Tɔɔɓɛlaa dɔlɔɔ 8:60 - Yálá laawoo hɛɓɛ (dc)

⁶⁰ Ə kɛ tii, lɔi mɛ̨i nu huwuɠaa kəlee da gili kɔ́lɔn diɛ kɛ: ‹Yai-Laa ɓə gaa a Yálá, dakpɛli hvo laa.›

Yálá laawoo hɛɓɛ

⁶⁰ Ə kɛ tii, lɔi mɛ̨i nu huwuɠaa kəlee da gili kɔ́lɔn diɛ kɛ: ‹Yai-Laa ɓə gaa a Yálá, dakpɛli hvo laa.›

Bible

⁶⁰ a gɛ́ɛ ŋ̀éniɛi su-ƃelai kélee dí gɔ́lɔŋ Yâwɛɛ káa a Ɣâla ǹyaŋ Ɣâla da kpɛ́ni fé naa.

Tɔɔɓɛlaa dɔlɔɔ 8:60 ပူးပေါင်းရင်းမြစ်များ

Tɔɔɓɛlaa dɔlɔɔ 18:39

Ɓɛlɔwai Israɛlə nuą di gaa la tii, nu kəlee di pɛlɛ nɔi ɓa, diɛ kɛ: «Yai-Laa ɓə a Yálá! Yai-Laa ɓə a Yálá kpɔɔ kpɔɔ.»

Tɔɔɓɛlaa dɔlɔɔ 8:43

Ee Yai-Laa! Lɛɛ yələkɔlɔn ɉu, ə́ ə́ wəli tɔɔ, ə́ mɛ̨nį kəlee kɛ, yɛ bələi nwɛ̨ąi tii kaa pai vɛli la yɛ́. Ə gɛ, yɛnɛ̨ɛ̨ nuą kəlee diɛ pɛli ə́ laa kɔ́lɔn ɉii, ɛlɛɛ, diɛ ɲɔw yɛ́, yɛ bələi ə́ wɔ nu huwu Israɛlə a ɲɔw la yɛ́. Ɛlɛɛ, di gili kɔ́lɔn diɛ kɛ da kɛi ə́ laa ɓoi bɛlɛ́i ŋɛ̨i mɛ̨i, yai ŋą́ dɔɔ.

Tɔɔɓɛlaa dɔlɔɔ 8:59

Nąɛ̨ɛ̨mąą hvə wooɠaa ŋɛ̨i gáá moi Yai-Laa ɓa, di kɛ lɔ gu wɔ Yálái lííla a yələ kəlee, yɛ nwɔ tínuą Israɛlə nuą kulɔ di gbaan mɛ̨nįɠaa hu, hvóló tɛitɛi kəlee yee mu.

Tɔɔɓɛlaa veelɛ 19:19

Kɛlaa, Yai-Laa kuɔ Yálá, ku nwun gulɔ Senakeribə yəi. Yá yili kɛ tii, yɛnɛ̨ɛ̨ nąą kəlee, da yɛnɛ̨ɛ̨ tɔɔɓɛlaa kəlee, da gɔlɔn diɛ: Oo Yai-Laa! Yɛ́ ɓə ə́ kaa a Yálá.»

Lɛɛ gbɔwɔ ɓa 6:7

Ŋą́ ka kɛ a nwɔ́ nu huwu, ŋį́ kɛ a ka wɔ Yálá. Ka gɔlɔn kaa: Ɲą́ą́ gáá a Yai-Laa, gáá a ka wɔ Yálá, yai ka kulɔ pɔlɔtɛ laa hu Eziptə.

Azaya 37:20

Kɛlaa, Ə́ wɛi, Yai-Laa, ku wɔ Yálá, ku kulɔ ɲəi, ə gɛ yɛnɛ̨ɛ̨ tɔɔlɔiɠaa kəlee di pɛli ɉu kɔ́lɔn ɉi diɛ kɛ, yɛ́ tɔ̨nɔ̨ lɔ ɓaa a Yai-Laa.»

