Tɔɔɓɛlaa dɔlɔɔ 21:2 - Yálá laawoo hɛɓɛ (dc)

² Akabə yɛ Nabɔtə ɓa: «Yɛ́ viɲə yɛai ŋɛ̨i tɛɛ bɔ́ ŋą́ gɛ a nɔw yɛa. Mąąhɔlɔɓo, nąą lɛɠɛɛi nwɔ́ pɛ́lɛ́i ɓa. Ɛlɛɛ, ŋą́ viɲə yɛa takpɛli tɛɛ ə́ pɔ, nɛlɛɛ dɛɛ yii tii ɓa. A wala kɛ tii, yá hvaa nwɔ̨nɔ̨ mą, ŋą́ ɉɔ̨nwɔ̨ tɛɛ ə́ pɔ a wali.»

Yálá laawoo hɛɓɛ

² Akabə yɛ Nabɔtə ɓa: «Yɛ́ viɲə yɛai ŋɛ̨i tɛɛ bɔ́ ŋą́ gɛ a nɔw yɛa. Mąąhɔlɔɓo, nąą lɛɠɛɛi nwɔ́ pɛ́lɛ́i ɓa. Ɛlɛɛ, ŋą́ viɲə yɛa takpɛli tɛɛ ə́ pɔ, nɛlɛɛ dɛɛ yii tii ɓa. A wala kɛ tii, yá hvaa nwɔ̨nɔ̨ mą, ŋą́ ɉɔ̨nwɔ̨ tɛɛ ə́ pɔ a wali.»

Bible

² Ɣele tɔnɔ da Eɣa è mò Nabo ma ǹyɛɛi, “Íkpɔmɔ kpâlaŋ tɛ́ɛ ḿbɔ ŋá naa kɛ́ a ŋásûa, kpɛ́ni fêi, gáa ŋákâloŋ pɛrɛ kɛ́tɛi kɔlɛ ma. Ŋa pâi kpɔmɔ kpâlaŋ lɛ́lɛɛ tɛɛ̂i ípɔ a bɔɔ-ŋa tòo é tɛ́ɛ nyíŋi ma, kpaa máŋ ƃa kɛ̀ ŋ̀wɛ̂lii, ŋá zɔ̃ɔ tɛ́ɛ ípɔ a sɛŋ-kao ŋa pâi gɛ̂i tí.”

Tɔɔɓɛlaa dɔlɔɔ 21:2 ပူးပေါင်းရင်းမြစ်များ

Zɛnɛse 16:6

Abramə ə nwoo ŋąąpənə, yɛ mą: «Ə́ wɔ luwɔ nɛ̨ą li, gaa ə́ yee mu, yii a nɛɛ yɛ́, gɛ́ la.» Nąąlɔwai, Sarai ə nwɔ luwɔ nɛ̨ą Hagarə laanɔ̨nwɔ̨ ɓo kpɔ kɛnɛ̨, yili ə pu, ə li nɔi pun ɉu.

Zɛnɛse 3:6

Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Tɔɔɓɛlaa dɔlɔɔ 21:3

Nabɔtə yɛ Akabə ɓa: «Yai-Laa ɲɛ̨i ɓa, yili hvo haŋą li, gɛ́ ną́nni kwɛlin ɉəɠə gɛ́ dɛɛ ə́ pɔ.»

Tɔɔɓɛlaa dɔlɔɔ 21:6

Akabə yɛ mą: «Ŋį́ kɛ Izreɛlə mun Nabɔtə ɓa, ‹Ə́ wɔ viɲə yɛai tɛɛ bɔ́ ŋą́ ɲa, awala kɛ tii, ŋą́ viɲə yɛa takpɛli tɛɛ ə́ pɔ a bɔɔi.› Kɛlaa yɛ mą́ą́: ‹Hva pɛli nwɔ viɲə yɛai tɛɛi bɔ́.›»

Tɔɔɓɛlaa veelɛ 9:27

Yili nąą kaai Ɉuda tɔɔmun Akaziasə ə mo, ə tɛɛ a gilɛ, ə li Bɛtə-Gan pələ. Kɛlaa, Ɉehu ə hvilɛn bulu, yɛ diɛ: Ka yaa kpɛli mąn baa! Di Akaziasə lɛɛ nwɔ wotoloi hu di ɉaɠa Gurə yee ɓa Yivleamə kwɛlɛ. Ə pa Megido, ə haa laa.

