Tɔɔɓɛlaa dɔlɔɔ 8:65 - Yálá laawoo hɛɓɛ (dc)

⁶⁵ Ɲąnin mɛ̨ihveelɛ yələ ɓə Salomɔn ə ɉɛli pu la da Israɛlə nuą, ə kɛ a ŋąąkpɔn gɛnɛ̨. Ə həɠə Lebo-Hamatə ə li Eziptə, nuą di kɛi həɠə nąą kəlee. Di kɛ Yai-Laa ku wɔ Yálá lííla hvóló mɛ̨ihveelɛ yee mu, di pənə di hvóló mɛ̨ihveelɛ laa mɛ̨i.

Yálá laawoo hɛɓɛ

⁶⁵ Ɲąnin mɛ̨ihveelɛ yələ ɓə Salomɔn ə ɉɛli pu la da Israɛlə nuą, ə kɛ a ŋąąkpɔn gɛnɛ̨. Ə həɠə Lebo-Hamatə ə li Eziptə, nuą di kɛi həɠə nąą kəlee. Di kɛ Yai-Laa ku wɔ Yálá lííla hvóló mɛ̨ihveelɛ yee mu, di pənə di hvóló mɛ̨ihveelɛ laa mɛ̨i.

Bible

⁶⁵ Eezuɛ-ƃelai kélee dí gúui tí kùla a m̀aa ɣelei tí. Kpɔŋ su kɛ́tɛ ká kɛ̀ tí. Ǹûai dí kùla Leƃo-Ama ǹɔii ŋûa-pere é tóo máŋ Ize lɔii ŋɔkoyaŋ-pere ma ǹɔii kwára-pere. Dí ŋ̀ele kûu kɛ́tɛ-ŋai ŋí kùla Yâwɛɛ Kúɣâlai ŋɛ́i-tuɛ a ɣele lɔ́ɔlu puu káo náaŋ.

Tɔɔɓɛlaa dɔlɔɔ 8:65 ပူးပေါင်းရင်းမြစ်များ

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Tɔɔɓɛlaa dɔlɔɔ 3:15

Salomɔn ə ɲɛ̨nąą ɓo, ə gaa yɛ Yai-Laa ka tii mɛ̨nį ɓo mą hįi pələ. Ə li Ɉerusalɛmə, ə gbɔwɔ lɛ Yai-Laa ɓa nwɔ mįnɛ̨ kəhii lííla, haláái da gəlee kələn, da pɔnaa kulɔ haláá, ə yiliɠaa kulɔ Yai-Laa ɓa, yili pulu, ə nwɔ ɲɛ̨itɔwɔ nuą ɓɛlɛ hee.

Tɔɔɓɛlaa dɔlɔɔ 8:2

Israɛlə nuą kəlee di di ɲąąkpɔn tɔɔmun Salomɔn kwɛlɛ a ɲąnįn ŋɛ̨i da kɛ mą Etanimə, di wɔ kwɛlan ɲąnįn mɛ̨ihveelɛ lɔwai; a ɉɛli yələ.

Tɔɔɓɛlaa dɔlɔɔ 8:66

Voló mɛ̨ihaaɓa yələ, Salomɔn ə ɓo nuą diɛ, di di hvɛli da tɔɔmun ni, nu kəlee ə li bɔ taai a gwəinɛ̨ɛ̨. Di kwəinɛ̨ɛ̨i kɛ, mɛ̨nįi kpɔ Yai-Laa ə gɛ nwɔ tímun Davidə da nwɔ nu huwui Israɛlə ɓa, mąą mɛ̨nį ɓa.

Tɔɔɓɛlaa veelɛ 14:25

Ya ɓə pənə ə Israɛlə lɔi kəlee hɔlɔɓo, ə həɠə Lebo-Hamatə, ə həli la Ɉurdɛn ɲa-ɓoloon bɔ gboloyá ɓa; Yai-Laa ə gbɛa wɔlɔ mɛ̨nįi tii pu nwɔ tímun Amitai lon Ɉonasə a Yai-Laa kwəi mɛ̨nį hukulɔ mun na, yai a Gatə-Hefɛrə mun.

Tɔɔɓɛlaa veelɛ 17:24

Asiri tɔɔmun ə nuą həɠə Babilonə, Kutə, Awa, Hamatə, ɛlɛɛ, Sefarwaimə, ə di hee Samari taaɠaa hu a Israɛlə lonnii mąąhvalin. Samari ə kɛ kɛa a di wɔ lɔi, di hee nąą taaɠaa hu.

Tɔɔɓɛlaa veelɛ 23:33

Eziptə tɔɔmun Neko ə Yoakazə hon a luwɔ Rivla daai Hamatə lɔi hu, ə doo yɔwɔn ŋą, ə gɛ, hvo kɛa tɔɔlaa kɛ Ɉerusalɛmə daai. Eziptə tɔɔmun Neko ə Nįįhɔ̨nwɔ̨ laa Ɉuda nɔi nuą nwuɔ̨ a wali kwələ kilə waa nwun ɉaaɓa, diɛ gulɔ kwɛlan mą da hɛni kilə pow haaɓa.

Kɔlɔnikɔ Maa-ŋuŋ 1:16

Arvadə nuą, Semarə nuą, Hamatə nuą.

Kɔlɔnikɔ Maa-ŋuŋ 13:5

Davidə ə Israɛlə lonnii kəlee ɲąąkpɔn, ə həɠə ɲai Eziptə lɔi ɓa, ə həli la Hamatə bələ nwun na; əgɛ, di pa, Yálá nwɔ mįnɛ̨ kəhi həɠə mɛ̨nį ɓa Kiriatə-Yearimə.

