Tɔɔɓɛlaa dɔlɔɔ 5:6 - Yálá laawoo hɛɓɛ (dc)

⁶ Nwului ŋɛ̨i di kɛi ɉooɠaa yili la di kee ɓa, diɛ nwotolo kpulɔn mą, nwaa pow nąąn mə kɛ Salomɔn yəi, nwɔ hooɠaai mąą mɛ̨nį ɓa, ɛlɛɛ, hoo mɛ̨i nuą, nu waa pow kɔ́w hveelɛ.

Yálá laawoo hɛɓɛ

⁶ Nwului ŋɛ̨i di kɛi ɉooɠaa yili la di kee ɓa, diɛ nwotolo kpulɔn mą, nwaa pow nąąn mə kɛ Salomɔn yəi, nwɔ hooɠaai mąą mɛ̨nį ɓa, ɛlɛɛ, hoo mɛ̨i nuą, nu waa pow kɔ́w hveelɛ.

Bible

⁶ M̀aa mɛni ma, íwoo tɛ́ɛ a gɛ́ɛ dí Lɛƃanɔŋ lɔii su sîda wuru-ŋa tée ḿî. Ńyee mu-ƃelai da pâi toôi íyee mu-ƃelai dîa ǹyaŋ zɛŋ ya pâi m̀ôi a gɛ́ɛ ŋá íyee mu-ƃelai féla fé lai, ŋa pâi dɛɛ̂i, kpɛ́ni fêi, í gɔ́lɔŋ a gɛ́ɛ núu da fé kúsama nyíi a pɔri wúru ƃêlai yɛ̂ɛ Sidɔŋ-ŋai.”

Tɔɔɓɛlaa dɔlɔɔ 5:6 ပူးပေါင်းရင်းမြစ်များ

Zɛnɛse 10:15

Kanaan ɓə kɛ a Sidɔn nąn, yai kɛ a non dɔlɔɔ, da Hɛtə,

Tɔɔɓɛlaa dɔlɔɔ 10:26

Salomɔn ə kɔ́ kɔ́ wotoloɠaa ŋąąkpɔn da hoo gilɛ həɠə nuą. Wotolo waa tɔ̨nɔ̨ pulu nwun nąąn mə kɛ ɲəi, da hoo gilɛ həɠə nuą waa pow kɔ́w hveelɛ, ə li ə di hee daaɠaa hu ɓɛi gɔ́laɠaɠaa kaa laa, ə daɠaa lɛɛ gwɛlɛ Ɉerusalɛmə.

Tɔɔɓɛlaa dɔlɔɔ 5:7

Nɔi ɲąąwooɓo nuą tii ɓə kɛi Salomɔn gɔ̨nɔ̨n gɛ, da nuąi kpɔ kɛi di yee lɔ kɔ́wɔ tɔ̨nɔ̨ hu. Nɔi ɲąąwoo tii di hvo kɛi nɛɛ laa, Salomɔn hvo hvɛɠɛ a hɛn nɔpee ta.

Tɔɔɓɛlaa dɔlɔɔ 6:16

Ə bɛlɛ́ gbón ɉu bələ pɛlɛ a kpitili wulu ɓɛla ɉu pələ, ə həɠə nɔi ɓa ə tɛ gbaan ma. Ə gɛ tii a yee laa mą pow hveelɛ. Ə nąą kɛ a kɛɛnąąi Mąąhəɠɛɛ gəlee ɓa.

Tɔɔɓɛlaa dɔlɔɔ 6:20

Bɛlɛ́ yii ŋɛ̨i kɛ ɉu pələ, gwɛa yee ə ɓo a yee laa mą pow hveelɛ, ŋąą ə ɓo a yee laa mą pow hveelɛ, dɔɔmɛ̨i ə ɓo a yee laa mą pow hveelɛ, yaa ɓə Salomɔn ə hɛni ya hiɛ ɉu nąą kəlee. Ə haláá kulɔi pɛli laa bɛlɛ́n a kpitili wulu.

Tɔɔɓɛlaa dɔlɔɔ 9:19

ə mą kɛ daaɠaa kpɔ tii nwɔ kɔ̨nɔ̨n gələɠaai di kɛ ɉu. Ə mą kɛ da daa yiiɠaai nwɔ wotoloɠaa di kɛ ɉu da ɉooɠaa. Ɓɛi kpɔ nɛ̨ɛ̨ Salomɔn ɓa, ə nąą kəlee tɔɔ Ɉerusalɛmə, Liban lɔi hu, ə mą kɛ nɔi yiiɠaai kɛ ɲee mu.

