Tɔɔɓɛlaa dɔlɔɔ 3:9 - Yálá laawoo hɛɓɛ (dc)

⁹ Yii mąą nɛ̨ɛ̨ ə́ dɛɛ ə́ wɔ luwɔi pɔ, ya ɓaa: Ə́ kili tɛɛ bɔ, da mɛ̨nį ɲąą kaa, yɛ pɛli mɛ̨nįɠaa gulɔ nɔwai kɔ́lɔn ɉii la, ə gɛ, ə́ wɔ nu kpului ŋɛ̨i mąą mɛ̨nį nwąną yɛ́, ə tɔɔ la di ɲɛ̨itɔwɔ.»

Yálá laawoo hɛɓɛ

⁹ Yii mąą nɛ̨ɛ̨ ə́ dɛɛ ə́ wɔ luwɔi pɔ, ya ɓaa: Ə́ kili tɛɛ bɔ, da mɛ̨nį ɲąą kaa, yɛ pɛli mɛ̨nįɠaa gulɔ nɔwai kɔ́lɔn ɉii la, ə gɛ, ə́ wɔ nu kpului ŋɛ̨i mąą mɛ̨nį nwąną yɛ́, ə tɔɔ la di ɲɛ̨itɔwɔ.»

Bible

⁹ M̀ɛni ma, mɛni ŋá káa târe tɛɛ ńyãai a íyee mu-nuui pɔ́ a gɛ́ɛ ŋ́gɛ ínûai dímɛnii ŋá tée a zãa, ŋá mɛni lɛ́lɛɛ da mɛni nyɔ́mɔɔ loai kɔ̂lɔnii. Kpɛ́ni fêi, gbɛ̂ɛ ƃa pɔri ínuu-suu su kɛ́tɛi ŋí dímɛnii ŋá têei?”

Tɔɔɓɛlaa dɔlɔɔ 3:9 ပူးပေါင်းရင်းမြစ်များ

Samia Veerɛi 14:17

Ə́ wɔ tínɛ̨ɛ̨nui yɛ: ‹Yálá ə gɛ, nwɔ́ mɛ̨nį nąmu tɔɔmun vaa woo ə pa bɔ́ a liilaa. Mąąhɔlɔɓo, nwɔ́ mɛ̨nį nąmu tɔɔmun gaa yɛ Yálá nwɔ malaka, ə mɛ̨nį lɛlɛɛ kɔ́lɔn, ə ɲɔ̨nwɔ̨ɔ̨ kɔ́lɔn.› Yai-Laa ə́ wɔ Yálá ə kɛ ə́ pɔ.»

Tɔɔɓɛlaa dɔlɔɔ 10:24

Yɛnɛ̨ɛ̨ nuą kəlee di kɛi Salomɔn kaa mɛ̨nį giliŋąhiɛ kɛ, diɛ kɛ gilii tii Yálá ə dɛɛ bɔ, di da wolo hɔlɔɓo.

Tɔɔɓɛlaa dɔlɔɔ 3:10

Mɛ̨nįi tii Salomɔn ə ɉu hvɛli, ə nɛ̨ɛ̨ Yai-Laa ɓa.

Tɔɔɓɛlaa dɔlɔɔ 3:28

Giiti tii tɔɔmun ə dee, bələ ə taɠa taɠa Israɛlə lɔi hu; nu kəlee diɛ ɲɔw tɔɔmun ma. Mąąhɔlɔɓo, di gaa diɛ Yálá-taa kili kaa mą, yɛ mɛ̨nįɠaa hutɔɔ la.

Kɔlɔnikɔ Maa-ŋuŋ 22:12

Gɛ́! Yai-Laa ə mɛ̨nį hukpɛ kili tɛɛ ə́ pɔ, ə bɛlɛ nwun gɛ ɉu laa ɓa, ɓɛlɔwai gaa pai ə́ heei la Israɛlə nwun na; əgɛ, ə́ Yai-Laa ə́ wɔɔ Yálái nwɔ tɔ́n naahɔnmo!

