə́ yee kɛ kólóɠaa pənə gwə́i, gɛ́ doo.

Izikiɛ 34:12

Bələi lɔ taatɛlɛɛ mɛ̨i kaamun a taatɛlɛɛɠaa mąą mɛ̨nį ɲɛ̨i kulɔ la, bələi a kɛ la taatɛlɛɛ kpului daa ɉu taɠa, di lɔwai, bələ lɔ ɓə gáá pai nwɔ́ taatɛlɛɛ kpului mąą mɛ̨nį ɲɛ̨i kulɔi la, gɛɛnąąɠaai kpɔ di di hu taɠa taɠa laa a kwɛlɛ yələ, gáá pai di kulɔi naa kəlee.

Amɔsə 3:12

Yai-Laa yɛ diɛ: Pələi lɔ tii Yala a ɓɛlaa hon na, mɛlaa pulu mun nwɛi ɛlɛɛ a gɔwɔ-kwana hveelɛi, a wala kɛ tii, nwəli kpuɔ, Israɛlə nu huwui di heɛ kaa Samari daai, pələ lɔ ɓə gaa pai kɛi la a diɛ, diɛ yiiɠaai di kaa heeni gbəlin gbɛa kpɛaa hu, a wala kɛ tii, di laa kpin nɛlɛɛ ŋą. Gbəli wolo lɔ ɓə nwun maa kaa pai ɓoi.

Zakari 11:16

Mąąhɔlɔɓo, gáá pai taatɛlɛɛ pulumun da heei nɔi ŋɛ̨i hu, ɓɛlaa ta ə mą pili, yili nii hɛlɛn və pai kɛi mą, da ə mą lan, hvo pai gwɛlii, da mąą ə mą nwąną, hvo pai ɉali kɛi, yiiɠaa di kɔ́lɔi pɔ̨nɔ̨ɔ̨, hvo pai di laa hɔn moi. Yiiɠaai da wulɔ, gaa pai di mįi, yɛ di kɔ́wɔ ɲąnin ɉu ɓɛla.»

Zakari 9:7

Ɲąmąi tii na, gáá pai gulɔi na, ɛlɛɛ, kɔ̨nɔ̨n tɔ́n gaa mą, gɛ́ gulɔ ɲin nɔwai; Yaa kpɛlimąn, a kɛ yɛ nuąi daa kulɔ mɛ̨nįi, nąąlɔwai, a ɉeei hɔlɔɓo Ɉuda nu huwuɠaa lɔwai, ə lɛɛ a ku wɔ Yálái nwɔɔ, ɛlɛɛ, Ɛkrɔn kaa pai kɛi yɛ Ɉebusə nuą.

Lukə 2:8

Bɛtleɛmə daa kwɛlɛ, ɲɛa kɔ́wɔ ta hu, ɓɛlaa pulu nuą di kɛ laa a kpinį, diɛ di wɔ ɓɛlaaɠaai mąąkpɛ.

Ɉaan 10:11

«Ɲą́ą́ ɓə gáá ɓɛlaa mɛ̨i kaa mun nɛlɛɛ, ɓɛlaa mɛ̨i kaa mun nɛlɛɛ a gbɔwɔ kwɛlɛ nwɔ ɓɛlaaɠaai mąą mɛ̨nį ɓa.

Lomaŋ 5:4

Liikpələ ɓə a tɔɔ a nwąnąilaa tɛɛ nu pɔ hukɔɔn mɛ̨nį hu, kulɔ nwooɓa yɛ kilitɔɔmąą laa huwalawala.

Hebreu 11:33

a diɛi, laa na laa háálai, di yee ə tɛɛ tɔɔ lɔi tamąą ɓa, di tələnmolaa pɔ túwɔ́ ɓo, di mɛ̨nį laakwɛlanmoɔɠaa kaa, di laa yɛ hon, diɛ yalaɠaa laaləi hon,

M̀ɛni-lɛɛi 13:2

Ɉuwɔi tii ŋį́ gaa, gɛ pələ ə kɛ yɛ kwɛ́li, gɔwɔɠaa diɛ ɓo yɛ yáwolo, ɛlɛɛ, naaləi ə ɓo yɛ yala. Ɛlɛɛ, mąąɲɔɔ-hɛn tii ə nwɔ yəi kɛnɛ̨laa tɛɛ bɔ, ə bɛlɛ nwɔ tɔɔkpəlin ma, ɛlɛɛ, da ɲąąwooɓolaa kɛnɛ̨ɛ̨ ta.

Nwun mąąɓo 14:6

Nąąlɔwai, Yai-Laa nwɔ Kilii ə too Samsɔn hu, hɛn da hvo kɛ ɲəi. Ə ɲalai tii hu ɓɛla, yɛ bələi da ɓolu lon ɉu ɓɛla la. Kɛlaa, mɛ̨nįi tii ə gɛ, hvo ɉukulɔ nee da nąn diɛ.

Samuɛlə dɔlɔɔ 17:15

Kɛlaa, Davidə nwɛi, ə kɛi lɔ li Saulə pɔ, yɛ pənə yɛ pa, yɛ nąn nwɔ taatɛlɛɛɠaai mɛ̨i kaa Bɛtleɛmə.

Samuɛlə dɔlɔɔ 17:33

Saulə yɛ Davidə ɓa: «Ka Filisti tii ka hva pɛli gɔi, lokolo ɓaa yɛ́, yaai tii nwɛi, kɔ́kuláá pɔlɔ li. Ə həɠə ɉulɔnon ɲələ ɓa ə həli yiihu ɓa, kɔ́ ɓə a kɛ gɔi.»

Samuɛlə dɔlɔɔ 17:35

ŋą́ hvilɛn bulu, ŋą́ ɉon, ŋą́ gɛlɛ, ŋą́ gulɔ na. Akɛ yɛ gaa tinɛ̨n ɉii ə wolo mą́ą́, ŋą́ ɉon a nəɠa, ŋą́ gɛlɛ, ŋą́ baa.