Tɔɔɓɛlaa dɔlɔɔ 8:66 - Yálá laawoo hɛɓɛ (dc)

⁶⁶ Voló mɛ̨ihaaɓa yələ, Salomɔn ə ɓo nuą diɛ, di di hvɛli da tɔɔmun ni, nu kəlee ə li bɔ taai a gwəinɛ̨ɛ̨. Di kwəinɛ̨ɛ̨i kɛ, mɛ̨nįi kpɔ Yai-Laa ə gɛ nwɔ tímun Davidə da nwɔ nu huwui Israɛlə ɓa, mąą mɛ̨nį ɓa.

Yálá laawoo hɛɓɛ

⁶⁶ Voló mɛ̨ihaaɓa yələ, Salomɔn ə ɓo nuą diɛ, di di hvɛli da tɔɔmun ni, nu kəlee ə li bɔ taai a gwəinɛ̨ɛ̨. Di kwəinɛ̨ɛ̨i kɛ, mɛ̨nįi kpɔ Yai-Laa ə gɛ nwɔ tímun Davidə da nwɔ nu huwui Israɛlə ɓa, mąą mɛ̨nį ɓa.

Bible

⁶⁶ Bôlu ma ɣelei è ǹûai kélee tɛ̀ɛ pôlu dípɔ-taai. Dí lûwa tòo gâloŋ mâ. Gɛ̀ ní dí nâa lì dípɔ-taai. Ǹûai dí lii-nɛ̃ɛ kùla a zu kɛ́tɛ mɛni lɛ́lɛɛ-ŋai kélee mɛni ma nyíi Yâwɛɛ è gɛ̀ ǹyée mu-nuui Deeƃé mɛni ma da ŋɔnûai Eezuɛ-ŋai.

Tɔɔɓɛlaa dɔlɔɔ 8:66 ပူးပေါင်းရင်းမြစ်များ

Zɛnɛse 47:7

Ɉosɛfə ə nąn di li tɔɔmun bɔ ə nąn nɛ mą. Ɉakɔbə ə lúwɔ́ too tɔɔmun ma.

Tɔɔɓɛlaa dɔlɔɔ 8:1

Nąąlɔwai, tɔɔmun Salomɔn ə Israɛlə kalanɉonŋąą, da bɛlɛ́ nąmįną kəlee təli Ɉerusalɛmə; ə gɛ di li di Yai-Laa nwɔ mįnɛ̨ kəhii həɠə Davidə yəi gwəlii, yii da kɛ mą sion;

Tɔɔɓɛlaa dɔlɔɔ 8:47

nɔi da kɛ ɉu luwɔlaa hu, da lɛɛ laa, da di kiliŋąhiɛ, da di túwɔ́ pələ mąąhvalin, da nɛ̨ɛ̨mąą hvə yɛ́, ɓɛi tii di kaa laa nuwɔlaa hu, diɛ kɛ mą: ‹Nɛ̨ŋɛ̨n ɉəɠə nuą ɓaa kuɔ, kwaa ku ɉon gɛ, kwaa nɛ̨ŋɛ̨n ɉəɠə›.

Tɔɔɓɛlaa dɔlɔɔ 8:65

Ɲąnin mɛ̨ihveelɛ yələ ɓə Salomɔn ə ɉɛli pu la da Israɛlə nuą, ə kɛ a ŋąąkpɔn gɛnɛ̨. Ə həɠə Lebo-Hamatə ə li Eziptə, nuą di kɛi həɠə nąą kəlee. Di kɛ Yai-Laa ku wɔ Yálá lííla hvóló mɛ̨ihveelɛ yee mu, di pənə di hvóló mɛ̨ihveelɛ laa mɛ̨i.

Tɔɔɓɛlaa dɔlɔɔ 9:1

Ɓɛlɔwai tɔɔmun Salomɔn ə kpɛɛ la a Yai-Laa hee pɛlɛ́ tɔɔ, da dɔɔ pɛlɛ́, da yiiɠaa kpɔ ə kɛ bɔ ə gɛ, ə yili kəlee kɛ.

