Tɔɔɓɛlaa dɔlɔɔ 3:7 - Yálá laawoo hɛɓɛ (dc)

⁷ Yai-Laa nwɔ́ Yálá, yiihui ŋɛ̨i, yɛ́ ɓə hvaa mą, ɲą́ą́ ŋɛ̨i a ə́ wɔ luwɔ, ə́ ɉéé a ną́n Davidə mąąhvalin, gáá a hulɔnon, və́ ni wala ɲąąwooɓo kɛ.

Yálá laawoo hɛɓɛ

⁷ Yai-Laa nwɔ́ Yálá, yiihui ŋɛ̨i, yɛ́ ɓə hvaa mą, ɲą́ą́ ŋɛ̨i a ə́ wɔ luwɔ, ə́ ɉéé a ną́n Davidə mąąhvalin, gáá a hulɔnon, və́ ni wala ɲąąwooɓo kɛ.

Bible

⁷ Óo Yâwɛɛ Ŋáɣâlai, ya nâa íyee mu-nuui kɛ́ a kâloŋ ǹâŋ Deeƃé pɔ́ɔ ŋá. Ǹyaŋ ŋ́gaa nɔ́ a lôloŋ. Ḿve berei kɔ́lɔŋ ŋa pɔri lɔ̂i lai da berei ŋa pɔri kulâi lai.

Tɔɔɓɛlaa dɔlɔɔ 3:7 ပူးပေါင်းရင်းမြစ်များ

Samia Veerɛi 5:2

Saulə nwɔ tɔɔlaa yələi, yɛ́ ɓə kɛi tɔɔ Israɛlə ɲɛ̨i tɔwɔ kaa li, kaa pa. Ya ɓə Yai-Laa ə kɛ yɛ́: ‹Yɛ́ ɓə pai Israɛlə nwɔ́ nu huwui ŋaakɔn ɉii, ɛlɛɛ, yɛ́ ɓə pai kɛi Israɛlə nwun na.›»

Kɔlɔnikɔ Maa-ŋuŋ 22:5

Davidə ə kɛi giliŋąhiɛ, yɛ kɛ: «Nón Salomɔn kaa nii a hulɔnon, ə lɛɛ, kɔ́lɔ hvo mą; yaan, bɛlɛ́i mąąnɛ̨ɛ̨ ə tɔɔ Yai-Laa ɓa, mąąnɛ̨ɛ̨ ə kɛ a gɛnɛ̨ɛ̨, mąąwia, lɔi kəlee ɲɛ̨i ɓa. Gáá mɛ̨nįɠaa kəlee pɛlii ɲəi.» Bələ ɓə Davidə ə gɛ la, ə mɛ̨nį tamąą pɛli gɛɛ hvo kɛ pai haai.

Kɔlɔnikɔ Maa-ŋuŋ 22:9

Yii yáá lon ɉulɔnu kaai, yaa ɓə pai liilaa lɔi nɔi, gáá pai liilaa lɔi da gwɛlɛ lɔiɠaa di lɔwai. Naa ɓaa pai kɛi a Salomɔn. Yaa tii nwɔ hvólói hu ɓə Israɛlə kaa pai liilaa hɔlɔɓoi la.

Kɔlɔnikɔ Maa-ŋuŋ 29:1

Tɔɔmun Davidə ə mo nu kpɔn gəlee ɓa, yɛ diɛ: «Nu tɔ̨nɔ̨i lɔ Yálá ə ɉəɠə ɉu, yaa lɔ ɓaa a nón Salomɔn, gaa nii a hulɔnon, ɉu hvo walawala li, goló yaan gɛnɛ̨, ɛlɛɛ, golói ŋɛ̨i hvo a nu kan nwɔɔ, kɛlaa, gaa a Yai-Laa nwɔɔ.

Mąątɛ̨nɛ̨ 121:8

Yai-Laa a ɲɛ̨i kɛ ə́ tɛɛ pələɠaa kəlee hu, ə́ lii, da ə́ pai, ə həɠə yiihu ɓa, ə lɛɛ ɉu, ɲɛ̨n deei hva kɛ mą.

Hanwon 18:12

Nu a wala ni too, ɉuɲąɲą kɛnɛ̨i, Kɛlaa, gɛɛ di hvo nu ɲɛ̨i pɔ̨nɔ̨, mąąnɛ̨ɛ̨ ə gbɔwɔ mąą yɛɛ.

