Tɔɔɓɛlaa dɔlɔɔ 5:7 - Yálá laawoo hɛɓɛ (dc)

⁷ Nɔi ɲąąwooɓo nuą tii ɓə kɛi Salomɔn gɔ̨nɔ̨n gɛ, da nuąi kpɔ kɛi di yee lɔ kɔ́wɔ tɔ̨nɔ̨ hu. Nɔi ɲąąwoo tii di hvo kɛi nɛɛ laa, Salomɔn hvo hvɛɠɛ a hɛn nɔpee ta.

Yálá laawoo hɛɓɛ

⁷ Nɔi ɲąąwooɓo nuą tii ɓə kɛi Salomɔn gɔ̨nɔ̨n gɛ, da nuąi kpɔ kɛi di yee lɔ kɔ́wɔ tɔ̨nɔ̨ hu. Nɔi ɲąąwoo tii di hvo kɛi nɛɛ laa, Salomɔn hvo hvɛɠɛ a hɛn nɔpee ta.

Bible

⁷ Iraŋ kɛ́ɛ a Saloma ŋɔworɛ̂-wooi mɛnii, ǹíi è ǹɛ̃ɛ kpɔ́ a zu kɛ́tɛ, ǹyaŋ è mò ǹyɛɛi, “Lûwa é kɛ́ Yâwɛɛ ma sâa, nyíi è lóŋ surɔŋ táreɛɛ tɛ̀ɛ Deeƃé pɔ́ a gɛ́ɛ é kɛ́ ǹûa kpɔŋ ŋí mɛi.”

Tɔɔɓɛlaa dɔlɔɔ 5:7 ပူးပေါင်းရင်းမြစ်များ

Zɛnɛse 33:5

Yili pulu, Esau yɛ Ɉakɔbə ɓa: «Gbɛɛ nuą ɓə ə́ pului?» Ɉakɔbə yɛ mą: «Nu kan mɛ̨inɛ̨ɛ̨i Yálá ə gɛ, ə́ wɔ tímun ma, diɛ ka.»

Tɔɔɓɛlaa dɔlɔɔ 1:48

Ɛlɛɛ, tɔɔmun yaa kpinįi ə mo yɛ diɛ: ‹Mąąwiɛ ə kɛ Israɛlə nwɔ Yálá ɓa, yai gaa a Yai-Laa! Yai aa hvaa mą, háákələi, nui pai heei dɔɔkpəlin ɉu a mą́ą́hvalin, ɲɛ̨́i a tɔɔ mą.›»

Tɔɔɓɛlaa dɔlɔɔ 10:9

Mąąwiɛ ə kɛ Yai-Laa ə́ wɔ Yálái ɓa, yai ə laa a nii, yɛ ə́ hee Israɛlə dɔɔ kpəlin ɉu. Israɛlə wɛli ɓə gaa Yai-Laa ɓa a yələ kəlee, yili ɓə gɛ yɛ ə́ hee a tɔɔmun, yɛ́ pɛli ɲąąwooɓo kɛi tələnmolaa hu.»

Tɔɔɓɛlaa dɔlɔɔ 3:9

Yii mąą nɛ̨ɛ̨ ə́ dɛɛ ə́ wɔ luwɔi pɔ, ya ɓaa: Ə́ kili tɛɛ bɔ, da mɛ̨nį ɲąą kaa, yɛ pɛli mɛ̨nįɠaa gulɔ nɔwai kɔ́lɔn ɉii la, ə gɛ, ə́ wɔ nu kpului ŋɛ̨i mąą mɛ̨nį nwąną yɛ́, ə tɔɔ la di ɲɛ̨itɔwɔ.»

Tɔɔɓɛlaa dɔlɔɔ 4:7

Nu pow kɔ́w hveelɛ ɓə Salomɔn ə ɉee Israɛlə lɔi kəlee nwun na, diɛ nɔi ɲąąwooɓo. Diɛ ɓə kɛi tɔɔmun da ɲəi bɛlɛ́n nuą kɔ̨nɔ̨n dɛɛ; da dɛɛ kɛ a ɲąnin dɔ̨nɔ̨ kwɛlan dɛitɛi kəlee yeemu. Goɓitaa tɛitɛi kəlee nwɔ ɲąnin dɔ̨nɔ̨, kwɛlan dɔ̨nɔ̨ yeemu.

Tɔɔɓɛlaa dɔlɔɔ 5:6

Nwului ŋɛ̨i di kɛi ɉooɠaa yili la di kee ɓa, diɛ nwotolo kpulɔn mą, nwaa pow nąąn mə kɛ Salomɔn yəi, nwɔ hooɠaai mąą mɛ̨nį ɓa, ɛlɛɛ, hoo mɛ̨i nuą, nu waa pow kɔ́w hveelɛ.

Tɔɔɓɛlaa dɔlɔɔ 5:8

Yii ɓaa kpai da galai mąąnɛ̨ɛ̨ di bu ɉooɠaa diɛ, da yiiɠaai da di gilɛ həɠə, di kɛi pa a gəlee ɓɛi tɔɔmun gaa laa, yɛ bələi ə di tí la.

Mąątɛ̨nɛ̨ 137:6

Ɉerusalɛmə, a kɛ ŋą́ lɛ̨ą yɛ́, ŋą́ wala ə́ laa tɛ gwə́inɛ̨ɛ̨ mɛ̨nį kəlee tɔwɔ, nɛ̨́n ə kąnąn nɛ̨́ŋɛ̨-nɛ̨ŋɛ̨ mu.

Hanwon 10:1

Kilimąą lon gaa a nąn nwɔ kwəinɛ̨ɛ̨, kilikpɛɛgwəi lon ə ɓo a nee nwɔ liihɛlɛn.

Hanwon 13:1

Lon kili kaa mą, a nwəli tɔɔ nąn nwɔ liɛwoo ɓa, Kɛlaa, lon ɲɛ̨itɛɛ, hva hvaa mą di hvo ɉɔn nɛ mą.

Hanwon 15:20

Lon gili kɛɛ ɲəi, gaa nąn ma a kwəinɛ̨ɛ̨, Kɛlaa, lon gili hvo ɲəi, a tɛɠɛ ɓo nee hu.

Hanwon 23:24

Tələnmomun nąn a pili yələi a kwəinɛ̨ɛ̨. Nui a kilimąą lon gaa, a kwəinɛ̨ɛ̨ hɔlɔɓo non tii pɔ.

Azaya 8:18

Ɲą́ą́ kwa nónnii Yai-Laa ə di tɛɛ bɔ́, kuɔ ka; ku kaa a mɛ̨nįi pai kɛi Israɛlə lɔi hu, kɔ́lɔn ɉɛnŋąą, da dɔwɔ wɛlɛɛ, yai həɠə Yai-Laa Mɛ̨nį Kəlee ŋą Hééɓomun pɔ, a yai heeni Siɔn yee nwuɔ̨.

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.