Kɔlɔnikɔ Veerɛi 29:36

Mɛ̨nįi ŋɛ̨i Yai-Laa ə nɔi lonnii diɛ, yili ə Ezekiasə da nɔi lonnii di kwəinɛ̨ɛ̨. Mąąhɔlɔɓo, mɛ̨nįi tii ə kulɔ nu kəlee tɛɠii.

Kɔlɔnikɔ Veerɛi 30:26

Gwəinɛ̨ɛ̨ tii hu kɛnɛ̨i kɛ Ɉerusalɛmə nuą diɛ. Hvó gaai, ə həɠə kpɔ Israɛlə tɔɔmun lon Salomɔn ŋą yələi ɓa, ə pa ə həli la ɲələi tii ɓa, mɛ̨nį huwui tii ta hvo ta kɛ li Ɉerusalɛmə daai.

Kɔlɔnikɔ Veerɛi 7:10

Ɲąnin mɛ̨ihveelɛnąą nwɔ pow hveelɛ kɔ́w haaɓa yələ, ə ɓo ɲee pɔ nuą diɛ, nu kəlee diɛ li di yəi bɛlɛ́ɠaa laaləi a kwəinɛ̨ɛ̨, di liinɛ̨ɛ̨i kɛ mɛ̨inɛ̨ɛ̨ Yai-Laa ə Davidə ɓa, da non Salomɔn, ə pɛlɛ la nwɔ nu huwui Israɛlə kəlee ɓa.

Nehemi 8:10

Ɛsdrasə yɛ diɛ: «Ka li, ka kɔ̨nɔ̨n nɛlɛɛɠaa mįi, ka lɔɔ nɛ̨ɛ̨ɠaa kpələ, ɛlɛɛ, nui hvo pɛli li hɛn da kɛ pələ pɛlii, ka mąą nuą tii kɔ́. Mąąhɔlɔɓo, volói ŋɛ̨i kaa a gu Ną́mu nwɔ hvóló mąąhəɠɛɛ, ka hvo kɛ liihɛlɛn ɉu, mąąhɔlɔɓo, Yai-Laa nwɔ kwəinɛ̨ɛ̨ ɓə gaa a guɔ huwalawala.»

Nehemi 9:25

Di walawalaaɠaa hon, da lɔi lɛlɛɛɠaa, di pɛlɛ́ɠaa hɔlɔɓo a di wɔɔ, di laahvɛɛ a hɛn gɔw huwu lɔpee. Ya-lɔwa da viɲə yɛaɠaa. Olivə yeaɠaa, da ɓá wulu kpulu tamąą. Di di laa mįi, di koo haɠa ə laa di ŋą. Di wɔ yɛnɛ̨ɛ̨ kɛ di ɲąąnɛ̨ɛ̨ hu, ə́ wɔ mɛ̨nį lɛlɛ pələ ɓa.

Mąątɛ̨nɛ̨ 122:6

'Ka liilaa huhvɛli Ɉerusalɛmə mąą mɛ̨nį ɓa; əgɛ, Ə́ wɛlikɛmąą nuą diɛ pɛli yɛnɛ̨ɛ̨ kɛi a di wəli pulu laɠiɛ.

Mąątɛ̨nɛ̨ 122:9

Yai-Laa ku wɔ Yálái nwɔ pɛlɛ́i mąą mɛ̨nį ɓa, ə́ wɔ nwun nąnɛ̨ɛ̨ ɓə gáá bɔ.

Azaya 63:7

Gáá pai Yai-Laa nwɔ mɛ̨inɛ̨ɛ̨ɠaa hukulɔi, nwələɠaai da Yai-Laa laa tɛ, mɛ̨nįɠaai Yai-Laa ə gɛ kuɔ, di mąą mɛ̨nį ɓa, a nwɛlikɛmąąlaa kɛnɛ̨i ə gɛ, Israɛlə nwɔ pɛlɛ́i ɓa, bələ ə ɉon na a lii nɛ̨ɛ̨ gwəi, yɛ mɛ̨inɛ̨ɛ̨ tamąą kɛ mą.

