Tɔɔɓɛlaa dɔlɔɔ 9:8 - Yálá laawoo hɛɓɛ (dc)

⁸ Bɛlɛ́ laaləi kpon ŋɛ̨i, nui lɔpee pai tɛɛi gwɛlɛ, gwəi a pili mą, ə kwəlee hvɛɛ, yɛ kɛ mą: ‹Lə ɓə kɛ yai, Yai-Laa ə dúwɔ́ taaləi ŋɛ̨i ɓo a nɔi ŋɛ̨i da bɛlɛ́i ŋɛ̨i?›

Yálá laawoo hɛɓɛ

⁸ Bɛlɛ́ laaləi kpon ŋɛ̨i, nui lɔpee pai tɛɛi gwɛlɛ, gwəi a pili mą, ə kwəlee hvɛɛ, yɛ kɛ mą: ‹Lə ɓə kɛ yai, Yai-Laa ə dúwɔ́ taaləi ŋɛ̨i ɓo a nɔi ŋɛ̨i da bɛlɛ́i ŋɛ̨i?›

Bible

⁸ Berei máŋ Ŋ̀âla-pɛrɛ Kɛ́tɛi maa mɛni a ǹûai líi sóŋ lai, zu a pâi karâi. Diai kélee pâi tɛɛ̂i ƃɛ́i, a pâi kɛ̂i a guláa a dia a laa-kpâla-maa pere, da pâi kɛ̂i díŋuŋ kpɛ́mɛnîi dí kɛ́ mare kɛ̂ɛ kɛ̀ dîyɛɛi, ‘Lé ƃé gɛ̀ Yâwɛɛ kɛ́ m̀ɛni sîi ŋí kɛ̀ a ǹɔii ŋí da Ŋ̀âla-pɛrɛ Kɛ́tɛi ŋí.’ ”

Tɔɔɓɛlaa dɔlɔɔ 9:8 ပူးပေါင်းရင်းမြစ်များ

Tɔɔɓɛlaa veelɛ 22:17

Mąąhɔlɔɓo, daa həɠə búlú, diɛ wulɔ kun nɛ̨ɛ̨ kələn haliɠaa diɛ a mɛ́lɛ too pələ di túwɔ́ pələ hu. Níí aa kələn gwə́i kɛnɛ̨ gɛɛnąą ŋɛ̨i pɔ, ə lɛɛ, níí hvo pai laai.

Tɔɔɓɛlaa veelɛ 25:9

ə Yai-Laa hee pɛlɛ́ kələn, da tɔɔmun nwɔ pɛ́lɛ́i, ə mą kɛ, Ɉerusalɛmə pɛlɛ́ɠaa kəlee.

Kɔlɔnikɔ Veerɛi 29:8

Yili ə Yai-Laa líiholi Ɉuda da Ɉerusalɛmə di pɔ; Ə nąą kɛ a kwəi pilimąą kɛɛnąą, a lɔi mąąwɛlia, diɛ mɛ̨nį kɔ́ɔn mą, diɛ yɛlɛ mą, yɛ bələi ká kaa gaai la a ká ɲɛ̨i kɔ́w.

Kɔlɔnikɔ Veerɛi 36:19

Kalde nuą di Yálá ŋą pɛlɛ́i kələn, di Ɉerusalɛmə mąąkpɛ hį́i bu, di nwɔ̨n nɔ dɔɔ pɛlɛ́ɠaa kəlee hu, ɉɛn mąąwiɛɠaa kpɔ kɛ laa, gəlee hu ə kala.

Kɔlɔnikɔ Veerɛi 7:21

Bɛlɛ mąąwia kɛnɛ̨i ŋɛ̨i, nui lɔpee pai kɛi tɛɛi gwɛlɛ, gwəi a pili mą, yɛ kɛ diɛ: ‹Lə ɓə kɛ yai, Yai-Laa ə mɛ̨nįi ŋɛ̨i laa nɔi ŋɛ̨i ɓa da bɛlɛ́i ŋɛ̨i?›

Azaya 64:11

Yá kɛli mɛ̨nįɠaai tii kəlee kaa, Yai-Laa, Yá pɛli mɔ̨ɔ̨ ə́ kpɔwɔ hu hon ɉi? Yɛ́ tɔɔ lɔ kpɛli kpɛli? Yɛ́ ku nwumɛ̨ la tii a gɔn bulu pələ?

Ɉeremi 16:10

Yá pa mɛ̨nįɠaa ŋɛ̨i kəlee ɓoi nuą tii diɛ, da kɛ yɛ́: «Lə mɛ̨nį ɓa, yaai, Yai-Laa ə mɛ̨nį nwąnąą taaləi tii kili tee gwəi, yɛ naa kuɔ? Kɛɛ lə kɛɛ ɓə ku gala?.»

Ɉeremi 18:16

Di kaa pai gɛi di wɔ lɔi ə lɛɛ a lɔi pun. Diɛ yɛlɛ diɛ a yələ kəlee, Nui lɔpee pai tɛɛi laa, gwəi kaa pai pilii mą, Yɛ nwun gbɛŋɛn.