Kɔlɔnikɔ Maa-ŋuŋ 29:19

'Kili lɛlɛɛ tɛɛ nón Salomɔn pɔ, yɛ pɛli, ə́ wɔ Tíɓoɠaai, ə́ wɔ tɔ́nnwooɠaai, da ə́ wɔ lɔi hon bələ mąą yɛlɛ kɛi, yɛ gəlee pɔ túwɔ́ ɓo, ɛlɛɛ bɛlɛ́i ŋɛ̨i ŋį́ dɔɔ-hɛnŋaa ɲąąkpɔn, yɛ dɔɔ.»

Kɔlɔnikɔ Veerɛi 1:10

Gɛ́, ə́ mɛ̨nį hukpɛ kili tɛɛ bɔ́ da ɲąąkaa kili, gɛ́ pɛli ɉíɛ pələ ɲɛlɛkɛi nɔi lonnii ɲɛ̨i ɓa. Gbala ə tɔɔ, nu ta lɔpee hva pɛli ə́ nwɔ nu huwu kɛnɛ̨i ŋɛ̨i ɲąąwooɓoi.»

Mąątɛ̨nɛ̨ 119:144

Mɛ̨nįɠaai yá mo, gəlee hąŋąąi ɲɛ̨n deei və mą, mɛ̨nį hukpɛ kili tɛɛ bɔ́, gɛ́ pɛli nú kɛi.

Mąątɛ̨nɛ̨ 119:34

Kiliŋą laa mąą tɛɛ bɔ́, əgɛ, gɛ́ pɛli lɛɛ ə́ wɔ tɔn nwooi pulu, gɛ́ bɔ mɛ̨nį kɛ gwə́i tɔnɔ̨ mɛ̨i.

Mąątɛ̨nɛ̨ 119:73

Ə́ bɛ́li a ə́ yee, ə́ ɉúwala wala, 'gɔ́ a kili, gɛ́ pɛli ə́ wɔ tiɓoɠaai hukpɛi.

Hanwon 14:8

Kilimąą mun gwəi pələ, kili kɛ ɲəi laa, ɓaa: nu ə gbɔwɔ hiɛ pələ ɲɛlɛ kɛ. Kɛlaa, kilikpɛɛgwəi nuą di wɔ ɓowo laa a nu lan.

Hanwon 16:16

Kili hviɛlaɓoɔi, hɛni hu waa kɛɛ nu yəi ɓa. Nu nwun gɛɛ ɉu hviɛlaɓoɔi ə tɛɛ wali kɛɛ nu yəi ɓa.

Hanwon 20:12

Wəlii a mɛ̨nį mɛ̨n, ɲɛ̨ikɔw a kɛɛ kaa, Yai-Laa ɓə gəlee hveelɛi pɛli.

Ikilisiati 7:11

Kili kɛɛ nu ɓa ɓɛlɛ kaa mą ə tɛɛ la, nu kwɛlin ma. Mąąhɔlɔɓo, kili kɛ ɲəi dɔlɔ a həli nu kəlee ɓa.

Ikilisiati 7:19

Kili a kilimąą mun daalə tɔɔ, ə tɛɛ, lɔi ɲąąwooɓo nuą pow kɛɛ taalee tɔ̨nɔ̨ ŋąąwoo ɓoi ɓa.

Ɉeremi 1:6

Gɛ́ Yai-Laa ɓa: «Kə́! Ną́mu Yai-Laa! Gáá a lokolo, və́ wala kpɔn ɉu mɛ̨nį ɓo.»

