Samuɛlə dɔlɔɔ 15:11 - Yálá laawoo hɛɓɛ (dc)

¹¹ «Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.

Yálá laawoo hɛɓɛ

¹¹ «Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.

Bible

¹¹ “Sɔ̂ɔ aâ ŋóo píli. Malôŋ toɔɔ̂i ḿâ a gɛ́ɛ ŋá gɛ̀ a kâloŋ.” Samia è líi è tòo pôlu é pɛ́lɛ wɔ̂lɔi ma é lɛ́ɛ la zu ɣele é ƃɔ́.

Samuɛlə dɔlɔɔ 15:11 ပူးပေါင်းရင်းမြစ်များ

Zɛnɛse 6:6

Yili ə Yai-Laa lii too pulu kpɔ kɛnɛ̨, nu pɛlii ŋɛ̨i ə mo lɔi mɛ̨i mąą mɛ̨nį ɓa, ə viikpɛɛ.

Zɛnɛse 6:7

Ə mo gbɔwɔ ɓa, yɛ diɛ: «Hvo kɛ li ŋį́ nu lonnii kəlee nwun napili, ŋį́ di həɠə lɔi mɛ̨i, da huwɔɠaa, ə mą kɛ nwɛ̨niɠaa. Di pɛlii ŋɛ̨i ŋį́ mo, a tɛ̨ą, yili aa níí too pulu.»

Samia Veerɛi 24:16

Malaka ə ɲee haŋą Ɉerusalɛmə taa mɛ̨i pələ, yɛ kɛ ə ɉu nuą nwun na pili. Kɛlaa, Yai-Laa hvo kɛa hvaa mą yili hvo kɛ. Ə mo gɛɛ kala malakai tii ɓa, yɛ mą: «Aa pɛli ɉu! Ə́ yee lɛɠɛ yɛ́.» Yai-Laa nwɔ malaka ə kɛ tɔɔni Ɉebusə mun Arauna nwɔ mɔ̨nun dan ɉii kwɛlɛ.

Tɔɔɓɛlaa dɔlɔɔ 11:9

Yai-Laa ə niiɲąnwąną Salomɔn ɓa, mąąhɔlɔɓo, nwɔ kiliŋąhiɛ aa həɠə kɛ Israɛlə nwɔ Yálá pɔ; yai gbɔwɔ lɛ mą a gee mɛ̨i hveelɛi.

Kɔlɔnikɔ Maa-ŋuŋ 10:13

Saulə ə haa mąąhɔlɔɓo, nwooi da Yai-Laa di mo, hvo kɛ lɛɛ li bulu, mɛ̨nįi Yai-Laa ə mo mą, hvo bɔ mɛ̨nį kɛ li; ə lɛɛ, gɛ mɛ̨nį ə li tɔɔi, yɛ nwun dɔɔ a ɲąmuątaa tɔlikpɛ mun da,

Kɔlɔnikɔ Maa-ŋuŋ 21:15

Yai-Laa ə malaka ta tɔɔ Ɉerusalɛmə daai, əgɛ, ə nąą kala. Gɛɛ kala pələi tii, Yai-Laa ə nąą kaa, hvo gwəinɛ̨ɛ̨. Ə mo gɛɛ kala malakai tii ɓa, yɛ mą: «Aa pɛli ɉu! Ə́ yee lɛɠɛ yɛ́!» Yai-Laa nwɔ malaka ə kɛ tɔɔni Ɉebusə mun Ornan nwɔ mɔ̨nun dan ɉii kwɛlɛ.

Zôo 34:27

Mąąhɔlɔɓo, di hvo kɛi gɛ di hvo lɛɛ bulu, di hvo gɛ di hvo nwɔ pələɠaai kɔ́lɔn.

Mąątɛ̨nɛ̨ 109:4

Diɛ nwɔ́ wɛlikɛmąąlaa pɔɔ kulɔ a kiti pɛlɛɛ mą́ą́, ɲą́ą́n, ə́ hvɛli woo lɔɓə ná.

Mąątɛ̨nɛ̨ 110:4

Yai-Laa aa gwɛla, hvo pai gələn ma, yɛ mą: «Ə́ kaa a haláá laa həli mun a yələ kəlee mɛ̨nį, yɛ bələi Mɛlkisedɛkə kaa la.»

Mąątɛ̨nɛ̨ 119:136

Ɲɛ̨́iyá kpɔ kpɔɔ kaa tooi mą́ą́, mąąhɔlɔɓo, di hvo ə́ wɔ tɔn nwooi pɔ yíiɓoi.

Mąątɛ̨nɛ̨ 125:5

Kɛlaa, nuąi daa həɠə bələ mɛ̨i, di hiɛ pələ kpɛli kpəlaanŋąąi, Yai-Laa ə di kpɛ, da mɛ̨nį ɲɔ̨n gɛ nuą; Liilaa ə kɛ Israɛlə mɛ̨i.

