Tɔɔɓɛlaa dɔlɔɔ 20:30 - Yálá laawoo hɛɓɛ (dc)

³⁰ Nuąi yiiɠaai pu, di li di mąąkilɛi Afɛkə, daa mąąkpɛ hį́i ə pu di mɛ̨i, nuą tii, di kɛ a nu waa pow hveelɛ kɔ́w mɛ̨ihveelɛ. Yii ɓaa Bɛn-Hadadə nwɛi, ə pu, ə tɛ taai, ə li ə mąąkilɛ pɛlɛ́ lon da mu.

Yálá laawoo hɛɓɛ

³⁰ Nuąi yiiɠaai pu, di li di mąąkilɛi Afɛkə, daa mąąkpɛ hį́i ə pu di mɛ̨i, nuą tii, di kɛ a nu waa pow hveelɛ kɔ́w mɛ̨ihveelɛ. Yii ɓaa Bɛn-Hadadə nwɛi, ə pu, ə tɛ taai, ə li ə mąąkilɛ pɛlɛ́ lon da mu.

Bible

³⁰ Diai dífe dípàa níi, dí pù dí lí Afɛ taa-lêei su. Daa-lêei ŋɔgalai è wòlo é pú dímɛi é núu wála buu feerɛ káo lɔ́ɔlu mɛi feerɛ páa. Bɛŋ-Ada è pù é lí daa-lêei su é nòo pɛ́rɛ da ŋɔloŋpo su daa-lêei sâmai.

Tɔɔɓɛlaa dɔlɔɔ 20:30 ပူးပေါင်းရင်းမြစ်များ

Samia Veerɛi 18:8

Gɔ ə taɠa taɠa kɛa nɔi nąą kəlee. Mąą yələi tii, nuą lan nwɛla hu, di kpulu ə kɛnɛ̨ ə tɛɛ yii ɓɔwa ə baa ma.

Tɔɔɓɛlaa dɔlɔɔ 20:10

Bɛn-Hadadə ə pənə nwɔ̨nɔ̨ ə di tɔɔ, yɛ diɛ, ka li kaa mą: «Yiihui, Samari lɔi a wala wolo nąą hvo lɛɛ a muluun gbala, ną́nni di wɔ haliɠaai di báá.»

Tɔɔɓɛlaa dɔlɔɔ 20:20

Nu tɛi tɛi ə nwɔ nu paa; tɔɔmun Bɛn-Hadadə da nwɔ kɔ́kulááɠaai di pu, Israɛlə lonnii di hvilɛn di pulu. Aramə tɔɔmun Bɛn-Hadadə ə tɛ nwɔ hooi mɛ̨i ə pu, da hoo nąmįną takpɛliɠaa.

Tɔɔɓɛlaa dɔlɔɔ 20:26

Gwɛlan tii tɛɛ pulu, lɔ nwɔ̨nɔ̨ a nąąlɔwai, Bɛn-Hadadə ə nwɔ kɔlaɠai ɲąąkpɔn Aramə, diɛ li kɔ́ pɛlɛi Israɛlə ɓa Afɛkə.

Tɔɔɓɛlaa dɔlɔɔ 20:29

Hvóló mɛ̨ihveelɛ yee mu, gɔ́laɠaɠaa hiɛi kɛ di kee tənən ma. Voló mɛ̨ihveelɛ yələ ɓə di gɔ́ yili ŋą. Israɛlə nuą di Aramə nuą nu waa nwun dɔ̨nɔ̨ paa kɔ́kulááɠaai kɛ di kɔ́wɔ ŋą di lɔwai.

Tɔɔɓɛlaa dɔlɔɔ 22:25

Mise yɛ mą: «Yɛ́ kpinįi ə kaa pai nąą kaai, a volói ə kaa pai kɛi pui la yɛ ə́ nwun mąąkilɛi kwɛli, ya lɔ bɛlɛ́ yii mu, ə́ kulɔ laa yɛ lɔ dakpɛli mu.»

