Tɔɔɓɛlaa dɔlɔɔ 3:3 - Yálá laawoo hɛɓɛ (dc)

³ Salomɔn ə Yai-Laa wɛlilakɛ, niɛwooi ŋɛ̨i nąn Davidə ə gɛ mą, ə ɉon; kɛlaa yaamun, ɲeeɓa ɓə ə kɛi ɉaláá kulɔ laa, diɛ lansan kələn naa.

Yálá laawoo hɛɓɛ

³ Salomɔn ə Yai-Laa wɛlilakɛ, niɛwooi ŋɛ̨i nąn Davidə ə gɛ mą, ə ɉon; kɛlaa yaamun, ɲeeɓa ɓə ə kɛi ɉaláá kulɔ laa, diɛ lansan kələn naa.

Bible

³ Saloma è kɛ̀ a Yâwɛɛ wɛ́liɛɛ gɛ́ sìa a ǹâŋ Deeƃé ŋɔlia-woo-ŋai. Kɛ́lɛ Saloma è sâla-ŋa kùla máŋ, é tela kéreŋ sala-ŋa kula kwa da kpɛ́ni-ŋa ma.

Tɔɔɓɛlaa dɔlɔɔ 3:3 ပူးပေါင်းရင်းမြစ်များ

Tɔɔɓɛlaa dɔlɔɔ 11:34

Və́ pai nɔi ta kulɔi mą, ɓɛlɔwai Salomɔn kaa la a vulú, mąąhɔlɔɓo, ŋą́ ɉee a tɔɔmun ɲíi hvóló kəlee yee mu; nwɔ́ tímun Davidə mąą mɛ̨nį ɓa, yai ŋą́ ɉəɠə ɉu, ɛlɛɛ ə nwɔ́ tiɓoɠaai da nwɔ́ tɔ́n nwooɠaai kəlee pɔ mɛ̨nį kɛ.

Tɔɔɓɛlaa dɔlɔɔ 11:38

Mɛ̨nįɠaa kpɔ gáá pai naai ə́ nwuɔ̨, yá ə́ wəli tɔɔ diɛ, yá hiɛ nwɔ́ pələɠaa hu, mɛ̨nįi ɉaŋąą ɲɛ̨́i ɓa yɛ́ gɛ, ə́ yee ə ɓo nwɔ́ tɔ́n nwooɠaai da nwɔ́ tiɓoɠaa diɛ, yɛ bələi nwɔ́ tímun Davidə ə gɛ la, ŋą́ kɛ ə́ pɔ, ŋą́ pɛlɛ́ tɔɔ yɛ́, a nwalawalaa yɛ bələi ŋą́ dɔɔ la Davidə ɓa; ŋą́ Israɛlə tɛɛ ə́ pɔ,

Tɔɔɓɛlaa dɔlɔɔ 11:4

Ɓɛlɔwai kɛa Salomɔn ə pɔlɔ la, nɛ̨ąni di gili tinɛ̨n di nɔ wɔ hali kɔ́wɔ hu, nwɔ giliŋąhiɛ hvo kɛa lɛɛ a ɉaŋąą Yai-Laa nwɔ Yálái pɔ pələ. Salomɔn nwɔ kɛ pələ ə kulɔ nąn Davidə nwɛi mu.

Tɔɔɓɛlaa dɔlɔɔ 11:6

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, Salomɔn ə ɲee lɔ ɉu; hvo lɛɛ Yai-Laa pulu ɲee tɔ̨nɔ̨ mɛ̨i, yɛ bələi nąn Davidə ə gɛ la.

Tɔɔɓɛlaa dɔlɔɔ 14:23

Di haláá kulɔiɠaa pɛli yɛ di nąnni, a kwɛni kalanŋąą da wuluɠaa, diɛ haláá kulɔ ɲeeɠaa ɓá wulu kpɛa kpɛa kəlee mu.

