Samuɛlə dɔlɔɔ 14:45 - Yálá laawoo hɛɓɛ (dc)

⁴⁵ Kɛlaa, nuą kəlee diɛ Saulə ɓa: «Ɉonatan a pɛli mɔ̨ɔ̨ haai, Yaai gɛ gɔ́ kɛnɛ̨i ŋɛ̨i yɛ nɛɛ guɔ? Yili hvo pɛli li ɉu. Yai-Laa kaa a vulú, akɛ yili a kɛ tii, kɛɛ kala mɛ̨nį kɛnɛ̨ kpɔ-kpɔɔ li. Ɉonatan nwun nəɠa tɔ̨nɔ̨ kpɛli hva kulɔ nwuɔ̨. Mąąhɔlɔɓo, Yálá ɓə kpɔnmąą tɛɛ bɔ, yɛ mɛ̨nįi ŋɛ̨i kɛ háákələi.» Bələ ɓə nuą di Ɉonatan nwun mąąɓo la diɛ gulɔ haa hu.

Yálá laawoo hɛɓɛ

⁴⁵ Kɛlaa, nuą kəlee diɛ Saulə ɓa: «Ɉonatan a pɛli mɔ̨ɔ̨ haai, Yaai gɛ gɔ́ kɛnɛ̨i ŋɛ̨i yɛ nɛɛ guɔ? Yili hvo pɛli li ɉu. Yai-Laa kaa a vulú, akɛ yili a kɛ tii, kɛɛ kala mɛ̨nį kɛnɛ̨ kpɔ-kpɔɔ li. Ɉonatan nwun nəɠa tɔ̨nɔ̨ kpɛli hva kulɔ nwuɔ̨. Mąąhɔlɔɓo, Yálá ɓə kpɔnmąą tɛɛ bɔ, yɛ mɛ̨nįi ŋɛ̨i kɛ háákələi.» Bələ ɓə nuą di Ɉonatan nwun mąąɓo la diɛ gulɔ haa hu.

Bible

⁴⁵ Nya ƃe gɔ-kuluƃa-ŋai dí làɣi dîyɛɛi, “Kpao, Ɣâla è kpɔ́ŋ Zonetaŋ ma é ǹûai yée mɛi ɣále gɔ́i su kúmɛni ma. Kú fé pâi fâai ma í bàa. Yâwɛɛ fé kúmɛi kâa, kúfe pâi lɛɛ̂i ƃɛ́ í bàa, kpaa máŋ í íyee pɛ́lɛ ma.” Gɔ-kuluƃa-ŋai dífe fáa ní ma a gɛ́ɛ Sɔ̂ɔ é Zonetaŋ paa.

Samuɛlə dɔlɔɔ 14:45 ပူးပေါင်းရင်းမြစ်များ

Samia Veerɛi 14:11

Nɛ̨ɛ̨nui tii yɛ tɔɔmun ma: «Tɔɔmun! Ə́ kwɛla a Yai-Laa yɛ, nón ɉulɔnu tɔ̨nɔ̨i ŋɛ̨i aa lɛɛ ɲə́i di hvo pai baa, a mɛlan ŋama nwąną kulɔ hɛn.» Tɔɔmun yɛ mą: «Yii kpɔ Yai-Laa kaa laa, ə́ lon nwun nəɠa tɔ̨nɔ̨ kpɛli hva too lɔi ɓa.»

Tɔɔɓɛlaa dɔlɔɔ 1:52

Salomɔn yɛ diɛ: «Akɛ Adoniasə a túwɔ́ a kaalon dúwɔ́ pələ, nwun nəɠa tɔ̨nɔ̨ kpɛli hva too nɔi ɓa. Kɛlaa, kiliŋąhiɛ ɲɔ̨nwɔ̨ɔ̨ logolo tiikpə ə mą kɛ mą, a ɉu haa ɓo.»

Kɔlɔnikɔ Veerɛi 19:11

Ɉaláá laa həli mun gɛnɛ̨ Amariahu ɓə ka kəlee ka nwun na, Yai-Laa mąą mɛ̨nį kəlee hu, ɛlɛɛ, Ɉuda ŋą pɛlɛ́i nwun nąmu Yismaɛlə lon Ɉevadiahu ya ɓə gaa, mɛ̨nįi kpɔ hvilɛn na tɔɔmun mąą mɛ̨nį ɓa nwun na. Levi lonnii ɓə ka yəi a ɉɛɓɛ́kɛnuą. 'Ka tɔɔ a nwąnąi, 'ka goló kɛ! Nui a gɛ a nɛlɛɛ, Yai-Laa ə kɛ mąą nu pɔ!»

Nehemi 9:27

Yili ɓə gɛ, 'di too di yowo yee kɔ́nma, a di mɔ̨nɔ̨ laa di mɛ̨i, da kɛ tii mɔ̨nɔ̨ hu, di kɛi tomą ə́ pɔ pələ, ə lɛɛ, yɛ́ lɛɛ yələi pələ, yɛ́ di woo mɛ̨n. Ə lɛɛ, ə́ wɔ ɲɛ̨imąąwɛli kaa hu ə́ kɛi di nwun mąąɓo nuą tɛɛ di pɔ, yiliɠaai diɛ di kulɔ di yowoɠaa yəi.

