Tɔɔɓɛlaa dɔlɔɔ 8:35 - Yálá laawoo hɛɓɛ (dc)

³⁵ «Akɛ nɔi lonnii da nɛ̨ŋɛ̨n ɉəɠə yɛ́, di kɛ nɛ̨ŋɛ̨n mąą mɛ̨nį ɓa, yələkɔlən ɉu a kpala, tulɔ a kpəla mą, da di ɲɛ̨i haŋą gɛɛnąą ŋɛ̨i ɓa pələ, di di yee kulɔ di kɛ nɛ̨ŋɛ̨n ɉu, diɛ ə́ laa mąąwiɛ, diɛ ə́ hvɛli, mąąhɔlɔɓo, yáá mɔ̨nɔ̨ laa di mɛ̨i;

Yálá laawoo hɛɓɛ

³⁵ «Akɛ nɔi lonnii da nɛ̨ŋɛ̨n ɉəɠə yɛ́, di kɛ nɛ̨ŋɛ̨n mąą mɛ̨nį ɓa, yələkɔlən ɉu a kpala, tulɔ a kpəla mą, da di ɲɛ̨i haŋą gɛɛnąą ŋɛ̨i ɓa pələ, di di yee kulɔ di kɛ nɛ̨ŋɛ̨n ɉu, diɛ ə́ laa mąąwiɛ, diɛ ə́ hvɛli, mąąhɔlɔɓo, yáá mɔ̨nɔ̨ laa di mɛ̨i;

Bible

³⁵ “À kɛ̀ ínûai da sɔnyɔ̂ŋ kɛ̀ à yá ǹyaŋ ífe tuna tɛɛ ní é pú ǹɔii ma dímɛni ma, à kɛ̀ da tìnaŋ Ŋ̀âla-pɛrɛ Kɛ́tɛi ŋí naa pere dí ífɛli, dí dípôlu tɔɔ dísɔnyɔ̂ŋ ma, kpɛ́ni fêi, ya díkula-maa kɛ́i,

Tɔɔɓɛlaa dɔlɔɔ 8:35 ပူးပေါင်းရင်းမြစ်များ

Samia Veerɛi 24:10

Ɲąąɓa, Davidə kpɛɛ a nuą lonoɔ, níi ə ɓɛla mą. Davidə yɛ Yai-Laa ɓa: «Nɛ̨ŋɛ̨n gɛnɛ̨ ka tii ŋą́ą́ ɉəɠə; Yai-Laa, gɛ́ ə́ ə́ ɲɛ̨i həɠə ə́ wɔ luwɔ kɛ hɔn ma, mąąhɔlɔɓo, ŋą́ą́ túwɔ́ yɛ ɓowomun.»

Samia Veerɛi 24:13

Gadə ə li Davidə pɔɔli, yɛ mą: «Ə́ hvaa mą kwɛlan ɉaaɓa púlu ə too yɛ́, awala kɛ tii, ə́ yowoɠaa yee ə tɛɛ yɛ́ kɔ́ hu ɲąnįn ɉaaɓa yee mu, hvá pɛli kulɔi di wɔɔ kɔ́ kɔ́ ɓɔwaɠaai yəi; awala kɛ tii, hvóló haaɓa ə́ gɛ Yai-Laa nwɔ kɔ́ kɔ́ ɓɔ́wai yee mu, da Yai-Laa nwɔ kɛɛ kala malaka ə pa, ə hiɛ nɔi nąą kəlee a lɔi kala ɲɔ̨n. Yili ɓa, ə́ kiliŋąhiɛ, nɛlɛ ɓə ə́ hvaa mą, woo ɓo mą́ą́, ŋą́ li, ŋą́ mo nui dɔ́ɔ́ mą.»