Tɔɔɓɛlaa dɔlɔɔ 14:8

Ŋą́ dɔɔlaa kulɔ Davidə nwɔ pɛ́lɛ́i yəi, ŋą́ dɛɛ ə́ pɔ; kɛlaa, hvó gɛ li yɛ bələi nwɔ́ tímun Davidə ə gɛ la. Nwɛi, ə ɲee kɛ nwɔ́ tiɓoɠaai diɛ, ɛlɛɛ, ə kanąn mą́ą́ gwəi tɔ̨nɔ̨ mɛ̨i. Mɛ̨nįi kɛ ɉaŋąą ɲɛ̨́i mu, ya lɔ ɓə ə kɛi gɛ.

Tɔɔɓɛlaa dɔlɔɔ 15:11

Mɛ̨nįi kɛ ɉaŋąą Yai-Laa ɲɛ̨i ɓa, Asa ə gɛ, yɛ bələi galá Davidə ə gɛ la.

Tɔɔɓɛlaa dɔlɔɔ 15:14

Kɛlaa, ɉaláá kulɔiɠaa tii di lɛɛ laa. Ə mą kɛ tii, Asa ə túwɔ́ a ɉaŋąą, ə gwəi kwələ Yai-Laa ɓa nwɔ yɛnɛ̨ɛ̨ kəlee yee mu.

Tɔɔɓɛlaa dɔlɔɔ 15:3

Nɛ̨ŋɛ̨nŋaai kpɔ wɔlɔ Abiyamə nąn ə ɉəɠə, ə hvilɛn gəlee pulu yɛ gɛ, hvo gwəi kwələ nwɔ Yálái Yai-Laa ɓa, hvo túwɔ́ a nɛlɛɛ, yɛ bələi nąn Davidə ə túwɔ́ la.

Tɔɔɓɛlaa dɔlɔɔ 15:5

Yai-Laa ə gɛ tii, mąąhɔlɔɓo, mɛ̨nįi kɛ ɉaŋąą Yai-Laa ɲɛ̨i ɓa, Davidə ə gɛ. Mɛ̨nįɠaa kpɔ ə Davidə tí la, Davidə hvo mąą kwɛa da lɔpee ɓa nwɔ yɛnɛ̨ɛ̨ kəlee yee mu. Hvo kɛli lɔ mɛ̨nįi ŋɛ̨i Davidə ə naa Hɛtə mun Uri ɓai.

Tɔɔɓɛlaa dɔlɔɔ 22:43

Ɉosafatə ə hvilɛ gbɔlɔɔ nąn Asa hiɛ pələ hu, hvo kpɛli hvóló túwɔ́ pələ ta ɓa. Yii kpɔ kɛ ɉaŋąą Yai-Laa ɲɛ̨i ɓa, ə yili kɛ.

Tɔɔɓɛlaa dɔlɔɔ 22:44

Kɛlaa, ə mą kɛ tii, hali kɔ́iɠaa di hvo kpɛɛ nɔi, nuą di kɛi lɔ halááɠaa kulɔ, diɛ lansan kələn ɉali kɔ́iɠaa tii ɓa.

Tɔɔɓɛlaa dɔlɔɔ 3:14

Akɛ yii gáá bɔ yá gɛ, ə́ nwɔ́ tɔ́n da bɔ liɛwooɠaa hon, yɛ ə́ nąn Davidə, ŋą́ ə́ wɔ yɛnɛ̨ɛ̨ hu kwɛa.»

Tɔɔɓɛlaa dɔlɔɔ 3:6

Salomɔn yɛ mą: «Yɛ́ ɓə ə́ ɲɛ̨i lɛlɛɛ hee ną́n Davidə ə́ wɔ luwɔi ɓa, mąąhɔlɔɓo, ə hiɛ a ɉaŋąą ə́ ɲɛ̨i ɓa; tələnmolaa hu, a gwəi kwəlɛɛ yɛ́. Yili ɓə gɛ, yɛ́ kulɔ ə́ woo ɓa, ə́ non ɉee háákəlee dɔɔkpəlin ɉu.