Kɔlɔnikɔ Veerɛi 30:13

Nu kpɔn gɛnɛ̨ɛ̨ di pa Ɉerusalɛmə, nɛɠɛi di hva dɛ, ŋą hɛli pu mɛ̨nį ɓa, a ɲąnįn veelɛnąą; ɲąąkpɔn gɛnɛ̨ kpɔ-kpɔ li kɛ.

Kɔlɔnikɔ Veerɛi 30:23

Yili pulu, nuą kəlee woo tɔɔi ə kɛ tɔ̨nɔ̨, di voló ta pɛlɛ mą, di ɉɛli pu nwɔ̨nɔ̨ a hvóló mɛ̨ihveelɛ kwəinɛ̨ɛ̨ hu.

Lɛɛ gbɔwɔ ɓa 23:31

Gáá pai ka wɔ lɔi hu kɛnɛ̨i, ə həɠə veengbɔ̨nɔ̨ gboloyá ɓa, ə həli la Filisti nuą diɛ, ə həɠə nɔi pun ma, ə həli la ɲá lee kɛnɛ̨ ɓa; ɓɛlɔwai gáá pai nɔi ti hu nuą lɔi la ka yee mu, ka di kpɛ ka tɔwɔ.

Azaya 27:12

Mąą yələ, Yai-Laa kaa pai nwɔ mɔ̨nun kɛlɛi, ə həɠə Eufratə ya ɓa, ə həli la Eziptə yai ɓa, kaa ɓə di kaa pai ka həɠəi ɉu, yɛ ka həɠə ɉu tɛitɛi, kaai a Israɛlə lonnii.

Izikiɛ 47:19

Negɛvə pələ, ya ɓaa ɉɛɠɛɛ pələ, ə həɠə Tamarə, ə həli la Meriba yáɠaa diɛ, diɛi tii Kadɛsə; ə həɠə Nahala ɓa, ə həli la gboloyá kɛnɛ̨ɛ ɓa ɉɛɠɛɛ pələ. Negɛvə pələ nwɛi kaa ti.

Amɔsə 6:14

Yili ɓə gaa mą, ɲą́ą́ Yai-Laa Mɛ̨nį Kəlee ŋą Hééɓomun Yálá, mɛ̨nįi gáá pai gɛi a Israɛlə nu huwu, ya ka: Gáá pai lɔi takpɛli hu nuą lii muhəɠəi, di kɔ́ pɛlɛ kaa, di kaa pai mɔ̨nɔ̨ laai ka mɛ̨i, ə həɠə Lebo-Hamatə ka wɔ lɔi ɲɛn ɉu, ɲələi pələ, ə yɛɛ la, Ɉurdɛn ɲa-ɓoloon bɔ.

Amɔsə 6:2

Ka li Kalne daai, mɛ̨nįi kɛi laa, ka gaa. Ka həɠə laa, ka li Hamatə daa lee hu, Yili pulu, ka yɛɛ Gatə daai Filisti nuą pɔɔli. Ka li, ka nąą kəlee mąąkpɛɛ. Kɛlɛi ka wɔ lɔi kɛnɛ̨i dɛɛ di wɛi ɓa ee! Ɛlɛɛ, ka hviɛlaɓoɔ diɛ.

Lonon mo 34:5

Ə həɠə Asmɔn ɓa, ə kpəlaan Eziptə ya pɔ pələ, yɛ hvilɛn gboloyá kɛnɛ̨ ɓa.

Lonon mo 34:8

Ə həɠə Hɔrə yee ɓa, ka ka ɲɛn naa, ka ɉəli Lebo-Hamatə ɓa. Ka ɲɛn gaa pai hvilɛn ɉii Sedadə ɓa.

Zasua 13:3

Ə həɠə Sihɔrə yá ɓa Eziptə lɔi tənən ma, ə həli la Ɛkrɔn lɔi ɓa ɲánwuɔ̨ pələ; yili kpɛli mąn, Kanaan lɔi ta li. Filisti tɔɔɓɛlaa lɔɔlii laa ka: Gaza nwɛi, Asdɔdə nwɛi, Askelɔn nwɛi, Gatə nwɛi, da Ɛkrɔn nwɛi; yili pulu, Avi nuą kaa laa ɉɛɠɛɛ pələ;

Zasua 13:5

Gevalə nuą di wɔ lɔi, da Liban lɔi kəlee voló ɓɛlai pələ. Ə həɠə Baalə-Gadə ɓa, Hɛrmɔn yee koomu, ə həli la Lebo-Hamatə ɓa.

Zasua 15:1

Ɉuda lonnii di wɔ lɔi heekpəlin na ka; a gwəliɠaa laa, ə kɛi li Edɔmə lɔi ɲɛ̨n ma pələ, Sin lɔi pun ɉu ɉɛɠɛɛ pələ.

Zasua 15:4

yɛ tɛɛ Asmɔn, yɛ həli Eziptə yá ɓa, yɛ kpəla gboloyá ɓa. Ka ɲɛ̨n ga tii ɉɛɠɛɛ pələ.

Zasua 19:35

Gɔ taaɠaa ka: Sidimə, Serə, Hamatə, Rakatə, Kinerɛtə,

Nwun mąąɓo 3:3

Nu huwuɠaai tii laa ka: Filisti tɔɔɓɛlaa lɔɔli, Kanaan nuą, ɛlɛɛ, Sidɔn nuą, Hivi nuą, diɛ kɛ di heɛ Liban ɲeeɠaa ɓa, ə həɠə Baalə-Hɛrmɔn ɲee ɓa, ə həli la Lebo-Hamatə ɓa.