Mąątɛ̨nɛ̨ 36:3

Gaa gbɔwɔ ɲɛ̨i ɓa a nu kɛnɛ̨ɛ̨, hva pɛli ɉɔn gaai, yɛ həɠə bulu.

Mąątɛ̨nɛ̨ 78:41

Di pənə nwɔ̨nɔ̨ di Yálá woo kwɛli, diɛ Israɛlə nwɔ Mąąhəɠəmun líikələn tii la gwəi.

Mąątɛ̨nɛ̨ 78:57

Di di pulu tinɛ̨n, di di pulu tɔɔ Yálá ɓa, yɛ di nąnni; di yali di pulu, yɛ kilɛn ɲɛli a tee.

Lɛɛ gbɔwɔ ɓa 32:11

Kɛlaa, Moisə ə nɛ̨ɛ̨mąą hvə Yai-Laa ɓa, yai a nwɔ Yálá yɛ mą: «Ə́ líílaa! Yai-Laa, lə mɛ̨nį ɓa yá ə́ lii ŋąnwąną nuąi ŋɛ̨i pɔ? Yɛ́ lɔ ɓə di kulɔ Eziptə lɔi hu a ə́ wɔ yee walawala laa, yii hɛn da hva tɔɔ na.

Lɛɛ gbɔwɔ ɓa 32:14

Mɛ̨nį nwąnąąi Yai-Laa ə kɛi pa naai nwɔ nu huwui ɓa, ə yili həɠə mą.

Ɉeremi 11:10

Daa pənə daa hvilɛn di kalani pɔlɔɠaa kɛ nɛ̨ŋɛ̨nŋaa pulu, a diɛi tii di hvo gɛ, di hvo di wəli tɔɔ nwóó ɓa. Ya ka, diɛ kpɛli mąn daa hvilɛn haliɠaa pulu, diɛ kwɛli hvilɛn diɛ. Ɉuda nɔi nuą-o, Israɛlə lɔi hu nuą-o, mįnɛ̨i ŋɛ̨i kwa diɛni ku ɉəɠə, bələ ɓə daa mąą kala la.

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Ɉeremi 34:16

Kɛlaa, kaa pənə kaa ka woo kala, kaa náá ɓɛlɛ too la tii. Ka kəlee káá pənə káá ka wɔ luwɔɠaai hon nwɔ̨nɔ̨; ɉinąą mąn nɛ̨ą mąn. Diɛi tii kɛ kaa ka yee ɓo diɛ, káá pənə káá di tɔ̨nɔ̨ mį́i yɛ luwɔɠaa.»

Ɉeremi 9:1

'Əkə! Gbɛɛ ɓə a gbáán dee kələ tɛɛ pɔ? Nɔi pun ɉu! Ə gɛ, ŋį́ kulɔ nwɔ́ nuą lɔwai, ŋį́ li ŋį́ mą́ą́kilɛ di yəi kwɛa la. Di kəlee di kaa a wɛli hon nuą, a ɲaba lɔ nuą.

Ɉeremi 9:18

Woo lawoo kaa tɔɔi Siɔn daai! «Diɛ kɛ: Ə́kə! Daa ku too ku kpowoɲɛi ɓa, nwumɛ̨ yɛ ə ku paa, mąąnɛ̨ɛ̨ ku kulɔ lɔi, daa ku wɔ pɛlɛ́ɠaa pu.»

Izikiɛ 18:24

Kɛlaa, tələnmomun yii a ɲee kulɔ tələnmo yíi hu, yɛ túwɔ pələ ɲɔ̨n gulɔ; dúwɔ pələ ɲɔ̨n gbɛa kpɛaɠaai nu ɲɔ̨nwɔ̨ɔ̨ɠaa di kɛi gulɔ, yɛ di kɛ, a kɛi yiliɠaai kɛ, a mɔ̨ɔ̨ pɛli lɛɛ yɛnɛ̨ɛ̨? Dələnmo túwɔi kpɔ ə mo, gili hva lɛɛ nuą ŋą; nwoo kalai ə mo da nɛ̨ŋɛ̨n ə ɉəɠə, yili mąą mɛ̨nį ɓə pai gɛi yɛ haa.

Amɔsə 7:3

Mɛ̨nįi Yai-Laa ə kɛi pa gɛi, ə mąąhvalin, yɛ mą́ą́: «Yii tii ə́ gaa, hvo pai kɛi tii.»

Zôna 3:10

Yálá ə Ninivə nuą túwɔ́ pələi tii kaa, daa di pulu tɔɔ di túwɔ́ pələ ɲɔ̨nŋąą diɛ; Yálá ə di ɲɛ̨imąąwɛli kaa, ə nwɔ liiɲąnwąną həɠə di mɛ̨i hvo gɛ yɛ pələi ə giliŋąhiɛ la.

