Samuɛlə dɔlɔɔ 13:13 - Yálá laawoo hɛɓɛ (dc)

¹³ Samuɛlə yɛ Saulə ɓa: «Yáá túwɔ́ yɛ ɓowo mun. Hvo Yai-Laa ə́ wɔ Yálá nwɔ tiɓoi kɛ li, a yai ə naa ə́ nwuɔ̨i, ə li kɛ túwɔ́ tii, Yai-Laa ə li ə́ wɔ tɔɔlaai huwalawala Israɛlə mɛ̨i a yələ kəlee.

Yálá laawoo hɛɓɛ

¹³ Samuɛlə yɛ Saulə ɓa: «Yáá túwɔ́ yɛ ɓowo mun. Hvo Yai-Laa ə́ wɔ Yálá nwɔ tiɓoi kɛ li, a yai ə naa ə́ nwuɔ̨i, ə li kɛ túwɔ́ tii, Yai-Laa ə li ə́ wɔ tɔɔlaai huwalawala Israɛlə mɛ̨i a yələ kəlee.

Bible

¹³ Samia è ŋ̀óo su tòo ǹyɛɛi, “Í tùa a ƃoo pere. Ífe íwoli tɔɔ ní Íɣâlai Yâwɛɛ ma. Eêi kɛ̀ í íwoli tɔ̀ɔ ma, ísuui su nuu da eêi pɔri kɛ̂i a kâloŋ Eezuɛ mɛi a kóraŋ kélee.

Samuɛlə dɔlɔɔ 13:13 ပူးပေါင်းရင်းမြစ်များ

Zɛnɛse 31:28

Yii ŋɛ̨i yaa gɛ, hvo kpɛli nɛ́ɛ́ li laa kwa nonnii ku hvo yələwala too ku kee ɓa, ə mą kɛ kwa máləni. A tɛ̨ą, hvo túwɔ́ li a ɲą́ą́ a nɛlɛɛ.

Samia Veerɛi 24:10

Ɲąąɓa, Davidə kpɛɛ a nuą lonoɔ, níi ə ɓɛla mą. Davidə yɛ Yai-Laa ɓa: «Nɛ̨ŋɛ̨n gɛnɛ̨ ka tii ŋą́ą́ ɉəɠə; Yai-Laa, gɛ́ ə́ ə́ ɲɛ̨i həɠə ə́ wɔ luwɔ kɛ hɔn ma, mąąhɔlɔɓo, ŋą́ą́ túwɔ́ yɛ ɓowomun.»

Tɔɔɓɛlaa dɔlɔɔ 18:18

Eli yɛ mą: «Ɲą́ą́ və́i kpalo ɓɛla Israɛlə ɓa. Yɛ́mun mə ka ə́ nąn ɲəi bɛlɛ́n nuą. Mąąhɔlɔɓo, kaa lənə Yai-Laa nwɔ tiɓoɠaa diɛ, ɛlɛɛ yáá hvilɛn Baalə pulu.

Tɔɔɓɛlaa dɔlɔɔ 21:20

Akabə yɛ Eli ɓa: «Ee kə ɲówo! Yáá nwɔ̨nɔ̨ gáá.» Eli yɛ Akabə ɓa: «Ee! Ŋą́ą́ ə́ kaa-o. Mąąhɔlɔɓo, yáá ə́ kpɔwɔ kwɛlɛ túwɔ́ pələ ɲɔ̨n ma, mɛ̨nį a nwąną Yai-Laa ɓa, yɛ́ gɛ.

Kɔlɔnikɔ Maa-ŋuŋ 10:13

Saulə ə haa mąąhɔlɔɓo, nwooi da Yai-Laa di mo, hvo kɛ lɛɛ li bulu, mɛ̨nįi Yai-Laa ə mo mą, hvo bɔ mɛ̨nį kɛ li; ə lɛɛ, gɛ mɛ̨nį ə li tɔɔi, yɛ nwun dɔɔ a ɲąmuątaa tɔlikpɛ mun da,

Kɔlɔnikɔ Veerɛi 16:9

Mąąhɔlɔɓo, Yai-Laa a ɲɛ̨i laa lɔi mɛ̨i nąą kəlee, nuąi di kilitɔɔ mą di kwəi tɔ̨nɔ̨ mɛ̨i, yɛ tɔɔ di pulu. Mɛ̨nį yii ŋɛ̨i hu nwɛi, yáá túwɔ́ yɛ ɓowomun. Yili mąą mɛ̨nį ɓa, ə həɠə yiihu ɓa, di kaa pai kɛi kɔ́ pɛlɛi yɛ́.»

