Tɔɔɓɛlaa dɔlɔɔ 22:27 - Yálá laawoo hɛɓɛ (dc)

²⁷ Yɛ diɛ, tɔɔmun nwoo ka, yɛ: ka ɉulɔnui ŋɛ̨i too gaho ŋą; ka hvo kɔ̨nɔ̨n nɛlɛɛ tɛɛ bɔ, ɛlɛɛ hvo kpələ ya hɔlɔɓo kɛnɛ̨, ə lɛɛ la ɉu ŋą́ li ŋą́ yeetɛɛmąą kɛ, ŋą́ pa liilaa hu.»

Yálá laawoo hɛɓɛ

²⁷ Yɛ diɛ, tɔɔmun nwoo ka, yɛ: ka ɉulɔnui ŋɛ̨i too gaho ŋą; ka hvo kɔ̨nɔ̨n nɛlɛɛ tɛɛ bɔ, ɛlɛɛ hvo kpələ ya hɔlɔɓo kɛnɛ̨, ə lɛɛ la ɉu ŋą́ li ŋą́ yeetɛɛmąą kɛ, ŋą́ pa liilaa hu.»

Bible

²⁷ Ka mò dîa kâai, m̀ɛnii ká ŋí gâloŋ a m̀ôi, ‘Nyáŋkpai ŋí lɔ́ kpini-pɛrɛ mu. Ífe mii-sɛŋ da kpɛ́ni tɛ̀ɛ bɔ́ fɛ̂ɛ nɔ́ kpólo da yá é lɛ́ɛ la zu ŋá pene pôlu fúlu-laa lɛ́lɛɛ su.’ ”

Tɔɔɓɛlaa dɔlɔɔ 22:27 ပူးပေါင်းရင်းမြစ်များ

Tɔɔɓɛlaa dɔlɔɔ 13:4

Mɛ̨nįɠaa tii Yálá nwɔ nu ə mo a nwoo kɛnɛ̨, yɛ hvilɛn na Betɛlə ɉaláá kulɔi ɓa, tɔɔmun Ɉeroboamə ə mɛ̨n nɔ, ɲee tii kɛ ɉaláá kulɔ taɓali ɓa, ə ɉaŋą, yɛ diɛ: «Ka ɉon!» Ɲee ə lɛɛ a ɉaŋąą tii, ə kpala mą, hvo kɛa pɛli nɛɠɛi mą.

Tɔɔɓɛlaa dɔlɔɔ 22:26

Yili pulu, Israɛlə tɔɔmun yɛ diɛ: «Ka Mise hon, ka dɛɛ daa nąmu Amɔn pɔ, di dɛɛ tɔɔmun non Yoasə pɔ.

Kɔlɔnikɔ Veerɛi 16:10

Asa lii ə holi gwɛlɛɛn gɛɛkaamun tii pɔ, ə ɉon, ə doo gaho ŋą. Mąąhɔlɔɓo, nii ə holi bɔ mɛ̨nįi tii hu. Nąąlɔwai, Asa ə hee nɔi lonnii bələ tɔ̨nɔ̨ mɛ̨i yɛ di mɔ̨nɔ̨ ɓo.

Mąątɛ̨nɛ̨ 102:9

Ɲówóɠaa da túwɔ́ lɔ vííɓoi, nuąi kɛi mą́ą́tɛ̨nɛ̨ toloo toloo, diɛ nɛ̨ŋɛ̨nnaa kɛ a náá.

Mąątɛ̨nɛ̨ 127:2

Kpɛli ɓaa nu ə humo a muhəɠɛɛ, yɛ lɛɛ ɲɛ̨i ɓa kpinį hu yɛ kwɛa, yɛ́ mɔ̨nɔ̨ kɔ̨nɔ̨n mį́i lɔ! Yai-Laa a nwɛlikɛmąą nuą lɛɛ yíi, Ə di kɔ́ a kɔ̨nɔ̨n.

Mąątɛ̨nɛ̨ 80:5

Yai-Laa Mɛ̨nį Kəlee ŋą Hééɓomun Yálá! Ə́ kaa pai lɛɛi Ə́ líiholii, yɛ́ ə́ lii tee ə́ wɔ nuąi di wɔ hvɛliwooɠaai diɛ, ə lɛɛ ɉu mįnɛ̨ lɔwai?

Azaya 30:20

Gaa pai kɔ̨nɔ̨n dɛɛi ka pɔ a laanɔ̨nwɔ̨ yələ, yɛ yá tɛɛ ka pɔ a ɲələi ka kɛ la mɔ̨nɔ̨ hu, nui mąąnɛ̨ɛ̨ ə ka mąą kwɛli, hva kɛa mąą kwɛa kaa, ɛlɛɛ, ka káá pai gaai a ka ɲɛ̨i kɔ́w.

