Tɔɔɓɛlaa dɔlɔɔ 8:6 - Yálá laawoo hɛɓɛ (dc)

⁶ Ɉaláá laa həli nuą di Yai-Laa nwɔ mįnɛ̨ kəhii hee ɉeei, gɛɛnąą mąąhəɠɛɛ gəlee ɓa, mąąkpɛ malakaɠaa koon mu.

Yálá laawoo hɛɓɛ

⁶ Ɉaláá laa həli nuą di Yai-Laa nwɔ mįnɛ̨ kəhii hee ɉeei, gɛɛnąą mąąhəɠɛɛ gəlee ɓa, mąąkpɛ malakaɠaa koon mu.

Bible

⁶ Zâla-laa soŋ-ƃelai dí pà a Yâwɛɛ ŋɔkpanaŋ-woo-kɛ́ɛ Gãlai Ŋ̀âla-pɛrɛ Kɛ́tɛi ŋɔloŋpoi zu-pere ŋɔi su, gwaa maa waai ŋɔkwaa maa waai ma, dí zee goôŋ sãai koôŋ mu.

Tɔɔɓɛlaa dɔlɔɔ 8:6 ပူးပေါင်းရင်းမြစ်များ

Samia Veerɛi 6:17

Yii kɛa di pa a Yai-Laa nwɔ mįnɛ̨ kəhii, di ɉee ɓɛi mąąnɛ̨ɛ̨ di ɉee laa, ɉəɠə pɛlɛ́ mu, yai Davidə ə dɔɔ mąą mɛ̨nį ɓa a həɠə ɓɛla. Davidə ə nɛ̨ɛ̨ mą, ə haláá hɛn da gəlee kələn, da nɛ̨ɛ̨yɔwɔ laa haláá kulɔ Yai-Laa ɓa.

Samia Veerɛi 6:2

Davidə ə muhəɠə, ə hvilɛn bələ ɓa yɛ li, da nu kpului tii kɛ bɔi, di li Baale-Yehuda; ə gɛ di Yálá nwɔ mįnɛ̨ kəhii həɠə di paa la, yai Yai-Laa Mɛ̨nį Kəlee ŋą Hééɓomun laa kaa mą, yɛ ɓo heeni mąąkpɛ malakaɠaa nwun mɛ̨i.

Tɔɔɓɛlaa dɔlɔɔ 6:16

Ə bɛlɛ́ gbón ɉu bələ pɛlɛ a kpitili wulu ɓɛla ɉu pələ, ə həɠə nɔi ɓa ə tɛ gbaan ma. Ə gɛ tii a yee laa mą pow hveelɛ. Ə nąą kɛ a kɛɛnąąi Mąąhəɠɛɛ gəlee ɓa.

Tɔɔɓɛlaa dɔlɔɔ 6:19

Ə pɛlɛ́ lon da kɛ gɛɛnąą mąąhəɠɛɛ tii hąąi, nąą ɓə ə Yai-Laa nwɔ mįnɛ̨ kə́hii hee laa.

Tɔɔɓɛlaa dɔlɔɔ 6:27

Salomɔn ə mąąkpɛ malaka hveelɛ tii tɔɔ bɛlɛ́ hąąi. Mąąkpɛ malaka hveelɛi tii koon ɉu haŋąą kɛ, di tɔɔ di kee tənən ma, di koon yɛ gee kaa bɛlɛ́ hąąi, gəlee hveelɛi nwɔ tɛitɛi yɛ hee bɛlɛ́ ɓa, ɓɛ pələ da ɓɛ pələ.

Tɔɔɓɛlaa dɔlɔɔ 8:3

Yii kɛa Israɛlə kalanɉonŋąą kəlee di pa, ɉaláá laa həli nuą di mįnɛ̨ kəhi həɠə.

Tɔɔɓɛlaa dɔlɔɔ 8:4

Di Yai-Laa nwɔ mįnɛ̨ kəhii həɠə da gee kaa kələ, da mu hɛnŋąą kəlee. Ɉaláá laa həli nuą da Levi lonnii ɓə ɉəɠə.

