Tɔɔɓɛlaa dɔlɔɔ 3:1 - Yálá laawoo hɛɓɛ (dc)

¹ Salomɔn ə kɛ a Eziptə tɔɔmun mɔlɔ; ə Eziptə tɔɔmun tii lon ɉəɠə a nɛ̨ą, ə ɉeei kulɔ Davidə taa. Ə lɛɛ laa, ə lɛɛ la ɉu Salomɔn ə kpɛɛ a nwɔ tɔɔ pɛ́lɛ́i tɔɔ da Yai-Laa nwɔ pɛ́lɛ́i, ə mą kɛ Ɉerusalɛmə mąąkpɛ hį́i.

Yálá laawoo hɛɓɛ

¹ Salomɔn ə kɛ a Eziptə tɔɔmun mɔlɔ; ə Eziptə tɔɔmun tii lon ɉəɠə a nɛ̨ą, ə ɉeei kulɔ Davidə taa. Ə lɛɛ laa, ə lɛɛ la ɉu Salomɔn ə kpɛɛ a nwɔ tɔɔ pɛ́lɛ́i tɔɔ da Yai-Laa nwɔ pɛ́lɛ́i, ə mą kɛ Ɉerusalɛmə mąąkpɛ hį́i.

Bible

¹ Saloma da Ize kaloŋ dí díkono tèe díkîe-ni yêei a gɛ́ɛ dífe pâi kɔ́ pɛlɛ̂i díkîe-ni dîa. Ize kaloŋ è ǹóŋ-nɛnii tɛ̀ɛ Saloma pɔ́ a gono-teei ŋí mɛi ɣirîi. Ǹɛnîi è kɛ̀ Deeƃé ŋɔtaa-lêei su é lɛ́ɛ la zu Saloma é ŋɔpɛ́rɛ kɛ́tɛi tɔ́ɔ, Ŋ̀âla-pɛrɛ Kɛ́tɛi da góraŋ è dínaŋ Zerusâlɛŋ taa-lêei ma.

Tɔɔɓɛlaa dɔlɔɔ 3:1 ပူးပေါင်းရင်းမြစ်များ

Samia Veerɛi 5:7

Davidə ə Siɔn gulaa kwəli hon, di naa hee kɛa a Davidə taa.»

Tɔɔɓɛlaa dɔlɔɔ 11:1

Tɔɔmun Salomɔn ə lɔi takpɛliɠaa hu nɛ̨ąą tamąą wɛli la kɛ, Eziptə tɔɔmun lon ɉəɠɛɛ pulu, Moabə nɛ̨ąą, Amɔn nɛ̨ąą, Edɔmə nɛ̨ąą, Sidɔn nɛ̨ąą, da Hɛtə nɛ̨ąą.

Tɔɔɓɛlaa dɔlɔɔ 2:10

Davidə ə laa ɲee tɔ̨nɔ̨ mɛ̨i, di noo Davidə taa.

Tɔɔɓɛlaa dɔlɔɔ 6:1

Ə həɠə Israɛlə nuą kulaa Eziptə lɔi hu ɓa, ə həli la Yálá hee pɛlɛ́ tɔɔi lɔwai ɓa, ə kɛ a kwɛlan nwun nąąn kwɛlan bow mɛ̨ihaaɓa. Gwɛlan tii ə kɛ a Salomɔn nwɔ tɔɔlaa gwɛlan nąąn nɔwai Israɛlə lɔi nwun na. Salomɔn ə bɛlɛ́ kóló kɔ́wɔ tɔɔ a ɲąnin ŋɛ̨i da kɛ mą: Ɉiwə yai a di wɔɔ kwɛlan ɲąnįn veelɛnąą, ɲąnįn tii hu ɓə Salomɔn ə Yálá hee pɛlɛ́ tɔɔ la.

Tɔɔɓɛlaa dɔlɔɔ 7:1

Salomɔn ə nwɔ tɔɔ pɛ́lɛ́i tɔɔ, kwɛlan bow kɔ́w haaɓa yeemu, ə kpɛɛ la.