Tɔɔɓɛlaa veelɛ 10:24

Ɉehu da Yonadavə di lɔ kɛa ɉalááɠaa kulɔ mɛ̨nį ɓa, da haláái da gelee kələn, əgɛ, di Baalə mąąwiɛ. Ɉehu aa kɛ kuláá pow mɛ̨ihaaɓa tɔɔ ɲɛnɛ̨ɛ̨, yɛ kɛ diɛ: «Nuą ŋɛ̨i gáá di tɛɛi ka pɔ, ka ta a dɔ̨nɔ̨ kpɛli lɛɛ laa a pu, mąą nu nwun a lɛɛ ɉu a nui tii pu bɔɔi.»

Tɔɔɓɛlaa veelɛ 9:2

Yá li, gɛ pələ kwɛli mą ə́ həli Ɉehu ɓa, yai a Ɉosafatə lon, yai tii a Nimsi mąnįn. Yá həli mą, ə́ dəli, ə́ gulɔ nąn nonnii lɔwai ka yáá ka li pɛlɛ́ lon da mu ka tɔ̨nɔ̨ kɛɛ nąą.

Kɔlɔnikɔ Veerɛi 18:24

Mise yɛ mą: «Yɛ́ kpįnįi ə́ kaa pai gaai, ɲələi ə́ kaa pai kɛi kulɔi la, pɛlɛ yii mu, yɛ́ li ə́ looi dakpɛli mui, ɲələ ɓə yá gaa la.»

Mąątɛ̨nɛ̨ 18:25

Ya ɓə gɛ, Yai-Laa yɛ və́la kulɔ, yɛ bələi nwɔ́ tələnmolaa kaa la; yɛ bələi ɲéé mąąhəɠɛɛ kɛ la ɲɛ̨i ɓa.

Azaya 24:18

Nui pai pui mąąɲɔw woo tɔwɔ, a too nowa hu, nui pai kulɔi nowa hu, a kɔ́ a maalə. Yələ kpon aa tee, lɔi kɔ́wɔ hvilɛn ɉiiɠaa diɛ kpɛlin.

Azaya 30:13

Yili ɓa nɛ̨ŋɛ̨n tii kaa pai kɛi kaa, yɛ pɛlɛ́ nwąnąi a ɓɛla donna, yɛ wɛan mą lɔ tanɔ̨n, yɛ pu nɔi ɓa.

Ɉeremi 48:44

Nui a pu ɲɔw tɔwɔ, a too lɔwai. Nui a kulɔ lɔwai, a too diŋɛ̨n ɉu. Gaa tii, gwɛlan mąąnɛ̨ɛ̨ ə nwoo hukulɔ la, mąą kwɛlan ga tii pai Moabə mɛ̨i. Yai-Laa woo li!

Amɔsə 5:19

Volói tii kaa yɛ: nu aa kɛi gilɛ həɠə Yala tɔwɔ, ə li ə kwiɛn a Kwɛ́li. Gaa yɛ: nu a lɔ pɛlɛ́n, aa kɛi kɛ ə ɲee pɛlɛ bɛlɛ ɓa, kaalə ə ɲin.

Amɔsə 9:3

Da di mąąkilɛ Karmɛlə yee ton na, Ŋą́ di kaa, ŋį́ di hon. Di ma lɔ gboloyá mu, ə gɛ, di di loo, ŋį́ mo gboloyá hu hɛnŋąą diɛ, di di ɲin.

Lukə 13:4

«A wala kɛ tii, gaa ka kwəi nu pow kɔ́w mɛ̨ihaaɓai ŋɛ̨i Siloe hįį ə pu di mɛ̨i, di hɔn mə kɛ ɲɔ̨nwɔ̨ɔ̨i dɛɛ Ɉerusalɛmə nuą kəlee diɛ?

Zasua 13:4

Kanaan lɔi kəlee da Meara lɔi, yii gaa a Sidɔn nuą di wɔ lɔi, ə həli la Afeka, ə həli la Amɔrə nuą ɲɛn ma.

Nwun mąąɓo 9:40

Abimelɛkə ə hvilɛn Gaalə pulu yɛ gbɛ. Di nu tamąą mąą nwąną kpɔ, gɛɛ di hvo kɛ həlii ɉįi la.

Samuɛlə dɔlɔɔ 29:1

Filisti nuą di di wɔ kɔ́kulááɠaa kəlee ɲąąkpɔn Afɛkə, Israɛlə nuą di di tɔɔ gulɔ ɲee lɔwai, Izreɛlə kwɛlɛ.