Tɔɔɓɛlaa dɔlɔɔ 8:34 - Yálá laawoo hɛɓɛ (dc)

³⁴ Ee kə Yai-Laa, lɛɛ yələkɔlɔn ɉu ə́ ə́ wəli tɔɔ, ə́ ə́ wɔ nu huwui nwɔ nɛ̨ŋɛ̨nŋąą mąąhvaalɛɛ, ɛlɛɛ, ə́ pənə ə́ pa a diɛ nɔi ŋɛ̨i hu ɓɛ, yai ta, ə́ dɛɛ ku nąnni pɔi.

Yálá laawoo hɛɓɛ

³⁴ Ee kə Yai-Laa, lɛɛ yələkɔlɔn ɉu ə́ ə́ wəli tɔɔ, ə́ ə́ wɔ nu huwui nwɔ nɛ̨ŋɛ̨nŋąą mąąhvaalɛɛ, ɛlɛɛ, ə́ pənə ə́ pa a diɛ nɔi ŋɛ̨i hu ɓɛ, yai ta, ə́ dɛɛ ku nąnni pɔi.

Bible

³⁴ gɛ̀ ní, lɛɛ Ɣâla-taa í dífɛli-wooi mɛni í dí su-mɛni lɛɛ zɔŋyɔ̂ŋ dí gɛ̀ a ƃíai mɛni ma í pá a dia pôlu ǹɔii ma í dɛ̀ɛ dínâŋ pɔlɔ-ŋai pɔ́i.

Tɔɔɓɛlaa dɔlɔɔ 8:34 ပူးပေါင်းရင်းမြစ်များ

Zɛnɛse 13:15

Nɔi tii ə kaa mɛ̨i kaai yɛ li, ŋą́ą́ nąą kəlee tɛɛ ə́ pɔ, ka ə́ huwuhu nuą.

Tɔɔɓɛlaa dɔlɔɔ 8:30

Nɛ̨ɛ̨mąą wooi ə́ wɔ tímun da Israɛlə nu huwu di kaa vəi, di ɲɛ̨i hiɛ gɛɛnąą ŋɛ̨i pələ, nɛ̨ɛ̨ yɛ́, ə́ wəli tɔɔ mą. Ɓɛi ə́ kaa laa yələkɔlɔn ɉu, ə́ ə́ wəli tɔɔ laa, ə́ ku mąąhvaalɛɛ.

Tɔɔɓɛlaa dɔlɔɔ 8:33

«Ə́ wɔ nu huwu Israɛlə a nɛ̨ŋɛ̨n ɉəɠə yɛ́, ɲowow yee a tɛɛ mą kɔ́ hu, gɛ nɛ̨ŋɛ̨n tii mąą mɛ̨nį ɓa; a pənə a pa ə́ pɔ, yɛ ə́ laa mąąwiɛ, yɛ ə́ hvɛli, yɛ nɛ̨ɛ̨mąą hvə yɛ́ bɛlɛ́i ŋɛ̨i mu,

Tɔɔɓɛlaa dɔlɔɔ 8:35

«Akɛ nɔi lonnii da nɛ̨ŋɛ̨n ɉəɠə yɛ́, di kɛ nɛ̨ŋɛ̨n mąą mɛ̨nį ɓa, yələkɔlən ɉu a kpala, tulɔ a kpəla mą, da di ɲɛ̨i haŋą gɛɛnąą ŋɛ̨i ɓa pələ, di di yee kulɔ di kɛ nɛ̨ŋɛ̨n ɉu, diɛ ə́ laa mąąwiɛ, diɛ ə́ hvɛli, mąąhɔlɔɓo, yáá mɔ̨nɔ̨ laa di mɛ̨i;

Mąątɛ̨nɛ̨ 106:46

Nuąi li a diɛ luwɔlaa hu, ə gɛ yiliɠaai di di ɲɛ̨imąąwɛli kaa.

Mąątɛ̨nɛ̨ 106:47

Yai-Laa, ku wɔ Yálá! 'Ku ɓalo wɛ! 'Ku kulɔ huwu takpɛliɠaa lɔwai, ə ku ɲąąkpɔn. Kuɔ pɛli Ə́ laa Mąąhəɠɛɛ tooi a wələ, ɛlɛɛ, Ə́ mąątɛ̨nɛ̨ mɛ̨nį ə ɓo a ku ɲɛ̨i pono mɛ̨nį.