Azaya 13:3

Nwɛ́i, nwɔ́ kɔ́kuláaɠaai ŋį́ di həɠə ɉu a nwɔ́ɔ́, ŋą́ą́ di təli, ŋą́ą́ kɛla tɔɔ nwɔ́ kɔ́kuláa yɛlɛɛɠaai pɔ, a diɛi tii ɲɛ̨́i pɔ̨nɔ̨ mɛ̨nį kaa a di kwəinɛ̨ɛ̨ mɛ̨nį, diɛ nwɔ́ liiholii nwąnąkulɔ.»

Maafîu 10:30

Ka wɛi, ka nwun nɛɠaɠaa kəlee lonɔɔ kpaɠala kaa mą.

Lukə 21:18

Kɛlaa, ə mą kɛ ka nwun-nəɠa kɔ́w tɔ̨nɔ̨ kpɛli hva pili ɉu.

Gɛlaɠaa 14:27

Həlii di mo Antiɔsə, di gbɔn ɉu nuą ɲąąkpɔn, yii kpɔ Yálá ə gɛ di yee hu, pələi nwɔ̨nɔ̨ ə pələ laa ɓo la huwu takpɛliɠaa tɔwɔ, əgə di laa na laa hɔlɔɓo, di yili kəlee hukulɔ diɛ.

Gɛlaɠaa 15:12

Nąąlɔwai nuą kəlee di di laa pilɛ kpɔ tín, yili pulu, di di wəli tɔɔ Barnabasə da Polə diɛ. Kwɛlɛɛn mɛ̨nįɠaa da kpalo mɛ̨nįɠaai Yálá ə gɛ a di yee, huwu takpɛliɠaa pɔɔli, di yili kəlee hukulɔ.

Gɛlaɠaa 21:19

Polə ə nwoo pili diɛ, pələi kpɔ Yálá ə kólo kɛ la yaa ti ɲee hu hį́i takpɛliɠaa lɔwai, ə gəlee hukulɔ kpɔ diɛ tɛ̨ɛ̨tɛ̨ɛ̨.

Gɛlaɠaa 27:34

Gáá ká mąąnɛ̨ɛ̨i, gɛ́ ká gu kɔ̨nɔ̨n mįi, mąąhɔlɔɓo, yili ɓə a ka nɔ̨ɔ̨ lɛɛ ka hu. Ka ta nwun nɛɠa tɔ̨nɔ̨ kpɛli hvo pai lan ɉii ɉu.»

Lomaŋ 15:18

Yili ɓa, vá pɛli mɛ̨nį takpɛli ɓoi, ə kulɔ lɔ, yii Kristə ə gɛ ɲéé, gɛ́ huwu takpɛliɠaa hvilɛn nwɔ pələi mɛ̨i, a nwóó da gɛ́-mɛ̨nį,

Korɛntə dɔlɔɔ 3:9

Gbala ə tɔɔ, ku kaa kólo kɛi gii ɓa Yálá yəi ɲɛa, káá ɓə a Yálá ŋą tíi, a Yálá ŋą pɛlɛ́i.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

M̀ɛni-lɛɛi 19:14

Gɔlaɠaɠaai yələkɔlɔn ɉu, di hvilɛnŋąą bulu, di heɛ hoo kwɛlɛɛɠaa mɛ̨i, həɠə kwɛlɛɛ pə-pə ə ɓo diɛ.

Samuɛlə dɔlɔɔ 11:13

Saulə yɛ diɛ: «Mąą hvo nɛ̨ɛ̨li di hvo nu ta paa háákələi, mąąhɔlɔɓo, kɔ́ a háákələi nɛɛ Yai-Laa ɓa Israɛlə lɔi hu.»

Samuɛlə dɔlɔɔ 14:23

Yai-Laa ə gɔ́ nɛɛ Israɛlə ɓa a volói tii. Gɔ hu ə kɛnɛ̨ kpɔ, ə həli Bɛtə-Awɛn pulu pələ.

Samuɛlə dɔlɔɔ 14:46

Saulə ə həɠə Filisti nuą pulu, yiliɠaai də li di wɔ lɔi hu.

Samuɛlə dɔlɔɔ 19:5

Davidə ə gili kulɔ nwɔ yɛnɛ̨ɛ̨ hu, yɛ Filisti hulɔnui paa, ɛlɛɛ, Yai-Laa ə kɔ́ kɛnɛ̨ nɛɛ Israɛlə nuą kəlee ɓa, ə́ naa kaa, ə́ kwəi ə nɛ̨ɛ̨ ɉu. Ə́ kaa pai nɛ̨ŋɛ̨n ɉəɠəi, yɛ́ kwəi kwələ mun ɲąmą pu, yɛ́ Davidə paa kpɛli-kpɛli, lə mɛ̨nį ɓa?»