Tɔɔɓɛlaa dɔlɔɔ 22:22 - Yálá laawoo hɛɓɛ (dc)

²² Malakai tii yɛ mą: ‹Gáá lii, ŋą́ kɛ a lɛɛ kili, ŋą́ too Yálá kwəi mɛ̨nį hukulɔ nuąi tii laa diɛ.› Yai-Laa yɛ mą: ‹'Li, ə́ yee kaa lii lɔi, li ə́ gɛ tii.›

Yálá laawoo hɛɓɛ

²² Malakai tii yɛ mą: ‹Gáá lii, ŋą́ kɛ a lɛɛ kili, ŋą́ too Yálá kwəi mɛ̨nį hukulɔ nuąi tii laa diɛ.› Yai-Laa yɛ mą: ‹'Li, ə́ yee kaa lii lɔi, li ə́ gɛ tii.›

Bible

²² Yâwɛɛ è m̀arê kɛ̀ ǹyɛɛ, ‘Ƃa pâi gɛ́ pere kɛ̂i léŋ?’ È mò ǹyɛɛi, ‘Ŋa pâi liî ŋá lɛ́ɛ mɛni pú ŋɔɣâla lono kɛ́-ƃelai kélee lá.’ Yâwɛɛ ǹyɛɛi, ‘Ƃa pâi pɔrîi ƃɛlɛ̂i. Lí é gɛ́ tí.’

Tɔɔɓɛlaa dɔlɔɔ 22:22 ပူးပေါင်းရင်းမြစ်များ

Tɔɔɓɛlaa dɔlɔɔ 13:18

Yálá kwəi mɛ̨nį hukulɔ hulɔgoloi yɛ mą: «Ɲą́ą́ gbɛli, ŋą́ Yálá kwəi mɛ̨nį hukulɔ lɔ yɛ bələi ə́ kaa la. Yálá nwɔ malaka ta ə kɛ mą́ą́, 'li ə́ ɲali bulu yɛ́ mą: Yai-Laa yɛ ə́ ɲali ə́ bulu ə́ li ɲə́i bɛlɛ́n laaləi, ə́ kɔ̨nɔ̨n mįi, ə́ yá kpələ.» Ə kɛi yili ɓo tii a lɛɛ.

Tɔɔɓɛlaa dɔlɔɔ 22:20

Yɛ diɛ: ‹Gbɛɛ ɓə lii ə kili ɲɔ̨nwɔ̨ɔ̨ too Akabə kwəi, ə gɛ ə li ə kɔ́ pɛlɛ Ramotə ɓa yai gaa Galaadə, ə gɛ di baa?› Dɔ̨nɔ̨ ə kɛi nwɔ woo ŋąąpənəi kɛ a dee, dakpɛli yɛ nwɔ woo ŋąąpənəi kɛ a ɉuwu takpɛli.

Tɔɔɓɛlaa dɔlɔɔ 22:21

Nąąlɔwai, malaka ta ə kulɔ mɛlaa lɔwai ə tɔɔ Yai-Laa lííla, yɛ mą: ‹Ɲą́ą́ ɓə lii ŋį́ ɲąąhɛn!› Yai-Laa yɛ mą: ‹Ə́ kaa lii gɛi ləi?›

Tɔɔɓɛlaa veelɛ 3:13

Elise yɛ Israɛlə tɔɔmun mą: «Lə mɛ̨nį ɓə gwa yɛ́ gu lɔwai? 'Li ə́ nąn nwɔ Yálá kwəi mɛ̨nį ɓo nuąi pɔɔli a wala kɛ tii ə́ lee nwɛiɠaa.» Israɛlə tɔɔmun ə nwoo pulu pənə, yɛ mą: kpaa! Mąąhɔlɔɓo, Yai-Laa ə dɔɔɓɛlaa haaɓai ŋɛ̨i ɲąąkpɔn giɛ, di lɔ mɛ̨nį ɓa Moabə yee ŋą.

Zôo 1:12

Gɛɛ ti, Yai-Laa yɛ ɓilihi ɓa: «Yá pɛli yili kɛi, yá pɛli ɲəi hɛnŋąą kəlee həɠəi. Kɛlaa, hvo lɛɠɛ gbinį ɓa.» Gɛɛ ti ɓilihi ə həɠə laa yɛ li.

Zôo 12:16

Hvaŋą da nwun na nɛ̨ɛ̨, di kaa bɔɔ ŋą. Nui daa ɉəɠə pələ mɛ̨i, da nui ɉəɠə bələ mɛ̨i, di kəlee di kaa Yálá yəi.

Mąątɛ̨nɛ̨ 109:17

Yii kpɔ nwąnąlɔ túwɔ́ lɔ ɓə nwɛli kaa mą, nɛ̨ŋɛ̨n naa ə yɛɛ kani a nwun, yii kpɔ hvo lúwɔ́ pɔi, lúwɔ́ ə mąą kwɛa kani mą.

Azaya 19:14

Yai-Laa aa nwun ɉu tinɛ̨n ɲɔ̨n bɛlɛ diɛ, diɛ Eziptə tɔɔ lɔ takpa takpa gɛ mɛ̨nįɠaa kəlee hu, yɛ bələi lɔɔ hon a kɛ tɔɔi la, yɛ ɓaɠi.

Izikiɛ 14:9

Yálá kwəi mɛ̨nį hu kulɔmun lɔpee da mowo yɛ mɛ̨nį ta ɓo, a kɛ ti ɲą́ą́ ɓə mąą nu ɓowo; ŋį́ hee ɉu, ɛlɛɛ ŋį́ gulɔ nwɔ́ nu huwui Israɛlə lɔwai.

