Tɔɔɓɛlaa dɔlɔɔ 21:3 - Yálá laawoo hɛɓɛ (dc)

³ Nabɔtə yɛ Akabə ɓa: «Yai-Laa ɲɛ̨i ɓa, yili hvo haŋą li, gɛ́ ną́nni kwɛlin ɉəɠə gɛ́ dɛɛ ə́ pɔ.»

Yálá laawoo hɛɓɛ

³ Nabɔtə yɛ Akabə ɓa: «Yai-Laa ɲɛ̨i ɓa, yili hvo haŋą li, gɛ́ ną́nni kwɛlin ɉəɠə gɛ́ dɛɛ ə́ pɔ.»

Bible

³ Kɛ́lɛ Nabo è mò ma ǹyɛɛi, “Yâwɛɛ fé mɛni a gɛ́ɛ ŋá ńâŋ-ni dípɔɔ-sɛŋ tɛ́ɛ ípɔ.”

Tɔɔɓɛlaa dɔlɔɔ 21:3 ပူးပေါင်းရင်းမြစ်များ

Zɛnɛse 44:17

Ɉosɛfə yɛ diɛ: «Kpaa-oo! Mąą hvo nɛ̨ɛ̨li və́ gɛ tii a kaa. Nui ŋɛ̨i di nwɔ́ kpələkɔwɔi kaa ɲəi míi hu, yaa lɔ ɓə lɛɛi ɓɛ a nwɔ́ luwɔ, kaa yiiɠaa tii, ka pənə ka li ka nąn bɔ.»

Zɛnɛse 44:7

Yiliɠaai di nwoo ŋąąpənə, diɛ mą: «Lə mɛ̨nį ɓa ka pɛli ka mɛ̨nį taaləi tii nwulu lɛɛ ku nwuɔ̨? Ku hva pɛli ku hvo mɛ̨nį taaləi tii kɛ.

Kɔlɔnikɔ Maa-ŋuŋ 11:19

Yɛ mo woo ɓa: «Yai-Laa ə gíhíɓo gɛ́ li tɔɔi gɛ́ ɲái ŋɛ̨i kpələ; ɲái ŋɛ̨i hvo mɔ̨ɔ̨ a nuąi li ɉaɠai di ɲąmą, a diɛi niikpələ taa ləi ŋɛ̨i kulɔ?» Hvo gɛ hvo ɲái tii ta kpələ. Mɛ̨nįi gɔ́kuláá haaɓai tii di gɛ, yaa li.

Zôo 27:5

Akɛ ŋį́ tɛ̨ą tɛɛ ka pɔ, kpalo ə ɓɛla mą́ą́, ə lɛɛ ɉu nɔ́w ə kpɛɛ ɉú, ŋį́ mo gɛ́ hɔn və mą́ą́.

Izikiɛ 46:18

Mąą hvo nɛ̨ɛ̨li, dɔɔmun və nɔi lonnii di wɔ lɔi ta həɠə a toomɛ̨i; gbɔwɔ lɔi ɓə a nonnii kɔ́ ɉu, a kɛ ti, di hva nwɔ́ lɔi hu mun da həɠə nwɔ lɔi mɛ̨i.»

Levetekɔ 25:23

«Ka lɔi tɔlaa hee nu ta ɓa, mąą hvo nɛ̨ɛ̨li dɔlaa hvo haa. Mąąhɔlɔɓo, lɔi kaa a nwɔ́ɔ́, ka káá lɔ nwɔ́ lɔi tii mɛ̨i yɛ nwɛ̨ą, yɛ tɛɛ nuą.

Lonon mo 36:7

Yili a kɛ tii, nɔiɠaai di ɲąąkwɛlɛ ka lɔwai, hva kulɔ huwu ta yəi hvo li da kpɛli pɔ; əgɛ, huwu kəlee kwɛlin ə lɛɛ ɲəi.

Lonon mo 36:9

Yili a kɛ tii, nɔi tɔ̨nɔ̨i tii hva həɠə ɉuwu yəi, hvo li ɉuwu yii pɔ. Nu kəlee nwɔɔ a lɛɛ ɲəi, yɛ bələi di nąnni di ɉɔlɔɓo la.»

Lomaŋ 3:31

Akɛti laa na laa mąą mɛ̨nį ɓa, gwa pɛli moɔ ɓɛlɛ kpɛɛi dɔ́n mą? Gɛ́ diɛ: Kpaa-o! Yaamun, laa na laa ɓə a dɔ́n mɛlɛ leelee kɛ mą.

