Tɔɔɓɛlaa dɔlɔɔ 22:28 - Yálá laawoo hɛɓɛ (dc)

²⁸ Mise yɛ tɔɔmun ma: «Lii ə́ kaa moi, ya pənə ya pa, a kɛ tii Yai-Laa hvəi mɛ̨nį ɓo mą́ą́ gɛ́ mo. Yili pulu, yɛ diɛ: ‹Nu kəlee ə nwóó mɛ̨n.›»

Yálá laawoo hɛɓɛ

²⁸ Mise yɛ tɔɔmun ma: «Lii ə́ kaa moi, ya pənə ya pa, a kɛ tii Yai-Laa hvəi mɛ̨nį ɓo mą́ą́ gɛ́ mo. Yili pulu, yɛ diɛ: ‹Nu kəlee ə nwóó mɛ̨n.›»

Bible

²⁸ Mikâya è mò ǹyɛɛi, “À kɛ̀ ƃa pène pôlu fúlu-laa su, gɛ̀ ní Yâwɛɛ fé lóno ní ḿbɔ.” È ŋɔ́nɔ mò ǹyɛɛi, “Ka ŋ̀óo-ŋai ŋí lâai kɛ́, káai kélee ƃɛ́i ŋánûa!”

Tɔɔɓɛlaa dɔlɔɔ 22:28 ပူးပေါင်းရင်းမြစ်များ

Tɔɔɓɛlaa veelɛ 1:10

Kɛlaa, Eli yɛ gɔ́laɠa nwun nąmu tii ɓa: «Akɛ Yálá kwəi mɛ̨nį hukulɔ mun mąą a ɲą́ą́, gɛ́ nwɔ̨n ə kulɔ yələi ə ə́ kələn. Ka ə́ pɔ nuą!» Ɲąąɓa, nwɔ̨n ə kulɔ yələi ə gɔlaɠa nwun nąmu tii da nwɔ kɔ́kulááɠaai kələn.

Tɔɔɓɛlaa veelɛ 1:12

Kɛlaa Eli yɛ diɛ: «Akɛ Yálá kwəi mɛ̨nį hukulɔ mun mąą a ɲą́ą́, gɛ́ nwɔ̨n ə kulɔ yələi ə ə́ kələn ka ə́ pɔ nuą!» Ɲąąɓa Yálá ə nwɔ̨n dɛɛ ə di kələn.

Kɔlɔnikɔ Veerɛi 18:27

Mise yɛ mą: «Akɛ yá pənə yá pa nɛ̨ŋɛ̨kpɛlɛɛ, kɛ tii, Yai-Laa hvəi mɛ̨nįi ŋɛ̨i bu ná gɛ́ mo.» Yili pulu, yɛ diɛ: «Kaai ɓaa nɔi lonnii, 'ka nwoo tii mąn…!»

Azaya 44:26

Gɛ́ nwɔ́ tímun hvaa woo pɔ mɛ̨nį lɛɛ mą, gɛ́ nwɔ wɛlɛɛɓo nuą, woo hu nɛ̨ɛ̨, ɲą́ą́ ɓə kɛ Ɉerusalɛmə ɓa: «'Ə́ laa ə hvɛɛ a nu kan», gɛ́ Ɉuda taaɠaa diɛ: «'Ka pɛ̨nɛ̨ ka tɔɔ a nįnɛ̨», yii kpɔ kala, ŋį́ gəlee pu nįnɛ̨ kɔ́lɔi.

Ɉeremi 28:7

Ə mą kɛ tii, ə́ wəli tɔɔ mɛ̨nįi gáá moi ə́ mąą mɛ̨nį hu, da nɔi lonnii kəle mąą mɛ̨nį ɓa;

Amɔsə 3:1

'Ka ka wəli tɔɔ Israɛlə nuą, kaa ŋɛ̨i Yai-Laa ə ka kulɔ Eziptə lɔi hu luwɔlaa hu ə pa a kaa, Yai-Laa yɛ:

Mise 1:2

Yɛ diɛ: Hį́i kəlee, 'ka ka wəli tɔɔ! Lɔi, ə pɛlɛ ɉu hɛnŋąą diɛ, aa həli kaa! Nąmu Yálá kaa bɔ ə ka hɔn mo! Yai-Laa, yaa tii nwɔ pɛlɛ́ mąąhəɠɛɛ mui.

Lonon mo 16:29

Nuąi ŋɛ̨i da haa lɔ a nu kəlee haa pələ, mɛ̨nįi bɛ̨ɛ̨ nu kəlee nwuɔ̨ yɛ laa diɛ, a kɛ tii Yai-Laa hvo dɔ́ɔ́ li.

Markə 12:37

«Akɛ Davidə ə kɛ non mą: ‹Nwɔ́ mɛ̨nį Námu›, Nwun mąąɓo mun Yálá ə naakwɛlanmo, a pɛli kɛi ləi a Davidə lon?» Nuą tii di kɛi Jesus woo mɛ̨i di kwəi yɛ nɛ̨ɛ̨.