Tɔɔɓɛlaa dɔlɔɔ 8:29 - Yálá laawoo hɛɓɛ (dc)

²⁹ Ə́ ɲɛ̨i kɛ bɛlɛ́i ŋɛ̨i ɓa a yələ kəlee, gɛɛnąą ŋɛ̨i ə́ kɛ diɛ: ‹Náá kaa pai kɛi ɓɛ›, vɛli ɓoi yɛ́ tímun gaa naa həli yɛ́ gɛɛnąą ŋɛ̨i ɓa ə́ wəli tɔɔ mą.

Yálá laawoo hɛɓɛ

²⁹ Ə́ ɲɛ̨i kɛ bɛlɛ́i ŋɛ̨i ɓa a yələ kəlee, gɛɛnąą ŋɛ̨i ə́ kɛ diɛ: ‹Náá kaa pai kɛi ɓɛ›, vɛli ɓoi yɛ́ tímun gaa naa həli yɛ́ gɛɛnąą ŋɛ̨i ɓa ə́ wəli tɔɔ mą.

Bible

²⁹ Gɛ́ íŋɛi lá é kɛ́ a m̀óɔɔ Ŋ̀âla-pɛrɛ Kɛ́tɛi ŋí mɛi káa mɛni ma a kpíni da ɣele ƃɔ́ɔ, gwaai ŋí ma nyíi í m̀aa mɛni ƃò a gɛ́ɛ kú kɛ́ ífɛ̀li naai. Íyee mu-nuui ŋɔɣâla-fɛli-wooi mɛ́ni nyíi a gɛ́ gwaai ŋí mai.

Tɔɔɓɛlaa dɔlɔɔ 8:29 ပူးပေါင်းရင်းမြစ်များ

Tɔɔɓɛlaa dɔlɔɔ 11:13

Kɛlaa, və́ pa nɔi kəlee kulɔi ɲəi. Gáá pai Israɛlə nu huwu tɔ̨nɔ̨ tɛɛi bɔ ə́ nąn Davidə mąą mɛ̨nį ɓa, da Ɉerusalɛmə mąą mɛ̨nį ɓa, daai ŋą́ ɉəɠə ɉu a nííɓa taa.»

Tɔɔɓɛlaa dɔlɔɔ 11:36

Non nwɛi, gáá pai nu huwu tɔ̨nɔ̨ tɛɛi bɔ, ə gɛ, nwɔ́ tímun Davidə nwɔ nwɔ̨n hvo pa luwun nííla, Ɉerusalɛmə taai ŋą́ ɉəɠə ɉu, a nwɔ́ɔ́, gɛ́ náá hee laa.

Tɔɔɓɛlaa dɔlɔɔ 14:21

Salomɔn lon Roboamə ə kɛ a tɔɔmun Ɉuda lɔi hu, Roboamə kaa kwɛlan ə kɛ pow nąąn, ɓɛlɔwai ə dɔɔlaa hɔlɔɓo la. Ə dɔɔlaa kɛ kwɛlan bow kɔ́w mɛ̨ihveelɛ yee mu Ɉerusalɛmə. Nąą ɓə Yai-Laa ə ɉəɠə ɉu Israɛlə lɔi nąą kəlee, ə gɛ ə naa hee laa. Roboamə nee laa ɓaa kɛ Naama, yai kɛ a Amɔn mun.

Tɔɔɓɛlaa dɔlɔɔ 8:16

Ə kɛ ną́n ma: ‹Ə həɠə volói ŋɛ̨i ə nwɔ nu huwu Israɛlə kulɔ la Eziptə lɔi hu ɓa, və́ kɛi taa ta həɠə ɉu Israɛlə nuą lɔwai ɓɛi ŋą pɛlɛ́ tɔɔ laa a náá mąąwiɛ pɛlɛ́. Kɛlaa ŋą́ Davidə həɠə ɉu ŋą́ ɉee nwɔ́ nu huwu Israɛlə nwun na.›

Tɔɔɓɛlaa dɔlɔɔ 8:43

Ee Yai-Laa! Lɛɛ yələkɔlɔn ɉu, ə́ ə́ wəli tɔɔ, ə́ mɛ̨nį kəlee kɛ, yɛ bələi nwɛ̨ąi tii kaa pai vɛli la yɛ́. Ə gɛ, yɛnɛ̨ɛ̨ nuą kəlee diɛ pɛli ə́ laa kɔ́lɔn ɉii, ɛlɛɛ, diɛ ɲɔw yɛ́, yɛ bələi ə́ wɔ nu huwu Israɛlə a ɲɔw la yɛ́. Ɛlɛɛ, di gili kɔ́lɔn diɛ kɛ da kɛi ə́ laa ɓoi bɛlɛ́i ŋɛ̨i mɛ̨i, yai ŋą́ dɔɔ.

