Tɔɔɓɛlaa dɔlɔɔ 7:29 - Yálá laawoo hɛɓɛ (dc)

²⁹ Ɉee hɛn ɲąŋąɠaa tii yee toɔ kɛ gee hu, di yala mąąnįnįn ɉəɠə mą da nįŋɛ̨, ɛlɛɛ, mąąkpɛ malakaɠaa. Naaŋąɠaa ŋɛ̨i kɛ mɛ̨i pələ, ɲalaɠaa da nįŋɛ̨ɠaa di mu pələ, di hɛnŋąą pɛli mą, ɲee lɔɔ ge hu.

Yálá laawoo hɛɓɛ

²⁹ Ɉee hɛn ɲąŋąɠaa tii yee toɔ kɛ gee hu, di yala mąąnįnįn ɉəɠə mą da nįŋɛ̨, ɛlɛɛ, mąąkpɛ malakaɠaa. Naaŋąɠaa ŋɛ̨i kɛ mɛ̨i pələ, ɲalaɠaa da nįŋɛ̨ɠaa di mu pələ, di hɛnŋąą pɛli mą, ɲee lɔɔ ge hu.

Bible

²⁹ È yala-sulu, niŋa sîrɛ da ɣâla-taa kooŋ-sɛŋ pɔkɔɔŋ-ŋa kpɛ̀tɛ ǹyá tĩɛ sãai kpono ma é dínaŋ dîa. È wuru-poa pɔkɔɔŋ-ŋa kpɛ̀tɛ bɔkɔɔŋ-ŋai mɛi-pere da mu-pere.

Tɔɔɓɛlaa dɔlɔɔ 7:29 ပူးပေါင်းရင်းမြစ်များ

Zɛnɛse 3:24

Ɓɛlɔwai kɛa Yálá ə nu kpɛ la Edɛn ɲɛa, Ə nɛɛ mą ə, mąąkpɛ malakaɠaa tɔɔ bələ nwun na, ɓɔwa kwɛa yɛ ɓo di yəi, yɛ nwɔ̨n, diɛ ɲɛnɛ̨ɛ̨ kɛ wului tii mąąkpɛ la.

Tɔɔɓɛlaa dɔlɔɔ 6:27

Salomɔn ə mąąkpɛ malaka hveelɛ tii tɔɔ bɛlɛ́ hąąi. Mąąkpɛ malaka hveelɛi tii koon ɉu haŋąą kɛ, di tɔɔ di kee tənən ma, di koon yɛ gee kaa bɛlɛ́ hąąi, gəlee hveelɛi nwɔ tɛitɛi yɛ hee bɛlɛ́ ɓa, ɓɛ pələ da ɓɛ pələ.

Tɔɔɓɛlaa dɔlɔɔ 7:25

Di ɉɛɲąŋąi tii pɛli di ɉee nįŋɛ̨ pow kɔ́w hveelɛ mąąnįnįn bulu. Ɉaaɓa ɲɛ̨i heɛ ɲələi pələ, ɉaaɓa ɲɛ̨i heɛ ɉɛɠɛɛ pələ, ɉaaɓa ɲɛ̨i heɛ voló həɠəi pələ, ɉaaɓa ɲɛ̨i heɛ voló tooi pələ; gəlee kponwo paa gee ɓa, gboloyá heɛ di lɔwai.

Tɔɔɓɛlaa dɔlɔɔ 7:28

Bələi di bɛli la, bələ ka: Di hee hɛɲąŋąɠaa di kɛ mą, ɲee piliɛ gee hu nwəli laɠaa.

Tɔɔɓɛlaa dɔlɔɔ 7:30

Nwotoloɠaa tii, dɔ̨nɔ̨ gbən kɔ́wɔ ə kɛ mu nąąn, yɛ ɓo a ɓala kwɛli; gɔwɔ nąąn tii, ɉuhon ɉɛn ə ɓo mą. Ɉuhon ɉɛnŋąą tii di kɛ nwotoloɠaa mu pələ. Ɉɛnŋąą tii di yee toɔ gee hu, hvo kɛ pɛlɛ li gee ɓa.

Lɛɛ gbɔwɔ ɓa 25:18

Ə́ mąąkpɛ malaka hveelɛ mąą nįnįn bɛli a hɛni, ə́ di hee gəhi laa kalan mɛ̨i bələ hveelɛi.

Lɛɛ gbɔwɔ ɓa 37:7

Ə mąąkpɛ malakaɠaa hveelɛ pɛli a hɛni, ə di tɔɔ gəhi laa kalan nwəli la hveelɛi ɓa.

Izikiɛ 1:10

Di ɲɛ̨ilai gulaa kɛ nu ɲɛ̨ilai ma, di nu nąąn, Yala ɲɛ̨ilai ə kɛ di ɓa-mįi-yee hu pələ; nįŋɛ̨ hilɛ ɲɛ̨ilai ə ɓo di kɔ́ɓɛyee hu pələ, kuwɔ ɲɛ̨ilai ə kɛ di nu nąąn diɛ.

Izikiɛ 10:14

Di tɛitɛi di ɲɛ̨i heei ə kɛ nąąn, di ɲɛ̨ilai dɔlɔɔ ə kɛ yɛ mąąkpɛ malaka ɲɛ̨ilai, veelɛnąą ə ɓo a nu ɲɛ̨ilai; ɉaaɓa nąą ə ɓo a yala ɲɛ̨ilai, nąąn nąą ə ɓo a kúwɔ́ ɲɛ̨ilai.

Osia 5:14

Hvo lɛɛi yili ɓa, gáá pai kɛi yɛ yala Ɛfraimə ɓa, ŋį́ kɛ yɛ yala gbɔn, Ɉuda nwɔ pɛlɛ́i ɓa. A ɲą́ą́, ɲą́ą́ ɓə pai di ɓɛla ɓɛlai, yili pulu, ɉuwɔi ŋą́ ɉon, ŋą́ li la, ɛlɛɛ, nu ta hva pɛli gulɔi ɲə́i.

Hebreu 9:5

Mįnɛ̨-kon ti mɛ̨i, mąąkpɛ malaka mąą nįnįnŋaa di kɛ laa, yɛ Yálá mąąwiɛ pələ lɛ, di koon ɉɛlɛnŋąąi ɓɛi da kɛ nɛ̨ŋɛ̨n mąąhvaalɛɛ haláá kulɔi laa. Kɛlaa, mɛ̨nįɠaa ti hukulɔi lɔwai hvəə ni.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

M̀ɛni-lɛɛi 5:5

Kɛlaa, galanɉonŋaai tii tɔ̨nɔ̨ yɛ mą́ą́: «'Hvó wɔlɔ! Ə́ ɲɛ̨i hee tai, Ɉuda nu huwu ŋą yala hilɛ, yai aa yeetɛɛmąąlaa kɛ, yai a Davidə mąąpoo, ya ɓə a pɛli gɔlɔn ɉɛn mɛ̨ihveelɛi tii kulɔi ɉɛɓɛ́i ɓa, ɛlɛɛ, ə naaɓo.»