Tɔɔɓɛlaa dɔlɔɔ 20:27 - Yálá laawoo hɛɓɛ (dc)

²⁷ Israɛlə nuą kəlee di di ɲąąkpɔn, diɛ li Aramə nuą laakwiɛn ɉii a kɔ́. Israɛlə nuą di di wɔ kɔ́laɠi hee Aramə nuą tənən ma, a gbulu pɛlɛɛ hveelɛ yɛ ɓɛlaaɠaa; ya pa, Aramə nuą daa kɛ nɔi kəlee kpɛɛ mą a di kpulu.

Yálá laawoo hɛɓɛ

²⁷ Israɛlə nuą kəlee di di ɲąąkpɔn, diɛ li Aramə nuą laakwiɛn ɉii a kɔ́. Israɛlə nuą di di wɔ kɔ́laɠi hee Aramə nuą tənən ma, a gbulu pɛlɛɛ hveelɛ yɛ ɓɛlaaɠaa; ya pa, Aramə nuą daa kɛ nɔi kəlee kpɛɛ mą a di kpulu.

Bible

²⁷ Eezuɛ kɔ-kuluƃa-ŋai kɛ́ɛ da díkpîŋ kpɛ̀tɛ kɔ́ kɔ́ mɛni ma díkɔ kɔ́-sãai kélee kɛ́ ƃò díyêei, dí lì a gɛ́ɛ da dîa-ni dí koyâŋ. Eezuɛ-ƃelai dí díƃûui pù Siria-ƃelai díwɔ̂i kɔlɛ ma yɛ̂ɛ ƃoli kpûlu pɛlɛɛ feerɛ. Kɛ́lɛ Siria-ƃelai dí ǹɔii lá fɛ́ɛ a ŋ̀ánaa.

Tɔɔɓɛlaa dɔlɔɔ 20:27 ပူးပေါင်းရင်းမြစ်များ

Tɔɔɓɛlaa veelɛ 3:6

Nąąlɔwai, Yoramə ə kulɔ Samari ɲąą ɓa, ə nɔi nuą kəlee ɲąąkpɔn.

Ikilisiati 9:11

Ŋą́ą́ nwɔ̨nɔ̨ mɛ̨nį takpɛli kaa ɓɛ lɔi mɛ̨i, ya ɓaa: Nui mąąhulaa gilɛ həɠəi, ya lɔ hvəi a gilɛ həɠɛɛ dɔlɔ hɔlɔɓo; ɛlɛɛ, hvaŋą nąmįną lɔ hvəi kɔ́ a nɛ̨ɛ̨ diɛ; yili pulu, kilimąą mun nɔ hvəi a gbɔwɔ hɔlɔɓo yɛnɛ̨ɛ̨, ɛlɛɛ, nui nwun gaa ɉu, ya lɔ hvəi a kɛ a hɛn gɔw nąmu; kili mɛ̨nį kwɛli nuą lɔ hvəi da mąąwiɛ hɔlɔɓo. Mąąhɔlɔɓo, mɛ̨nį ɲąąnɛ̨ɛ̨ da ŋąąnwąnąą a həli nu kəlee ɓa.

Dutɛrɔnome 32:30

Nu tɔ̨nɔ̨ gbən a pɛli kɔ́kuláá waa tɔ̨nɔ̨ kpɛ pələ kɛi ləi? Nu hveelɛ da kɔ́ kɔ́kuláá waa pow kpɛ pələ kɛ ləi? Akɛ ɲą́ą́i a Israɛlə mɛ̨i kaa kwɛni və́ vaŋą tɛɛ li di pɔ, Akɛ ɲą́ą́i Yai-Laa və́ di lɔ di yee ŋą.

Zasua 1:11

«Ka tɛɛ daa nąą kəlee, kaa nuą diɛ: ‹Ka kɔnɔ̨nŋaa pɛli, mąąhɔlɔɓo hvóló haaɓa yeemu, gu kaa pai Ɉurdɛn yái ŋɛ̨i tee ɉii, nɔi ŋɛ̨i Yai-Laa ka wɔ Yálá ə dɛɛ ka pɔ ka nąą hɔlɔɓo a ka wɔɔ.›»

Nwun mąąɓo 6:3

Ɓɛlɔwai Israɛlə nuą da di wɔ tíiɠaai hin na, Madian nuą da Amalɛkə nuą, da nuąi ɲɛ̨i kɛi həɠə voló kulɔi pələ, diɛ pa toonwunma ɓa, di kɛi too Israɛlə nuą mɛ̨i,

Nwun mąąɓo 6:5

Nuąi tii kɛi mɛ̨nį ɲąąnwąnąą la Israɛlə nuą diɛ, di kpulu hu kɛnɛ̨i kɛ yɛ peeləɠaa, da di wɔ taatɛlɛɛɠaai, ə mą kɛ, ɉəɠə pɛlɛ́ɠaa kəlee. Diɛ, da di wɔ ɲɔ̨nwɔmɛɛɠaai, di kpulu hu kɛnɛ̨i kɛ. Di kɛi pa, diɛ nɔi hɛnŋaa kəlee həɠə.

Nwun mąąɓo 7:12

Madian nuą, Amalɛkə nuą, da doonwunma nuąi həɠə voló həɠəi pələ, di hu hiaa kpɔ kɛ nɛ̨ŋɛ̨ hu laa yɛ peeləɠaa. Di wɔ ɲɔ̨nwɔmɛ̨ɛ̨ɠaai, kwɛdɛn və kɛ mą, ə kɛ yɛ gboloyá kwɛlɛ ɲɛ̨ąkɔw.

Nwun mąąɓo 7:8

Zedeɔn da nu nwun-ɉaaɓai tii ɓə kɛa lɛɛ, ə mo yiiɠaai tii diɛ, yɛ diɛ: nu kəlee ə li bɔ taai. Kɛlaa, di kɔ̨nɔ̨n di paa la, da di wɔ túlúɠaai, di lɛɛ laa. Madian nuą di wɔ kɔ́ ɓuwui ə kɛ ɲee kɔ́wɔ la, ŋɛŋɛ hu.

Samuɛlə dɔlɔɔ 14:2

Saulə ə kɛ heeni Givea ɲɛ̨n ɉu, wulu kɛnɛ̨ ta mu, Migrɔn daai, nu nwun mɛ̨ida ɲɔ̨nwɔ̨mąn mə kɛ bɔ.