Tɔɔɓɛlaa dɔlɔɔ 8:52

«Yai-Laa! Ə́ ɲɛ̨i lɛlɛɛ hee ə́ wɔ tímun da ə́ wɔ nu huwu Israɛlə nwɔ hvɛli woo ɓa, di tomą pələ tɛitɛi kəlee ə́ pɔ pələ, ə́ wəli tɔɔ diɛ.

Tɔɔɓɛlaa dɔlɔɔ 9:3

Yai-Laa yɛ Salomɔn ɓa: «Vɛli woo da nɛ̨ɛ̨mąą wooi ŋɛ̨i ə́ naa həli mą́ą́, ŋą́ą́ mɛ̨n, bɛlɛ́i ŋɛ̨i ə́ dɔɔ, ŋą́ą́ gɛ a pɛlɛ́ mąąhəɠɛɛ. Náá kaa pai kɛi mą a yələ kəlee, nwɔ́ kɛɛ kaa da nwɔ́ kiliŋąhiɛ yɛ ɓo mɛ̨i a yələ kəlee.

Tɔɔɓɛlaa veelɛ 19:16

Ə́ wəli tɔɔ, Yai-Laa ə́ nwóó mɛ̨n, ə́ ɲəlaaɓo ə́ gáá, Senakeribə nwɔ nuą ə di tɔɔ, diɛ Yálá hvulú lalan, gaa.

Tɔɔɓɛlaa veelɛ 21:4

Ə pənə ə haláá kulɔiɠaa pɛli Yai-Laa nwɔ pɛ́lɛ́i mu, ɓɛi Yai-Laa ə kɛ diɛ: «Ɓɛ Ɉerusalɛmə ɓə gáá náá heei ma.»

Tɔɔɓɛlaa veelɛ 21:7

Manase ə Asera nwɔ halii mąąnįnįn dɔɔ Yai-Laa yəi bɛlɛ́n; ɓɛi Yai-Laa ə kɛ Davidə da non Salomɔn diɛ: «Bɛlɛi ŋɛ̨i, da Ɉerusalɛmə taai ŋɛ̨i, ŋą́ą́ di həɠə Israɛlə lɔi nąą kəlee, gɛ́ náá hee mą a yələ kəlee.

Tɔɔɓɛlaa veelɛ 23:27

Yili ɓə gɛ Yai-Laa yɛ kɛ diɛ: «Ə mą kɛ Ɉuda lɔi ɓə, gaa pai di kulɔi ɲɛ̨i mu yɛ bələi ŋą́ gɛ la a Israɛlə lɔi. Ɉerusalɛmə taa kɛnɛ̨i ŋɛ̨i ŋą́ ɉəɠə ɉu a niiɓa taa, ŋą́ mąą kwɛa mą́ą́, ə mą kɛ bɛlɛ́i ŋɛ̨i ŋą́ náá hee mai.»

Kɔlɔnikɔ Veerɛi 16:9

Mąąhɔlɔɓo, Yai-Laa a ɲɛ̨i laa lɔi mɛ̨i nąą kəlee, nuąi di kilitɔɔ mą di kwəi tɔ̨nɔ̨ mɛ̨i, yɛ tɔɔ di pulu. Mɛ̨nį yii ŋɛ̨i hu nwɛi, yáá túwɔ́ yɛ ɓowomun. Yili mąą mɛ̨nį ɓa, ə həɠə yiihu ɓa, di kaa pai kɛi kɔ́ pɛlɛi yɛ́.»

