Tɔɔɓɛlaa dɔlɔɔ 22:17 - Yálá laawoo hɛɓɛ (dc)

¹⁷ Nąąlɔwai, Mise ə mo kɛa, yɛ diɛ: «Ŋą́ Israɛlə nuą kaa, di taɠa taɠa ɲeeɠaa ɓa, yɛ ɓɛlaaɠaai di mɛ̨imun və mą. Yai-Laa yɛ diɛ: ‹Di nąmu hvo kɛa diɛ, di pənə kani di li nu kəlee ə hee ɲəi bɛlɛ́ laaləi.›»

Yálá laawoo hɛɓɛ

¹⁷ Nąąlɔwai, Mise ə mo kɛa, yɛ diɛ: «Ŋą́ Israɛlə nuą kaa, di taɠa taɠa ɲeeɠaa ɓa, yɛ ɓɛlaaɠaai di mɛ̨imun və mą. Yai-Laa yɛ diɛ: ‹Di nąmu hvo kɛa diɛ, di pənə kani di li nu kəlee ə hee ɲəi bɛlɛ́ laaləi.›»

Bible

¹⁷ Mikâya è zu tòo, “Ŋa Eezuɛ kélee kâai dítaa-taa ǹyée-ŋai ma yɛ̂ɛ ƃála-ŋa ƃé dímɛi káa nuu fé ma. Yâwɛɛ è mò ǹyɛɛi, ‘Ǹûai ŋí mɛi káa-nuu fé ma. Tɔɔ núu tɛi-tɛi kélee é lí bɔ́-taai lii-sêe su.’ ”

Tɔɔɓɛlaa dɔlɔɔ 22:17 ပူးပေါင်းရင်းမြစ်များ

Tɔɔɓɛlaa dɔlɔɔ 22:16

Kɛlaa, tɔɔmun yɛ Mise ɓa: «Ə́ kaa bɔ ŋį́ kɛ yɛ́ ə́ kwɛla gee mɛ̨i yɛli Yai-Laa ɲɛ̨i ɓa, ə gɛ, ə́ tɛ̨ą ɓo mą́ą́?»

Azaya 13:14

Nąąlɔwai tii kɛa, nu kəlee kaa pai lii nwɔ nuą pɔ, nu kəlee yɛ pu yɛ li nwɔ lɔi pɔ pələ, diɛ laŋin yɛ lomąi di kaa gbɛi, yɛ taatɛlɛɛ kpului ɲąąkpɔn mun və mą.

Ɉeremi 28:8

Yálá kwəi mɛ̨nį hukulɔ nuąi di wɔ kólói kɛ, ɲą́ą́ gwa yɛ́ gu tɔwɔ, ə həɠə wɔlɔ-wɔlɔ ɓa, di mɛ̨nįɠaa ɓo yɛ hvilɛn lɔi tamąą da tɔɔlaa tamąą diɛ, di di lɛɛ kwɛa la, diɛ mo; kɔ́ mɛ̨nįɠaa, mąąwɛli mɛ̨nį, lɔi wolo ɲɔ̨n, mąą mɛ̨nį.

Ɉeremi 50:17

Israɛlə ə kɛ a ɓɛlaa haa lɛɛ gbɔwɔ ɓa, yalaɠaa hvilɛn ŋąą kɛ bulu, diɛ gbɛ. Asiri tɔɔmun aa gbɛa kɛ naa pɛlɛ mą, yili pulu, Babilonə tɔɔmun Nabukodonosorə ə gbəli mį́i kpɔ, ə ɉəli gɔw ɓa.

Ɉeremi 50:6

Nwɔ́ nuąi di kɛ kɛa yɛ, ɓɛlaaɠaai daa lan, di laa hɔn mo nuą daa kɛ di həɠə bələ mɛ̨i, diɛ li a diɛ di nwun ma, yeeɠaa ɓa, da həɠə yee yii mɛ̨i, də li yee kpukpu yii mɛ̨i, di pɛlɛ kili hvo kɛa di ŋą gála hu.