Kɔlɔnikɔ Veerɛi 19:2

Gwɛlɛɛn gɛɛ kaamun Ɉehu a Hanani lon, ə kulɔ yɛ li Ɉosafatə laakwiɛn ɉii, ə li yɛ mą: «Akɛtii nu ɲɔ̨nwɔ̨ɔ̨ɠaa ɓə yá kpɔnmąą tɛɛ di pɔ, ɛlɛɛ, Yai-Laa ɲowoɠaa ɓə yá di wɛlila kɛ? Yili mąą mɛ̨nį ɓa, Yai-Laa nwɔ liiholii kaa pai ɓɛlai ə́ mɛ̨i.

Zôo 34:18

Da mɔ̨ɔ̨ kɛ tɔɔmun ma ɓowo mun? Da pɛli nu kpɛa kpɛa kɛi a nu paa nuą?

Hanwon 12:8

Da nu mąątɛ̨nɛ̨ gɛ koló ɓa. Kɛlaa, nui gili ɲɔ̨nwɔ̨ɔ̨ gwəi, wɛlikpɛɛmąąlaa lɔ ɓə da dɔɔ mą.

Hanwon 19:3

Nu nwɔ ɓowo ɓə a nąn, a kɛ tii Yai-Laa ɓə mąą nu a níiholi bɔ.

Azaya 39:5

Nąąlɔwai kɛa, Esai yɛ Ezekiasə ɓa: «Ə́ wəli tɔɔ Mɛ̨nį Kəlee ŋą Hééɓomun Yai-Laa woo ɓa, yɛ mą:

Ɉeremi 18:10

Kɛlaa da wala di wəli tɔɔ nwóó ɓa, mɛ̨nį ɲɔ̨n nwɛli hvo mą́ą́ diɛ di yee too ɉu, mɛ̨inɛ̨ɛ̨ ŋą́ kɛi pa gɛi diɛ, ŋą́ ɲali bulu.»

Samuɛlə dɔlɔɔ 1:22

Kɛlaa, Anə hvo li, mąąhɔlɔɓo, ə mo ɉilɛ ɓa, yɛ mą: «Gu nąą mąąkpɔn, di nokolo laa kulɔ ɲįnį ɓa, nąąlɔwai, kwa yaa kwali di naa həli Yai-Laa ɓa, ə lɛɛ kɛa laa a yələ kəlee.»

Samuɛlə dɔlɔɔ 13:12

Yili ɓə gɛ, gɛ́ kɛ diɛ, Filisti nuą yɛɛ hiɛ ka, di wolo mą́ą́ Gilgalə, ə lɛɛ, vá ni kɛ a Yai-Laa liilaa haláá kulaa.»

Samuɛlə dɔlɔɔ 15:11

«Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.

Samuɛlə dɔlɔɔ 15:22

Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.

Samuɛlə dɔlɔɔ 15:28

Samuɛlə yɛ Saulə ɓa: «Yai-Laa aa ə́ wɔɔ naa tee Israɛlə tɔɔlaa ɓa háákələi, aa dɔɔlaa tɛɛ nu takpɛli pɔ, yii viɛlaɓoɔ yɛ́.

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Samuɛlə dɔlɔɔ 26:21

Saulə yɛ mą: «Ŋą́ą́ nɛ̨ŋɛ̨n ɉəɠə, pənə ə pa nón Davidə. Vá kɛa mɛ̨nį ɲɔ̨n gɛ a yɛ́. Mąąhɔlɔɓo, yáá nwɔ́ yɛnɛ̨ɛ̨ kaa a hɛn mąąwiaa háákələi. A tɛ̨ą, ŋą́ą́ túwɔ́ yɛ ɓowo mun, ŋą́ą́ lan gbɔ kɛnɛ̨.»