Tɔɔɓɛlaa dɔlɔɔ 8:7

Mąąhɔlɔɓo, malakaɠaa koon ɉaŋąą kɛ ɓɛi mįnɛ̨ kəhi ə kɛ laa, diɛ mɛ̨i kpulu; ə mą kɛ da gwɛlɛ hɛnŋąą.

Kɔlɔnikɔ Maa-ŋuŋ 22:19

Akɛtii kani, ka ká kili, da ka wɔɔ yɛnɛ̨ɛ̨ kɛ a Yai-Laa ka wɔɔ Yálái kwɛliɛ. 'Ka ká muhəɠə, ka Yai-Laa Heeɓo kəlee Nąmu nwɔ pɛlɛ́i tɔɔ, əgɛ, ka pa a Yai-Laa nwɔ mįnɛ̨ Kəhii, ka ɉee mu, da Yálá kɔ́ hɛn ɲąŋąɠaa, ka ɉee nwɔɔ pɛlɛ́i mu, yaai ka dɔɔ Yai-Laa laa ɓa.»

Kɔlɔnikɔ Veerɛi 5:7

Yili pulu, ɉaláá laa həli nuą di Yai-Laa nwɔ mįnɛ̨ kəhii lɔ di ɉee ɓɛi kɛ mąąnɛ̨ɛ̨ di ɉee laa, bɛlɛ mąąhəɠɛɛ mu gɛɛnąą mąąhəɠɛɛ ɓa, mąąkpɛ malakaɠaa koon mu.

Mąątɛ̨nɛ̨ 80:1

Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.

Mąątɛ̨nɛ̨ 80:2

Israɛlə mɛ̨i kaa mun, ə́ wəli tɔɔ, yɛ́i yá tɔɔ Ɉosɛfə huwu tənən dɔɔi yɛ taatɛlɛɛ mɛ̨ikaamun, yɛ́i heeni mąąkpɛ malakaɠaa mɛ̨i, ə́ kpɔwɔ lɛ.

Mąątɛ̨nɛ̨ 99:1

Yai-Laa kaa a Heeɓomun, yɛnɛ̨ɛ̨ nuą 'ka ɲɔw mą! Gaa heenin mąąkpɛ malakaɠaa nwun mɛ̨i pələ. Lɔi ə tɔɔ takpa takpa.

Lɛɛ gbɔwɔ ɓa 37:9

Di ɲɛ̨i heɛ gəhi laa kalan mɛ̨i di koon yɛ mɛ̨i kpulu.

Azaya 37:16

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá yɛ́i heenin mąąkpɛ malakaɠaa lɔwai, yɛ́ tanɔ̨n gbən ɓə ɓaa a yɛnɛ̨ɛ̨ tɔɔlaaɠaa kəlee di wɔ Yálá, yɛ́ ɓə yələ kɔ́lɔn da lɔi di pəli.

Izikiɛ 10:5

Di kɛi mąąkpɛ malakaɠaa koon di mɛ̨n bɛlɛ́ kwɛlɛ, ɲɛnɛ̨ɛ̨ pələ, nwoo ə ɓo yɛ Huwalawala Kəlee Nąmu, a kɛi pələ ɓo.

Izikiɛ 41:4

Ə bɛlɛ́n gwɛa yee kɔ́ɔn, ə ɓo a yee tɔɔɉu pow hveelɛ, ɲąą kɛnɛ̨ yee ə ɓo a yee tɔɔɉu pow hveelɛ; yili pulu, nui tii yɛ mą́ą́: Gɛɛnąąi ŋɛ̨i ɓə mąąhəɠɛɛ gəlee ɓa.

Samuɛlə dɔlɔɔ 4:4

Nɔi lonnii di nuą tɔɔ Silo də li di pa a Yai-Laa Mɛ̨nį Kəlee ŋą Hééɓomun nwɔ mįnɛ̨ kəhi, ə ɓo heeni, mąąkpɛ malakaɠaa nwun mɛ̨i, nwɔ mįnɛ̨ kəhii kwɛlɛ, Eli lonnii hveelɛi: Hɔfni da Pinasə di kɛ Yálá nwɔ mįnɛ̨ kəhii kwɛlɛ.