Ɉeremi 19:8

Gáá pai daa ŋɛ̨i mąą pənəi a lɔi mąąwɛliɛ, nuąi pai kɛi tɛɛi nąą kwɛlɛ, ɲɔw yɛ too di hu, di kwəi yɛ pili diɛ; da gɛɛ kalaa taaləi tii kaa, hvo kɛ li da tomą a ɲɔw.

Ɉeremi 22:28

Koniahu a mɔ̨ɔ̨ kɛ yɛ hɛnɲąŋą wolɔɔ yai dɔlɔ hvo kɛa mą, a mɔ̨ɔ̨ kɛ yɛ hɛn ɲąŋą yii di hvo bɔ? Lə ɓə kɛ yai daa di pili, yaa da nonnii, diɛ di pili lɔi di hvo gɔlɔn ɉu?

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 44:8

Ka káá nwą́ną lɔi a ka túwɔ́ pələ, kaa halááɠaa kulɔ haliɠaa diɛ Eziptə lɔi hu, ɓɛi ka pa lɔ ka mąąkilɛi laa! Ka káá pai ka huwu kpɛɛi yɛnɛ̨ɛ̨, diɛ nɛ̨ŋɛ̨n naa huwu lɔpee gəlee gɔɔmąą həɠə ka mɛ̨i da lalan yɛnɛ̨ɛ̨ lɔiɠaa kəlee hu.

Ɉeremi 49:17

«Edɔmə aa kɛ a lɔi pun, nui lɔpee a tɛɛ laa, gwəi a pili mą. Nu hva gɛɛ kala pələ taaləi tii kaa, hvo kɛli ə tomą a ɲɔw.

Ɉeremi 5:19

Ə lɛɛ, kaa pa kɛi diɛ: «Lə ɓə kɛ yaai, Yai-Laa kuɔ Yálái ə mɛ̨nįɠaa ŋɛ̨i laa kuɔ?» Yɛ́i ɓaa Ɉeremi, yá kɛ diɛ: «Bələi lɔ tii ka həɠə la Yai-Laa pulu, kaa kwɛli hvilɛn haliɠaa diɛ ka wɔ lɔi hu, bələ lɔ ɓə ka káá pai kóló kɛi la lɔi takpɛli hu nuą diɛ, ɓɛi hvo a ka pɔ lɔi.»

Ɉeremi 50:13

Yai-Laa nwɔ liiholi aa gɛ, nu ta hvo kɛa ɉu, nąą kəlee aa lɛɛ a lɔi pun. Nui lɔpee a tɛɛ Babilonə kwɛlɛ, gwəi a pili mą. Da gɛɛ kala pələi tii kaa, da tomą a ɲɔw

Ɉeremi 52:13

Ə nwɔ̨n nɔ Yálá hee pɛlɛ́ hu, da tɔɔmun nwɔ pɛlɛ́i, ə mą kɛ, Ɉerusalɛmə nu kpɛa kpɛaa di wɔ pɛlɛ́ɠaai.

Woolaa 2:15

Tɛɛ pələi nuą da ə́ wɔ mɔ̨nɔ̨i kaa lɔ, diɛ di yee lɔwa, diɛ kwəlee hvɛɛ, diɛ di nwun gbɛŋɛ̨n. Diɛ yɛlɛ kulɔ ə́ hu, Ɉerusalɛmə, diɛ kɛ mą: «A kɛ tii, daai kpɔ di kɛi nɛlɛ mɛ̨ni ɓo diɛ ɉu ɲąąnɛ̨ɛ̨ mɛ̨ni ɓo yɛnɛ̨ɛ̨ nąą kəlee, ya ɓəi-yoo!»

Danîa 9:12

Mɛ̨nį ŋɛ̨i wɔlɔ ə́ mo yɛ hvilɛn kuɔ da ku nwun nąmįnąa yiiɠaai di kaa ku ŋɛ̨itɔwɔ, yaa naahvɛɛ. Ya ɓaa: Kpalo tamąą aa ɓɛla kuɔ Ɉerusalɛmə daai, yii ɲɔ̨nwɔ̨mąn və ta kɛ li lɔi mɛ̨i.

Dutɛrɔnome 28:37

Nu huwuɠaai kpɔ Yai-Laa ka wɔ Yálái kaa pai ka tɛɛi di pɔ, ka káá pai kɛi di yəi a mąą ɲɔwu kɛ hɛn, a hɛn da yɛlɛ kulɔ ɉu, a nuąi da di laa pələ ɓo diɛ kwələn ɉɔɔ a diɛ.

Dutɛrɔnome 29:23

Nąąlɔwai, hį́i kəlee kaa pai kɛi diɛ: ‹Lə ɓə kɛ yaai, Yai-Laa ə nɔi ŋɛ̨i hon bələ kɛ ŋɛ̨i-oo? Niiholi kɛnɛ̨i ŋɛ̨i ə gulɔ, nwun maa a lə?›