Tɔɔɓɛlaa dɔlɔɔ 8:25

Yiihu kɛa, Yai-Laa Israɛlə nwɔ Yálá, nwooi ə mo ną́n Davidə ɓa, bɔ mɛ̨nį kɛ; yai ə́ kɛ la mą: ‹Ə́ huwu hvo pai teei Israɛlə dɔɔkpəlin ɉu, akɛ da hiɛ ɲɛ̨i ɓa, yɛ bələi ə́ hiɛ la ɲɛ̨i ɓa.›

Tɔɔɓɛlaa dɔlɔɔ 8:61

Ka kwəi a kwələ Yai-Laa ka wɔ Yálái ɓa, kaa pɛli hvilɛn ɉii nwɔ tɔ́n nwooɠaai pulu, kaa ka yee hee nwɔ tiɓoɠaai mu, yɛ bələi ka káá gɛi la háákələi.»

Tɔɔɓɛlaa dɔlɔɔ 9:4

Ə́ wɛi, akɛ yá hiɛ ɲɛ̨́i ɓa yɛ bələi ə́ nąn Davidə ə gɛ la, a kwəi kwələlaa, ə́ tələnmoɔ, yɛ túwɔ́ yɛ bələ ŋą́ ə́ tí la, yá ə́ yee kanąn nwɔ́ tɔ́n nwooɠaai diɛ, da nɔi hon bələi ŋą́ nɛ,

Tɔɔɓɛlaa veelɛ 12:3

Ɉoasə ə túwɔ́ a ɉaŋąą Yai-Laa ɲɛ̨i ɓa nwɔ yɛnɛ̨ɛ̨ kəlee yee mu. Mąąhɔlɔɓo, ɉaláá laa həli mun Yohoyada ɓə kɛi ɉutɔɔ.

Tɔɔɓɛlaa veelɛ 12:4

Kɛlaa, ə mą kɛ tii, hvo ɉali kɔ́iɠaa taɠa, nuą di kɛi lɔ haláá kulɔ ɲeeɠaa ɓa, diɛ hɛn lansan kələn gɛɛnąąɠaa tii ɓa.

Tɔɔɓɛlaa veelɛ 14:3

Amasiasə ə túwɔ́ a ɉaŋąą Yai-Laa ɲɛ̨i ɓa, kɛlaa ə mą kɛ tii, hvo həli galaɓɔlɔ Davidə pɔ. Ə túwɔ́ kpɔlɔɔ yɛ nąn Ɉoasə.

Tɔɔɓɛlaa veelɛ 14:4

Kɛlaa, haláá kulɔiɠaa di hvo kpɛɛ nɔi; nɔi lonnii di kɛi lɔ li diɛ halááɠaa kulɔ, diɛ lansan kələn gɛɛnąąɠaa tii ɓa.

Tɔɔɓɛlaa veelɛ 15:35

Kɛlaa ə mą kɛ tii, ɉali kɔ́iɠaa di hvo kpɛɛ nɔi, nuą di kɛi lɔ li diɛ haláá kulɔ gɛɛnąąɠaa tii, diɛ lansan kələn nąą. Yotamə ɓə Yai-Laa nwɔ pɛlɛ́ ɲələi pələ kpon doo.

Tɔɔɓɛlaa veelɛ 15:4

Kɛlaa, ə mą kɛ tii, nuą di wɔ hali kɔ́iɠaa di hvo kpɛɛ nɔi; nɔi lonnii di kɛi lɔ haláá kulɔ gɛɛnąąɠaa tii, diɛ lansan kələn ɉaláá kulɔiɠaa tii ɓa.

