Tɔɔɓɛlaa dɔlɔɔ 8:20 - Yálá laawoo hɛɓɛ (dc)

²⁰ Mɛ̨nįi Yai-Laa ə mo ną́n ma, ya ka tii ə naa hon. Ŋą́ą́ lɛɛ ną́n bɔɔ ŋą, ŋą́ą́ hee Israɛlə dɔɔkpəlin mɛ̨i, yɛ bələi Yai-Laa ə mo la. Ŋą́ą́ bɛlɛ́i ŋɛ̨i tɔɔ Israɛlə nwɔ Yálá, Yai-Laa laa ɓa.

Yálá laawoo hɛɓɛ

²⁰ Mɛ̨nįi Yai-Laa ə mo ną́n ma, ya ka tii ə naa hon. Ŋą́ą́ lɛɛ ną́n bɔɔ ŋą, ŋą́ą́ hee Israɛlə dɔɔkpəlin mɛ̨i, yɛ bələi Yai-Laa ə mo la. Ŋą́ą́ bɛlɛ́i ŋɛ̨i tɔɔ Israɛlə nwɔ Yálá, Yai-Laa laa ɓa.

Bible

²⁰ “Yâwɛɛ a ŋɔkono-teei ŋ̀aa-see kɛ́. Ŋá ńâŋ Deeƃé pɔ́ɔ ŋá sìɣe ǹyaŋ ŋ́gaa nâa seeni gâloŋ see-sɛŋ ŋá Eezuɛ, yɛ̂ɛ berei Yâwɛɛ è góno tèe lai. Ŋa pâi Ŋ̀âla-pɛrɛ Kɛ́tɛi kpîŋ tɔɔ̂i Eezuɛ Ŋɔɣâlai, Yâwɛɛ láa ma, Yâwɛɛ láa ma.

Tɔɔɓɛlaa dɔlɔɔ 8:20 ပူးပေါင်းရင်းမြစ်များ

Samia Veerɛi 7:12

Ə́ wɔ yɛnɛ̨ɛ̨ laa a pa kulɔi, yá pa kɛa laai ə́ nąnni kwɛlɛ, gáá pai ə́ huwu mąąwiɛi ə́ pulu, ə́ kwəi lon da ɓə gáá pai heeɓolaa tɛɛi bɔ, ŋą́ nwɔ tɔɔlaai kɔ́wɔ hvilɛn kpɔ gbilin.

Tɔɔɓɛlaa dɔlɔɔ 1:48

Ɛlɛɛ, tɔɔmun yaa kpinįi ə mo yɛ diɛ: ‹Mąąwiɛ ə kɛ Israɛlə nwɔ Yálá ɓa, yai gaa a Yai-Laa! Yai aa hvaa mą, háákələi, nui pai heei dɔɔkpəlin ɉu a mą́ą́hvalin, ɲɛ̨́i a tɔɔ mą.›»

Tɔɔɓɛlaa dɔlɔɔ 8:15

Yɛ diɛ: «Mąąwiɛ ə kɛ Yai-Laa ɓa, Israɛlə nwɔ Yálá. Mɛ̨nįi ə mo ną́n Davidə ɓa yaa kpinįi aa bɔ mɛ̨nį kɛ a gbɔɔ-kpɔɔ yəə.

Nehemi 9:8

Ə́ gaa yɛ́ Abrahamə lii kanąn ŋąąi yɛ́, ka yaa ka mįnɛ̨ həɠə, ə́ Kanaan nuą, Hɛtə nuą, Amɔrə nuą, Perizi nuą, Ɉebusə nuą, da Girgasə nuą, tɛɛ bɔ yaa tii bɔ, ə mą kɛ ɉuwu hu nuą. Ə́ kulɔ ə́ woo ɓa, mąąhɔlɔɓo, ə́ tələnmoɔi.

Mąątɛ̨nɛ̨ 138:2

Gáá kwɛli hvilɛn ɉii yɛ́, ɲɛ̨́i heɛ ə́ wɔɔ pɛlɛ́ mąąhəɠɛɛi ɓa. Ə́ haŋą pələ da ə́ wɔ mɛ̨nį lɛlɛ pələ ɓa. Hvó gaai, mɛ̨nįɠaai ə́ naakwɛlanmo, gɛnɛ̨i dɛɛ yiiɠaa ku mɛ̨n ə́ laa mɛ̨i diɛ.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Izikiɛ 12:25

Ɲą́ą́ Yai-Laa, mɛ̨nį lɔpee ŋą́ nɛɛ kwɛala gɛ́ mo, ɉu hva kɛa kwɛa mąą mɛ̨nįi yɛ kɛ. Ka lɛɛ ni yɛnɛ̨ɛ̨, kulɔ nwoo mu nuą, nwooi ŋɛ̨i ŋą́ mo, gɛ́ gɛ. Mɛ̨nį kəlee ŋą Hééɓomun Yálá woo li.»

Izikiɛ 37:14

Ɓɛlɔwai gáá pai nwɔ́ Nɔ̨ɔ̨ tooi la ka hu, ka kɛ a ka hvulú, ɛlɛɛ, gɛ́ ka hee ka wɔ lɔi hu, ka gbaɠala kaa, nąąlɔwai, kaa diɛ, ɲą́ą́ ɓə gáá a Yai-Laa, ŋą́ mɛ̨nį ɓo, ŋą́ bɔ mɛ̨nį kɛ. Yai-Laa woo li.»

Mise 7:20

Ə́ kaa pai Ɉakɔbə hon ɉii a wɛlikɛmąąlaa, Yɛ́ Abrahamə kɔ́ a ə́ wɔ nɛ̨ɛ̨laa; yili ɓə ə́ mo ku nąnni diɛ, Yɛ́ ə́ kwɛla ɉu kpɔ a tɔwɔ-tɔwɔ yələɠaa.

Gɛlaɠaa 7:47

Kɛlaa, Salomɔn ɓə pɛlɛ́ tɔɔ mą.

Lomaŋ 4:21

Gili ə kɛ kpɔ kɛ, yɛ kɛ mɛ̨nįi ə naakwɛlanmo mą, a pɛli bɔ mɛ̨nį kɛi.

Filipə 1:6

Náái na kpɔ gɛ́: Yálái góló lɛlɛɛ ti kɔ́wɔ tɔɔ ká hu, gaa pai lɛɛi mą, ə naa kulɔ, a Jesus Kristə ŋą hvólói.

Zasua 21:45

Nwoo lɛlɛɛɠaa kpɔ Yai-Laa ə mo Israɛlə nwɔ pɛ́lɛ́i ɓa, da lɔpee hvo lɛɛ a kpɛli, gəlee pɔ mɛ̨nį ə kɛ.