Sofoni 3:14

Siɔn hɛlakpɛla, 'tómą a kwəinɛ̨ɛ̨! Israɛlə, 'huluun a kwəinɛ̨ɛ̨, Ɉerusalɛmə nɛ̨ɛ̨gbɛla, 'kwəinɛ̨ɛ̨ kulɔ a ə́ lii kəlee.

Zakari 9:17

Ee kə! Di kaa pai kɛi di nɛ̨ɛ̨ hu tai! Di kaa pai lɛlɛi-yee! Mɔ̨nun da lɔɔ di lɛlɛ pələ kaa pai, ɉilɛlɛa, da nɛ̨ɛ̨lɛa di kwəi nɛ̨ɛ̨i.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Gɛlaɠaa 2:46

Di hvaŋąlɔɔ kɛ, diɛ di ɲąąkpɔn Yálá hee pɛlɛ́ mu, diɛ kɔ̨nɔ̨n mįi gee ɓa di yəi bɛlɛ́nŋąą, a kwəinɛ̨ɛ̨ da lii nɛ̨ɛ̨ gwəi.

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Dutɛrɔnome 12:12

Nąą ɓə ka káá pai kɛi kwəinɛ̨ɛ̨ kulɔi laa Yai-Laa ka wɔ Yálái lííla; kaa mąn, ka lon ɉinąą mąn, ka lon nɛ̨ąą mąn, ka wɔ luwɔ hinąą da ka wɔ luwɔ nɛ̨ąą, ə mą kɛ Levi lonnii di kaa ka wɔ taaɠaai hu. Mąąhɔlɔɓo, Levi lonnii tii lɔi hvo di yəi, di kwɛlin və di yəi yɛ kaa.

Dutɛrɔnome 12:18

Ka pa a ɉɛnŋąą tii, ka mįi Yai-Laa ka wɔ Yálái lííla; ɓɛi gaa pai ɲee kpuwɔ lɛi laa. Gɛɛnąą tii ɓə ka káá pai kɛi di mįi laa ka ka lon ɉinąą da ka lon nɛ̨ąą, ə mą kɛ ka wɔ luwɔ hinąą da nɛ̨ąą, da Levi lon yii ka wɔ taai hu. Ɉɛn gɔwi ka káá pai ɉɔlɔɓoi ka kɛ kólóɠaa hu, ka yili mąą kwəinɛ̨ɛ̨ kulɔ Yai-Laa ka wɔ Yálái ɲɛ̨i ɓa.

Dutɛrɔnome 12:7

Nąą ɓə ka káá pai kɛi ka laa mį́i laa gee ɓa, ka ka yəi bɛlɛ́n nuąi Yai-Laa ka wɔ Yálá ɲɛ̨i ɓa a kwəinɛ̨ɛ̨. Mąąhɔlɔɓo, mɛ̨nįɠaa kpɔ ka káá pai ka yee tooi ɉu, Yai-Laa ka wɔ Yálái kaa pai ɉu nɛɛi, ə lúwɔ́ too ka.

Dutɛrɔnome 16:11

Gɛɛnąą tii Yai-Laa ka wɔ Yálái kaa pai ɲeekpiɛ lɛi laa, yɛ naa hee laa, ka káá pai kɛi laa kwəinɛ̨ɛ̨ hu, Yai-Laa ka wɔ Yálái lííla, ka ka lonnii ɉinąą mąn nɛ̨ąą mąn, ə mą kɛ ka wɔ luwɔɠaa, ɉinąą mąn, nɛ̨ąą mąn, ə mą kɛ, Leviɠaai di kaa ka lɔwai ka wɔ taaɠaa hu, da ka wɔ nwɛ̨ąą, təliɠaa, da galaninŋąąi ka lɔwai.

Filipə 4:4

Ká ká kwəinɛ̨ɛ̨ gu Ną́mu hu, gáá kpɔ pənəi ŋį́ mo, 'ká kwəinɛ̨ɛ̨ kulɔ.

Zasua 22:6

Yili pulu, Ɉosue ə lúwɔ́ too diɛ, ə di lɛɛ laa də li. Nu kəlee ə li ɲəi bɛlɛ́ laaləi.