Ɉeremi 45:5

Mɛ̨nį kpɛa kpɛaɠaai mąą lii kaa ə́ kwəi, ə́ kili həɠə laa, gáá mɛ̨nį nwąnąą laai nu kəlee ɓa. Kɛlaa, ə́ wɛi, gáá ə́ wɔ yɛnɛ̨ɛ̨ laahɔn moi nɛ̨kpɛlɛɛ ɓɛi lɔpee yá li laa.›»

Danîa 2:21

Ya ɓə a mɛ̨nįɠaa maa hvalin, yɛ lɔwaiɠaa mąą pənə. Yɛ tɔɔɓɛlaa həɠə di wɔ tɔɔ kpəlin ɉu, ə lɛɛ, ya ɓə a tɔɔmun ɉee. Yɛ kili tɛɛ nuą pɔ, diɛ kɛ a kilimąą nuą. Yɛ mɛ̨nį kɔ́lɔn ŋąą tɛɛ nwun gɛ ɉu nuą pɔ, ə lɛɛ,

Maafîu 3:11

Nwɛ́i, gáá ka mąąwaai a yá, ə gɛ, di gaa diɛ, kaa ka yii pələ mąąhvalin. Kɛlaa, nu ta kaa búlú yɛ pa, nwɔ huwalawala kɛnɛ̨i dɛɛ mą́ą́. Gaa pai ka mąąwaai a Kili-Mąąhəɠɛɛ, da nwɔ̨n. Ɲą́ą́ mą́ą́ hvo kpɛli nɛ̨ɛ̨li a nwɔ kɔ́lɔi laa hvoloon mun.

Maafîu 3:14

Ɉaan ə lənə mą, ə mo mą, yɛ mą: «Ɲą́ą́ mun mə mąąnɛ̨ɛ̨ ə́ mą́ą́waa. Kɛlaa, yɛ́ mun, yɛ́ pa bɔ́?»

Ɉaan 5:30

Vá pɛli mɛ̨nį ta kɛi gbɔ́ɔ́ ɓa, yii ŋį́ mąn Ną́n na, ya ɓə ŋą kiti tee la, ɛlɛɛ, nwɔ́ kiti haŋąąi. Mąąhɔlɔɓo, vá nííɓa kwɛli, kɛlaa nui dɔ́ɔ́ nííɓa ɓə ŋą gwɛli.

Korɛntə veelɛ 2:16

Daɠaa di wɛi gaa a haa kun, yɛ li a diɛ haa pɔ, daɠaa di wɛi, ɓalo kun mə, yɛ li a diɛ ɓalo hva kpɛɛ hu. Gbɛɛ ɓə a pɛli kɛi a góló taaləi tii kɛmun?

Korɛntə veelɛ 3:5

Ə kɛ ŋɛ̨i kwa pɛli lɛɛi ku kpɔwɔ ɓa, ku kpɔwɔ hvan ɉu, kuɔ pɛli mɛ̨nį lɔpee ta kɛi, yili hvəə, ku hvaŋą a həɠə Yálá yəi.

Ifisiɛŋ 5:17

Yili ɓa, 'ká hvo gɛ yɛ nuąi di hvo mɛ̨nį kɔlɔn, kɛlaa, ká tɔɔ a ká nwąnąi, ká kɛ a gu Ną́mu liiɓa kɔlɔnŋąą.

Filipə 1:10

káá pɛli mɛ̨nįɠaa gulɔ ɉu kɛi, yii nɛlɛɛ, káá gɛ; yili ɓə pai gɛi, ká mąą ə həɠə, ká mąąkulɔi hva kɛ káá, a Kristə ŋą hvóló;

Hebreu 5:14

Kɛlaa, nuąi daa di mąą-nu-laa kpɛɛ, di wɛi, kɔ̨nɔ̨n nwalawala ɓə da mįi; diɛi tii daa tɛɛ yɛnɛ̨ɛ̨ mɛ̨nį tamąą hui, diɛ ɓə mɛ̨nį tamąą hukpɛ kili kaa diɛ, da pɛli di mɛ̨nį lɛlɛɛ da ɲɔ̨nwɔ̨ɔ̨ di kulɔ ɉu kɛ.

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.

Zĩi 3:17

Kɛlaa, kilii a həɠə yələi pələ, nwɛi, mąąhəɠɛɛi, yili pulu, niilaa, ɉon nɛlɛɛ, yɛ hvaa kpɛɛ, naahvɛɛ a ɲɛ̨imąąwɛli kaa, hva hu yɛɠɛ kɛ, nɛn və na hveelɛ.