Izikiɛ 1:4

Ɲɛ̨́i ə lɛɛ laa, tulɔ hvaŋą ə kɛi həɠə ɲánwuɔ̨ pələ, tulɔ kpinįn ɉu wiaa da nwɔ̨n gɛnɛ̨, ɛlɛɛ, gwɛ́lɛ́ kəlee pɔ̨nɔ̨ɔ̨ kɛ a nwɔ̨n nə́n; ɛlɛɛ, nwɔ̨n tii hąą ə kɛ yɛ nwɔ̨n gbaalən gbɔluɔ tamąą da kɛi kulɔ nwɔ̨n tii hu.

Nahumə 3:18

Asiri tɔɔmun, ə́ wɔ ɲɛ̨i tɔwɔ nuąi kaa yii, ə́ wɔ kɔ́kulááɠaai di kaa lɔ kɛɛnąą tɔ̨nɔ̨, ə́ wɔ nuąi taɠa taɠaai ɲeeɠaa nwuɔ̨, nu hvo mą yii ə di lɛɠɛ di kee ɓa.

Zakari 10:2

Hvo gaai, haliɠaa daa hvaa, nu hvo ɲąą kaa li, ɛlɛɛ, dɔlu kpɛ nuą daa lɛ́ɛ́ tɔlu kpɛ, ɉįi nwooɠaai da ɉu kulɔ, nwun va kɛ mą, diɛ nuą lii laa woo ɓo, a di ɓowo pələ. Yili ɓə gɛi, nɔi lonnii daa lan, yɛ ɓɛlaa kpulu, di mąąwɛliɛ, gbala ə tɔɔ, di ɲąą kɔ́n nąn və mą.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Lonon mo 24:3

Yɛ kɛa nwooɠaai ŋɛ̨i ɓo; Yálá yee kɔ́nma yɛ kɛ mą: «Beɔrə lon Balaamə nwɔ tɔlu woo ka, Yai ŋɛ̨i a kwɛa la kaa, nwɔ tɔlu woo ka.

Lonon mo 24:4

Nui Yálá wooɠaa da too nwəlii nwoo ka, Mɛ̨nįɠaai Huwalawala Kəlee Nąmu Yálá a kɛ nɛi mą, gwɛlɛɛn gɛɛ kaa hu, hvo gbɔwɔ yee kɔ́n mą, a ɲɛ̨i laa ɓo yɛ di kaa, diɛ ka:

Lonon mo 27:17

Mąą nu yɛ li, yɛ pa, yɛ ɓo nuą ɲɛ̨i tɔwɔ, yɛ di lɔ, yɛ di kulɔ; ə gɛ, Yai-Laa nwɔ nu kpului hvo pa lɛɛ lɔ yɛ taatɛlɛɛi mɛ̨i kaa mun və mą.»

Maafîu 9:36

Yii kɛa Jesus ə nu kpulu kɛnɛ̨i tii kaa, di mąą wɛli ə ɉon. Mąąhɔlɔɓo, di kɛ pələ ə kɛ yɛ ɓɛlaaɠaai di pulu mun və mą, di hviikpɛɛ, di taɠa-taɠaa.

Markə 6:34

Ɓɛlɔwai Jesus ə kulɔ la gələn ɉu, ə nu kpulu kɛnɛ̨i tii kaa, di ɲɛ̨imąąwɛli ə ɉon. Mąąhɔlɔɓo, di kɛ pələ ə kɛɛ yɛ ɓɛlaa kpulu yii mɛ̨i kaa mun və mą. Ə di kalan a mɛ̨nį tamąą.

Samuɛlə dɔlɔɔ 9:9

Di kɛi wɔlɔ mo diɛ kɛ Israɛlə lɔi hu, nuą da kɛi li Yálá mąąnin gɛ, da kɛ diɛ: «Ka pa, ka gwə li gɛɛkaamun bɔ», mąąhɔlɔɓo Yálá kwəi mɛ̨nį hukulɔ mun mə di kɛi kɛ mą wɔlɔ kɛɛkaamun.