Mąątɛ̨nɛ̨ 85:2

Yai-Laa, bələi ə́ wɔ lɔi wɛli kaa la yɛ́, yáá yili lɛ; yáá pənə yaa pa a Ɉakɔbə lonnii kɛ luwɔlaa hui;

Lɛɛ gbɔwɔ ɓa 6:8

Gáá lii a kaa nɔi ŋɛ̨i ŋą́ naakwɛlanmo Abrahamə, Isaakə da Ɉakɔbə ni diɛ ɉu. Gáá nąą tɛɛi ka pɔ a ka wɔɔ. Ɲą́ą́ Yai-Laa ɲą́ą́ ɓə mo.»

Ɉeremi 31:27

Yai-Laa woo ka, yɛ diɛ: «Gaa pai kɛi a yələ ta kaa pai ɉəlii, gɛ nu kan da taatɛlɛɛ huwu híi Ɉuda da Israɛlə lɔiɠaa hu.

Ɉeremi 32:37

Gáá pai di ɲąą kpɔn ɉii, gɛ di kulɔ nɔiɠaai kpɔ ŋą di taɠa taɠa ɉu, níí holi pələ ɓa, níí kələn bələ ɓa gwə́i da nwą́ną lɔ pələ ɓa, ŋą́ pənə ŋą́ pa a diɛ gɛɛnąąi ŋɛ̨i ɓa, gɛ́ di hee laa liilaa hu.

Danîa 9:12

Mɛ̨nį ŋɛ̨i wɔlɔ ə́ mo yɛ hvilɛn kuɔ da ku nwun nąmįnąa yiiɠaai di kaa ku ŋɛ̨itɔwɔ, yaa naahvɛɛ. Ya ɓaa: Kpalo tamąą aa ɓɛla kuɔ Ɉerusalɛmə daai, yii ɲɔ̨nwɔ̨mąn və ta kɛ li lɔi mɛ̨i.

Danîa 9:19

Ną́mu Yálá, ə́ wəli tɔɔ kuɔ! Ną́mu Yálá, ku mąąhvaalɛɛ! Ną́mu Yálá, ə́ kiliŋąhiɛ kuɔ! Ə́ laa mąą mɛ̨nį ɓa, Ną́mu Yálá, daai ŋɛ̨i da ɉu nuą, diɛi di kaa a ə́ wɔɔ, ə́ wɔ naa kɛ di mąą mɛ̨nį hu, hvo ɉu kwɛa.»

Danîa 9:25

Yii mąąnɛ̨ɛ̨ ə́ kili ə kɛ ɉu, ə́ gbaɓala kaa, ya ka: Ə həɠə ɓɛlɔwai ŋɛ̨i di nwɛlɛɛ ŋɛ̨i ɓo la, yɛ hvilɛn na ka kulɔ mɛ̨nį luwɔlaa hu ɓa, da Ɉerusalɛmə taa tɔɔ mɛ̨nį a nįnɛ̨, ə mą kɛ, tɔɔmun yii Yálá ə ɉəɠə ɉu ə mąątí gulɔ mɛ̨nį pɔ̨nɔ̨ŋa, a kɛ a lɔwai mɛ̨ihveelɛ heei kwɛlan mɛ̨ihveelɛ. Yili pulu, lɔwai heei pow mɛ̨ida kɔ́w hveelɛ heei kwɛlan mɛ̨ihveelɛ hu, daa-lee kɛnɛ̨ da nwɔ hįi, da di tɔɔ. Kɛlaa, nɔwaiɠaai tii da kɛ a mɛ̨nį walawala.

Amɔsə 7:2

Ɓɛlɔwai beeleɠaa tii di gala tiliin gəlee mįi la nɔi mɛ̨i, ŋį́ mo Yálá ɓa, gɛ́ mą: «Ną́mu Yálá! Nɛ̨ɛ̨ yɛ́, ə́ wɔ nuąi mąąhvaalɛɛ. Akɛti Ɉakɔbə huwuhu nuą ŋɛ̨i di hvo tamą li, di kɛɛ lɔ pai lɛɛi yɛnɛ̨ɛ̨ lɔ li?»

Dutɛrɔnome 30:1

«Lúwɔ́ da nɛ̨ŋɛ̨n naai ŋɛ̨i ŋą́ą́ naa ka lííla, ɓɛlɔwai gəlee kaa pai laai la kaa, ka káá pai ka kiliŋąhiɛi ma, kaa ɉu kpɛ, nɔiɠaa kpɔ tii Yai-Laa ka wɔ Yálái kaa pai lii a kaa ɉu,

Dutɛrɔnome 30:4

Ə mą kɛ daa li a kaa lɔi kpon ɉeei, a ka ɲąą kpɔn naa, yɛ li ka həɠəi nąą.

Zasua 21:43

Nɔi Yai-Laa ə naakwɛlanmo yɛ gaa dɛɛi Israɛlə galaɓɔlɔni pɔ, ə gəlee tɛɛ Israɛlə lonnii pɔ, di hee laa.