Tɔɔɓɛlaa veelɛ 18:22

«Ka pɛli nwɔ̨nɔ̨ kɛi diɛ: kwaa ku kilitɔɔ Yai-Laa ku wɔ Yálái ɓa. Yɛ́ Ezekiasə, kɛlɛi yɛ́ ɓə ɉaláá kulɔiɠaa kəlee wolo, yɛ́ kɛ Ɉuda lɔi hu nuą da Ɉerusalɛmə nuą diɛ: Gɛɛnąąɠaai ŋɛ̨i ɓə ka kɛ pɛlɛi laa ka kwɛli hvilɛn haliɠaa diɛ.

Tɔɔɓɛlaa veelɛ 18:4

Ezekiasə ɓə ɉali kɔ́iɠaa taɠa nɔi, ə gwɛni kalanŋaa taɠa, nwuluɠaai di kɛi gɔ, ə di pɔn, mala kwɛli kaaləi Moisə ə bɛli, ə ɉuyal-yali; mąąhɔlɔɓo, Israɛlə nuą di lɛɛ haláá kulɔi mą, ə lɛɛ la ɉu nwɔ yələi ə həli. Di kɛi kɛ gaaləi tii laa ɓa a: Nehustan.

Kɔlɔnikɔ Veerɛi 15:17

Ə mą kɛ tii, ɉali kɔ́iɠaa di hvo kpɛɛ Israɛlə lɔi hu. Kɛlaa, Asa ə lɛɛ a gwəi kwəlɛɛ Yálá ɓa nwɔ yɛnɛ̨ɛ̨ kəlee yee mu.

Mąątɛ̨nɛ̨ 145:20

Yai-Laa a ɲɛ̨i kɛ nwɛlikɛmąą nuą diɛ, Kɛlaa nuąi di hva kulɔ di woo ɓa, a di hu kala.

Mąątɛ̨nɛ̨ 31:23

Ya pa, ɲą́ą́n gwə́i pilɛɛi kɛ mą́ą́, gɛ́ kɛ diɛ; «Yáá mą́ą́kwɛa ə́ ɲɛ̨ilai ɓa.» Kɛlaa, nwɔ́ hvɛli woo mąąwɛliɛi, ə́ mu hon, ɓɛlɔwai ŋį́ tomą la ə́ pɔ pələ.

Levetekɔ 17:5

Yili a kɛ tii, Israɛlə lonnii di hva taatɛlɛɛ ta kulɔ a haláá lɔwɔi, kɛlaa, mąąnɛ̨ɛ̨ di paa la ɉaláá laa həli mun bɔ gee kaa kələ laaləi, yɛ gulɔ a liilaa haláá Yai-Laa ɓa.

Maafîu 22:37

Jesus yɛ mą: «‹Mąąnɛ̨ɛ̨ ə́ Ną́mu Yálá wɛli la kɛ a ə́ lii kəlee da ə́ kpinį kəlee ɛlɛɛ, da ə́ wɔ kiliŋąhiɛ kəlee.›

Ɉaan 14:15

«Akɛ ka nwɛ́li la kɛ, ka nwɔ liɛwooɠaa hon,

Ɉaan 14:21

«Nui a nwɔ́ liɛwooɠaa hon, ə bɔ mɛ̨nį kɛ, mąą nu tii ɓə nwɛ́li kaa mąą, yaan, nui a nwɛ́li la kɛ Ną́n Yálá a nwɛ́li la kɛ, ɲą́ą́ gbɛli ŋą mąą nu wɛli la kɛ ŋį́ gbɔ́ɔ́ lɛ mą ponoŋą.»

Lomaŋ 8:28

Gu gɔlɔn nwɔ̨nɔ̨ guɔ diɛ: Nuąi da Yálá wɛlilakɛ, di mąąkpɔnmąą ɓo mɛ̨nį kaa mɛ̨nį kəlee hu; a diɛi tii ə di həɠə ɉu, yɛ bələi nwɔ mɛ̨nį pɛliɛ kaa la.

Korɛntə dɔlɔɔ 8:3

Kɛlaa, nui Yálá wɛli kaa mą, mąą nu kɔ́lɔnŋąąi Yálá yəi.

