Tɔɔɓɛlaa dɔlɔɔ 6:16 - Yálá laawoo hɛɓɛ (dc)

¹⁶ Ə bɛlɛ́ gbón ɉu bələ pɛlɛ a kpitili wulu ɓɛla ɉu pələ, ə həɠə nɔi ɓa ə tɛ gbaan ma. Ə gɛ tii a yee laa mą pow hveelɛ. Ə nąą kɛ a kɛɛnąąi Mąąhəɠɛɛ gəlee ɓa.

Yálá laawoo hɛɓɛ

¹⁶ Ə bɛlɛ́ gbón ɉu bələ pɛlɛ a kpitili wulu ɓɛla ɉu pələ, ə həɠə nɔi ɓa ə tɛ gbaan ma. Ə gɛ tii a yee laa mą pow hveelɛ. Ə nąą kɛ a kɛɛnąąi Mąąhəɠɛɛ gəlee ɓa.

Bible

¹⁶ È lôŋpo tèe Ŋ̀âla-pɛrɛ Kɛ́tɛi mu gbóŋ ŋá-pere nyíi ŋɔsu-kɛ̂tɛ è kɛ̀ a núu kɔ́ɔ pîlanii buu saaƃa m̀éla kélee ma a sîda ƃela-ŋa. É síɣe Ŋ̀âla-pɛrɛ Kɛ́tɛi kaŋ pîlanii é tɛ́ ŋ̀elei-pere, è kɛ̀ a loŋpoi zu-pere-ŋɔɔ Ŋ̀âla-pɛrɛ Kɛ́tɛi mu, Gwaa Maa waai ŋɔkwaa maa waai ma.

Tɔɔɓɛlaa dɔlɔɔ 6:16 ပူးပေါင်းရင်းမြစ်များ

Tɔɔɓɛlaa dɔlɔɔ 6:17

Bɛlɛ́ kɛnɛ̨ mu ə kɛ a yee laa mą pow nąąn.

Tɔɔɓɛlaa dɔlɔɔ 6:5

Ə gulɔ-gbunma tɔɔ bɛlɛ́ nąą kəlee, di ɉu tee a pɛlɛ́ pɛlɛɛ-pɛlɛɛ.

Tɔɔɓɛlaa dɔlɔɔ 7:7

Ə giti tee pɛlɛ́ tɔɔ, di kpitili wulu ɓɛla pɛlɛ ɉu, ə həɠə nɔi ɓa, ə tɛ gbaan mą, nąą ɓə ə kɛi kiti tee laa.

Tɔɔɓɛlaa dɔlɔɔ 8:6

Ɉaláá laa həli nuą di Yai-Laa nwɔ mįnɛ̨ kəhii hee ɉeei, gɛɛnąą mąąhəɠɛɛ gəlee ɓa, mąąkpɛ malakaɠaa koon mu.

Kɔlɔnikɔ Veerɛi 3:8

Yili pulu, ə gɛɛnąą mąąhəɠɛɛ nwɔɔ pɛlɛ́i pɛli, goloon gwɛa pələ ə kɛ lɔ yɛ bɛlɛ ɲąą kɛnɛ̨ pələ, yɛ ɓo a yee laa mą pow hveelɛ, nwɔ ɲąą kɛnɛ̨ pələi ə kɛ a yee laa mą pow hveelɛ. Ə hɛni huwaa hiɛ mą, yai kɛ a kilə waa pow hveelɛ.

Lɛɛ gbɔwɔ ɓa 26:23

Bɛlɛ́ kpon bələ lɔ̨nwɔ̨ veelɛ tɔɔ laa nwəli la hveelɛi tii ɓa bɛlɛ́n bələ.

Izikiɛ 41:4

Ə bɛlɛ́n gwɛa yee kɔ́ɔn, ə ɓo a yee tɔɔɉu pow hveelɛ, ɲąą kɛnɛ̨ yee ə ɓo a yee tɔɔɉu pow hveelɛ; yili pulu, nui tii yɛ mą́ą́: Gɛɛnąąi ŋɛ̨i ɓə mąąhəɠɛɛ gəlee ɓa.

Izikiɛ 45:3

Nɔi ka káá pai ka yee lɛi mą, ə kɛ a yee tɔɔɉu waa pow hveelɛ gɔw lɔɔli gwɛa pələ hu, yee tɔɔɉu waa pow goloon ɉu; ká gɔɔn, nąą ɓə gɛɛnąą mąąhəɠɛɛ kaa pai kɛi laa; gɛɛnąą mąąhəɠɛɛ kɛɛnąą kəlee ɓa.

Levetekɔ 16:2

«'Mo ə́ liɛ Aarɔn ɓa, hvo kɛ gaa lɔi gɛɛnąą mąąhəɠɛɛ ɓa a niiɓa pələ ɉəɠə ɓɛla pulu, mįnɛ̨ kəhi ɲɛ̨itɔwɔ, hvo pa nəi haa; ɓɛlɔwai gáá pai gbɔ́wɔ́ lɛi la tulɔ kpinįn ɉu mįnɛ̨ kəhi laakalan mɛ̨i.

Hebreu 9:3

A həɠə laa, ɉəɠə ɓɛla veelɛnąą pulu pələ, haláá kulɔi ə kɛ laa, diɛ kɛ mą: Gɛɛnąą mąąhəɠɛɛ kpɔ tɛakpa-tɛakpa.