Samuɛlə dɔlɔɔ 15:22 - Yálá laawoo hɛɓɛ (dc)

²² Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.

Yálá laawoo hɛɓɛ

²² Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.

Bible

²² Samia è marê kɛ̀ ǹyɛɛi, “M̀ó ma, sâla kuláa da sama-sɛŋ tɛɛ ƃé ǹɛ̂lɛɛi a Yâwɛɛ nîai? Kpao! Vé ísâla-ŋai wɛ̂lii. A ŋ̀wɛ̂lii a gɛ́ɛ í ŋ̀óo mɛni.

Samuɛlə dɔlɔɔ 15:22 ပူးပေါင်းရင်းမြစ်များ

Zɛnɛse 4:4

Abɛlə yaan, ə pa a nwɔ ɓɛlaaɠaai non dɔlɔɔɠaa kəlee ə gulɔ Yai-Laa ɓa a haláá. Yai-Laa ə ɲɛ̨i lɛlɛɛ hee Abɛlə nwɔ kɔ́ɓo hɛn ma,

Lɛɛ gbɔwɔ ɓa 19:5

Ə həɠə yiihu ɓa, ka ka wəli tɔɔ nwóó ɓa, kaa lɛɛ nwɔ́ mįnɛ̨i pulu, ka kɛ a gwɛ́lin gɛnɛ̨mun, nu huwuɠaa kəlee lɔwai; mąąhɔlɔɓo, ɲą́ą́ ɓə lɔi kəlee kaa a nwɔ́ɔ́.

Hanwon 21:3

Tələnmolaa da tɛ̨ą mɛ̨nį kɛɛ, hviɛlaɓoɔ ɓə Yai-Laa ɲɛ̨i ɓa haláá kulaa ɓa.

Ikilisiati 5:1

'Hvó hvaa ɉą, 'hvó ə́ laa mąąhulɔ ə́ woo kwɛlɛi Yálá ɓa; Mąąhɔlɔɓo, Yálá kaa yələi, ɛlɛɛ, yɛ́n ə́ ɓo ɓɛ lɔi mɛ̨i. Yili mąą mɛ̨nį ɓa, Mąąnɛ̨ɛ̨ ə́ hvaa a bɛliɛ mą.

Ɉeremi 11:4

Mįnɛ̨i tii ɓaa, yii ŋɛ̨i ŋį́ dɛɛ ka nąnni pɔ, diɛi ŋį́ di kulɔ Eziptə lɔi hu, huluun nwɔ̨n ɉu. Yili ɓa, ka ka wəli tɔɔ nwóó ɓa, kaa bɔ mɛ̨nį kɛ; yili pɔ pələ ɓə ka kɛ la a nwɔ́ nu huwu, ɲą́ą́n gɛ́ ɓo a ka wɔ Yálá.

Ɉeremi 11:7

Ŋą́ mo kpɔ ka nąnni diɛ kpaan, ə həɠə ɲələi ŋį́ di kulɔ la Eziptə lɔi hu, ə həli la háákələi ɓa, ŋį́ kɛi mo diɛ kpɔ a nwą́nąąi, gɛ́ kɛ diɛ: 'Ka ka wəli tɔɔ nwóó ɓa!

Ɉeremi 26:13

Yii hu kɛa, ka ka yíi pələ mąąhvalin a nɛlɛɛ, da ka túwɔ́ pələ, ka ka wəli tɔɔ Yai-Laa ka wɔ Yálái woo ɓa. Akɛti, mɛ̨nį ɲąnwąnąąi Yai-Laa ə gili tee gwəi, yɛ kɛ ə naa kaai, gaa pai ɉəɠəi mą.

Osia 6:6

Mąąhɔlɔɓo mɛ̨inɛ̨ɛ̨ kɛɛ ɓə a níí hon, haláá kulaa hvəi, ɛlɛɛ, gɛ́ Yálá kɔ́lɔn mɛ̨nį hviɛlaɓo taatɛlɛɛ kələnŋąą a haláá ɓa.

Osia 8:13

Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.

Maafîu 12:7

Akɛ kɛ nwoo ŋɛ̨i Yálá laawoo hu, ka mukulaa kɔ́lɔn, yai ŋɛ̨i da kɛ mą: ‹Ɲɛ̨i mąą wɛli kaa ɓə gáá bɔ, ə tɛɛ taa-təlɛɛ haláá kulaa ɓa›, ka hvo li kɛ nuą ŋɛ̨i kaa a hɔn mąą nuą.

Maafîu 23:23

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo ɓɛlaai kaa! Mąąhɔlɔɓo, ka ka hɔlɔɓo hɛn bow nąn tɛɛ Yálá pɔ, ə mą kɛ ka yəi ɲɛa nɔwɠaa kəlee. Kɛlaa, ka dɔ́n yiiɠaai lɛɛ laa, yɛ pələi: tələnmolaa, túwɔ́ pələ lɛlɛ da woo tɔ̨nɔ̨ nąmu laa kaa la. Mąąnɛ̨ɛ̨i kɛ kaa kɛi yiiɠaa tii kɛ, ka hvo gbəliɠaa ŋɛ̨i lɛɛ pulu.

Maafîu 5:24

ə́ wɔ haláá hɛn lɛɛ laa ni ɉaláá kulɔ kəhi kwɛlɛ; ə́ li, ka ka lɔwai pɛli ka nui tii. Yili pulu yɛ pa ə́ wɔ haláái kulɔi Yálá ɓa.

Maafîu 9:13

'Ka li, ka nwoo ɲɛ̨i mukulaa kwɛli; yai da kɛ mą: ‹Ɲɛ̨i mąąwɛli kaa ɓə gáá bɔ, ə tɛɛ taatɛlɛɛ haláá kulaa ɓa.› Mąąhɔlɔɓo, və́ pa li, nu haŋąąɠaa kwɛli, kɛlaa, ŋą pa nɛ̨ŋɛ̨n ɉəɠə nuą kwɛli mɛ̨nį ɓa.»

Markə 12:33

Yálá wɛli la kɛɛ a nu lii kəlee, da nu nwɔ kiliŋąhiɛ kəlee, ə mą kɛ nu nwɔ huwalawala kəlee; əlɛɛ, nu ə́ ə́ ɓɛlan gaa lon nwɛli la kɛ yɛ ə́ kpinį, yili hviɛlaɓoɔ ə tɛɛ haláá yii da gələn da haláá takpɛliɠaa kulaa ɓa.»

Samuɛlə dɔlɔɔ 13:12

Yili ɓə gɛ, gɛ́ kɛ diɛ, Filisti nuą yɛɛ hiɛ ka, di wolo mą́ą́ Gilgalə, ə lɛɛ, vá ni kɛ a Yai-Laa liilaa haláá kulaa.»

Samuɛlə dɔlɔɔ 13:13

Samuɛlə yɛ Saulə ɓa: «Yáá túwɔ́ yɛ ɓowo mun. Hvo Yai-Laa ə́ wɔ Yálá nwɔ tiɓoi kɛ li, a yai ə naa ə́ nwuɔ̨i, ə li kɛ túwɔ́ tii, Yai-Laa ə li ə́ wɔ tɔɔlaai huwalawala Israɛlə mɛ̨i a yələ kəlee.