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Tɔɔɓɛlaa dɔlɔɔ 8:33

«Ə́ wɔ nu huwu Israɛlə a nɛ̨ŋɛ̨n ɉəɠə yɛ́, ɲowow yee a tɛɛ mą kɔ́ hu, gɛ nɛ̨ŋɛ̨n tii mąą mɛ̨nį ɓa; a pənə a pa ə́ pɔ, yɛ ə́ laa mąąwiɛ, yɛ ə́ hvɛli, yɛ nɛ̨ɛ̨mąą hvə yɛ́ bɛlɛ́i ŋɛ̨i mu,

Tɔɔɓɛlaa dɔlɔɔ 8:34

Ee kə Yai-Laa, lɛɛ yələkɔlɔn ɉu ə́ ə́ wəli tɔɔ, ə́ ə́ wɔ nu huwui nwɔ nɛ̨ŋɛ̨nŋąą mąąhvaalɛɛ, ɛlɛɛ, ə́ pənə ə́ pa a diɛ nɔi ŋɛ̨i hu ɓɛ, yai ta, ə́ dɛɛ ku nąnni pɔi.

Kɔlɔnikɔ Veerɛi 6:24

«Yɛ́ nu huwui Israɛlə ɲowo ta yee a tɛɛmą kɔ́ hu, mąąhɔlɔɓo aa nɛ̨ŋɛ̨n ɉəɠə yɛ́, mąą nu a ɉɔn mąąhvalin, yɛ Ə́ laa tɛ, yɛ Ə́ hvɛli, yɛ nɛ̨ɛ̨mąą hvə yɛ́ Ə́ wɔ́ɔ́ pɛlɛ́i ŋɛ̨i mu,

Kɔlɔnikɔ Veerɛi 6:26

«Yələ kɔ́lɔn naa a kpulu, tulɔ a wala kɛ pui, mąąhɔlɔɓo, nɔi lonnii daa nɛ̨ŋɛ̨n ɉəɠə Yɛ́, da di ɲɛ̨i tinɛ̨n gɛɛnąą ŋɛ̨i pɔ pələ, diɛ Ə́ hvɛli, diɛ Ə́ laa tɛ, diɛ di yee kulɔ di wɔɔ nɛ̨ŋɛ̨n hu, mąąhɔlɔɓo, Yáá mɔ̨nɔ̨ laa di mɛ̨i,

Zôo 12:15

A ɲee kɛ tulɔ ɓa, hvóló laa teɛ li a ɲee ɓo mą, a lɔi kulɔ.

Azaya 5:6

Gáá nąą kɛi a mąąwɛli lɔi, di hva kɛa mɛ̨i tee, di hva tumɔ kulɔ ɉu, ɲąąlən da ɓomodiliin mə pai ɓɔn ɉii laa, ɛlɛɛ, ŋį́ tɔ́n dɔɔ tulɔ kpinįnŋąą diɛ, di hva kɛa tulɔ pu mɛ̨i.

Azaya 9:13

Yili ɓə gɛ, Yai-Laa ə Israɛlə nwun dee da nwon, ə mɛ̨nį ɲąąnwąnąą laa diɛ a voló tɔ̨nɔ̨i tii.

Izikiɛ 14:13

Hulɔnu lon, lɔi ta kɛ laa; a nɛ̨ŋɛ̨n ɉəɠə mą́ą́ a náá pu pələ; ŋį́ hee ɉu, gɔ̨nɔ̨n gaa ɉeei a ɲee pulu, gɛ́ gəlee hu kala, gɛ́ pulu too mą; ə kɛ a nu, ə kɛ a huwɔ, gɛ́ di paa ɉu.

Osia 14:1

Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

Levetekɔ 26:19

Ŋą́ ka wɔ kpɔwɔɲąą kɛnɛ̨laa hu kala, gɛ́ yələkɔlɔn nwalawala ka mɛ̨i yɛ kwɛli, gɛ́ ka wɔ lɔi walawala yɛ ɓala kwɛli.

Egaa 1:10

Ka túwɔ́ pələi tii mąą mɛ̨nį ɓə gɛi, tulɔ tɔ̨nɔ̨ kpɛli hvo pu li la lɔi ɓa, ka wɔ hihɛnŋąąi di hvo lɛlɛ.

