Tɔɔɓɛlaa dɔlɔɔ 8:37 - Yálá laawoo hɛɓɛ (dc)

³⁷ «Akɛ pulu a too nɔi, kwəi kulɔ ɲɔ̨n ə pɛlɛ nuą diɛ, akɛ kolo a lɔ ɉihɛnŋąą hu, Peeləɠaa da poninŋąą diɛ kɛɛ kala nɔi, ə mą kɛ di yowoɠaa daa di mąątinɛ̨n a kɔ́, ə mą kɛ a mɛ̨nį ɲąąnwąnąą huwui lɔpee gəlee, ə kɛ a ɲɔ̨n ɉuwui lɔpee gəlee.

Yálá laawoo hɛɓɛ

³⁷ «Akɛ pulu a too nɔi, kwəi kulɔ ɲɔ̨n ə pɛlɛ nuą diɛ, akɛ kolo a lɔ ɉihɛnŋąą hu, Peeləɠaa da poninŋąą diɛ kɛɛ kala nɔi, ə mą kɛ di yowoɠaa daa di mąątinɛ̨n a kɔ́, ə mą kɛ a mɛ̨nį ɲąąnwąnąą huwui lɔpee gəlee, ə kɛ a ɲɔ̨n ɉuwui lɔpee gəlee.

Bible

³⁷ “Puru kɛ́tɛ a tòo kpaa sí-sãa paa kɔlɔ-fela a pà ǹɔii su, góto-ŋa kpaa máŋ tonîŋ-ŋa da pà, kpaa máŋ díkpɔara-ƃelai dí kɔ́ pɛ́lɛ dîa, kpaa kɔlɔ-fela sii nyɔ́mɔɔ-ŋa da pà,

Tɔɔɓɛlaa dɔlɔɔ 8:37 ပူးပေါင်းရင်းမြစ်များ

Tɔɔɓɛlaa dɔlɔɔ 8:38

Vɛli ɓo nwun ə kɛ a mɛ̨nįi lɔpee, ə kɛ a mɛ̨nį huwui lɔpee gəlee mąą nɛ̨ɛ̨mąą hvə nwun, mąą nu ə kɛ a ə́ wɔ nu huwui Israɛlə mun da, mąą nu kili a pu ɉu yɛ kɛ mɔ̨nɔ̨i tii naa mɛ̨i ɉutɔɔ mɔ̨nɔ̨ li, mɔ̨nɔ̨i tii a kpanwo niiɓa, mąą nu a ɲɛ̨i tinɛ̨n bɛlɛ́i ŋɛ̨i pɔ pələ, ə́ ə́ hvɛli;

Kɔlɔnikɔ Maa-ŋuŋ 21:12

«Ə́ hvaa mą kwɛlan ɉaaɓa púlu ə too yɛ́, awala kɛ tii, ə́ yowoɠaa yee ə tɛɛ yɛ́ kɔ́ hu ɲąnįn ɉaaɓa yee mu, hvá pɛli kulɔi di wɔɔ kɔ́ kɔ́ ɓɔwaɠaai yəi; awala kɛ tii, hvóló haaɓa ə́ gɛ Yai-Laa nwɔ kɔ́ kɔ́ ɓɔ́wai yee mu, da Yai-Laa nwɔ kɛɛ kala malaka ə pa, ə hiɛ nɔi nąą kəlee a lɔi kala ɲɔ̨n. Yili ɓa, ə́ kiliŋąhiɛ, nɛlɛ ɓə ə́ hvaa mą, woo ɓo mą́ą́, ŋą́ li, ŋą́ mo nui dɔ́ɔ́ mą.»

Kɔlɔnikɔ Veerɛi 20:9

‹Akɛ mɛ̨nį nwąnąą ta aa kɛi pa həlii kuɔ, ə kɛ a kɔ́, ə kɛ a hutɔɔ mɛ̨nį, ə kɛ a lɔi wolo ɲɔ̨n, ə kɛ a pulu; akɛ kwa tɔɔ bɛlɛ́i ŋɛ̨i lííla, Ə́ ɲɛ̨i ɓa; hvo gaai, Ə́ laa kaa bɛlɛ́i ŋɛ̨i mu; kwa tómą Ə́ pɔ pələ ku wɔɔ mɔ̨nɔ̨i tii hu, Yá Ə́ wəli tɔɔ kuɔ, Ə́ ku ɓalo.›

Mąątɛ̨nɛ̨ 78:46

Ə di wɔ mɔ̨nun lɛɛ a peeləɠaai kɔ̨nɔ̨n, góloɠaa di gɛ, ə lɛɛ a ɉaiɠaa gɔ̨nɔ̨n.

Mąątɛ̨nɛ̨ 91:3

Ya ɓə a ə́ kulɔ huwɔ kpɛmun nwɔ ɓaaləi ŋą, yɛ ə́ kulɔ nu paa ɲɔ̨n ɉu.

Ɉeremi 32:2

Nąąlɔwai, Babilonə tɔɔmun nwɔ kɔlaɠaɠaa daa kɛ Ɉerusalɛmə taa mąątinɛ̨n, a kɔ́. Yálá kwəi mɛ̨nį hukulɔ mun Ɉeremi yaan, ə kɛ gaho ŋą dɔɔmun mąąkpɛ kulááɠaa pɔɔli, Ɉuda tɔɔmun ɲəi gwəlii.

Izikiɛ 14:21

Mąąhɔlɔɓo, mɛ̨nįi Yai-Laa kaa moi ya ka: «Ə mą kɛ, ŋą́ą́ hutɔɔ hɛnŋąą nąąn dɛɠɛ Ɉerusalɛmə ɓa, diɛ ɓaa a, kɔ-kɔ-ɓɔwa, pulu, lɔwɔ huwɔ kpəɠiɛɠaa, da ɲɔ̨n, diɛ nu kanŋaa da taatɛlɛɛɠaa paa laa,

Levetekɔ 26:16

mɛ̨nįi gáá pai gɛi ya ka: Gáá pai kpolo ɲɔ̨n da kwɛlɛ ɲɔ̨n ɉee ka hu, diɛ ka kwəi pili kaa, diɛ ka ɲɛ̨i lon ɉu haa, diɛ ka wɔ yɛnɛ̨ɛ̨ hu kpuɔ. Ka káá lɔ pai kɛi tíi kɛi kpɛli kpɛli, ka yowoɠaa ɓə pai kɛi ma mįi.

Egaa 2:17

Ŋą́ą́ ka kɛ kóloɠaa kəlee hu kala, ka wɔ hihɛnŋaai kəlee daa kpala, ŋą́ą́ hawon dulɔ pu, ka hvo gɛ li, ka hvo pənə, ka hvo pa ɲą́ą́ ŋɛ̨i bɔ́, Yai-Laa woo li.

Dutɛrɔnome 28:25

Yai-Laa kaa pai ka yowoɠaa yee tɛɛi kaa, ka kulɔ a pələ tɔ̨nɔ̨ kaa li pɛlɛi diɛ, kɛlaa da pu ka hu, kaa pu di tɔwɔ a pələ mɛ̨ihveelɛ a dee tee. Ka káá pai yɛnɛ̨ɛ̨ lɔiɠaa kəlee kwəi pili diɛ.