Lɛɛ gbɔwɔ ɓa 20:17

«'Ə́ ɲɛ̨i hvo kulɔ ə́ ɓɛlan gaalon nwɔ pɛ́lɛ́i pɔ, ə́ ɲɛ̨i hvo kulɔ nɛ̨ą pɔ, ə mą kɛ, a nwɔ luwɔ hilɛ da nwɔ luwɔ nɛ̨ą; ə kɛ a nwɔ nįŋɛ̨, ə mą kpɛli kɛ a nwɔ hoo hvaalən. Ə́ ɲɛ̨i hvo kulɔ ɲəi hɛn lɔpee ta pɔ.»

Ikilisiati 2:5

Ŋą́ hihɛn ɲɛɛɠaa laa, wului a ɓa, ŋą́ ɉuwu kəlee ta hin ɉu.

Wɛli 4:15

Gaa a nɔw yɛa yáton, a tɛɛ yá lon nwun gulɔi, yii a həɠə Liban.

Ɉeremi 22:17

Tɔnɔ mɛ̨nį lɔ ɓə ə́ ɲɛ̨i pɔ, da ə́ kili pɔ, da kwəi kwələ mun ɲąmą pu mɛ̨nį. Yɛ́ túwɔ́ a wea pələ da kɛɛ kala pələ.

Lukə 12:15

Yili pulu, ə mo nuą kəlee diɛ, yɛ diɛ: «Ka gɛ a nɛlɛɛ, ka ka kpɔɔ mɛ̨i kaa, hɛn nwɛli laa mąą mɛ̨nį ɓa. Mąąhɔlɔɓo, hɛn gɔw hvəə a nu nwɔ ɲɛnɛ̨ɛ̨ mąą kɔ́nwɔ̨.»

Dutɛrɔnome 11:10

A tɛ̨ą! Nɔi tii ka káá lii ɉɔlɔɓoi a ka wɔɔ, hvo yɛ bələi Eziptə lɔi ka kulɔ ɉu, gaa la. Ka kɛɛ Eziptə lɔi hu, ka kɛi tíi kɛ kaa yá pu mą yɛ a kɛ lɔ a nɔwu yɛa.

Dutɛrɔnome 5:21

«'Hvó ə́ ɲɛ̨i kulɔ ə́ ɓɛlan gaalon nɛ̨ą pɔ, hvó ə́ ɲɛ̨i kulɔ nwɔ pɛ́lɛ́i pɔ, da nwɔ tíiɠaai, nwɔ luwɔ hinąą, da nwɔ luwɔ nɛ̨ąą, da nwɔ nįŋɛ̨ɠaa, a wala kɛ tii nwɔ hoohvaalənŋąą, da ɲəi hɛn lɔpee ta.»

Timote dɔlɔɔ 6:9

Yii ɓaa nuąi diɛ di kɛ a hɛn gɔw nąmįną, diɛ ɓə da too ɲąąhɛn mɛ̨nį ŋą hɛlɛn ɲą, kilikpɛɛɲəi, hɛn nwɛlilaa tamąą, da di kpɔwɔ kala mɛ̨nįɠaa, mɛ̨nįɠaa tii ɓə da nu kanŋaa lɔ di kala mɛ̨nį hu, da di nwun napili mɛ̨nį.

Samuɛlə dɔlɔɔ 29:6

Akisə ə Davidə təli, yɛ mą: «Yai-laa Yálá hvulúmąą laa hu, nu haŋąą ɓaa yɛ́. Gwə́i nɛ̨ɛ̨ mɛ̨nį ɓa gwa yɛ gwəli gɔ́ ɓa, mąąhɔlɔɓo, və́ mɛ̨nį ɲɔ̨n gaa li ə́ yee pɔ. Yii kpɔ ə́ pa bɔ́, ə lɛɛ ɉu háákələi hvóló a həli. Kɛlaa, ə́ wɛli hvo nɔi nwun nąmįną diɛ.

Samuɛlə dɔlɔɔ 8:14

Gaa pai kɛi ka wɔ tííɠaa həɠəi, da ka wɔ viɲə yɛɛɠaa da ka wɔ olivə yɛɛɠaa nɛlɛɛɠaa həɠəi, yɛ di tɛɛ ɲee mu nuą pɔ.

Samuɛlə dɔlɔɔ 8:6

Nwooi tii ə nwąną Samuɛlə ɓa, di kɛ mɛ̨nį ma tɔɔmun dɛɛ ku pɔ, yɛ ku ɲąąwooɓo. Ə lɛɛ Samuɛlə ə Yai-Laa hvɛli,