Tɔɔɓɛlaa dɔlɔɔ 6:1 - Yálá laawoo hɛɓɛ (dc)

¹ Ə həɠə Israɛlə nuą kulaa Eziptə lɔi hu ɓa, ə həli la Yálá hee pɛlɛ́ tɔɔi lɔwai ɓa, ə kɛ a kwɛlan nwun nąąn kwɛlan bow mɛ̨ihaaɓa. Gwɛlan tii ə kɛ a Salomɔn nwɔ tɔɔlaa gwɛlan nąąn nɔwai Israɛlə lɔi nwun na. Salomɔn ə bɛlɛ́ kóló kɔ́wɔ tɔɔ a ɲąnin ŋɛ̨i da kɛ mą: Ɉiwə yai a di wɔɔ kwɛlan ɲąnįn veelɛnąą, ɲąnįn tii hu ɓə Salomɔn ə Yálá hee pɛlɛ́ tɔɔ la.

Yálá laawoo hɛɓɛ

¹ Ə həɠə Israɛlə nuą kulaa Eziptə lɔi hu ɓa, ə həli la Yálá hee pɛlɛ́ tɔɔi lɔwai ɓa, ə kɛ a kwɛlan nwun nąąn kwɛlan bow mɛ̨ihaaɓa. Gwɛlan tii ə kɛ a Salomɔn nwɔ tɔɔlaa gwɛlan nąąn nɔwai Israɛlə lɔi nwun na. Salomɔn ə bɛlɛ́ kóló kɔ́wɔ tɔɔ a ɲąnin ŋɛ̨i da kɛ mą: Ɉiwə yai a di wɔɔ kwɛlan ɲąnįn veelɛnąą, ɲąnįn tii hu ɓə Salomɔn ə Yálá hee pɛlɛ́ tɔɔ la.

Bible

¹ Góraŋ ŋuŋ náaŋ pôlu buu lɔ́ɔlu mɛi saaƃa tɛ̀ɛ pôlu ma tãi Eezuɛ-ŋai dí kùla la Ize lɔii sui, Saloma ŋɔkâloŋ-laa koraŋ ǹáaŋ su Eezuɛ lɔii mɛi, ŋ̀áloŋ veerɛi su da dòli a Zî, è pɛ̀lɛ Ŋ̀âla-pɛrɛ Kɛ́tɛi tɔɔ ma Yâwɛɛ mɛni ma.

Tɔɔɓɛlaa dɔlɔɔ 6:1 ပူးပေါင်းရင်းမြစ်များ

Tɔɔɓɛlaa dɔlɔɔ 6:2

Bɛlɛ́i Salomɔn ə dɔɔ Yai-Laa ɓa, gwɛa pələ ə kɛ a yee laa mą pow mɛ̨ida, ŋąą kɛnɛ̨ pələ yɛ ɓo a yee laa mą pow hveelɛ, dɔɔ mɛ̨i ə ɓo a yee laa mą pow haaɓa.

Tɔɔɓɛlaa dɔlɔɔ 6:37

Salomɔn nwɔ tɔɔlaa gwɛlan nąąn nɔwai Ɉiwə ɲąnin ɉu ɓə di Yai-Laa hee pɛlɛ́ kɔ́wɔ hvilɛn na.

Kɔlɔnikɔ Maa-ŋuŋ 29:19

'Kili lɛlɛɛ tɛɛ nón Salomɔn pɔ, yɛ pɛli, ə́ wɔ Tíɓoɠaai, ə́ wɔ tɔ́nnwooɠaai, da ə́ wɔ lɔi hon bələ mąą yɛlɛ kɛi, yɛ gəlee pɔ túwɔ́ ɓo, ɛlɛɛ bɛlɛ́i ŋɛ̨i ŋį́ dɔɔ-hɛnŋaa ɲąąkpɔn, yɛ dɔɔ.»

Kɔlɔnikɔ Maa-ŋuŋ 6:10

Ɛlkana lonnii ɓaa: Amasai da Ahimotə.

Kɔlɔnikɔ Veerɛi 3:3

Yálá nwɔ pɛlɛ́i goloon ɉu ka, yɛ bələi Salomɔn ə mo la: Gwɛa yee kaa a tɔwɔ-tɔwɔ hɛn gɔɔ ŋąą, a yee laa mą pow mɛ̨ida, ɲąą kɛnɛ̨ a yee laa mą pow hveelɛ.

Ɛsdrasə 5:11

Nwoo ŋąąpənəi di dɛɛ ku pɔ ya: ‹Kuɔ ɓə ku kaa a yələkɔlɔn da lɔi, di pɛli Yálá nwɔ koló kɛ nuą, bɛlɛ́i ŋɛ̨i wɔlɔ kɛ ɓɛ, ya ɓə ku kaa pənəi ku dɔɔ. Tɔɔmun gɛnɛ̨ ta ə wɔlɔ kɛ a Israɛlə nuą di wɔ tɔɔmun, ya ɓə bɛlɛi tii tɔɔ ə nąą kulɔ.

Mąątɛ̨nɛ̨ 78:69

Ə mąąwiɛ pɛlɛ́ tɔɔ laa, ɲee nwuɔ̨, nwun naŋįn ŋąą hɛn gəlee mɛ̨i; ə dɔɔ nąą a yələ kəlee mɛ̨nį, kpɔlɔ yɛ bələi lɔi laai la.

