Samuɛlə dɔlɔɔ 12:23 - Yálá laawoo hɛɓɛ (dc)

²³ Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.

Yálá laawoo hɛɓɛ

²³ Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.

Bible

²³ À kɛ̀ ŋà kpèra Ɣâla fɛlîi kámaa mɛni ma, gɛ̀ ní ŋá Ǹuu-namui wóo píli! Ŋa pâi berei lɛ̂i kâa a ɣele kélee nyíi a pɔri gɛ̂i kátûa a ǹɛ́lɛɛ.

Samuɛlə dɔlɔɔ 12:23 ပူးပေါင်းရင်းမြစ်များ

Tɔɔɓɛlaa dɔlɔɔ 8:36

Ną́mu, yɛ́i ə́ kaa yələkɔlɔn ɉu, ə́ wəli tɔɔ, ə́ ə́ wɔɔ tímun Israɛlə ŋą nɛ̨ŋɛ̨n mąąhvaalɛɛ. Bələ haŋąąi mąą nɛ̨ɛ̨ di hiɛ la, ə́ nɛ diɛ, ə́ tulɔ tɛɛ ə́ wɔ lɔi pɔ, nɔi ŋɛ̨i ə́ dɛɛ ə́ wɔ nuąi pɔ a di kwɛlin.

Kɔlɔnikɔ Veerɛi 6:27

Yɛ́n, lɛɛ yələ kɔ́lɔn ɉu, ə́ ə́ wəli tɔɔ yɛ́ tínuąi da yɛ́ nu huwui Israɛlə di wɔɔ nɛ̨ŋɛ̨n mąąhvaalɛɛ. Bələ ɓə yá kpaalə lɛlɛɛ lɛ la diɛ, diɛ hiɛ ɉu; yá gɛ tii, ə́ túlɔ́ tɛɛ yɛ́ lɔi pɔ; a nɔi ŋɛ̨i ə́ dɛɛ yɛ́ nuhuwui pɔ a ə́ kwɛlin.

Mąątɛ̨nɛ̨ 122:6

'Ka liilaa huhvɛli Ɉerusalɛmə mąą mɛ̨nį ɓa; əgɛ, Ə́ wɛlikɛmąą nuą diɛ pɛli yɛnɛ̨ɛ̨ kɛi a di wəli pulu laɠiɛ.

Mąątɛ̨nɛ̨ 34:11

Yalaɠaa da hvɛɠɛ, di pulu həɠə, Kɛlaa, nuąi da Yai-Laa kwɛli, di hva hvɛɠɛ a hɛn nɔpee ta.

Mąątɛ̨nɛ̨ 34:12

Nónnii, 'ka pa ka ka wəli tɔɔ nwóó ɓa, bələi mąąnɛ̨ɛ̨ nu ə ɲɔw la Yai-Laa ɓa, ŋį́ bələ lɛ kaa.

Lɛɛ gbɔwɔ ɓa 32:30

Mąą yələ laa ɓoɔ, Moisə yɛ nuą diɛ: «Kaa nɛ̨ŋɛ̨n gɛnɛ̨ həɠə, kɛlaa, dɛ́ hiɛ ka yiihu Yai-Laa pɔ pələ, gbəli hu, gaa lii hvaai mą ə ka wɔ nɛ̨ŋɛ̨n mąą hvaalɛɛ.»

Hanwon 4:11

Kili pələ ka ŋɛ̨i ŋą́ą́ nɛ yɛ́, ŋą́ą́ ə́ hvilɛn pələ haŋąą mɛ̨i.

Ikilisiati 12:10

Kilimąą mun ə gɛ pələ kwɛli kpɔ mą, ə mɛ̨nįɠaai mɛ̨n ŋąą ɲąąnɛ̨ɛ̨, ə di kiliin, yiiɠaai viɛlaɓoɔ, ə nɛ a tɛ̨ą.

Azaya 30:21

Woo kaa pai kɛi tooi ka wəlii, yɛ ka tənən dɔɔ, akɛ mąąnɛ̨ɛ̨ ka li ɓa-mįi-yee hu pələ, a wala kɛti kɛɓɛyee hu pələ, yɛ kɛ kaa: «Bələ ka, 'ka ɉon na.»

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Ɉeremi 27:18

Akɛ mɛ̨nį ɓoɔ gɛɛ tɔwɔ kɛ nuą ɓaa diɛ, akɛ Yai-Laa woo kaa di yəi, mąąnɛ̨ɛ̨ kani di Yai-Laa Mɛ̨nį Kəlee ŋą Hééɓomun mąąnɛ̨ɛ̨, ɉɛn ɲąŋąɠaai ŋɛ̨i Yálá hee pɛlɛ́ mu da tɔɔmun ɲəi bɛlɛ́n, da Ɉerusalɛmə, di hvo li a da Babilonə.

Ɉeremi 42:4

Yálá kwə́i mɛ̨nį hukulɔ mun Ɉeremi yɛ diɛ: «Ŋą́ą́ mɛ̨n, gáá ka mąą nɛ̨ɛ̨mąą hvəi Yai-Laa ka wɔ Yálái ɓa, yɛ bələi ka káá ɉu hvɛlii la mą́ą́. Bələi lɔpee Yai-Laa a ka woo pulu pənə la, ŋį́ ɉukulɔ kaa; va da loo gwə́i.»