Zôna 4:2

Ə mo Yai-Laa ɓa, yɛ mą: «Yaai-Laa Kɛlɛi mɛ̨nįi ŋį́ kɛi mo ɓɛlɔwai ŋį́ kɛ la bɔ́ lɔi ya ka ee! Mɛ̨nį ŋį́ ɲɔw mą, ŋį́ laa dɔwɔ, gɛ́ pu, gɛ́ li Tarsisə daai yaa li. Mąąhɔlɔɓo ŋį́ gɔlɔn gɛ́ diɛ: ə́ kaa a Yálá yii a mɛ̨inɛ̨ɛ̨ kɛ, ɲɛ̨imąąwɛli kaa yɛ ɓo ɲəi kɛnɛ̨, hva níiholi ɉa, naahvɛɛi a wɛlikɛmąą hvo bɔ hvo mɛ̨nį nwąnąą laa nu ɓa.

Sofoni 1:6

Nuąi daa di pulu tɔɔ Yai-Laa ɓa, di hva gɛ di hvo ɲɛ̨ilaa kwɛli mɛ̨nį ta hu, di hva mąąnikɛ, Gáá gəlee nwun napilii.

Maafîu 24:13

Kɛlaa, nui a tɔɔ kpąą ə lɛɛ laa ɉu ɲąą kpɛɛi lɔwai, mąą nui nwun mąą a ɓo.

Maafîu 5:44

Nwɛ́i gáá moi kaa, ka ka yowo wɛli la kɛ, nuąi da ɓɛlɛkpɛɛ kaa, ka Yálá hvɛli diɛ.

Lukə 6:12

Nąąlɔwai tii hu, Jesus ə tɛ yee kpukpu ta ɓa, əgɛ, ə Yálá hvɛli mąą kpinįi tii hu, ə yii Yálá hvɛli; ə lɛɛ la ɉu yələ ə ɓɔ.

Hebreu 10:38

Nwɔ́ɔ́ tələnmomun, a yɛnɛ̨ɛ̨ kɛ laa na laa háálai, kɛlaa, a tinɛ̨n, a bulu tɔɔ mą, gwə́i hva kɛa nɛ̨ɛ̨ bɔ.»

Zasua 22:16

diɛ kɛ diɛ: «Yai-Laa nwɔ nu huwui kəlee woo ka: Lə ɓə kɛ yaai, ka káá kulɔi Israɛlə Yálá pulu, kaa ka mąąkwɛa Yai-Laa ɓa háákələi? Kaa haláá kulɔi tɔɔ a kaa kpinįi ka wɔɔ, ɛlɛɛ, kaa ka kwɛli tee la tii Yai-Laa ɓa háákələi?

Samuɛlə dɔlɔɔ 12:23

Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.

Samuɛlə dɔlɔɔ 13:13

Samuɛlə yɛ Saulə ɓa: «Yáá túwɔ́ yɛ ɓowo mun. Hvo Yai-Laa ə́ wɔ Yálá nwɔ tiɓoi kɛ li, a yai ə naa ə́ nwuɔ̨i, ə li kɛ túwɔ́ tii, Yai-Laa ə li ə́ wɔ tɔɔlaai huwalawala Israɛlə mɛ̨i a yələ kəlee.

Samuɛlə dɔlɔɔ 15:10

Yai-Laa ə mo Samuɛlə ɓa, yɛ mą:

Samuɛlə dɔlɔɔ 15:3

Yili ɓa, li, ə́ Amalɛkə nuą kəlee paa, hvo dɔ̨nɔ̨ kpɛli lɛɛ, da ɉɛnŋaai kpɔ gaa laa gəlee; ə kɛ a hulɔnu, nɛ̨ɛ̨nu, lokolo, ə mą kɛ a ɲįnį kpələ lon, nįŋɛ̨ɠaa, ɓɛlaaɠaa, ɲɔ̨nwɔmɛɛɠaa, da hoohvaalənŋaa.›»

Samuɛlə dɔlɔɔ 15:35

Samuɛlə hvə kɛa ɲɛ̨i tɔɔ Saulə ɓa, ə lɛɛ la ɉu ə haa. Samuɛlə ə kɛi Saulə mąą wɔlɔ ɓo, mąąhɔlɔɓo, Saulə kɛ mɛ̨nį a Israɛlə tɔɔmun, Yai-Laa aa kɛ nwoo yali bulu.

Samuɛlə dɔlɔɔ 15:9

Kɛlaa, Saulə da nwɔ nuąi di Agagə lɛɛ a vúlu; ə mą kɛ, daatɛlɛɛ kpɛa-kpɛa da bɛlɛɛɠaa, yiiɠaa kɛ di yolaa. Mɛlaa lonnii yiiɠaa kpɔ kɛ ɉu a nɛlɛɛ di hvo gɛ di hvo gəlee paa. Kɛlaa, yiiɠaa kɛ di kpala-kpalaa diɛ lɔ ɓə di di paa.

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Samuɛlə dɔlɔɔ 8:6

Nwooi tii ə nwąną Samuɛlə ɓa, di kɛ mɛ̨nį ma tɔɔmun dɛɛ ku pɔ, yɛ ku ɲąąwooɓo. Ə lɛɛ Samuɛlə ə Yai-Laa hvɛli,