Tɔɔɓɛlaa dɔlɔɔ 8:26 - Yálá laawoo hɛɓɛ (dc)

²⁶ Yilihu kɛa Israɛlə nwɔ Yálá, mɛ̨nįi ə́ naakwɛlanmo ə́ wɔ tímun ną́n Davidə ɓa, bɔ mɛ̨nį kɛ kani kɛa wɛ!

Yálá laawoo hɛɓɛ

²⁶ Yilihu kɛa Israɛlə nwɔ Yálá, mɛ̨nįi ə́ naakwɛlanmo ə́ wɔ tímun ną́n Davidə ɓa, bɔ mɛ̨nį kɛ kani kɛa wɛ!

Bible

²⁶ Óo Eezuɛ Ŋɔɣâlai, ǹɛɛ naa gono-teei í gɛ̀ íyee mu-nuui Deeƃé yêei ŋ̀aa-see é kɛ́.

Tɔɔɓɛlaa dɔlɔɔ 8:26 ပူးပေါင်းရင်းမြစ်များ

Tɔɔɓɛlaa dɔlɔɔ 8:23

yɛ diɛ: «Yai-Laa Israɛlə nwɔ Yálá, Yálá ta hvo laa, ka Yáá ka pɛliɛ, ə mą kɛ yələi, yələkɔlɔn ɉu ɓə, da lɔi mɛ̨i, yɛ pɛli mįnɛ̨i da nwɔ nuą di ɉəɠə, naahɔn moi yɛ gili kɛ di hu a wɛlikɛmąąlaa, ɓɛlɔwai da hiɛ la a ɉaŋąą ə́ ɲɛ̨i ɓa.

Tɔɔɓɛlaa dɔlɔɔ 8:27

«Akɛti, Yálá a pɛli mą heei lɔi mɛ̨i? Bələi mąn Yələkɔlɔn ɉu kɛnɛ̨ la, aa nąą kəlee laahvɛɛ, gu hvomun kɛ bɛlɛ́ logolo ŋɛ̨i ŋą́ dɔɔ mąi?

Kɔlɔnikɔ Maa-ŋuŋ 17:23

Akɛ kani tii, Yai-Laa, nwoo ŋɛ̨i Ə́ mo Ə́ wɔɔ tímun naa mɛ̨i da nwɔ pɛlɛ́i, naa ə hon a yələ kəlee mɛ̨nį. 'Gɛ, yɛ bələi Ə́ mo la.

Kɔlɔnikɔ Veerɛi 1:9

Yii hui ŋɛ̨i Yai-Laa, mɛ̨nįi ta ə́ mo ną́n Davidə ɓa, bɔ mɛ̨nį kɛ kɛa. Hvó gaai, Yɛ́ ɓə yáá ɉéé a tɔɔmun nɔi kɛnɛ̨i ŋɛ̨i mɛ̨i, ɉu nuą tamąą yɛ muluun.

Mąątɛ̨nɛ̨ 119:38

Mɛ̨nįɠaai ə́ naakwɛlanmo ə́ wɔ tímun ɓa, di pɔ mɛ̨ni kɛ mą, əgɛ, nuą diɛ pɛli ɲɔwii yɛ́.

Mąątɛ̨nɛ̨ 119:49

Nwooi ə́ mo ə́ wɔ tímun ɓa, ə́ kili lɛɛ ɉu, yai ə́ gílitɔɔmą.

Mąątɛ̨nɛ̨ 41:13

Nwɛ́i, yáá ə́ yee hee mú, yáá gɔ́lɔi pɔ̨nɔ̨, Ə́ ɲɛ̨i kaa mą́ą́ a yələ kəlee da wɔɔ.

Lɛɛ gbɔwɔ ɓa 24:10

Di Israɛlə nwɔ Yálái kaa, gɔwɔ mu ə kɛi lən yɛ da diamąn pɛlɛ laa, dɛɠiɛ yɛ yələkɔlɔn.

Azaya 41:17

Nuąi daa di nwumɛ̨, da yee hvowolo nuą, da kɛ kpələ ya hvɛlii, Kɛlaa di hva da hɔlɔɓo, di nɛn ɲɛ kpala di la a kpələ wɛli, Ɲą́ą́ Yai-Laa, gáá pai ɲéé heei di woo mu, Ɲą́ą́i a Israɛlə nwɔ Yálá, və́ pai kulɔi di pulu.

Azaya 45:3

Ɉɛn gɔwɠaai daa kɛ di laaikɛ, kɛɛnąą kpinɛ̨ɛ̨ɠaa ɓa, nwaliɠaai daa kɛ di loo, kɛɛnąą hɔwɔ́-hɔwɔ́ɠaa ɓa, gáá pai di lɔi ə́ yee ŋą. Bələ ɓə ə́ kaa pai gbaɠala kaai la, yɛ́ kɛ, Yai-Laa ɓaa a ɲą́ą́. Ya ɓə ə́ təlii a ə́ laa; yai a Israɛlə nwɔ Yálá.

Ɉeremi 11:5

Yili a kɛ kɛa tii, mɛ̨nįi ŋį́ naakwɛlanmo ka nąnni diɛ, gɛ́ kɛ diɛ, gáá lɔi tɛɛi ka pɔ, ɓɛi kwɛin nwulɔ da ɲįnįya gboloon naai laa; ŋį́ pɛli kɛa ŋį́ nwóó tii pɔ mɛ̨nį kɛ. Yili ɓa, háákələi, nɔi kaa a ka wɔɔ. Gɛ́ Yai-Laa ɓa: «Gaa tii Yai-Laa.»

Samuɛlə dɔlɔɔ 1:17

Eli yɛ mą: «Lí a ə́ liilaa yɛ, yii ə́ vɛli Israɛlə nwɔ Yálá ɓa, ə dɛɛ ə́ pɔ.»