Dutɛrɔnome 10:12

Yii hu kɛa, Israɛlə lonnii, ə həli kaa! Lə ɓə Yai-Laa ka wɔ Yálái kaa bɔ ka gɛ mą? Mɛ̨nįi ɲɛ̨i kaa dɔwɔ, ya ɓaa: ka ɲɔw Yai-Laa ka wɔ Yálái ɓa, a, lɛɛi ka mo nwooɠaa pulu; kaa Yai-Laa ka wɔ Yálái wɛli la kɛ, kaa tí mą a kwəi kwələ laa, a ka wɔ huwalawala kəlee, da ka wɔ yɛnɛ̨ɛ̨ kɛ pələ kəlee.

Dutɛrɔnome 10:13

Ka Yai-Laa nwɔ tíɓoɠaa kɛ, ka nwɔ tɔ́n nwooɠaa hon; yii gáá dɛɛi ka pɔ háákələi ka ɓalo mɛ̨nį ɓa.

Dutɛrɔnome 11:13

A tɛ̨ąą! A kɛ ka ka wəli tɔɔ kpɔ a nɛlɛɛ nwɔ tɔ́nŋąą diɛ, yaai gáá háákələi naa həlii kaa, kaa Yai-Laa ka wɔ Yálái wɛli la kɛ, kaa tí mą a ka kwəi tɔ̨nɔ̨, a ka nwąnąąi kpɔ-kpɔɔ,

Dutɛrɔnome 30:16

Mɛ̨nįi háákələi gáá ka tí a gɛ mɛ̨nį, ya ɓaa: Ka Yai-Laa ka wɔ Yálái wɛli la kɛ, ka hiɛ a gbaaləi ŋɛ̨i ə nɛ kaa, ka nwɔ tɔ́nŋąą hon, bɛlɛɛ nwɔ tíɓoɠaa diɛ. Ka yili kɛ tii, ka lɛɛ yɛnɛ̨ɛ̨, ka yíi hvólóɠaa hu ə kwɛa, ka ɓuwu ɓo; akɛ tii, nɔi ŋɛ̨i ka káá pai ɉɔlɔɓoi a ka wɔɔ, Yai-Laa ka wɔ Yálá a lúwɔ́ too kaa.

Dutɛrɔnome 30:20

Ka Yai-Laa ka wɔ Yálái wɛli la kɛ, ka ka wəli tɔɔ nwoo ɓa, ɛlɛɛ, ka kanąn mą. Mąąhɔlɔɓo, nɔi ka Yai-Laa ə gwɛla yɛ kɛ gaa dɛɛi ka kalaɓɔlɔni pɔ: Abrahamə, Isaakə da Ɉakɔbə; bələ ɓə ka yíi nɛ̨ɛ̨ hɔlɔɓo la nɔi tii hu.»

Dutɛrɔnome 30:6

«Yai-Laa ka wɔ Yálá yaa kpinįi gaa pai ka lii mąąhəɠəi, kaa, ka ka huwuhu nuą kəlee, kaa pɛli Yai-Laa ka wɔ Yálá wɛli la kɛi a ka lii kəlee da ka wɔ yɛnɛ̨ɛ̨ kəlee.

Dutɛrɔnome 6:5

Ka Yai-Laa ka wɔ Yálái wɛlilakɛ a ka kwəi tɔ̨nɔ̨, a ka kpinįi kəlee, da ka wɔ huwalawala kəlee.

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?

Samuɛlə dɔlɔɔ 9:12

Yiliɠaa diɛ mą: «Ee! Lɛɛ lɔ ə́ ɲɛ̨i tɔwɔ ə́ li, kɛlaa, ə́ mąąhulɔ ə́ li, mąąhɔlɔɓo, ə pa taai háákələi, gbala ə tɔɔ, taa haláá kulɔ mɛ̨nį kaa laa ɉaláá kulɔi.