Lɛɛ gbɔwɔ ɓa 12:41

Gwɛlan nwun nąąn gwɛlan bow haaɓai ti yee mu, voló tɔ̨nɔ̨i ŋɛ̨i lɔ ɓə Yai-Laa nwɔ kɔlaɠai ə kulɔ la Eziptə lɔi hu.

Lɛɛ gbɔwɔ ɓa 12:51

Volói tii ɓə, Yai-Laa ə Israɛlə lonnii kulɔ la Eziptə lɔi hu da di huwu kəlee.

Izikiɛ 41:1

Ə li a ɲą́ą́ bɛlɛ́ kɛnɛ̨ɛ mu, ə bɛlɛ́ dɔɔmuɠaa kɔ́ɔn, di ɲąą kɛnɛ̨ yee ə ɓo a yee tɔɔɉu haaɓa ɓɛ pələ, da ɓɛ pələ. Yii kɛ a ɉəɠə pɛlɛ́ ɲąą kɛnɛ̨ yee.

Egaa 1:8

Ka tɛ ɲeeɠaa tona, ka wulu tee, ka pa ka bɛlɛ́i ŋɛ̨i muhəɠə la, yili ɓə a gwə́inɛ̨ɛ̨, ŋą́ mąąwiɛ hɔlɔɓo, ɲą́ą́ Yai-Laa, nwóó li.

Zakari 6:15

Nuą kaa pai həɠəi kwɛaa la, diɛ kólo kɛ Yai-Laa hvɛli pɛlɛ́ mu. Yili ɓə ka gbaɠala kaa la, káá kɛ, Yai-Laa Mɛ̨nį Kəlee ŋą Hééɓomun ɓə dɔ́ɔ́ ka pɔɔli. Akɛ ká lɛɛ Yai-Laa ka wɔ Yálá woo mu, mɛ̨nį kəlee hu, mɛ̨nįi tii kaa pai kɛi.

Lonon mo 1:1

Yai-Laa ə pələ ɓo Moisə ɓa Sinai nɔi pun ɉu, gee kaa kələ mu. Di kulaa Eziptə lɔi hu, gwɛlan veelɛ nwɔ ɲąnin veelɛnąą voló tɔlɔɔ li kɛ. Yɛ mą:

Gɛlaɠaa 13:19

Ə lɔi mɛ̨ihveelɛ hu nuą kpɛ Kanaan lɔi hu, ə di wɔ lɔiɠaai tɛɛ nwɔ nuąi pɔ a di hee lɔi,

Gɛlaɠaa 7:47

Kɛlaa, Salomɔn ɓə pɛlɛ́ tɔɔ mą.

Korɛntə dɔlɔɔ 6:19

A wala kɛ tii, ka hvo gɔlɔn káá: ka káá a Kili-Mąąhəɠɛɛi gaa ká hu, ɉee pɛlɛ́, yai Yálá ə dɛɛ ka pɔ? Ká pɔɔ hvaa a ka kpįnį?

Korɛntə veelɛ 6:16

Bɛlɛ gee ɓa lə kɛɛ ɓə a pɛli kɛi Yálá hee pɛlɛ́ da haliɠaa di lɔwai? Gbala ə tɔɔ, guɔ ɓə gu kaa a Yálá hvulúmąą hee pɛlɛ́; yɛ pələi Yálá ə mo la, yɛ kɛ diɛ: «Gáá pai heei di lɔwai, gɛ́ hiɛ laa, Ŋį́ ɓo a di wɔ Yálá, diɛn, di ɓo a nwɔ́ nu huwu.»

Kolosə 2:7

'Ká hamu ə hvilɛn kani Kristə mɛ̨i kpɔ kpąą, ká hu ə walawala a laa na laai di ká mąąkwɛli mą, ɛlɛɛ, káá ɓo la tii, a mɛ̨inɛ̨ɛ̨ hukɔlɔn nuą.

Hebreu 11:10

Mąąhɔlɔɓo, taai dɔɔ mun, da ɲɛlɛkɛmun gaa a Yálá kpinįi, ya ɓə Abrahamə ə kɛli mąąkpɔn.

Hebreu 9:11

Kɛlaa, Kristə ə pa ə kɛ a ɉaláá laa həli mun gɛnɛ̨, mɛ̨inɛ̨ɛ̨ɠaai gaa pai, di mąą mɛ̨nį ɓa. Ɉəɠə pɛlɛ́i gaa nwɔ tíɓo kɛi mu, gɛnɛ̨i, mąą mɛ̨nį pɛliɛ ɉu kpɔ hvɛɛ-hvɛɛ, hvo a nu kan ɲee pɔɔ, mukulaa ɓaa, hvo a ɲɛnɛ̨ɛ̨ ŋɛ̨i hu mɛ̨nį,

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Nwun mąąɓo 11:26

Aa kɛ kɛa a kwɛlan nwun ɉaaɓa, Israɛlə nuą heɛ kaa Hɛsbɔn da gwɛlɛɠaa, Aroɛrə da gwɛlɛɠaa, ɛlɛɛ da daaɠaai kpɔ di kaa Arnɔn koo ɓa. Lə mɛ̨nį ɓa nąąlɔwai ka hvo kɛ nąą həɠə li?