Tɔɔɓɛlaa dɔlɔɔ 20:34 - Yálá laawoo hɛɓɛ (dc)

³⁴ Bɛn-Hadadə yɛ mą: «Daaɠaai ną́n ə ɉəɠə ə́ nąn ɲəi, pənə ə́ gəlee həɠə. Ya pɛli ə́ ə́ wɔ lɔwɔ́tɔɔ pɛlɛ́ɠaa tɔɔ Damasə, yɛ bələi ną́n ə kɛi gɛ la Samari.» Akabə yɛ mą: «Mįnɛ̨i ŋɛ̨i gwa yɛ́ gu kaa ɉəɠəi, ɉaalai, gáá ə́ lɛɛi laa ə́ li.» Bɛn-Hadadə da Akabə di mįnɛ̨ həɠə, ə nɛɛ laa ə li.

Yálá laawoo hɛɓɛ

³⁴ Bɛn-Hadadə yɛ mą: «Daaɠaai ną́n ə ɉəɠə ə́ nąn ɲəi, pənə ə́ gəlee həɠə. Ya pɛli ə́ ə́ wɔ lɔwɔ́tɔɔ pɛlɛ́ɠaa tɔɔ Damasə, yɛ bələi ną́n ə kɛi gɛ la Samari.» Akabə yɛ mą: «Mįnɛ̨i ŋɛ̨i gwa yɛ́ gu kaa ɉəɠəi, ɉaalai, gáá ə́ lɛɛi laa ə́ li.» Bɛn-Hadadə da Akabə di mįnɛ̨ həɠə, ə nɛɛ laa ə li.

Bible

³⁴ Bɛŋ-Ada è mò ma ǹyɛɛi, “Ŋa pâi daa-lêe-ŋai tɛɛ̂i pôlu ípɔ nyíi ńâŋ è wɔ́lɔ gùla ínâŋ yêei. Ƃa pɔri íkpɔɔi lɔɔ-kpalaŋ láa ƃôi Dɛmɛika kpiniŋ su yɛ̂ɛ berei ńâŋ è wɔ́lɔ gɛ̀ la Sameriai.” Eɣa è mò ma ǹyɛɛ, “À kɛ̀ kwa yá kwa mɛni kpɛtɛɛ kɛ̀ kúloai, ŋa pâi íŋuŋ ma ƃôi ŋá ílɛɛ naa í lí.” Nya ƃe da ǹyaa dí mɛni kpɛtɛ díkîe-ni loai é nɛ̀ɛ naa é lí.

Tɔɔɓɛlaa dɔlɔɔ 20:34 ပူးပေါင်းရင်းမြစ်များ

Tɔɔɓɛlaa dɔlɔɔ 15:20

Tɔɔmun Asa woo tii ə nɛ̨ɛ̨ Bɛn-Hadadə ɓa. Ə nɛɛ mą, ə nwɔ kɔ́kulááɠaa tɔɔ, di kɔ́ pɛlɛ Israɛlə taaɠaa diɛ, di Iyɔn, Dan, Avɛlə-Bɛtə-Maaka kɛlɛ, da Kinerotə taa kəlee, da ɓɛi kpɔ kɔ́ kɔ́ kwɛli hɛn ə kɛ laa Nɛftali.

Tɔɔɓɛlaa dɔlɔɔ 20:33

Bɛn-Hadadə nwɔ nuąi di gaa, diɛ Akabə aa ɲɛ̨i lɛlɛɛ hee diɛ, di di mąąhulɔ, ə gɛ, di Akabə hon nwoo hu, diɛ mą: «Bɛn-Hadadə kaa a ə́ nąn non?» Akabə yɛ diɛ: «Ka li ka mo Bɛn-Hadadə ɓa, ə pa.» Bɛn-Hadadə ə pa ə həli Akabə ɓa, Akabə ə dɛ ə ɉee nwɔ wotoloi hu.

Tɔɔɓɛlaa dɔlɔɔ 20:42

Yili yɛ mą: «Mɛ̨nįi Yai-Laa ə mo ya ka: Yii nui ŋɛ̨i ŋą́ doo ə́ yəi, gɛ́ ə́ baa, yáá nɛɛ laa, yɛ́ ɓə ə́ kaa lɛɛi a nąą hɛn, nwɔ nuąi kɛi pa haai, di mąąhvalin maa ə́ wɔɔ nuąi.»

