Samuɛlə dɔlɔɔ 10:27 - Yálá laawoo hɛɓɛ (dc)

²⁷ Kɛlaa, nu kpoloonŋaa di kɛi kɛ diɛ: «Yii a pɛli gu nwun mąąɓoi ləi?» Di kɛi viiɓo, di hvo mąąpu. Kɛlaa, nwɛi, yili hvo kɛ mą a mɛ̨nį ta.

Yálá laawoo hɛɓɛ

²⁷ Kɛlaa, nu kpoloonŋaa di kɛi kɛ diɛ: «Yii a pɛli gu nwun mąąɓoi ləi?» Di kɛi viiɓo, di hvo mąąpu. Kɛlaa, nwɛi, yili hvo kɛ mą a mɛ̨nį ta.

Bible

²⁷ Kɛ́lɛ ƃoo-ƃela da-ni nyíi-ŋai kɛ̂i fé ní dîai dí mò dîyɛɛi, “Núu kɛ́ɛ yɛ̂ɛ Sɔ̂ɔ a pɔri kúkulâi léŋ kúkpɔara-ƃela yêei?” Ǹûai ŋí dífe kɛ́ ní ŋ̀wɛ̂lii a gɛ́ɛ Sɔ̂ɔ é kɛ́ a díkâloŋ. Mɛni ma dífe pá ní mì a sama-sɛŋ. Kɛ́lɛ Sɔ̂ɔ è lɛ̀ɛ a mɛi saa.

Samuɛlə dɔlɔɔ 10:27 ပူးပေါင်းရင်းမြစ်များ

Samia Veerɛi 20:1

Nu kpoloon da ə kɛ laa, diɛ kɛ naa ɓa a: Seva, Bɛnɉamɛn mun da li kɛ, nąn naa ɓa kɛ a: Bikri. Seva ə túlú hvɛɛ, yɛ diɛ: Lə mɛ̨nį ɓə gwa Davidə ni gu lɔwai? Gwa Ɉɛse lonni, gu hvo kpɔnni hɛn da ɓa. Israɛlə nuą, nu kəlee ə li ɲəi bɛlɛ́ laaləi.

Samia Veerɛi 8:2

Davidə ə Moabə nuą hon a kɔ́; ə di pɛlɛ nɔi ɓa, ə di heei kɛ haaɓa, ə ɉeei hveelɛ paa, ə ɉeei tɔ̨nɔ̨ lɛɛ a vulú. Moabə nuą di lɛɛ Davidə yee mu, diɛ nįįhɔ̨nwɔ̨ kulɔ mą.

Tɔɔɓɛlaa dɔlɔɔ 10:25

Di kəlee di kɛi pa a di wɔ hamą pilɛɠaa: wali kwɛli hɛnŋąą da hɛni hɛnŋąą, həɠəɠaa da kɔ́ kɔ́ hɛnŋąą, wulɔ kun nɛ̨ɛ̨ɠaa, hooɠaa, da tiɛ̨-həɠə hooɠaa, yili ə kɛi kɛ tii kwɛlan dɛitɛi yee mu.

Tɔɔɓɛlaa dɔlɔɔ 5:1

Salomɔn ə kɛi tɔɔlaa kɛ, ə həɠə Eufratə ya kwɛlɛ, dɔɔlaaɠaa kpɔ kɛ laa, gəlee mɛ̨i, ə li Filisti nuą di wɔ lɔi ɓa; ə lɛɛ la ɉu, ə həli da Eziptə nuą ɲɛn ma. Salomɔn ŋą yɛnɛ̨ɛ̨ kəlee yee mu, di kɛi tíi kɛ mą, diɛ nįįhɔ̨nwɔ̨ kulɔ mą.

Kɔlɔnikɔ Veerɛi 13:7

Ya ɓə, toonwunma nuą da nu kpoloonŋąą, di di ɲąąkpɔn gwɛlɛ, di tɔɔ Salomɔn lon Roboamə la. Roboamə ə kɛ a hulɔnon, nii hvo kɛ kpələ li, hvo pɛli tɔɔi di tɔwɔ.

