Samuɛlə dɔlɔɔ 12:11 - Yálá laawoo hɛɓɛ (dc)

¹¹ Yai-Laa ə Yerubaalə, Bedan, Ɉɛfte, da Samuɛlə di həɠə, ə di tɔɔ, di ka kulɔ ka yowoɠaai kɛ ka kwɛlɛ di yəi, kaa hee nɔi, ka wəli pulu laɠiɛ.

Yálá laawoo hɛɓɛ

¹¹ Yai-Laa ə Yerubaalə, Bedan, Ɉɛfte, da Samuɛlə di həɠə, ə di tɔɔ, di ka kulɔ ka yowoɠaai kɛ ka kwɛlɛ di yəi, kaa hee nɔi, ka wəli pulu laɠiɛ.

Bible

¹¹ Nya ƃe Ǹuu-namui è Giidíɔŋ tɛ̀ɛ da Bala, é pɛ́lɛ Samia ma a gɛ́ɛ dí káŋuŋ ma ƃó. Ǹyaŋ maa tãi tí yée mu, káfe kɛ́ ní yaôi a gɛ́ɛ núu da a pâi kɔ́ pɛlɛ̂i kâa.

Samuɛlə dɔlɔɔ 12:11 ပူးပေါင်းရင်းမြစ်များ

Tɔɔɓɛlaa veelɛ 13:5

Yai-Laa ə nu tɛɛ Israɛlə nuą pɔ, yii ə di nwun mąąɓo. Israɛlə nuą di kulɔ Aramə nuą yee mu, nu kəlee ə hee ɲəi bɛlɛ́n yɛ bələ ə kɛ la a tɔlɔɔ tɔlɔɔ yələ.

Kɔlɔnikɔ Maa-ŋuŋ 7:17

Ulamə lon maa: Bedan. Diɛi tii ɓə kɛ a Galaadə lonnii, yai kɛ a Makirə lon, da Manase lon.

Nwun mąąɓo 4:6

Debora ə Avinoamə lon Barakə təli, yai kɛ a Kɛdɛsə, Nɛftali lɔi hu mun. Yɛ mą: «Yai-Laa Israɛlə nwɔ Yálá, yii ə mo ya ka, yɛ: ‹Ə́ li ə́ nu waa pow ŋąąkpɔn Tabɔrə yee ɓa, ya di həɠə Nɛftali lonnii da Zabulɔn lonnii di lɔwai.

Nwun mąąɓo 6:14

Yai-Laa ə tínɛ̨n yɛ Zedeɔn ɓa: «Vaŋąi tii gaa ə́ yə́i, li ə́ Israɛlə nwun mąąɓo la Madian nuą yəi. Ɲą́ą́ ɓə ə́ tɔɔi.»

Nwun mąąɓo 6:31

Nuąi kpɔ pa Yoasə pɔ, ə mo diɛ, yɛ diɛ: «Akɛtii, kaa ɓə mąąnɛ̨ɛ̨ ka Baalə tɔɔ bulu kɛ mɔ̨ɔ̨? Nui lɔpee a kɛ yɛ gaa Baalə tɔɔ bulu kɛi, gɛɛ tínąą yələ hvo ɓɔ, kwa baa. Akɛ Baalə kaa a yálá, mąąnɛ̨ɛ̨ ə gbɔwɔ mąąkɔ̨nwɔ̨, mąąhɔlɔɓo, ɓɛi da gɔ́ laa, nąą ka tii Zedeɔn aa nwolo.»

Nwun mąąɓo 6:32

Ə həɠə kɛa ɲələi tii ɓa, di Zedeɔn laa mɛ̨i hee, a: Yerubaalə; mukulaa ɓaa: Baalə ə gbɔwɔ mąą kɔ̨nwɔ̨. Di yili ɓo tii, mąąhɔlɔɓo, nwɔ haláá kulɔi ka tii daa nwolo.

Nwun mąąɓo 7:1

Yələwala piinɛ̨ɛ̨, Zedeɔn, yai naa mɛ̨i hee ɓaa Yerubaalə, da nwɔ nu kpului di di muhəɠə, də li di di wɔ kɔ́ ɓuwui pɛlɛ Ein-Harɔdə ɲá ton na. Madian nuą di wɔ kɔ́ ɓuwui ə kɛ pɛlɛ́ni ɲələi pələ, nɛ̨ŋɛ̨ lɔi hu, More ɲee kwɛlɛ pələ.

Nwun mąąɓo 8:29

Yoasə lon Zedeɔn, yai naa mɛ̨i hee ɓaa: Yerubaalə, ə li ə hee ɲəi bɛlɛ́ laaləi.

Nwun mąąɓo 8:35

Di hvo kpɛli di ɲɛ̨i lɛlɛɛ hee Zedeɔn Yerubaalə yəi bɛlɛ́n nuą diɛ, mɛ̨inɛ̨ɛ̨ tii yili ə gɛ diɛ, di hvo kpɛli gaa a mɛ̨nį walawala.

Samuɛlə dɔlɔɔ 3:20

Israɛlə nuą kəlee di gili kɔ́lɔn diɛ Samuɛlə kaa a Yai-Laa kwəi mɛ̨nį hukulɔ mun neelee, ə həɠə nɔi wəlin na Dan, ə həli nɔi wəlin na ɓɛ li pələ Beɛrə-Seva ɓa.

Samuɛlə dɔlɔɔ 7:13

Filisti nuą ŋɛ̨i ə paa, di hvo kɛa pənə di hvo lɔ Israɛlə lɔi hu, Yai-Laa yee ə kɛ Filisti nuą mɛ̨i Samuɛlə nwɔ yɛnɛ̨ɛ̨ kəlee yee mu.