Tɔɔɓɛlaa dɔlɔɔ 8:56 - Yálá laawoo hɛɓɛ (dc)

⁵⁶ «Mąąwiɛ ə kɛ Yai-Laa ɓa! Ya ɓə kɛɛnɛ̨ɛ̨ tɛɛ nwɔ nu huwui Israɛlə pɔ, yɛ vįitɔɔ laa, yɛ bələ ə gbɛa kɛ mo la. Nwoo lɛlɛɛɠaai kpɔ ə di pu wɔ tímun Moisə la, da lɔpee hvo too li kpɛli kpɛli.

Yálá laawoo hɛɓɛ

⁵⁶ «Mąąwiɛ ə kɛ Yai-Laa ɓa! Ya ɓə kɛɛnɛ̨ɛ̨ tɛɛ nwɔ nu huwui Israɛlə pɔ, yɛ vįitɔɔ laa, yɛ bələ ə gbɛa kɛ mo la. Nwoo lɛlɛɛɠaai kpɔ ə di pu wɔ tímun Moisə la, da lɔpee hvo too li kpɛli kpɛli.

Bible

⁵⁶ “Laa-ma-tɛ é tɛ́ɛ Yâwɛɛ pɔ́ nyíi a fii tɔɔ tɛ̀ɛ ŋɔnûai Eezuɛ-ŋai pɔ́ yɛ̂ɛ berei è góno tèe lai. Vé tá wɔ́lɔ fɛɣɛ ní a dɔnɔ kpîŋ a gɛ́ɛ é ŋɔkono-têe lɛ́lɛɛ-ŋai ŋ̀aa-see kɛ́ nyíi è gɛ̀ ǹyée mu-nuui Mose sârai.

Tɔɔɓɛlaa dɔlɔɔ 8:56 ပူးပေါင်းရင်းမြစ်များ

Tɔɔɓɛlaa veelɛ 10:10

Mąąnɛ̨ɛ̨ ka kili ə pu ɉu, kaa diɛ, Yai-Laa wooi ə mo yɛ hvilɛn Akabə nwɔ pɛ́lɛ́i ɓa, dɔ̨nɔ̨ kpɛli hva lɛɛ tooni kpɛli-kpɛli. Mɛ̨nįi Yai-Laa ə mo nwɔ tímun Eli laaləi, aa gəlee pɔ mɛ̨nį kɛ.»

Kɔlɔnikɔ Maa-ŋuŋ 16:36

Mąąwiɛ ə kɛ Yai-Laa Israɛlə nwɔ Yálái ɓa, a yələ kəlee da yələ kəlee mɛ̨nį!» Nąąlɔwai nɔi lonnii kəlee di mu hon, diɛ mą: «Ə kɛ tii! Mąąwiɛ ə kɛ Yálá ɓa!»

Kɔlɔnikɔ Maa-ŋuŋ 22:9

Yii yáá lon ɉulɔnu kaai, yaa ɓə pai liilaa lɔi nɔi, gáá pai liilaa lɔi da gwɛlɛ lɔiɠaa di lɔwai. Naa ɓaa pai kɛi a Salomɔn. Yaa tii nwɔ hvólói hu ɓə Israɛlə kaa pai liilaa hɔlɔɓoi la.

Kɔlɔnikɔ Veerɛi 14:6

Asa yɛ Ɉuda nuą diɛ: «'Ka gu daaɠaa ŋɛ̨i tɔɔ, gu di mąątinɛ̨n a hįį, gu mɛ̨ikaa pɛlɛ́ɠaa tɔɔ mɛ̨i, gu kponŋąą too na, da di laa kpulu kwɛliɠaa. Nɔi kaa liilaa hu gu yəi. Mąąhɔlɔɓo, Yai-Laa gu wɔɔ Yálái kwɛlii ŋɛ̨i gu mo, guɔ lɛɛ mą a kwəi tɔ̨nɔ̨ laa, mąą mɛ̨nį ɓa, aa hvįitɔɔ tɛɛ gu pɔ bələ kəlee.» Di nɛɛ mą di daa tɔɔ kolóɠaa tii kɛ.

Lɛɛ gbɔwɔ ɓa 18:10

Ɉetro yɛ kɛ mą: «Mąąwiɛ ə kɛ Yai-Laa ɓa, yai ka kulɔ Eziptə tɔɔmun da nwɔ nuąi di yəi, ə ka huwu kəlee kulɔ Eziptə nuą yəi!

Lukə 21:33

Yələkɔlɔn da lɔi di kaa pai tɛɛi, kɛlaa nwóóɠaa ŋɛ̨i dɔ̨nɔ̨ kpɛli hva tɛɛ.»

Dutɛrɔnome 12:10

Kɛlaa, ka káá pai Ɉurdɛn teen ɉii; ka li ka lɔ nɔi Yai-Laa ka wɔ Yálá aa dɛɛ ka pɔ a ka wɔɔ kaa hee ɉu. Gaa pai hvįįtɔɔ tɛɛ ka pɔ, ka yowoɠaa kpɔ tii ka hvanąi, yɛ di mąą kwɛa kaa. Ka káá pai kɛi laa a ka wəli pulu laɠiɛ.

Dutɛrɔnome 12:12

Nąą ɓə ka káá pai kɛi kwəinɛ̨ɛ̨ kulɔi laa Yai-Laa ka wɔ Yálái lííla; kaa mąn, ka lon ɉinąą mąn, ka lon nɛ̨ąą mąn, ka wɔ luwɔ hinąą da ka wɔ luwɔ nɛ̨ąą, ə mą kɛ Levi lonnii di kaa ka wɔ taaɠaai hu. Mąąhɔlɔɓo, Levi lonnii tii lɔi hvo di yəi, di kwɛlin və di yəi yɛ kaa.

Dutɛrɔnome 3:20

Ka kpɔmąą tɛɛ ka nąn nonnii pɔ ə lɛɛ ɉu, Yai-Laa ə hvįįtɔɔ tɛɛ diɛ kpɛli mąn di pɔ yɛ bələi kaa ɉɔlɔɓo la. Nɔi Yai-Laa ka wɔ Yálái kaa dɛɛi di pɔ Ɉurdɛn pulu pələ, di lɔ ɉu. Ka kəlee ka li kɛa ka hee ka wɔ lɔi ŋį́ dɛɛ ka pɔ ɉu.»

Samuɛlə dɔlɔɔ 3:19

Samuɛlə ə kɛi kɛnɛ̨, Yai-Laa ə kɛ bɔ, wooi kpɔ ə kɛi ɉəɠə Yálá la yɛ mo, gəlee laa ə kɛi hon.