Tɔɔɓɛlaa dɔlɔɔ 20:6 - Yálá laawoo hɛɓɛ (dc)

⁶ Tinąą, ɓɛlɔwai, ŋą́ nuą tɔɔ ə́ pɔɔli, di ə́ yəi bɛlɛ́n ɉɛnŋąą kəlee həɠə, di nąą kpoloon, ə mą kɛ ə́ wɔ luwɔɠaai di wɔ pɛlɛ́ɠaa. Hɛn kpɔ ə́ wɔɔ kiliŋąhiɛ kaa mą ə́ yəi bɛlɛ́n, da tinąą gəlee həɠə.»

Yálá laawoo hɛɓɛ

⁶ Tinąą, ɓɛlɔwai, ŋą́ nuą tɔɔ ə́ pɔɔli, di ə́ yəi bɛlɛ́n ɉɛnŋąą kəlee həɠə, di nąą kpoloon, ə mą kɛ ə́ wɔ luwɔɠaai di wɔ pɛlɛ́ɠaa. Hɛn kpɔ ə́ wɔɔ kiliŋąhiɛ kaa mą ə́ yəi bɛlɛ́n, da tinąą gəlee həɠə.»

Bible

⁶ Kɛ́lɛ tínaa ƃa ŋ̀elei ŋí. Ŋa pâi ŋátii kɛ́-ƃela kpaya-kpayai tɛɛ̂i ípɔ-naa a gɛ́ɛ dí íkâloŋ-pɛrɛ kɛ́tɛi mu kɔ́ri da ítii kɛ́-ƃela kpaya-kpayai díwɔ̂-ŋai mu. Da pâi káyee ŋá sãa mɛni kpanaŋɔɔ-ŋai kélee siɣêi dí lí la.’ ”

Tɔɔɓɛlaa dɔlɔɔ 20:6 ပူးပေါင်းရင်းမြစ်များ

Zɛnɛse 27:15

Yili pulu, Rebeka ə non Esau nwɔ həɠəi tɔ̨nɔ̨ həɠə, yii kpɔ tii kɛ nɛlɛɛ, yɛ ɓo bɛlɛ́n, ə doo Ɉakɔbə kwaną.

Samia Veerɛi 24:14

Davidə yɛ Gadə ɓa: «Liihɛlɛn gɛnɛ̨ aa too mą́ą́. Ɲą́ą́ mun nɛ́ɛ́ kpɔ Yai-Laa yəi ə ɉútɔɔ, yili hviɛlaɓoɔi ə dɛ́ɛ́ nu takpɛliɠaa pɔ diɛ ɉútɔɔ, mąąhɔlɔɓo, Yai-Laa nwɛi, a nu ɲɛ̨imąąwɛli kaa.»

Tɔɔɓɛlaa dɔlɔɔ 20:5

Gɛlaɠaa di pənə nwɔ̨nɔ̨ di pa a veelɛnąą, diɛ mą: Tɔɔmun Bɛn-Hadadə yɛ: «Ə́ wɔ hɛni, ə́ wɔ wali, da ə́ nɛ̨ąni, ə mą kɛ ə́ lonnii, di tɛɛ bɔ́.

Tɔɔɓɛlaa dɔlɔɔ 20:7

Israɛlə tɔɔmun ə nɔi nu kpɛa kpɛaa kəlee ŋąąkpɔn, yɛ diɛ: «Mɛ̨nį ɲɔ̨n ɉulɔnui ŋɛ̨i kaa gwɛ́lii la, kaa gaa? Aa nɛ̨́ąni, nónnii, nwɔ́ waliɠaa da ɉɛniɠaa gəlee həɠə.»

Ɛsdrasə 8:27

da kpələ kɔ́wɔ pow hveelɛ (20) a hɛni, yii ɉɔ̨nwɔ̨ a pɛli kɛi a wali kwələ waa tɔ̨nɔ̨ (1000). Ɓala kwɛli hɛɲąŋą hveelɛ, da hɛni di ɓɛlɛ pɛliɛ.

Azaya 44:9

Hali pɛli nuą kəlee kaa lɔ a nu kpɛli kpɛliɠaa, ɉaliɠaai tii a di lííɓa hɛn, di tɔlɔ lɔpee hvo diɛ, ɉɛn di kilitɔɔ mą, hva mɛ̨nį kpaɠala kaa, yili mąą mɛ̨nį ɓa, nwumɛ̨ kaa pai tɛi diɛ.

Ɉeremi 25:34

Taatɛlɛɛ mɛ̨i kaa nuą! Ka gboo təli! Ka nu kwɛli kaa! Taatɛlɛɛ tɔɔ nuą, ka too nɔi ɓa, ka kiliɠilin; ka nwun deei lɔwai aa həli, di kaa pai ka ɲąąkwɛlɛi, kaa too yɛ haláá kulɔ ɓɛlaa hilɛɠaa.

Woolaa 1:10

Ɲowoɠaa daa ɲəi hɛn gɔw kəlee həɠə. Ɉerusalɛmə kpįnįi, ɲɛ̨i aa lɛɛ ɲowoɠaa diɛ, diɛ lɔ gɛɛnąą mąąhəɠɛɛ ɓa, ɓɛi ə́ tɔ́n dɔɔ mą nu takpɛliɠaa lɔ mɛ̨ni ɓa laa!

Woolaa 1:7

Ɉerusalɛmə aa giliŋąhiɛ, nwɔ mɔ̨nɔ̨ mįi hvólóɠaa hu, tɔlɔɔ tɔlɔɔ yələ, mąąwiɛ ə kɛ mą! Ɓɛlɔwai di yowoɠaa di kɛi ɉu nuą paa la, nu ta hvo kɛi hɔlɔɓo hvo kpɔnmąą tɛɛ di pɔ, diɛ yɛlɛ mą.

Osia 13:15

Ɛfraimə ə mą kɛnɛ̨ nąn nonnii lɔwai, hvóló kulɔi pələ hvaŋą kaa pai, Yai-Laa nwɔ hvaŋąi, yai həɠəi gbali kələn ŋąą hu pələ, yɛ ɲá nwun gulɔi hu kpala, ya yɛ kpala yálɔwa hu, yɛ nɔi kala, da ɉu hɛn gɔwɠaa.

Zooɛ 3:5

Nuą kpɔ pai di woo tɛi Yai-Laa ɓa, a di nwun mąąɓo. Mąąhɔlɔɓo, nu kpəli wolo kaa pai lɛɛi, Ɉerusalɛmə, Siɔn yee nwuɔ̨ yɛ bələi ə naakwɛlanmo la diɛ. Nuąi Yái-Laa kaa pai di təli, di kaa pai lɛɛ nu húlumąąɠaa lɔwai.