Tɔɔɓɛlaa dɔlɔɔ 22:15 - Yálá laawoo hɛɓɛ (dc)

¹⁵ Mise ə pa, ə həli tɔɔmun ma, tɔɔmun yɛ mą: «Mise! Akɛti, mąąnɛ̨ɛ̨ kwə li ku kɔ́ pɛlɛ Ramotə taa ɓa, yai gaa Galaadə, awala kɛ tii, ku lɛɛ ɓɛ? Yɛ́ lə?» Mise yɛ tɔɔmun mą: «Li! Ə́ yee kaa lii lɔi, Yai-Laa kaa lii taa tii tɛɛi nwɔ́ tɔɔmun bɔ.»

Yálá laawoo hɛɓɛ

¹⁵ Mise ə pa, ə həli tɔɔmun ma, tɔɔmun yɛ mą: «Mise! Akɛti, mąąnɛ̨ɛ̨ kwə li ku kɔ́ pɛlɛ Ramotə taa ɓa, yai gaa Galaadə, awala kɛ tii, ku lɛɛ ɓɛ? Yɛ́ lə?» Mise yɛ tɔɔmun mą: «Li! Ə́ yee kaa lii lɔi, Yai-Laa kaa lii taa tii tɛɛi nwɔ́ tɔɔmun bɔ.»

Bible

¹⁵ Báai, gâloŋ è marê kɛ̀, “Mikâya, kwa pɔri kɔ́ pɛlɛ̂i Lemɔ Gilia ma, kpaa máŋ ŋá ǹyée kúla zu?” È zu tòo ǹyɛɛi, “Kɔ́ tée, ƃa pâi díyee mɛi ɣalêi, kpɛ́ni fêi, Yâwɛɛ a pâi naa tɛɛ̂i gâloŋ pɔ́.”

Tɔɔɓɛlaa dɔlɔɔ 22:15 ပူးပေါင်းရင်းမြစ်များ

Tɔɔɓɛlaa dɔlɔɔ 18:27

Hvóló paa nwun ma, Eli ə kɛi yɛlɛ kulɔ di hu, yɛ kɛ diɛ: «'Ka tomą a ka nwąnąi, kɛlɛi yálá li-e! Mąą mɛ̨nįɠaa tamąąi, aa li kiɛ kɛɛnąą ta. Gaa li kiɛ pələ pɔ, a wala kɛ tii gaa kiɛ yíi. Hvo kɛi ka ɲį́nąąɓo.»

Tɔɔɓɛlaa dɔlɔɔ 22:12

Yálá kwəi mɛ̨nį hukulɔ nuą tii kəlee di kɛi mo tii, diɛ kɛ mą: «Li! Ə́ kɔ́ pɛlɛ Ramotə taa ɓa yai gaa Galaadə, ə́ yee kaa lii lɔi, Yai-Laa aa dɔɔmun tii lɔ ə́ yee ŋą.»

Tɔɔɓɛlaa dɔlɔɔ 22:16

Kɛlaa, tɔɔmun yɛ Mise ɓa: «Ə́ kaa bɔ ŋį́ kɛ yɛ́ ə́ kwɛla gee mɛ̨i yɛli Yai-Laa ɲɛ̨i ɓa, ə gɛ, ə́ tɛ̨ą ɓo mą́ą́?»

Tɔɔɓɛlaa dɔlɔɔ 4:13

Gɛvɛrə lon mə kɛ Ramotə Galaadə lɔi nwun na; ɛlɛɛ, Manase lon Yairə nwɔ taaɠaai di ɓo ɲee mu; diɛi kɛ Galaadə lɔi hu. Argɔvə lɔi kɛ Basan nɛ̨ŋɛ̨ lɔi hu, ɓɛi taa kpɛa kpɛaa pow mɛ̨ida ə kɛ laa, mąą tinɛ̨n ŋąą a hįi, kpon ə ɓo na, nwului da naa gbon bulu, ə ɓo a ɓala kwɛli. Gəlee di ɓo ɲee mu.

Tɔɔɓɛlaa veelɛ 3:13

Elise yɛ Israɛlə tɔɔmun mą: «Lə mɛ̨nį ɓə gwa yɛ́ gu lɔwai? 'Li ə́ nąn nwɔ Yálá kwəi mɛ̨nį ɓo nuąi pɔɔli a wala kɛ tii ə́ lee nwɛiɠaa.» Israɛlə tɔɔmun ə nwoo pulu pənə, yɛ mą: kpaa! Mąąhɔlɔɓo, Yai-Laa ə dɔɔɓɛlaa haaɓai ŋɛ̨i ɲąąkpɔn giɛ, di lɔ mɛ̨nį ɓa Moabə yee ŋą.

Kɔlɔnikɔ Veerɛi 18:14

Di pa, di həli tɔɔmun ma, yili yɛ Mise ɓa: «Mise! Akɛtii, kwa pɛli mɔ̨ɔ̨ lii ku kɔ́ pɛlɛ Ramotə ɓa Galaadə, awala kɛ tii, ŋį́ náá kulɔ ɉu?» Mise yɛ mą: «Ka li-o! Gɔ kaa kpɔ lii nɛ̨ɛ̨i kaa!»

Ikilisiati 11:9

Yɛ́i a nunwunu, ə́ wɔ nunwunulaa ɲąąnɛ̨ɛ̨ kulɔ, ə́ ɲąąnɛ̨ɛ̨ kulɔ nąąlɔwai. Yii kpɔ a nɛ̨ɛ̨ yɛ́, gɛ. Yii yá gaa a nɛlɛɛ, yili kɛ. Kɛlaa, ə́ kili lɛɛ ɉu a nɛlɛɛ, yɛ́ kɛ: Yálá kaa pai ə́ kɛ mɛ̨nįɠaa tii kəlee kiti teei.

Ɉeremi 37:17

Yili pulu, tɔɔmun Sedesiasə ə nu ta tɔɔ, diɛ li dəli; tɔɔmun ə mąąnin kɛ loo pələi, ɲəi bɛlɛ́n, yɛ mą: «Yai-Laa nwɔ wɛlɛɛ kaa ə́ la?» Ɉeremi yɛ mą: «Ee! Di kaa pai ə́ tɛɛi Babilonə tɔɔmun pɔ.»

Izikiɛ 13:6

Gɛɛi da gaa, gaa a lɛɛ, diɛ hvaa a nuą ɓowo pələ, a diɛi tii da kɛ diɛ: ‹Yai-Laa woo ka!› Ɛlɛɛ yaan, Yai-Laa hvo di tí li. Ɛlɛɛ da hee diɛ kɛ Yálá ə di woo pɔ mɛ̨nį kɛ.

Maafîu 26:45

Ə pənə ə pa nwɔ̨nɔ̨ nwɔ kalan nɛai pɔ, ə di kaa diɛ yii, yɛ diɛ: «Yii ɓə ŋɛ̨i nii ka káá moi kaa ka hviitɔɔi? 'Ka ka ɲɛ̨i hee tai, Nu Lon ɉon ɉii lɔwai aa ɉəli, ə gɛ, di dɛɛ nɛ̨ŋɛ̨n ɉəɠə nuą pɔ.

Nwun mąąɓo 10:14

Yili ɓa, ɉaliɠaai tii ka ɉəɠə, ka di kɛ a ka wɔ yáláɠaai, ka mo diɛ. Diɛ ɓə mąąnɛ̨ɛ̨ di ka kulɔ kpaan ɉu.»