Kɔlɔnikɔ Veerɛi 20:8

Di hee ɉu, di hɛli pɛlɛ́ tɔɔ laa ə Laa ɓa, a Ə́ wɔɔ; diɛ kɛ:

Kɔlɔnikɔ Veerɛi 33:4

Ə hali kɔ́iɠaa pɛli Yai-Laa nwɔ pɛlɛ́i mu, ya pa, Yai-Laa ə kɛ bɛlɛi tii mąą mɛ̨nį ɓa: «Náá kaa pai kɛi Ɉerusalɛmə daai a yələ kəlee mɛ̨nį.»

Kɔlɔnikɔ Veerɛi 33:7

Ə hali mąą nįnįn haɠa yaa kpįnįi, ə dɔɔ Yai-Laa nwɔ pɛlɛ́i mu. Ya ka yaan, Yálá ə mo Davidə da non Salomɔn ɓa, yɛ diɛ: «Bɛlɛi ŋɛ̨i, da Ɉerusalɛmə taa ŋɛ̨i, ya ɓə ŋą́ą́ di ɉəɠə ɉu a nííɓa, Israɛlə lɔiɠaa lɔwai, ŋį́ náá hee mą a yələ kəlee mɛ̨nį.

Kɔlɔnikɔ Veerɛi 6:20

Ə́ ɲɛ̨i kɛ bɛlɛ́i ŋɛ̨i ɓa a hvóló da kpįnį, a ɓɛ ŋɛ̨i Ə́ kɛ diɛ Ə́ kaa Ə́ laa heei laa. Ə́ hvɛlii ŋɛ̨i yɛ́ tímun gaa moi gɛɛnąą ŋɛ̨i ɓa, Ə́ wəli tɔɔ mą!

Kɔlɔnikɔ Veerɛi 6:40

A kɛ tii kan, Ną́mu Yálá, 'Ə́ ɲɛ̨i hee, 'Ə́ wəli tɔɔ vɛli wooi ɲɛ̨i tɔɔi gɛɛnąąi ɲɛ̨i ɓa mą!

Nehemi 1:6

Ə́ wəli tɔɔ kpɔ kani, ɛlɛɛ, ə́ ə́ ɲəi hee, yɛ tímun nwɔ mąąwɛli wooi mɛ̨n. Volóɠaa ŋɛ̨i yee mu, gáá moi yɛ́ hvóló da kpinį, yɛ́ tínuą Israɛlə lonnii mąą mɛ̨nį ɓa, ŋą́ą́ hvaa di kɛ nɛ̨ŋɛ̨n mąą mɛ̨nį ɓa, yaai ku ɉəɠə yɛ́; ɲą́ą́ kwa gala mɔlɔni kwaa nɛ̨ŋɛ̨n ɉəɠə yɛ́.

Nehemi 1:9

Kɛlaa, akɛ, ka pənə ka pa bɔ́, ka ka yee hee nwɔ tíɓoɠaa mu, kaa bɔ mɛ̨nį kɛ. Ka wɔ nuą di mą kɛ luwɔlaa hu lɔi kpɛlai, ŋį́ di ɲąą kpɔn, ŋį́ paa diɛ, ɓɛi ŋɛ̨i ŋį́ ɉəɠə ɉu, náá yɛ́ ɓo laa.›

Mąątɛ̨nɛ̨ 138:2

Gáá kwɛli hvilɛn ɉii yɛ́, ɲɛ̨́i heɛ ə́ wɔɔ pɛlɛ́ mąąhəɠɛɛi ɓa. Ə́ haŋą pələ da ə́ wɔ mɛ̨nį lɛlɛ pələ ɓa. Hvó gaai, mɛ̨nįɠaai ə́ naakwɛlanmo, gɛnɛ̨i dɛɛ yiiɠaa ku mɛ̨n ə́ laa mɛ̨i diɛ.

Mąątɛ̨nɛ̨ 34:15

Ə túwɔ́ pələ ɲɔ̨n mąą laa, ə túwɔ́ a nɛlɛɛ, hvilɛn líilaa pulu, ə ɲąąkɔn.

Lɛɛ gbɔwɔ ɓa 20:24

Ka nwɔ́ haláá kulɔi pɛli a pɔlɔ, kaa haláá kulɔ laa mą́ą́, a haláái da gəlee kələn, da ponaa kulɔ haláá, a ka wɔ taatɛlɛɛɠaai bɛlɛ-pɛlɛɛɠaa da gbɛa-kpɛaɠaa, ɓɛi lɔpee gáá pai hvaai mą, diɛ náá mąąwiɛ laa. Ŋą́ pa ka pɔ, gɛ́ lúwɔ́ too kaa.