Azaya 44:24

Mɛ̨nįi Yai-Laai ə́ nwun mąąɓo, gaa moi ya ka: a yai tii ə́ mąąkwɛli, ə́ ɓo nii ə́ lee kwəi, yɛ kɛ yɛ́: Ɲą́ą́ ɓə gáá a Yai-Laa, yai hɛn gəlee pɛli; ɲą́ą́ danɔ̨n gbən mə yələ kɔ́lɔn ɉuhvólóon, ŋį́ lɔi laa, gbɛɛ kpɔ ɓə kpɔmąą tɛɛ bɔ́?

Azaya 44:6

Israɛlə nwɔ Mɛ̨nį Kəlee ŋą Hééɓomun Yai-Laa, woo ka, yai a Israɛlə nwun mąąɓomun, Yai-Laa, huwalawala kəlee Nąmu, yɛ diɛ: ɲą́ą́ ɓə a dɔlɔɔ, ɲą́ą́ ɓə a ɲąąkpɛɛi, ə kulɔ ɲą́ą́ búlu, yálá takpɛli hvo laa.

Azaya 44:8

'Ka mąą hvo kpɛlin, 'ka hvo ɲɔw! Kɛlɛi ɉu aa kwɛa, ŋą́ą́ mo kaa, gɛ́ ɉu pɔ̨nɔ̨ a kaa, Ka hvo mɔ̨ɔ̨ kɛa a nwɔ́ kɛlaɠaa? Yálá takpɛli kaa mɔ̨ɔ̨ laa, ə kulɔ Ɲą́ą́ búlú? Gíli kaa kpɔ ɉu, gɛ́ Kwɛni takpɛli hvo laa, Və́ dakpɛli kɔlɔn.

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.

Zooɛ 2:27

Ɛlɛɛ ka gɔlɔn kaa diɛ, ɲą́ą́ gbinįi gáá Israɛlə nu huwu lɔwai. Kaa diɛ: Gáá a Yai-Laa ka wɔ Yálá. Ɲɔ́nwɔ́man və mą. Nwumɛ̨ hva kpɔ kɛa tɛ a nwɔ́ nuą a yələ ta.

Dutɛrɔnome 4:35

Ka wɛi, ka mąąnɛ̨ɛ̨ ka gɔlɔn kaa diɛ: Yai-Laa ɓə gaa a Yálá, yálá takpɛli hvo tɛɛ li yaa tii mą.

Dutɛrɔnome 4:39

Kaa kpinįi ka mɛ̨nįɠaa tii hukpɛ kɛa háákələi ka kwəi, ka gbaɠala kaa, kaa diɛ: Yai-Laa ɓə gaa a Yálá yələkɔlɔn ɉu, ə mą kɛ lɔi mɛ̨i, yɛnɛ̨ɛ̨ ɓɛ, dakpɛli hvo laa Yaa bulu.

Zasua 4:24

Ə yili kɛ tii, ə gɛ, nu kəlee di gɔlɔn diɛ Yai-Laa ɓə ɲee wala-walaa, ə lɛɛ ka ɲɔw mą, yai gaa a Yai-Laa ka wɔ Yálá a yələ kəlee.»

Samuɛlə dɔlɔɔ 17:46

Háákələi kpɔ-kpɔɔ, Yai-Laa kaa ə́ lɔi ɲə́ə́ ŋą. Gáá ə́ paai, ŋą́ ə́ nwun dee ə́ ŋą. Háákələi kpɔ-kpɔɔ, Filisti nuą di wɔ kɔlaɠai powa kaa lɛɛ a yələi nwɛ̨niɠaa da lɔwɔ huwɔɠaa kɔ̨nɔ̨n. Hį́i kəlee kili kaa pui ɉu diɛ kɛ Yálá kaa Israɛlə yəi.