Tɔɔɓɛlaa dɔlɔɔ 22:43 - Yálá laawoo hɛɓɛ (dc)

⁴³ Ɉosafatə ə hvilɛ gbɔlɔɔ nąn Asa hiɛ pələ hu, hvo kpɛli hvóló túwɔ́ pələ ta ɓa. Yii kpɔ kɛ ɉaŋąą Yai-Laa ɲɛ̨i ɓa, ə yili kɛ.

Yálá laawoo hɛɓɛ

⁴³ Ɉosafatə ə hvilɛ gbɔlɔɔ nąn Asa hiɛ pələ hu, hvo kpɛli hvóló túwɔ́ pələ ta ɓa. Yii kpɔ kɛ ɉaŋąą Yai-Laa ɲɛ̨i ɓa, ə yili kɛ.

Bible

⁴³ È sìa ǹâŋ Asa kɔ́ɔ pɔɔi mɛni lɛ́lɛɛ sii kélee kɛ́ɛ su. Vé kula ní dípôlu. È mɛni lɛ́lɛɛ kɛ̀ nyíi Yâwɛɛ è kɛ̀ ŋ̀wɛ̂lii. É máŋ kɛ́ tí, vé ǹûai díɣâla-ŋai fɛli kwaa-ŋai ma su kara ní. Ǹûai dífe kpera ní sâla kuláa ma da kéreŋ-sɛŋ kúŋ-nɛ̃ɛ kéreŋɔɔ gwaa-ŋai ŋí ma.

Tɔɔɓɛlaa dɔlɔɔ 22:43 ပူးပေါင်းရင်းမြစ်များ

Tɔɔɓɛlaa dɔlɔɔ 14:23

Di haláá kulɔiɠaa pɛli yɛ di nąnni, a kwɛni kalanŋąą da wuluɠaa, diɛ haláá kulɔ ɲeeɠaa ɓá wulu kpɛa kpɛa kəlee mu.

Tɔɔɓɛlaa dɔlɔɔ 15:11

Mɛ̨nįi kɛ ɉaŋąą Yai-Laa ɲɛ̨i ɓa, Asa ə gɛ, yɛ bələi galá Davidə ə gɛ la.

Tɔɔɓɛlaa dɔlɔɔ 15:14

Kɛlaa, ɉaláá kulɔiɠaa tii di lɛɛ laa. Ə mą kɛ tii, Asa ə túwɔ́ a ɉaŋąą, ə gwəi kwələ Yai-Laa ɓa nwɔ yɛnɛ̨ɛ̨ kəlee yee mu.

Tɔɔɓɛlaa dɔlɔɔ 15:5

Yai-Laa ə gɛ tii, mąąhɔlɔɓo, mɛ̨nįi kɛ ɉaŋąą Yai-Laa ɲɛ̨i ɓa, Davidə ə gɛ. Mɛ̨nįɠaa kpɔ ə Davidə tí la, Davidə hvo mąą kwɛa da lɔpee ɓa nwɔ yɛnɛ̨ɛ̨ kəlee yee mu. Hvo kɛli lɔ mɛ̨nįi ŋɛ̨i Davidə ə naa Hɛtə mun Uri ɓai.

Tɔɔɓɛlaa dɔlɔɔ 22:42

Ɉosafatə kaa kwɛlan ə kɛ pow haaɓa kɔ́w lɔɔli, ɓɛlɔwai ə dɔɔlaa həɠə la. Ə kwɛlan bow hveelɛ kɔ́w lɔɔli kɛ dɔɔlaa hu Ɉerusalɛmə. Ɉosafatə nee laa ɓa kɛ a: Azuva, yai kɛ a Silhi lon.

Tɔɔɓɛlaa dɔlɔɔ 3:2

Nąąlɔwai tii, nuą di kɛi ni haláá kulɔ ɲeeɠaa ɓa, ɓɛi di nąą pɛli; mąąhɔlɔɓo, di hvo nii kɛ pɛlɛ́ tɔɔ li a Yai-Laa nwɔɔ.