Danîa 6:10

Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Danîa 9:18

Nwɔ Yálá, ə wəli tɔɔ, ə́ nwóó mɛ̨n, mɔ̨nɔ̨ yii gaa həlii ku wɔ taai ŋɛ̨i ɓa, yɛ́ kpinįi naa kaa, daai ŋɛ̨i kaa a ə́ wɔɔ. Kwa kɛi nɛ̨ɛ̨mąą hvə yɛ́, ku kili hvo tooli ku kɛ mɛ̨inɛ̨ɛ̨ɠaa diɛ, kɛlaa ku kilitɔɔi ə́ wɔ wɛlikɛmąą kpon ɉu kwɛaa ɓa.

Zakari 12:4

Mąą yələi tii, ŋą́ lɔi mɛ̨i hooɠaa kəlee yamąn, gɛ́ ɓowo too ɉoomɛ̨inuą kəlee nwun ɉu, kɛlaa, ɲɛ̨́i kwəleen gaa pai kɛi a ɉeɛ Ɉuda nwɔ pɛlɛ́i mɛ̨i. Yii ɓaa a lɔiɠaa di wɔ hooɠaai, ŋą́ gəlee ɲɛ̨i pu. Yai-Laa woo li.

Dutɛrɔnome 12:11

Akɛ ti gɛɛnąąi Yai-Laa ka wɔ Yálái kaa pai ɲee kpuwɔ lɛi mą, yɛ naa hee nąą ɓa, nąą ɓə ka káá pai kɛi lii laa a ka wɔ Yálá kɔ́ haláá yii da gəlee kələn, nɛ̨ɛ̨yɔwɔ laa haláá, a ka wɔ hihɛnŋąą má bow nąą, ɉɛnŋąą ka káá pai lɛɛi ka kpɔwɔ ɓa kaa Yálá kɔ́ la; ɉɛnŋąą ka káá pai kɛi di laakwɛlanmoi Yai-Laa ɓa.

Dutɛrɔnome 12:14

Ɓɛi lɔ tii Yai-Laa kaa pai ɲee kpuwɔ lɛi laa ka huwu ta nwɔ lɔi hu, nąą lɔ ɓə ka káá pai kɛi ka wɔ haláái kulɔi laa. Kaa Yálá hɛɠɛɛɓo laa. Mɛ̨nįɠaa kpɔ gáá ka tíi la nąą ɓə ka káá pai kɛi di kɛi laa

Dutɛrɔnome 12:5

Kɛɛnąą lɔpee Yai-Laa ka wɔ Yálá kaa pai ɲeekpiɛ lɛi nąą, Israɛlə huwu kəlee lɔwai, yɛ naa hee laa, yɛ daa tɔɔ laa, gɛɛnąą tii lɔ ɓə ka káá pai kɛi lii laa, kaa hvaa bɔ.

Dutɛrɔnome 16:2

Ka pakə hɛli haláá kulɔ a nįŋɛ̨, a taatɛlɛɛɠaa, Yai-Laa ka wɔ Yálái ɓa. Ka gɛ tii, ɓɛi ŋɛ̨i Yai-Laa ka wɔ Yálái kaa pai ɲeekpiɛ lɛi laa, yɛ naa hee laa.

Dutɛrɔnome 16:6

Ɓɛi lɔ ka bu laa nąą ɓaa, gɛɛnąą ŋɛ̨i Yai-Laa ka wɔ Yálá ə ɲeekpiɛ lɛ mą, ə naa hee laa, nąą lɔ ɓə ka ɉaláá kulɔ laa yələwulii pɔ, a hvóló kɔ́w tooi lɔwai, a ɓɛlɔwai kpɔlɔ tii ka kulɔ la Eziptə lɔi hu.

Dutɛrɔnome 26:2

ka wɔ hihɛnŋąą má dɔlɔɔ-tɔlɔɔɠaa ka ɉɔlɔɓo nɔi tii hu, yai Yai-Laa ka wɔ Yálái ə dɛɛ ka pɔ, ka da həɠə ɉu ka gbili kɛ; ɓɛi Yai-Laa ka wɔ Yálái kaa pai ɲeekpiɛ lɛi laa, yɛ naa hee mą; ka li la laa.