Ikilisiati 10:16

Lɔi ɉu tɔɔmun gaa a hulɔnon, ɛlɛɛ, ɉu ɲɛ̨itɔwɔ nuą, di laa mį́i mɛ̨nį lɔ ɓə di gɔlɔn, kpalo ɓɛlaai yili mąą lɔi ɓa.

Ɉeremi 1:6

Gɛ́ Yai-Laa ɓa: «Kə́! Ną́mu Yai-Laa! Gáá a lokolo, və́ wala kpɔn ɉu mɛ̨nį ɓo.»

Ɉeremi 1:7

Kɛlaa, Yai-Laa yɛ mą́ą́: «'Hvó kɛ diɛ: ‹Gáá a lokolo›; mąąhɔlɔɓo, ɓɛi lɔpee ŋį́ ə́ tɔɔlaa, 'lí. Yii lɔpee ŋį́ ə́ tí la, 'mó.

Danîa 2:21

Ya ɓə a mɛ̨nįɠaa maa hvalin, yɛ lɔwaiɠaa mąą pənə. Yɛ tɔɔɓɛlaa həɠə di wɔ tɔɔ kpəlin ɉu, ə lɛɛ, ya ɓə a tɔɔmun ɉee. Yɛ kili tɛɛ nuą pɔ, diɛ kɛ a kilimąą nuą. Yɛ mɛ̨nį kɔ́lɔn ŋąą tɛɛ nwun gɛ ɉu nuą pɔ, ə lɛɛ,

Danîa 4:25

Mɛ̨nįɠaai tii kəlee laa ə hvɛɛ tɔɔmun Nabukodonosorə ɓa.

Danîa 4:32

Lɔi mɛ̨i heeɓo nuą kəlee di kaa lɔ yɛ hɛn yii mɛlɛ hvo mą, yii lɔpee Yálá kaa bɔ, ya ɓə a gɛ yələkɔlɔn ɉu malakaɠaa diɛ, ə mą kɛ lɔi mɛ̨i heeɓo nuą kəlee. Nui lɔpee ta hva pɛli kpəɲan ɉii Yálá kɛ mɛ̨nį tɔwɔ, yɛ kɛ mą: «Lə ɓə ŋɛ̨i ə kaa gɛi?»

Danîa 5:18

Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Danîa 5:21

Yálá ə gulɔ nuą lɔwai, ə gili kɛ yɛ huwɔ kili, da lɔwɔ huwɔɠaa diɛ ɓo di kee ɓa, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, ə lɛɛ la ɉu Yálá yii gaa hɛn gəlee nwun mɛ̨i, tɔɔmun Nabukodonosorə ə gɔlɔn yɛ diɛ: Yálái tii ɓə nwɔ yeetɛɛmąą kaa tɔɔlaa kəlee mɛ̨i, yaai a nu hee ɓɛi gaa bɔ.

Lonon mo 27:17

Mąą nu yɛ li, yɛ pa, yɛ ɓo nuą ɲɛ̨i tɔwɔ, yɛ di lɔ, yɛ di kulɔ; ə gɛ, Yai-Laa nwɔ nu kpului hvo pa lɛɛ lɔ yɛ taatɛlɛɛi mɛ̨i kaa mun və mą.»

Ɉaan 10:9

Ɲą́ą́ ɓə gáá a bɛlɛ́ laaləi, nui a tɛɛ bɔ́ɔ́ li pələ, nwun mąą a ɓo. A lɔ, yɛ kulɔ, ə lɛɛ, yɛ kɔ̨nɔ̨n ɉɔlɔɓo.

Dutɛrɔnome 31:2

«Háákələi, gáá kwɛlan aa kɛ a kwɛlan nwun dɔ̨nɔ̨ ɲee hveelɛ; vá kɛa pɛli lɛɛi ɲąąwooɓo laa hu, ə lɛɛ, Yai-Laa aa mo mą́ą́ yɛ mą: ‹Ɉurdɛn yái ŋɛ̨i ə́ kaa gaai, hvó pai deen ɉii.›

Samuɛlə dɔlɔɔ 18:16

Kɛlaa, Israɛlə nuą da Ɉuda nuą kəlee, Davidə wɛli ə kɛ diɛ. Mąąhɔlɔɓo, Davidə ɓə kɛ di nwun na da diɛni diɛ li gɔɠaa mɛ̨i diɛ pa.