Zakari 14:17

Kɛlaa nɔi hu nuą yiiɠaa di hvo pai gɛi di hvo tɛ Ɉerusalɛmə, di hvo pɛlɛ, Yai-Laa Mɛ̨nį Kəlee ŋą Hééɓomun lííla, tulɔ hva pu di mɛ̨i.

Malasi 3:10

'Ká pa a ká hɔlɔɓo hɛnŋąą kəlee bow nąą ɉéé pɛlɛ́ mu, ə gɛ, kɔ̨nɔ̨n ə kɛ ɲə́i bɛlɛ́n. Ká yili kɛ tii, ka ɉúkɔɔn; ɲą́ą́ Yai-Laa Mɛ̨nį Kəlee ŋą Hééɓomun, akɛ vá yələkɔlɔn naa ɓo, və́ lúwɔ́ yɛɛ ka mɛ̨i a gbulu kɛnɛ̨.

Lukə 4:25

Gáá moi kaa, Eli nwɔ lɔwai hu, galanən nɛ̨ą tamąąi kpɔ kɛ Israɛlə lɔi hu, ɓɛlɔwai hvóló laa ə tee la a kwɛlan ɉaaɓa ɲąnįn mɛ̨ida, tulɔ hvo kɛi bu; pulu kɛnɛ̨ ə too nɔi nąą kəlee.

Lomaŋ 10:9

Akɛ yá mo ə́ laaləi yɛ diɛ: Jesus kaa a ə́ Nąmu, ə́ laa na ə́ lii hu, yɛ diɛ: Yálá ə nwun gulɔ haa ɓɛlaa lɔwai, ə́ nwun mąą a ɓo.

Lomaŋ 15:9

Yii ɓaa huwu takpɛliɠaa, da Yálá laa tɛ ŋą nu ɲɛ̨imąąwɛlikaa pələ mąą mɛ̨nį ɓa; yɛ bələi bɛ̨ɛ̨i la diɛ kɛ mą: Gáá pai ə́ laa tɛ huwu takpɛliɠa lɔwai, gɛ́ ə́ laa mąąwiaa mąą wələ too.

Dutɛrɔnome 11:16

Ka gɛ a nɛlɛɛ, ka hvo nɛɛ laa di hvo ka kili ŋąąpɛlɛ; di hvo ka nwun ɉu lan; kaa li tɔɔi kaa tí haliɠaa diɛ; kaa kwɛli hvilɛn diɛ.

Dutɛrɔnome 11:17

Ka yili kɛ tii, Yai-Laa nwɔ liiholi a ɓɛla ka mɛ̨i, ə yələkɔlɔn naa kpulu, tulɔ hva pu, ka wɔ hihɛn da hva kɛa lɛlɛ lɔi ɓa; ə lɛɛ, ka huwu yɛ pu a ɉukpuaa nɔi lɛlɛɛ tii Yai-Laa kaa dɛɛ ka pɔ ɉu.

Dutɛrɔnome 28:12

Yai-Laa kaa pai pələ laa ɓoi nwɔ yələkɔlɔn ɉu hɛn gɔw neelee tɔwɔ, yɛ tulɔ pu a bui lɔwai ka wɔ lɔi ɓa, yɛ lúwɔ́ too ka kɛ mɛ̨nįɠaa kəlee diɛ. Ka káá pai kwələ tɔɔi hį́i tamąą ɓa, kɛlaa, ka hvo pai kpaan ɉii, ka hvo kwələ həɠə.

M̀ɛni-lɛɛi 11:6

Mąąlaa kaa di yəi, di yələkɔlɔn naa kpulu, ɛlɛɛ, tulɔ lɔpee ta hva pu lɔi ɓa, ə lɛɛ ɉu, vólóɠaai di kaa Yálá kwəi mɛ̨nį hukulɔi la, ə kpɛɛ. Mąąlaa kaa di yəi, di yá mąąpənə a ɲąmą, ɛlɛɛ, di mɔ̨nɔ̨ huwui lɔpee gəlee laa lɔi ɓa, yɛ bələi di kaa la bɔ.