Tɔɔɓɛlaa veelɛ 12:3

Ɉoasə ə túwɔ́ a ɉaŋąą Yai-Laa ɲɛ̨i ɓa nwɔ yɛnɛ̨ɛ̨ kəlee yee mu. Mąąhɔlɔɓo, ɉaláá laa həli mun Yohoyada ɓə kɛi ɉutɔɔ.

Tɔɔɓɛlaa veelɛ 18:22

«Ka pɛli nwɔ̨nɔ̨ kɛi diɛ: kwaa ku kilitɔɔ Yai-Laa ku wɔ Yálái ɓa. Yɛ́ Ezekiasə, kɛlɛi yɛ́ ɓə ɉaláá kulɔiɠaa kəlee wolo, yɛ́ kɛ Ɉuda lɔi hu nuą da Ɉerusalɛmə nuą diɛ: Gɛɛnąąɠaai ŋɛ̨i ɓə ka kɛ pɛlɛi laa ka kwɛli hvilɛn haliɠaa diɛ.

Kɔlɔnikɔ Veerɛi 14:11

Yai-Laa ə Nubinuą kɛlɛ Asa da Ɉuda nuą di tɔwɔ, Nubinuą di pu.

Kɔlɔnikɔ Veerɛi 15:17

Ə mą kɛ tii, ɉali kɔ́iɠaa di hvo kpɛɛ Israɛlə lɔi hu. Kɛlaa, Asa ə lɛɛ a gwəi kwəlɛɛ Yálá ɓa nwɔ yɛnɛ̨ɛ̨ kəlee yee mu.

Kɔlɔnikɔ Veerɛi 15:8

Nwooɠaa tii mąn Asa ə mo, da Yálá nwɔ wəlɛɛ tii gwəi mɛ̨nį hukulɔ mun Odɛdə ə mo, yili ə Asa hvaŋąlɔ; ɉali mɛ̨nįɠaai kpɔ kɛ Ɉuda lɔi da Bɛnɉamɛn lɔi hu, ə gəlee kulɔ laa, ə mą kɛ daaɠaa tii ə di hon Ɛfraimə yee hu. Yai-Laa kɔ́i ŋɛ̨i kɛ Yai-Laa nwɔ gala laaləi, ə bu nįnɛ̨ kɔ́lɔi.

Mąątɛ̨nɛ̨ 101:3

Mɛ̨nį ɲɔ̨n da lɔpee hva ɉeei hɔlɔɓo ɲéé pɔ, nuąi daa lənə Yɛ́ ŋį́ yowolaa kulɔ a diɛ, di túwɔ́ pələ hva pɛli nwún ɉu lan ɉi.

Mąątɛ̨nɛ̨ 125:5

Kɛlaa, nuąi daa həɠə bələ mɛ̨i, di hiɛ pələ kpɛli kpəlaanŋąąi, Yai-Laa ə di kpɛ, da mɛ̨nį ɲɔ̨n gɛ nuą; Liilaa ə kɛ Israɛlə mɛ̨i.

Mąątɛ̨nɛ̨ 40:4

Ə wələ nįnɛ̨ pu ná, a Yálá mąątɛ̨nɛ̨ wələ woo. Nu tamąą kaa pai nąą kaai, di ɲɔw, diɛ di kilitɔɔ Yai-Laa ɓa.

Lɛɛ gbɔwɔ ɓa 32:8

Niɛwooɠaai ŋɛ̨i ŋį́ dɛɛ, di pɔ, daa di pulu tɔɔ mą, daa nįŋɛ̨ lon bɛli di kpɔɔ ɓa, diɛ pɛlɛ gɔwɔ mu, diɛ haláá kulɔ mą, diɛ kɛ mą: Israɛlə, ka gu wɔ yálái ka, yai gu kulɔ Eziptə lɔi hu.»

Hanwon 13:1

Lon kili kaa mą, a nwəli tɔɔ nąn nwɔ liɛwoo ɓa, Kɛlaa, lon ɲɛ̨itɛɛ, hva hvaa mą di hvo ɉɔn nɛ mą.

Hanwon 4:27

'Hvə́ li ə́ ɓamįiyee hu, 'hvə́ li ə́ kɔ́ɓɛyee hu, 'Hvó ə́ kɔ́wɔ hvilɛn mɛ̨nį ɲɔ̨n ɉu.