Tɔɔɓɛlaa dɔlɔɔ 22:31

Yaan, Aramə tɔɔmun nwɔ kɔ́kuláá pow haaɓa kɔ́w hveelɛi ŋɛ̨i kɛ nwotoloɠaa hu, ə mo diɛ yɛ diɛ; Lii ka káá moi, ka mo gɔ́kuláá pɛlɛɛɠaa diɛ, ə mą kɛ gbɛa kpɛa. Ka wolo lɔ Israɛlə tɔɔmun ma.

Kɔlɔnikɔ Veerɛi 16:4

Bɛn-Hadadə ə hvaa Asa woo ɓa, ə nɛɛ mą ə nwɔ kɔ́kuláa nwun nąmįną tɔɔ, di kɔ́ pɛlɛ Israɛlə taaɠaa diɛ. Di Iyɔn, Dan da Avɛlə-Maimə hon, di bɛlɛ ɓɛi kpɔ, kɔ-kɔ kwɛli hɛnŋąą kaa laa Nɛftali taaɠaa hu.

Kɔlɔnikɔ Veerɛi 18:30

Ɛlɛɛ yaan, Aramə tɔɔmun ə mo nwɔ kɔ́-wotolo nąmįnąi diɛ, yɛ diɛ: «'Ka hvo pɛlɛ kuláa ta lɔpee ɓa, ə kɛ a yala kɛnɛ̨ nąmu, ə kɛ a yala logolo nąmu; kɛlaa Israɛlə tɔɔmun nɔ ɓə ka pɛlɛ mą.»

Azaya 26:10

Kɛlaa, da kɛi nu ɲɔ̨nwɔ̨ɔ̨ mąąwɛli kaa, hva tələnmo yíi mąąkwɛli; ə mą kɛ, tɛ̨ą lɔi hu ɓə, a mɛ̨nį ɲɔ̨n gɛ lɔ laa, ɛlɛɛ, hva Yai-Laa nwɔ mąąwiɛ kaa.

Azaya 8:12

«Mɛ̨nii lɔpee nu huwui ŋɛ̨i a kɛ mą: ɲaba lɔ mɛ̨nį, ka hvo kɛ mą ɲaba lɔ mɛ̨nį, mɛ̨nįi da ɲɔw mą, ka hvo ɲɔw yili ɓa, hvo ɲinɛ̨n ɲinɛ̨n doo ka hu.»

Dutɛrɔnome 7:2

ɲələi Yai-Laa ka wɔ Yálái kaa pai di lɔi la ka yee ŋą, kaa di hon kɔ́ hu, mąąnɛ̨ɛ̨ ka gəlee paa kpɔ tɛ̨ɛ̨tɛ̨ɛ̨. Ka diɛni ka hvo wɛlikɛmąą mįnɛ̨ həɠə, ka hvo di ɲɛ̨imąąwɛli kaa.

Samuɛlə dɔlɔɔ 11:1

Nahasə, Amɔn mun ə kɔ́ pɛlɛ Yavɛsə taa ɓa Galaadə lɔi hu. Di daa mąątínɛ̨n a gɔ́ laɠa, Yavɛsə nuą kəlee diɛ Nahasə ɓa: «Gu too nɛ̨ɛ̨laa hu, ku lɛɛ ə́ yee mu.»

Samuɛlə dɔlɔɔ 15:8

Ə Amalɛkə tɔɔmun Agagə hon a vulú; ə nu kpəliɠaa kəlee paa di lɛɛ a kɔ́ kɔ́ ɓɔwa kɔ̨nɔ̨n.

Samuɛlə dɔlɔɔ 15:9

Kɛlaa, Saulə da nwɔ nuąi di Agagə lɛɛ a vúlu; ə mą kɛ, daatɛlɛɛ kpɛa-kpɛa da bɛlɛɛɠaa, yiiɠaa kɛ di yolaa. Mɛlaa lonnii yiiɠaa kpɔ kɛ ɉu a nɛlɛɛ di hvo gɛ di hvo gəlee paa. Kɛlaa, yiiɠaa kɛ di kpala-kpalaa diɛ lɔ ɓə di di paa.