Tɔɔɓɛlaa dɔlɔɔ 9:27

Hiramə ə kɛi pɔ nuą tɛɛ gələnŋąą tii hu, a kələn ɉiɛ nuą, di ɓo a yá mɛ̨nį kɔ́lɔn ŋąą a nɛlɛɛ, da Salomɔn yee pɔ nuą di kɛ di kee pɔ.

Kɔlɔnikɔ Maa-ŋuŋ 22:4

Ə kpitili wulu tiɛ̨ geemɛ̨i, lonon və kɛ mą, mąąhɔlɔɓo, Sidɔn nuą, da Siri nuą di pa kpɔ a kpitili wulu kpɔ kɛnɛ̨.

Kɔlɔnikɔ Veerɛi 1:14

Salomɔn ə kɔ́ wotoloɠaa da hoo gilɛ həɠənuą ɲąąkpɔn. Nwotoloɠaa di kɛ a waa tɔ̨nɔ̨ pulu nwun nąąn, ɉoo gilɛ həɠənuą di ɓo a nu waa pow gɔw hveelɛ. Ə di hee gɔ́ taaɠaa hu, ə daɠaa lɛɛ gwɛlɛ Ɉerusalɛmə.

Kɔlɔnikɔ Veerɛi 2:10

Tirə tɔɔmun Hiramə ə Salomɔn woo pulu pənə, yɛ mą: «Yai-Laa nwɔ nu huwui wɛli ɓə gaa mą, mɛ̨nįi gɛ, yɛ́ ə́ hee la a tɔɔmun, yaa li.

Kɔlɔnikɔ Veerɛi 2:8

Di kaa pai wúlú pɔn ɉi mą́ą́ kpɔ kɛnɛ̨, mąąhɔlɔɓo bɛlɛi gɛ́ ŋį́ dɔɔ gaa pai kɛi kpɔ a pɛlɛ kɛnɛ̨, nɛlɛɛ nuą ɲɛ̨i mu.

Ɛsdrasə 3:7

Di wali tɛɛ kwɛni haɠa nuą pɔ, da pɛlɛ mɛ̨i kɛ nuą, ɛlɛɛ, kɔ̨nɔ̨n da lɔɔ, ə mą kɛ wulɔ, di tɛɛ Sidɔn da Tirə nuą pɔ, ə gɛ, yiliɠaai di kpitili wulu tee Liban, di tɛɛ la Ɉafa gboloyá ŋą pələ, di paa la. Yɛ pələi Pɛrsə tɔɔmun Sirusə ə mąą laa tɛɛ la di pɔ.

Mąątɛ̨nɛ̨ 29:5

Yai-Laa woo a kpitiliɠaa yali, Yai-Laa woo a Liban kpitiliɠaa yali.

Zakari 11:12

Yili ɓə gɛ, gɛ́ diɛ: «A nɛ̨ɛ̨ kaa, ka vɛ́la kulɔ; ka wala kɛ bɔ, ka nɛɛlaa.» Kɛlaa, di vɛ́la kulɔ a wali kwələ pow haaɓa.

Lomaŋ 12:17

Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n. Ka mɛ̨nį lɛlɛɛ mąą kiliŋąhiɛ kɛ nu kəlee ɓa.

Ifisiɛŋ 4:7

Nu tɛitɛi ə nwɔɔ hɔlɔɓo Yálá nwɔ nɛ̨ɛ̨laa hu, yɛ bələi di Kristə nwɔ mɛ̨inɛ̨ɛ̨ kɔɔn na mą.

Dutɛrɔnome 17:16

Ka wɔ tɔɔmun gbɔ, mąą hvo nɛ̨ɛ̨li hoo kpulu kɛnɛ̨ hvo kɛ ɲəi, hvo kɛ gaa nuą tɔɔi Eziptə lɔi hu hoo kpulu kɛnɛ̨ ya mɛ̨nį ɓa. Mąąhɔlɔɓo, Yai-Laa ə kɛ kaa: «Ka hvə kpɔ kɛa pənə ka hvo ɉon a Eziptə lɔi hu pələi tii tɔ̨nɔ̨ kpɛli.»

Filipə 4:8

Yili ɓa, ną́n nonnii, mɛ̨nįi lɔpee a tɛ̨ą, a kaa-lon-naa, ɉaŋąą, bɛliɛ ɉu, nu yɛ pɛli nwɛli la kɛi, diɛ mąąwiɛ, yii kpɔ mɛlɛ kaa mą, yii kpɔ mąątɛ̨nɛ̨ kaa mą, 'ká yili kəlee kɛ, a ká nwɔɔ mąątíi.