Lomaŋ 3:4

Gɛ́ diɛ: Kpaa-o! Hvɛɛ nu kəlee ə Yálá kɔlɔn a tɛ̨ą nąmu. Ə mą kɛ nu kəlee kaa a lɛɛ kɛ nuą, yɛ bələi Ɉɛɓɛ́ hu woo kaa moi la, yɛ kɛ: «Hvo kɛ li nuą di ə́ wɔ tələnmolaa kɔlɔn ə́ hvaa woo hu, Yɛ́ kiti woo mąąkulɔi hvo mą.»

Lomaŋ 3:6

Gɛ́ diɛ: Kpaa-o! Akɛ yili kaa tii, Yálá kaa pai kan yɛnɛ̨ɛ̨ kiti tee pələ kɛi ləi?

Lomaŋ 6:15

Akɛti mąąnɛ̨ɛ̨ kɛa guɔ nɛ̨ŋɛ̨n ɉəɠə mun mąąhɔlɔɓo, gu hvo kɛa tɔ́n mu gu kaa Yálá nwɔ mɛ̨inɛ̨ɛ̨ mu? Gɛ́ diɛ: Kpaa!

Lomaŋ 6:2

Gɛ́ diɛ: Kpaa! Akɛ gwaa haa nɛ̨ŋɛ̨n ma, gwa pɛli nwɔ̨nɔ̨ yɛnɛ̨ɛ̨ kɛ pələ kɛi ləi nɛ̨ŋɛ̨n Ɉu?

Lomaŋ 7:13

Akɛti, ɉɛn nɛlɛɛi ŋɛ̨i, aa kɛ a báá hɛn? Kpaa-o! Ya hvəə, nɛ̨ŋɛ̨n mə gɛ, gɛ́ kɛ a haa mun. Bələi kpɔ nɛ̨ŋɛ̨n nwɔ kɛ pələ kaa la, aa yili kulɔ ponoŋą. Ɉɛn kɛ nɛlɛɛ aa ɉəɠə aa gɛ a báá hɛn. Bələ ɓə nɛ̨ŋɛ̨n ə kɛ la a hɛn yii ɲɔ̨nwɔ̨ɔ̨ dɛɛ gɛi ɓa tɔ́n nwɔ liɛwoo pɔ.

Lomaŋ 7:7

Yili mukulaa ɓaa a lə? Akɛti, tɔ́n gaa mɔ̨ɔ̨ a nɛ̨ŋɛ̨n? Kpaa-o, tɔ́n və a nɛ̨ŋɛ̨n. Kɛlaa, dɔ́n mə nɛ̨ŋɛ̨n nɛ mą́ą́. Yili ɓa, və́ kɛli pa ɲɛ̨i kulɔ bɔ kɔ́lɔn ɉii akɛ dɔ́n və kɛ diɛ: 'Hvó ɲɛ̨i kulɔ bɔ kɛ.

Korɛntə dɔlɔɔ 6:15

Ká hvo gɔlɔn káá: Ká kpįnį kaa a Kristə tɔɔ-tɔɔiɠaa Akɛ yili kaa tii, lə mɛ̨nį ɓa ŋą́ Kristə tɔɔ-tɔɔi tii həɠə gɛ́ gɛ a wɛlikɛ hɛn? Gɛ́ mą: Kpaa-o!

Galatə 6:14

Nwɛ́i, ŋą́ kɛ ŋą́ gbɔ́wɔ́ ɲąą kɛnɛ̨, ŋą́ gbɔ́wɔ́ ɲąąkɛnɛ̨ gu Ną́mu Jesus Kristə nwɔ kolowaai mąą mɛ̨nį hu. Kristə nwɔ kolowai háálai, ŋą́ą́ haa yɛnɛ̨ɛ̨ ɲɛ̨i ɓa, yɛnɛ̨ɛ̨ aa haa ɲɛ̨́i ɓa.

Zasua 22:29

Yálá ə ku kihiɓo, kuɔ li ku kwɛli teei Yai-Laa ɓa, ɛlɛɛ, kuɔ ku pulu tɔɔ háákələi Yai-Laa ɓa, kuɔ haláá kulɔi takpɛli pɛli, ɓɛi da haláá yii da gəlee kələn da liilaa haláá kulɔ laa; ə kulɔ Yai-Laa gu wɔ Yálá nwɔ haláá kon mɛ̨i pulu, yaai gaa heeni nwɔ pɛ́lɛ́i laaləi.»

Zasua 24:16

Israɛlə lonnii di Ɉosue woo pulu pənə, diɛ mą: «Ə hvóló kuɔ, kuɔ kɛ ku kaa həɠəi Yai-Laa pulu, kuɔ tí haliɠaa diɛ!

Samuɛlə dɔlɔɔ 12:23

Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.

Samuɛlə dɔlɔɔ 24:6

Kɛlaa, yili pulu, Davidə lii ə kulɔ ma, mąąhɔlɔɓo, aa kɛ Saulə nwɔ həɠəi ta tee mą.