Tɔɔɓɛlaa dɔlɔɔ 6:13 - Yálá laawoo hɛɓɛ (dc)

¹³ Ɛlɛɛ, akɛ tii, ŋą́ kɛ kɛa Israɛlə lonnii lɔwai; nwɔ́ nu huwui ŋɛ̨i a diɛ, vá di lɛɛ laa tɔ̨nɔ̨ kpɛli.»

Yálá laawoo hɛɓɛ

¹³ Ɛlɛɛ, akɛ tii, ŋą́ kɛ kɛa Israɛlə lonnii lɔwai; nwɔ́ nu huwui ŋɛ̨i a diɛ, vá di lɛɛ laa tɔ̨nɔ̨ kpɛli.»

Bible

¹³ Ŋa pâi kɛ̂i Eezuɛ-ŋai sáma, ǹyaŋ fé pâi mbôlu fêi ŋánûai Eezuɛ mì.”

Tɔɔɓɛlaa dɔlɔɔ 6:13 ပူးပေါင်းရင်းမြစ်များ

Tɔɔɓɛlaa dɔlɔɔ 8:27

«Akɛti, Yálá a pɛli mą heei lɔi mɛ̨i? Bələi mąn Yələkɔlɔn ɉu kɛnɛ̨ la, aa nąą kəlee laahvɛɛ, gu hvomun kɛ bɛlɛ́ logolo ŋɛ̨i ŋą́ dɔɔ mąi?

Kɔlɔnikɔ Maa-ŋuŋ 28:20

Davidə yɛ nwɔ̨nɔ̨ non Salomɔn ɓa: «'Gɛ a hulɔnu laa, 'ə́ ə́ liikpələ! 'Hvó ɲɔw, ə́ mąą hvo kpɛlin! Yai-Laa ə́ nwɔ́ Yálái kaa ə́ pɔ. Hvo pai gili kulɔi ə́ hu, va ɲee ɓo yɛ́, ə lɛɛ la ɉu, hvo kɛli yá kpɛɛ a Yai-Laa nwɔ pɛlɛ́i tɔɔ kolóɠaa kəlee kɛɛ.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Mąątɛ̨nɛ̨ 68:18

Yálá nwɔ hoo mɛ̨i kulááɠaai, di kaa a nu waa nwun damąą, di mąąɲɔwuɔ. Ną́mu kaa di lɔwai, Sinai yee nwuɔ̨, nwɔ pɛlɛ́ mąąhəɠɛɛi mu.

Lɛɛ gbɔwɔ ɓa 25:8

Mąąnɛ̨ɛ̨ ə́ kɛɛnąą mąą həɠɛɛ pɛli mą́ą́, gɛ́ pɛli lɛɛi ka lɔwai.

Lɛɛ gbɔwɔ ɓa 29:45

Gáá pai heei Israɛlə lonnii lɔwai, ŋą́ kɛ a di wɔ Yálá,

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Levetekɔ 26:11

Gáá pai ɉééi kulɔi ka lɔwai, və́ pai wɛli kpɛɛmąąlaa kulɔi a kaa.

Korɛntə veelɛ 6:16

Bɛlɛ gee ɓa lə kɛɛ ɓə a pɛli kɛi Yálá hee pɛlɛ́ da haliɠaa di lɔwai? Gbala ə tɔɔ, guɔ ɓə gu kaa a Yálá hvulúmąą hee pɛlɛ́; yɛ pələi Yálá ə mo la, yɛ kɛ diɛ: «Gáá pai heei di lɔwai, gɛ́ hiɛ laa, Ŋį́ ɓo a di wɔ Yálá, diɛn, di ɓo a nwɔ́ nu huwu.»

Dutɛrɔnome 31:6

Ka ka liikpələ, ka tɔɔ a ka nwąnąi, ka hvo ɲɔw, ka mąą hvo kpɛlin di lííla. Mąąhɔlɔɓo, Yai-Laa ka wɔ Yálá hvilɛn ŋąąi ka ɲɛ̨itɔwɔ, hva ka lɛɛ laa, hva gili kulɔ ka hu tɔ̨nɔ̨ kpɛli.»

Dutɛrɔnome 31:8

Yai-Laa ɓə pai tɔɔi ə́ ɲɛ̨itɔwɔ kaa li, gaa pai kɛi ə́ pɔ, hvo pai ə́ lɛɛi laa, hva gili kulɔ ə́ hu, hvó ɲɔw, ə́ mąą hvo kpɛlin.»

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»

Zasua 1:5

Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.

Samuɛlə dɔlɔɔ 12:22

Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.