Tɔɔɓɛlaa dɔlɔɔ 21:7 - Yálá laawoo hɛɓɛ (dc)

⁷ Akabə nɛ̨ą Ɉezabɛlə yɛ mą: «Kɛlɛi yɛ́ kpɔ ɓə Israɛlə lɔi ɲąąwooɓoi-ee! 'Ə́ muhəɠə ə́ kɔ̨nɔ̨n mįi, ə́ ə́ kwəinɛ̨ɛ̨. Ɲą́ą́ ɓə pai Izreɛlə mun Nabɔtə nwɔ viɲə yɛai tɛɛ ə́ pɔ.»

Yálá laawoo hɛɓɛ

⁷ Akabə nɛ̨ą Ɉezabɛlə yɛ mą: «Kɛlɛi yɛ́ kpɔ ɓə Israɛlə lɔi ɲąąwooɓoi-ee! 'Ə́ muhəɠə ə́ kɔ̨nɔ̨n mįi, ə́ ə́ kwəinɛ̨ɛ̨. Ɲą́ą́ ɓə pai Izreɛlə mun Nabɔtə nwɔ viɲə yɛai tɛɛ ə́ pɔ.»

Bible

⁷ Ŋɔnɛnîi Zɛsebɛɛ ǹyɛɛ m̀ai, “Bere ƃé ya tûa la ƃíai a Eezuɛ kaloŋ? Ímu siɣe í ílaa míi! Lii-nɛ̃ɛ kula. Ŋa pâi Zariɛɛ-nuui Nabo ŋɔkpɔmɔ kpâlaŋ sɔlɔ ƃôi ímɛni ma.”

Tɔɔɓɛlaa dɔlɔɔ 21:7 ပူးပေါင်းရင်းမြစ်များ

Samia Veerɛi 13:4

Yili ə mo Amnɔn ɓa yɛ mą: «Tɔɔmun non, lə ɓə kɛ yɛ́ yai ə́ kɔ́lɔ haa lɔ yɛ́ yələ wala pɔ kəlee? Mɛ̨nįi gaa yɛ́, mo mą́ą́.» Amnɔn yɛ mą: «Tamarə ŋɛ̨i a ną́n non Absalɔn mąąhala, ya ɓə nwɛli aa too mą́ą́.»

Tɔɔɓɛlaa dɔlɔɔ 21:6

Akabə yɛ mą: «Ŋį́ kɛ Izreɛlə mun Nabɔtə ɓa, ‹Ə́ wɔ viɲə yɛai tɛɛ bɔ́ ŋą́ ɲa, awala kɛ tii, ŋą́ viɲə yɛa takpɛli tɛɛ ə́ pɔ a bɔɔi.› Kɛlaa yɛ mą́ą́: ‹Hva pɛli nwɔ viɲə yɛai tɛɛi bɔ́.›»

Hanwon 30:31

Tɛ́ɛ́hilɛ ka, a haŋą a tɔɔ tɛ́ɛ́hááɠaa lɔwai; a wala kɛ tii ɓolu hilɛ. Ɛlɛɛ, tɔɔmun a kɛ nwɔ kɔlaɠai ɲɛ̨itɔwɔ.

Ikilisiati 4:1

Mɛ̨nį nwɔ̨nɔ̨i ŋą́ gaa yələkɔlɔn mu, kɛɛnąą tamąą ɓa, ya ka, ya ɓaa: Mɛ̨nį kpəlaan ŋąąi nuą da gɛ lɔi mɛ̨i. Nuą da kɛ mɔ̨nɔ̨ laai di ɓɛlaa mɛ̨i, yiliɠaai diɛ wɔlɔ di yəi, Kɛlaa, nu hva hɔlɔɓo hvo di mąą kpɔmąą ɓo. Ɉeemɛ̨i nuą tii ɓə huwalawala kaa di yəi, diɛ pɛli kpɔmąą kɛi, Kɛlaa, di tɔ̨nɔ̨ kpɛli hva kpɔmąą tɛɛ mɔ̨nɔ̨ mįi nuą tii pɔ.

Ikilisiati 8:4

Tɔɔmun vaa woo, gaa mɛ̨nį kəlee nwun mɛ̨i, ɛlɛɛ, nu ta hva kɛ mą: «Ə́ mo tii lə mɛ̨nį ɓa?»

Amɔsə 6:12

Akɛti, hoo a mɔ̨ɔ̨ gilɛ həɠə kwɛni kpuwuluɠaa mɛ̨i? Akɛti da mɔ̨ɔ̨ pɛli kɛɛ hii a gboloyá ŋąą? Lə mɛ̨nį ɓa, ka mɛ̨nį haŋąą mąąhvalin a pilimąą? Ɛlɛɛ, kaa tɛ̨ą mąąhvalin a nɛ̨ŋɛ̨n naa?

Mise 7:3

Di yee kaa lɔ mɛ̨nį ɲɔ̨n ɉu, nɔi ɲąąwooɓomun a gbɛa niiɓa hɛn vɛli, hvo tɛɠa kɛ mɛ̨nį ɓoi. Giti teemun yɛ nɔgwəi hɛn vɛli, galanɉon a pələ ɓo, ɉɛn ɲɛ̨i a kulɔ bɔ mąą mɛ̨nį ɓa.

Nwun mąąɓo 19:6

Da mɔlɔ di nu hveelɛi, di hee di kɔ̨nɔ̨n mįi, di di kpələ. Levi mun mɔlɔ yɛ mą: «Gɛ́ ə́ hvaa mą gu lɛɛ ni ɓɛ, ə́ yíi ɓɛ.»

Rutə 3:7

Boozə ə naa mįi, ə gbələ, gwəi ə nɛ̨ɛ̨, ə li ə laa gbai hįį ta kwɛlɛ; Rutə ə lɛɠɛ mą, ə ɉəɠə həɠə gɔwɔ mɛ̨i, ə laa.

Samuɛlə dɔlɔɔ 8:14

Gaa pai kɛi ka wɔ tííɠaa həɠəi, da ka wɔ viɲə yɛɛɠaa da ka wɔ olivə yɛɛɠaa nɛlɛɛɠaa həɠəi, yɛ di tɛɛ ɲee mu nuą pɔ.

Samuɛlə dɔlɔɔ 8:4

Israɛlə kalanɉonŋaa kəlee di di ɲąąkpɔn, di pa Samuɛlə pɔ Rama daai.