Samuɛlə dɔlɔɔ 14:47 - Yálá laawoo hɛɓɛ (dc)

⁴⁷ Dɔɔlaa hɔlɔɓoi Saulə ə mo Israɛlə lɔi hu, ə kɔ́ pɛlɛ ɲowoɠaai kɛ gwɛ diɛ, diɛ ɓaa: Moabə lɔi, Amɔn lɔi, Edɔmə lɔi, Sova tɔɔɓɛlaa, Filisti nuą. Gɔ tɛitɛi kəlee hu, ə kɛi nɛɛ Saulə ɓa.

Yálá laawoo hɛɓɛ

⁴⁷ Dɔɔlaa hɔlɔɓoi Saulə ə mo Israɛlə lɔi hu, ə kɔ́ pɛlɛ ɲowoɠaai kɛ gwɛ diɛ, diɛ ɓaa: Moabə lɔi, Amɔn lɔi, Edɔmə lɔi, Sova tɔɔɓɛlaa, Filisti nuą. Gɔ tɛitɛi kəlee hu, ə kɛi nɛɛ Saulə ɓa.

Bible

⁴⁷ Sɔ̂ɔ kɛ́ɛ a kâloŋ Eezuɛ lɔii mɛi, è kɔ́ pɛ̀lɛ Eezuɛ ŋɔkpɔara-ƃelai dîa kwaa kélee ma. È kɛ̀ Môa-ŋai pɔ́, Amɔŋ-ŋai, Idɔŋ-ŋai, Zoba kaloŋ, Felesia kaloŋ da Amɛlɛka-ŋai. Ǹûai ŋí dí tùa ŋúma kɛ̂i Eezuɛ-ŋai dîa. Sɔ̂ɔ è kɔ̀ kpɔ́ dípɔ gɛ́ dí kpéra ŋúma kɛ̂i Eezuɛ-ŋai dîa. È wɔ́lɔ kɛ̀ a kɔ-kuluƃa-ŋa mɛi nuu kɛ́tɛ líi kpeleɛɛ.

Samuɛlə dɔlɔɔ 14:47 ပူးပေါင်းရင်းမြစ်များ

Zɛnɛse 19:37

Nu pɔlɔ laamun ə naayɛɛ a julɔnu, ə naa hee a Moabə. Moabə tii ɓə kɛ a Moabə lɔi hu nuą di kalaɓɔlɔ.

Zɛnɛse 19:38

Nokolo laamun yaa kpɛli ə naayɛɛ a hulɔnu, ə naa hee a Bɛn-Ami. Bɛn-Ami ɓə kɛ a Amɔn lɔi hu nuą di kalaɓɔlɔ.

Zɛnɛse 36:1

Esau nu huwu laa ka: Esau laa ta ɓaa a Edɔmə.

Zɛnɛse 36:19

Nuąi tii ɓə kɛ a Esau huwu, a pɛlɛ́ nąmįną, diɛ ɓə da kɛ di laa ɓa a: Edɔmə nuą.

Zɛnɛse 36:8

Esau ə hee Seirə ɲee hu. Esau ɓaa a Edɔmə.

Samia Veerɛi 1:22

Kɛlaa, ə kɛi mąątí a nuąi ə kɛi di paa di ɲąmą, da kɔ́kuláá wulɔ. Ɉonatan nwɔ kilɛn hvo ta kɛ pu li nu ta tɔwɔ. Saulə nwɔ kɔ́ kɔ́ ɓɔwai hvo kɛi tɛ taai a mąą kpalaa.

Samia Veerɛi 10:6

Amɔn nuą di gaa diɛ daa túwɔ́ pələ ɲɔ̨n gulɔ a Davidə. Di nɛɛ mą di nuą tɔɔ Bɛtə-Rehɔvə, di Aramə nuą da Sova Aramə nuą yá, di kɛ a di wɔɔ kɔ́kulááɠaa, nu waa pow hveelɛ ɲɔ̨nwɔ̨mąn. Maaka tɔɔmun ə nu waa tɔ̨nɔ̨ tɛɛ, Tɔvə nuą nu waa pow kɔ́w hveelɛ.

Samia Veerɛi 8:15

Davidə ə heeɓolaa kɛ Israɛlə kəlee nwun na. Ə kɛi nwɔ nuąi hutoo a tələnmolaa, da kwəi kwəlɛlaa.

Samia Veerɛi 8:3

Davidə ə pənə ə Sova tɔɔmun, Rehɔvə lon Hadadɛzɛrə hon a kɔ́; ɓɛlɔwai yili ə kɛ bɔ ə nwɔ ɲąąwooɓolaa hee la Eufratə ɲálee kwɛlɛ pələ.

Tɔɔɓɛlaa dɔlɔɔ 11:23

Yálá ə Salomɔn ɲowo takpɛli muhəɠə, yili ɓa kɛ a Ɛliada lon Rezɔn. Ə pu, ə həɠə Sova tɔɔmun Hadadɛzɛrə pɔɔli, yai kɛ a nąmu.

Tɔɔɓɛlaa veelɛ 14:27

Yai-Laa hvo kɛ kɛ li diɛ gaa Israɛlə laa kpɛɛi yələkɔlɔn mu. Ə di nwun mąąɓo a Ɉoasə lon Ɉeroboamə ɲee hu.

Samuɛlə dɔlɔɔ 12:2

Ə həɠə yiihu ɓa, dɔɔmun tii ɓə pai kɛi tɔɔi ka ɲɛ̨i tɔwɔ; nwɛ́i, ŋą́ą́ pɔlɔ, kɔ́lɔ hvo kɛa mą́ą́, nónnii kaa ka pɔ, di kaa nu kpalaan ɉeɛɠaa. Ɲą́ą́ ɓə kɛi tɔɔ ka ɲɛ̨i tɔwɔ, ə həɠə náŋą yələ ɓa, ə həli la háákələi ɓa.

Samuɛlə dɔlɔɔ 13:1

Saulə kaa kwɛlan ə kɛ a… ɓɛlɔwai di ɉee la a tɔɔmun. Ɛlɛɛ, ə tɔɔlaa kɛ Israɛlə nwun na a kwɛlan veelɛ.

Samuɛlə dɔlɔɔ 14:46

Saulə ə həɠə Filisti nuą pulu, yiliɠaai də li di wɔ lɔi hu.

Samuɛlə dɔlɔɔ 14:52

Filisti kɔ́ ə kpɔlu Saulə nwɔ yɛnɛ̨ɛ̨ kəlee yee mu. Ya lɔ ɓaa kɛ Saulə, a huwalawala mun da kaa Israɛlə nuą lɔwai, a mąą nu həɠə, da yaa di tɔɔi ə kɛ tɔ̨nɔ̨.

Samuɛlə dɔlɔɔ 21:7

Ɉaláá laa həli mun ə ɉaláá lɛɠɛ ta tɛɛ bɔ. Mąąhɔlɔɓo, lɛɠɛ takpɛli hvo kɛ laa, hvo kɛli lɔ lɛɠɛi kɛ a Yálá kɔ́ hɛn. Daa kɛ ɉəɠə Yai-Laa lííla, diɛ lɛɠɛ mɔnŋąą nįnɛ̨ laa laa a mąąhvalin.