Ɉeremi 6:16

Yai-Laa yɛ diɛ: Ka tɔɔ tai, bələɠaa mɛ̨i, ka ka ɲɛ̨i laa! Ka ka hiɛ pələ pɔlɔ mɛ̨i kaa; ka mąąni kɛ kɛ; kaa diɛ: mįnɛ̨ pələ ɓə nwun na nɛ̨ɛ̨ pələ kaa la! Ɛlɛɛ, ka ɉon na. Ka káá pai hvįįtɔɔ hɔlɔɓoi ka wɔ yɛnɛ̨ɛ̨ hu. Kɛlaa ka káá kɛi diɛ: «Ku hvo ɉon ɉii la!»

Gɛlaɠaa 12:5

Piɛrə kɛɛ gaho pɛlɛ́ mu, gbɔn ɉu nuą di kɛi Yálá hvɛli kpɔ a di lii kəlee, mąą mɛ̨nį ɓa.

Gɛlaɠaa 20:20

Mɛ̨nįɠaai da pɛli di kpɔnmąą tɛɛ ka pɔ, və́ da mąąhvįikpɛɛ too li. Kɛlaa, ɲą́ą́ mun, ŋį́ kalan na kpɔn ɉu, da bɛlɛ́ɠaa mu.

Lomaŋ 1:9

Hvó gaai, Yálá kaa a nwɔ́ kɛla, yai gáá tíi mą níí hu, gɛ́ non mąą wɛlɛɛ lɛlɛɛ laa həli, ə gɔlɔn gbɔ yɛ, ŋą́ kɛ gílíŋąhiɛi kaa nwɔ́ Yálá hvɛliɛ pələ kəlee hu.

Korɛntə dɔlɔɔ 9:16

Mąąhɔlɔɓo, nwɛlɛɛ lɛlɛɛ laa həliɛ hvo ɲə́i a gbɔwɔ ɲąąkɛnɛ̨, gaa a mɛ̨nįi hvo kɛli ŋą́ gɛ, ŋą́ wala nwɛlɛɛ lɛlɛɛ laa həli, gaa mą́ą́ a mɛ̨nį.

Kolosə 1:28

Yaa tii ɓə ku kaa mąą mɛ̨nį la həli, kuɔ nu kəlee kilaa pono, kuɔ di mąąkwɛli a kilikɛɲəi laa kəlee, əgɛ, nu kəlee mąą mɛ̨nį laa ə kulɔ kpɔ a neelee, Kristə hu.

Kolosə 1:9

Yili ɓə gɛ, ɲələi ku ká mąą mɛ̨nį mɛ̨n na, ə həɠə ɲələ ɓa, ə həli la yiihu ɓa, ku hva kpɛla Yálá hvɛlii káá. Kwa vɛli Yálá ɓa, kuɔ, ká niiɓa kɔ́lɔn gbɔ kɛnɛ̨, a kilikɛɲəi laa kɛnɛ̨, yɛ hee la ká nįį pɔ.

Tɛsalonikə dɔlɔɔ 3:10

Kpini pɛlɛɛ hvóló ɓa, kwa Yálá hvɛli a hɔlɔmąą laa, kuɔ ku pɛli ku ɲɛ̨i tɔɔi káá, ɛlɛɛ, ku ká wɔ laa na laa laa kulɔ.

Timote veelɛ 1:3

Yálá ŋɛ̨i gáá tíi mą, a gwə́i kwɛlɛɛ, vílɛnŋąą gáláɓɔlɔni pɔɔ ɲą, ŋą́ nwɔɔ mɛ̨inɛ̨ɛ̨ɠaa hukɔlɔn gbɔ kɛnɛ̨, ɉú pələ, ɓɛlɔwai lɔpee, ə kɛ a kpinį, ə kɛ a hvóló, nwɔ́ Yálá hvɛli pələ kəlee, ŋą́ ə́ laa too ɉu.

Samuɛlə dɔlɔɔ 12:19

Nɔi lonnii kəlee diɛ Samuɛlə ɓa: «Ə́ wɔɔ luwɔɠaai maa nɛ̨ɛ̨mąą hvə Yai-Laa ɓa, ə gɛ, ku hvo ləi pa haa. Hvo gaai, kwaa ku kɛ nɛ̨ŋɛ̨nŋaa ta laa mɛ̨i, gɛ mɛ̨nį ku tɔɔ nwɔ̨nɔ̨, kuɔ tɔɔmun ɉu hvəli, kuɔ ɉee, yɛ ku ɲąąwooɓo.»

Samuɛlə dɔlɔɔ 8:6

Nwooi tii ə nwąną Samuɛlə ɓa, di kɛ mɛ̨nį ma tɔɔmun dɛɛ ku pɔ, yɛ ku ɲąąwooɓo. Ə lɛɛ Samuɛlə ə Yai-Laa hvɛli,