Tɔɔɓɛlaa dɔlɔɔ 7:8

Bɛlɛ́i mąąnɛ̨ɛ̨ yaa kpinįi ə kɛ mu, ə dɔɔ giti tee pɛlɛ́ kwɛlɛ pələ; dɔɔ pələ ə ɓo lɔ tanɔ̨n, yɛ ɓo gala takpɛli hu. Eziptə tɔɔmun non tii ə ɉəɠə a nɛ̨ą, ə pɛlą tɔɔ mą; dɔɔ pələ ə kɛ lɔ yɛ yii tii.

Tɔɔɓɛlaa dɔlɔɔ 9:1

Ɓɛlɔwai tɔɔmun Salomɔn ə kpɛɛ la a Yai-Laa hee pɛlɛ́ tɔɔ, da dɔɔ pɛlɛ́, da yiiɠaa kpɔ ə kɛ bɔ ə gɛ, ə yili kəlee kɛ.

Tɔɔɓɛlaa dɔlɔɔ 9:10

Gwɛlan bow hveelɛi tii Salomɔn ə bɛlɛ́ hveelɛi tɔɔ la: Yai-Laa nwɔ pɛ́lɛ́i, da dɔɔ pɛlɛ́; gwɛlanŋąą tii di tɛɛ.

Tɔɔɓɛlaa dɔlɔɔ 9:24

Eziptə tɔɔmun lon nɛ̨ɛ̨nu həɠɛɛ Davidə taa, ə li bɛlɛ́i Salomɔn ə dɔɔ mą mu, nąą pulu ɓə Salomɔn ə daa mąąkpɛ hį́i lon dɔɔ la ɉu,

Kɔlɔnikɔ Maa-ŋuŋ 11:7

Davidə ə hee gulaa kwəli. Mɛ̨nįi gɛ, diɛ kɛ nąą laa ɓaa: Davidə taa, yaa li.

Kɔlɔnikɔ Veerɛi 18:1

Ɉosafatə ə hɛngɔw hɔlɔɓo kpɔ kɛnɛ̨ da mąąwiɛ. Ɉosafatə ə kanąn Akabə yəi a húlú mɛ̨nį.

Kɔlɔnikɔ Veerɛi 8:11

Salomɔn ə Faraɔn lon nɛ̨ɛ̨nu kulɔ Davidə taa, ə li ə nɔ bɛlɛi ə dɔɔ mą mu. Tɔɔmun Salomɔn ə kɛ gbɔwɔ ɓa: «Ə mą kpɛli kɛ nɛ̨́ą ɓə, mąą hvo nɛ̨ɛ̨li hvo kɛ Israɛlə tɔɔmun Davidə yəi bɛlɛ́n, mąąhɔlɔɓo, ɓɛi Yai-Laa ŋą mįnɛ̨ kəhii ə lɔ laa, kɛɛnąą mąąhəɠɛɛ li.»

Ɛsdrasə 5:11

Nwoo ŋąąpənəi di dɛɛ ku pɔ ya: ‹Kuɔ ɓə ku kaa a yələkɔlɔn da lɔi, di pɛli Yálá nwɔ koló kɛ nuą, bɛlɛ́i ŋɛ̨i wɔlɔ kɛ ɓɛ, ya ɓə ku kaa pənəi ku dɔɔ. Tɔɔmun gɛnɛ̨ ta ə wɔlɔ kɛ a Israɛlə nuą di wɔ tɔɔmun, ya ɓə bɛlɛi tii tɔɔ ə nąą kulɔ.

Ɛsdrasə 9:14

Yili a kɛ tii, kwa pɛli nwɔ̨nɔ̨ mą, ku ə́ wɔ tíɓoɠaai kala, kuɔ too nu ɲɔ̨nwɔ̨ɔ̨ɠaa ŋɛ̨i pɔ hilɛ taai mɛ̨nį hu, a kɛ tii, hvo pai ə́ líiholii ku pɔ, ə́ ku nwun na pili, nu tɔ̨nɔ̨ kpɛli hva lɛɛ?

Dutɛrɔnome 23:8

Ka hvə Edɔmə nuą kaa a nu ɲɔ̨nwɔ̨ɔ̨ɠaa, ka nąn nonnii ɓaa diɛ. Ka hvə Eziptə nuą kaa a nu ɲɔ̨nwɔ̨ɔ̨ɠaa, mąąhɔlɔɓo, ka kɛ di pɔ lɔi a nwɛ̨ą.