Kɔlɔnikɔ Veerɛi 17:5

Yai-Laa ə nɔi hvaŋą ta pɛlɛ mą ɲee ŋą. Ɉuda nuą di kɛi pa Ɉosafatə pɔ a mɛ̨inɛ̨ɛ̨ hɛnŋąą; yili ɓə gɛ, ə kɛ la a hɛngɔw nąmu kɛnɛ̨, ɛlɛɛ, mąą ə wiɛ.

Mąątɛ̨nɛ̨ 38:13

Nuąi di hvilɛn ŋąą nwɔ́ yɛnɛ̨ɛ̨ pulu, daa hɛlɛn dɛ dɔ́wɔ́, diɛ ɉúkala mɛ̨nį ɓo.

Mąątɛ̨nɛ̨ 72:10

Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.

Ikilisiati 7:21

Mɛ̨nįi a too wəlii, hvó gəlee hvɛ-hvɛ kulɔ; hvó pa ə́ wɔ luwɔ woo mąn yɛ mɛ̨nį ɲɔ̨n mo ə́ laa mɛ̨i.

Azaya 36:21

Nuą di di laa pilɛ, di hvo nwoo pulu pənə, mąąhɔlɔɓo, tɔɔmun ə kɛ diɛ: «'Ka hvo nwoo pulu pənə.»

Maafîu 2:11

Di lɔ bɛlɛ́n, di nokoloi da nee Mari di kaa. Di pu di nwungbəla, di kwɛli hvilɛn mą. Yili pulu, di di tiɛ̨ hvoloon. Di ɉamą a: hɛni, lansan, da mirə wulɔ.

Gɛlaɠaa 7:35

«Moisə tanɔ̨n ti di lənə mą, diɛ kɛ mą: ‹Gbɛɛ ɓə ə́ kɛ a ku nwun nąmu da ku kiti tee mun!› Yaa lɔ ɓə Yálá ə pənə ə dɔɔ, ə kɛ a di nwun nąmu da di nwun mąąɓomun, malaka ti gɔwɔ lɛ mą nwɔ̨n nən ɉu, nwɔ kpɔnmąą háálai.

Dutɛrɔnome 13:13

Daaɠaa tii Yai-Laa ka wɔ Yálá kaa dɛɛ ka pɔ ka hee ɉu, ka mɛ̨nįi tii bələ mɛ̨n da hu,

Samuɛlə dɔlɔɔ 11:12

Israɛlə nuą diɛ Samuɛlə ɓa: «Gbɛɛ nuą ɓə yələ kɛi kɛ diɛ: ‹Saulə ɓə mɔ̨ɔ̨ pai heei ku mɛ̨i a tɔɔmun?› Ka mąą nuą tii tɛɛ ku pɔ, ku di paa.»

Samuɛlə dɔlɔɔ 11:13

Saulə yɛ diɛ: «Mąą hvo nɛ̨ɛ̨li di hvo nu ta paa háákələi, mąąhɔlɔɓo, kɔ́ a háákələi nɛɛ Yai-Laa ɓa Israɛlə lɔi hu.»

Samuɛlə dɔlɔɔ 16:20

Ɉɛse ə hoohvaalən dɔ̨nɔ̨ həɠə, ə kɔ̨nɔ̨n diɲɛ pɛli ə ɉee bulu, lɔɔ yáləɠi tɔ̨nɔ̨, da ɓolu lon dɔ̨nɔ̨, ə dɛɛ non Davidə pɔ, yɛ li la Saulə pɔ.

Samuɛlə dɔlɔɔ 2:12

Eli lonnii di kɛ a nu kpoloonŋaa, Yai-Laa mąą mɛ̨nį hvo kɛ di ɲɛ̨i ɓa a hɛn da.

Samuɛlə dɔlɔɔ 25:17

Mɛ̨nį a kɛ tii, hvo kɛli ə́ gɛ pələ kwɛli mą, yii yá pɛli gɛi, ə́ gɛ. Mąąhɔlɔɓo, ku ną́mu da nwɔ pɛlɛ́i kəlee di nwun na pili mɛ̨nį hvo pai ɉəɠəi mą. Nwɛi tii nwɛi, nu kpoloon ni, nu hva pɛli mɛ̨nį ɓoi mą.»