Ɉeremi 20:2

Pasehurə ə pɛlɛ Yálá kwəi mɛ̨nį hukulɔ mun ɓa a hvaa. Ə mo di Ɉeremi yili Bɛnɉamɛn nwɔ kpon ɓa, di doo kpɔ̨nɔ̨ ŋą, Yai-Laa nwɔ pɛlɛ́i laaləi.

Ɉeremi 29:26

«Yai-Laa ɓə ə́ hee a ɉaláá laa həli mun a Yehoyada mąąhvalin, a haláá laa həli mun yai Yálá hee pɛlɛ́ mąą mɛ̨nį kaa nwuɔ̨; da nuą lɔpee mɛ̨nį kulɔi di nwun ɉu, diɛ yɛ mo, yɛ gbɔwɔ kɛ a Yálá kwəi mɛ̨nį hukulɔ mun. Mąą nɛ̨ɛ̨ ə́ di too kpɔ̨nɔ̨ ŋą, ə́ di kɛlɛ.

Ɉeremi 36:23

Yehudi a kpɛɛ lɔ kɛ a ɉɛɓɛ́ ɲɛli haaɓa a wala kɛ ti nąąn ną ɓoɔ, tɔɔmun ə yili nąą tee mą a ɓɔwa lon, ɛlɛɛ, ə bili nwɔ̨n ŋą; ə lɛɛ ɉu ə ɉɛɓɛ́ yili kəlee kələn ə gbɛɛ.

Ɉeremi 37:15

Nɔi ɲąąwooɓo nuą di di líiholi Ɉeremi pɔ, di gɛlɛ, di doo gaho ŋą; ɉɛɓɛ́ kɛ mun Yehonatan yəi góló kɛi, daa kɛ naa kɛ a gaho pɛlɛ́.

Ɉeremi 38:6

Di Ɉeremi hon, də li di bili tɔɔmun non Malkiya nwɔ yálɔwai hu nwɔ̨nɔ̨, dɔɔ kwəli mąąkpɛ nuą yəi gwəlii. Di Ɉeremi yɛɛ ɉu a gɔ́tɔ́yɛli. Yá hvo kɛ ɲálɔwai tii hu, palayá lɔ ɓə kɛ ɉu. Ɉeremi ə yɛɛ balayá hu.

Lukə 3:20

Herodə ə gbɔwɔ nwɔ túwɔ́ pələ ɲɔ̨n tii da laa mɛ̨i, ya ka tii ə Ɉaan hon na ə doo gaho ŋą.

Gɛlaɠaa 26:10

Ɛlɛɛ, bələ ɓə, ŋą́ kɛli túwɔ́ la Ɉerusalɛmə. Ŋą́ą́ gbínįlee gɛ́ mąąhəɠə nuą tamąą too gaho ɲą. Ɉaláá laa həli nuą kpɛa-kpɛaa daa kɛ yili mąą laa tɛɛ bɔ́, ɛlɛɛ, da kɛi di paa kɛ, váái kɛ mą.

Gɛlaɠaa 5:18

Di gɛlaɠaai hon nu kəlee ɲɛ̨i ɓa, di di too gaho ŋą.

Ifisiɛŋ 3:1

Yili mąą mɛ̨nį ɓə, ɲą́ą́ Polə, a Jesus Kristə ŋą gaho nąmu, káái a huwu takpɛliɠaa, ká mąą mɛ̨nį ɓa.

Dutɛrɔnome 16:3

Lɛɠɛi dɛ hɛn gaa ɉu, ka hva mįi, gɔ̨nɔ̨n tii mįi lɔwai; hvóló mɛ̨ihveelɛ yee mu, lɛɠɛi dɛ hɛn gaa ɉu, ka hva mįi. Gaa a mɔ̨nɔ̨ kɔ̨nɔ̨n, mąąhɔlɔɓo, ka kulɔ Eziptə lɔi hu a ka kɔ́wɔ mąąhulaa. Bələ ɓə ka káá pai kɛi ka kulɔ mɛ̨nį Eziptə lɔi hu, nąą kili tooi la ka ŋą ka wɔ yɛnɛ̨ɛ̨ kəlee hu.

Hebreu 11:36

Daɠaa, diɛ di liikpələ yɛlɛkulɔɉu mu, da hvaɠa, diɛ daɠaa yili a yɔwɔn, diɛ daɠaa too gaho ŋą;

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.