Zakari 13:2

Yai-Laa Mɛ̨nį Kəlee ŋą Hééɓomun, woo ka, yɛ: ɲələi tii, gáá pai hali mɛ̨nį kpɛɛi nɔi hu, nuąi da Yálá kwəi mɛ̨nį hu kulɔ a lɛɛ, ŋį́ di kpɛ, da di wɔ kili ɲɔ̨nwɔ̨ɔ̨i, di hva kɛa da laa ɓo nɔi.

Ɉaan 8:44

Ka nąn ɓaa a nąnį, niiɓa ɓə ka káá bɔ kaa gɛ. Ə həɠə kpɔ yɛnɛ̨ɛ̨ kɔ́wɔ tɔɔ yələ ɓa, paa lɔ ɓə nwɛli kaa mą. Hvo ta tɔɔ li tɛ̨ą pələ mɛ̨i, mąąhɔlɔɓo, hvo tɛ̨ą kɔ́lɔn. A kɛi lɛɛ mɛ̨nį ɓo, a gulɔ gbɔwɔ kɛ pələ hu, mąąhɔlɔɓo, gaa a lɛɛmun, yɛ ɓo a lɛɛ nąn.

Timote dɔlɔɔ 4:1

Yálá nwɔ Kilii a mo kpɔ a neelee yɛ, vóló gbɛla mąąɠaa ŋɛ̨i hu, nu tamąą kaa pai laa na pələ lɛɛi, diɛ hvilɛn di ɓowo nuą woo pulu, ɛlɛɛ da kalan ɉuwuɠaai a həɠə ɲinɛ̨nŋaa pɔ;

Zɔ̂ŋ Maa-ŋuŋ 4:6

Gu wɛi, gu kaa a Yálá nwɔɔ. Nui Yálá kɔlɔn gili kaa mą, a nwəli tɔɔ guɔ. Nui hvo a Yálá nwɔɔ, hva nwəli tɔɔ guɔ. Yili pɔ pələ ɓə gwa pɛli tɛ̨ą Kili da lɛɛ kili di kulɔ ɉu kɛi la.

M̀ɛni-lɛɛi 13:14

Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

M̀ɛni-lɛɛi 17:17

Mąąhɔlɔɓo, Yálá aa ɉuwɔi tii kwəi kili pɔ mɛ̨nį kɛɛ too di lii hu, a gwəi kili tanɔ̨n, ya ɓaa, di di hvaŋą da di wɔɔ huwalawalalaa lɔ ɉuwɔi tii ŋą tíɓo hu, ə lɛɛ ɉu, Yálá laa woo pɔ mɛ̨nį ə kɛ.

M̀ɛni-lɛɛi 20:10

Ɛlɛɛ, nąnį, yai a di ɲąąhɛnmun, da bili nwɔ̨n máɠa hu, ɉuwɔi tii pɔ, da ŋą loloɓomun. Ɛlɛɛ, di kaa pai mɔ̨nɔ̨ mįi laa, a kpinį da hvóló, ɲɛ̨n deei hva kɛ mą.

M̀ɛni-lɛɛi 20:3

Ə bili nowa kpon gwɛaa hu, ə naa kpulu a gwɛli, ɛlɛɛ, ə gɔlɔn ɉɛn naa bulu, ə gɛ, hvo pa hįi lɔiɠaa ɲąąhɛn, ə lɛɛ ɉu gwɛlan nwaa tɔ̨nɔ̨i tii laa ə kulɔ. Yili pulu, hvo kɛli di pənə di gulɔ, woloɓo.

M̀ɛni-lɛɛi 20:7

Gwɛlan nwaa-tɔ̨nɔ̨i tii laa a pa kulɔi, di kaa pai ɓilihi kulɔi gaho ɲą.

Nwun mąąɓo 9:23

Yili pulu, Yálá ə kili ɲɔ̨nwɔ̨ɔ̨ ta lɔ Abimelɛkə da Sisɛmə kalanɉonŋaa di lɔwai. Sisɛmə kalanɉonŋaa di hvo kɛa kɛi Abimelɛkə woo hon,

Samuɛlə dɔlɔɔ 16:14

Yai-Laa nwɔ Kilii ə kulɔ Saulə yəi, ə lɛɛ, Yai-Laa ə ɲįnɛ̨n vilɛn Saulə pulu, yɛ mɔ̨nɔ̨ɓo.

Samuɛlə dɔlɔɔ 18:10

Bulu ɓa yələ laa ɓoɔ, Yálá ə ɲįnɛ̨n da tɔɔ, ə hvilɛn Saulə pulu, hvo kɛi kɛa mɛ̨nį ta kɛ ɲəi bɛlɛ́n gbɔwɔ yee kɔ́ma. Davidə ə kɛi nwɔ gwɛnįn ɲɔw, yɛ bələi ə kɛi gɛ la a yələ takpɛliɠaa, Saulə nwɔ kpalai ə ɓo ɲee ŋą.

Samuɛlə dɔlɔɔ 19:9

Yálá ə ɲįnɛ̨n da tɔɔ, ə hvilɛn Saulə pulu. Saulə ə kɛ heni ɲəi bɛlɛ́n, nwɔ kpalai ə ɓo ɲəi, Davidə yaan, yɛ nwɔ gwɛnįn ɲɔw.